Éxodo 5
5
Yë Moisés ets Aarón myëtya'aktë mëët yë mëj'ënä'ämpë
1Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë:
Jëtu'un yë Wintsën y'ënä'äny yë Dios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.
2Ënet ja mëj'ënä'ämpë y'ëtsooy.
¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.
3Ënet y'ëtsoowtë:
Mëti'ipë yë hebreo ja'ayëty Tyios'ajtëpën yë'ëjës të xynyimintë, paaty oy kyopkpëkyëty etsës jam nëjkxtëty wintë'ëtstum, jää jëtää jyëkämëty tëkëëk xëëw ye'eyën mëët yaa, yë'ë ëëts nëjkx nmo'oja'antë yë wyintsë'kën yë Wintsën, mëti'ipës nTios'ajtëpën, këtiipës n'ëk'o'knëtëty mëët yë pa'am ëyo'on ëkë tsip käjpxy.
4E ja mëj'ënä'ämpë mëti'ipë jap Egiptë yajkutujkpën tyaa ojts y'ëtsowëtë:
Mijts Moisés ets mijts Aarón ¿tii ko nëkoo ja'ayëty xywyinma'anytyuktëkëtë ma jam tyuntën? Nëjkxtë, nëjkx yë mtuunk ixtë.
5Jëtu'un ojts yë yajkutujkpë näjyëtu'un y'ënë'ëmxëtë:
Ma tyam yajxon të nyimayëtën yë Israel ja'ayëty, tii mijts ënät m'ëtukantëp ets ka'ap tyuntëtyë.
6Jä'ä xëëw ojts ja mëj'ënä'ämpë t'ënä'ämta'ay ja ja'ayëty mëti'ipë ja tuunk nyiwintsën'ajtëpën maajaty ja ja'ay tyuntën ets t'ënëmaay:
7Këtii xy'ëkmooynyëtëty yë Israel ja'ayëty yë mëëy jëtu'un tä të y'ityën ets yë'ë myuuty tukyajkojtëty, ko tyajmëyatëty yë myiiyëty, kë'ëm nëjkx t'ixta'atë. 8E yë muutsy näjyëtu'un may je'eyëm xytyuk'ënä'ämtëty, jëtu'un tä tyampaat tyajkojtën, nitu'uk kyatëkoy'atëty. Yë'ëjëty nëkoo je'eyë nyuux'atë, paaty ya'axtë jyoktë ets y'ëna'antë: nëjkx ëëts yë Dios yë wyintsë'kën n'ëkmo'otë. 9Mëk tääpë ja'ayëty xyajtuntëty ets këtii ninu'un xyajpo'kxtëty, këtiipë tmëpëktëty mëti'ipë ja win'ëënanëtëpën.
10Ënet ojts jam tsyo'onëtë ja ja'ayëty mëti'ipë ja tuunk nyiwintsën'ajtëpën ets myiintë ma ënety jam ja mayjyä'äyëtyën ets t'ënëmaaytyë:
Yë mëj'ënä'ämpë jëtu'un y'ënä'äny, ko ka'apëk m'ëk yajmooynyëtëty yë mëëy. 11Tyam miits ënät kë'ëm m'ixtëp pën maa xypyaatë mmëëy. E kajts ënät m'ëna'antëty ko yajkuwijtsy ja mtuunkëty, yë muutsy je'eyëm xyajkojtëty, tääyëm xyajkojtën. 12Ënet ja Israel ja'ayëty tukye'eyëtyääytyë ja itjot jap Egiptë. Yë'ë y'ëxtaaytyëp yë kepywyäy ets ja mëëy, mëti'ipë yajtunantëpën ets ja mo'onts mëët tukyaj'ooka'antë.
13-14Mëti'ipë ja yajkutujkpë ojts tpëjktä'äkyën ets ja tuunk jä'ä tniwintsën'atëty, winjëpom ja tuunk tni'ënä'ämëtë ets ja muutsy jëtu'un may tyajkojtëty tääyëm ënety tyajkojtën, ko ja mëëy ënety yajmo'otë. E ma ja ja'ayëty ënety naniwäänë tyuntën ets tkayajtsojka'pxtë ja muutsy, yajxon ënety yajwojpnëtë mëti'ipë nyikopk'ajtëpën ja myëku'uktëjkëty mëti'ipë tuuntëpën.
¿Tiitsën ko ka'ap xytyimyajka'pxnëtë yë muutsy, ëxë'ëy näjyëtu'un xy'ëktuunk'ajtëpë e tyam näy timjëtu'un?
15Ënet ojts nyëjkxtë jam ma ja mëj'ënä'ämpë ja mëti'ipë nyikopk'ajtëpën ja Israel ja'ayëty ets y'ënantë:
¿Wintsën, tii ko jëtu'un xytyimtuny yë mtuunpë? 16Mja'ijxyp kë'ëm ko ëëtsëty ka'apës pën xy'ëkmooynyëtë ja mëëy, e ja muutsy je'eyëm ëëts may nyajtuk'ënä'ämtë nyajkojtëtyës ets ka'ap yi'iyëty, näjyëtu'un ëëtsëty nëkooyë nyajwojp nyajka'tsnëtë. E yë'ëjës npoky'ijxtëp yë mja'ay mijts mëj'ënä'ämpë.
17Ja yajkutujkpë, tyaa ja y'ëtsooy:
Miitsëty nitii mkamayëtë, je'eyë nëkoo m'ëxëëktëkoynyuux'atë, paaty ja winma'any xypyaatë ets m'ëna'antë: Nëjkx ëëts yë Dios yë wyintsë'kën n'ëkmo'otë. 18Nëjkx yë mtuunkëty yajtu'uye'eytyë, oy yë mëëy mkayajmo'otëty, yë muutsy je'eyëmës yam ntsoky.
19Ja mëti'ipë nyikopk'ajtëpën ja Israel ja'ayëty mëk tja'awëtyë ko jëtu'un ja mëj'ënä'ämpë y'ëtsoowëtë, ko näy je'eyëm ja muutsy tkë'ëyaktëty xëmë winjëpom ets ka'ap mëpaat yajkuwitsy. 20Ko jam tsyo'onëtë ma ja yajkutujkpën, ënät mëët nyäpyatëtë ja Moisés ets ja Aarón ma ënety jam y'ëwxitën, 21ets y'ënëmaayëtë:
Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.
Wi'ix ojts yë Moisés wyanë tsyowën
22Ënet yë Moisés t'ënëmaay yë Dios ma ënety jam wyanë tsyowën:
¿Wintsën wi'ix ko jëtu'un ya'atë naax kajpn ëxëëk xytyuny? ¿Wi'ix ko ëjts të xykyäjxpë? 23Jä'ä xëëw maas ëka'any yaa nmiinyën etsës yë yajkutujkpë ntukmëmëtya'akëty yë mxëëw, yë'ë ni'ikyë yë mnaax mkajpn o'ktëy tuunë t'ënëmaaynyë e mijts nitii wäänë xykyatuny ets jeexyë ja mnaax mkajpn xyaj'ëwaatsëpëtsëmy.
المحددات الحالية:
Éxodo 5: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 5
5
Yë Moisés ets Aarón myëtya'aktë mëët yë mëj'ënä'ämpë
1Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë:
Jëtu'un yë Wintsën y'ënä'äny yë Dios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.
2Ënet ja mëj'ënä'ämpë y'ëtsooy.
¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.
3Ënet y'ëtsoowtë:
Mëti'ipë yë hebreo ja'ayëty Tyios'ajtëpën yë'ëjës të xynyimintë, paaty oy kyopkpëkyëty etsës jam nëjkxtëty wintë'ëtstum, jää jëtää jyëkämëty tëkëëk xëëw ye'eyën mëët yaa, yë'ë ëëts nëjkx nmo'oja'antë yë wyintsë'kën yë Wintsën, mëti'ipës nTios'ajtëpën, këtiipës n'ëk'o'knëtëty mëët yë pa'am ëyo'on ëkë tsip käjpxy.
4E ja mëj'ënä'ämpë mëti'ipë jap Egiptë yajkutujkpën tyaa ojts y'ëtsowëtë:
Mijts Moisés ets mijts Aarón ¿tii ko nëkoo ja'ayëty xywyinma'anytyuktëkëtë ma jam tyuntën? Nëjkxtë, nëjkx yë mtuunk ixtë.
5Jëtu'un ojts yë yajkutujkpë näjyëtu'un y'ënë'ëmxëtë:
Ma tyam yajxon të nyimayëtën yë Israel ja'ayëty, tii mijts ënät m'ëtukantëp ets ka'ap tyuntëtyë.
6Jä'ä xëëw ojts ja mëj'ënä'ämpë t'ënä'ämta'ay ja ja'ayëty mëti'ipë ja tuunk nyiwintsën'ajtëpën maajaty ja ja'ay tyuntën ets t'ënëmaay:
7Këtii xy'ëkmooynyëtëty yë Israel ja'ayëty yë mëëy jëtu'un tä të y'ityën ets yë'ë myuuty tukyajkojtëty, ko tyajmëyatëty yë myiiyëty, kë'ëm nëjkx t'ixta'atë. 8E yë muutsy näjyëtu'un may je'eyëm xytyuk'ënä'ämtëty, jëtu'un tä tyampaat tyajkojtën, nitu'uk kyatëkoy'atëty. Yë'ëjëty nëkoo je'eyë nyuux'atë, paaty ya'axtë jyoktë ets y'ëna'antë: nëjkx ëëts yë Dios yë wyintsë'kën n'ëkmo'otë. 9Mëk tääpë ja'ayëty xyajtuntëty ets këtii ninu'un xyajpo'kxtëty, këtiipë tmëpëktëty mëti'ipë ja win'ëënanëtëpën.
10Ënet ojts jam tsyo'onëtë ja ja'ayëty mëti'ipë ja tuunk nyiwintsën'ajtëpën ets myiintë ma ënety jam ja mayjyä'äyëtyën ets t'ënëmaaytyë:
Yë mëj'ënä'ämpë jëtu'un y'ënä'äny, ko ka'apëk m'ëk yajmooynyëtëty yë mëëy. 11Tyam miits ënät kë'ëm m'ixtëp pën maa xypyaatë mmëëy. E kajts ënät m'ëna'antëty ko yajkuwijtsy ja mtuunkëty, yë muutsy je'eyëm xyajkojtëty, tääyëm xyajkojtën. 12Ënet ja Israel ja'ayëty tukye'eyëtyääytyë ja itjot jap Egiptë. Yë'ë y'ëxtaaytyëp yë kepywyäy ets ja mëëy, mëti'ipë yajtunantëpën ets ja mo'onts mëët tukyaj'ooka'antë.
13-14Mëti'ipë ja yajkutujkpë ojts tpëjktä'äkyën ets ja tuunk jä'ä tniwintsën'atëty, winjëpom ja tuunk tni'ënä'ämëtë ets ja muutsy jëtu'un may tyajkojtëty tääyëm ënety tyajkojtën, ko ja mëëy ënety yajmo'otë. E ma ja ja'ayëty ënety naniwäänë tyuntën ets tkayajtsojka'pxtë ja muutsy, yajxon ënety yajwojpnëtë mëti'ipë nyikopk'ajtëpën ja myëku'uktëjkëty mëti'ipë tuuntëpën.
¿Tiitsën ko ka'ap xytyimyajka'pxnëtë yë muutsy, ëxë'ëy näjyëtu'un xy'ëktuunk'ajtëpë e tyam näy timjëtu'un?
15Ënet ojts nyëjkxtë jam ma ja mëj'ënä'ämpë ja mëti'ipë nyikopk'ajtëpën ja Israel ja'ayëty ets y'ënantë:
¿Wintsën, tii ko jëtu'un xytyimtuny yë mtuunpë? 16Mja'ijxyp kë'ëm ko ëëtsëty ka'apës pën xy'ëkmooynyëtë ja mëëy, e ja muutsy je'eyëm ëëts may nyajtuk'ënä'ämtë nyajkojtëtyës ets ka'ap yi'iyëty, näjyëtu'un ëëtsëty nëkooyë nyajwojp nyajka'tsnëtë. E yë'ëjës npoky'ijxtëp yë mja'ay mijts mëj'ënä'ämpë.
17Ja yajkutujkpë, tyaa ja y'ëtsooy:
Miitsëty nitii mkamayëtë, je'eyë nëkoo m'ëxëëktëkoynyuux'atë, paaty ja winma'any xypyaatë ets m'ëna'antë: Nëjkx ëëts yë Dios yë wyintsë'kën n'ëkmo'otë. 18Nëjkx yë mtuunkëty yajtu'uye'eytyë, oy yë mëëy mkayajmo'otëty, yë muutsy je'eyëmës yam ntsoky.
19Ja mëti'ipë nyikopk'ajtëpën ja Israel ja'ayëty mëk tja'awëtyë ko jëtu'un ja mëj'ënä'ämpë y'ëtsoowëtë, ko näy je'eyëm ja muutsy tkë'ëyaktëty xëmë winjëpom ets ka'ap mëpaat yajkuwitsy. 20Ko jam tsyo'onëtë ma ja yajkutujkpën, ënät mëët nyäpyatëtë ja Moisés ets ja Aarón ma ënety jam y'ëwxitën, 21ets y'ënëmaayëtë:
Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.
Wi'ix ojts yë Moisés wyanë tsyowën
22Ënet yë Moisés t'ënëmaay yë Dios ma ënety jam wyanë tsyowën:
¿Wintsën wi'ix ko jëtu'un ya'atë naax kajpn ëxëëk xytyuny? ¿Wi'ix ko ëjts të xykyäjxpë? 23Jä'ä xëëw maas ëka'any yaa nmiinyën etsës yë yajkutujkpë ntukmëmëtya'akëty yë mxëëw, yë'ë ni'ikyë yë mnaax mkajpn o'ktëy tuunë t'ënëmaaynyë e mijts nitii wäänë xykyatuny ets jeexyë ja mnaax mkajpn xyaj'ëwaatsëpëtsëmy.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.