Génesis 36
36
Yë Esaú y'u'unk y'o'k
1Ya'atë y'u'unk'ajt y'ëna'k'ajt yë Esaú, mëti'ipë näjyëtu'un yajtijpën Edom. 2Yë Esaú yë'ë pyëjk yë to'oxytyëjkëty mëti'ipë ënety jam kukajpnajtëpën Canaán. Tu'uk yë tyo'oxytyëjk jä'ä xyëëwajt Ada, yë Elón yë nyëëx, ja Hit ja'ay; wiinkpë tyo'oxytyëjk jä'ä xyëëwajt Oholibamá, yë'ë nyëëx yë Aná, yë Sibón yë y'oknëëx, ja Heve ja'ay; 3wiinkpë tyo'oxytyëjk jä'ä xyëëwajt Basemat, yë'ë nyëëx yë Ismael, yë y'uty yë Nebaiot. 4Yë Ada y'u'unk mëti'ipë mëët t'u'unk'atyën yë Esaú, jä'ä xyëëwajtyp Elifaz, yë Basemat jä'ä y'u'unk xyëëwajt Reuel. 5Yë Oholibamá yë'ë yajmëxu'unk'ajt yë Jeús, tääts yë Jaalam ets Coré. Ya'atë jëtu'un yë y'u'unk y'ëna'k yë Esaú, mëti'ipë ojts myintën jya'tën naaxwiiny ko ënety jam tsyëënëtë Canaán nyaaxjotm.
6Ënet yë Esaú tmëtso'ontaay yë y'u'unk y'ëna'k ets y'u'unk tyo'oxytyëjk ets tu'kë'ëyë jënu'un ënety winë tmëët'atyën ma jam të tsyëënën, yë'ë myëjëkämkekpy ja y'uty Jacob, jä'ä ko may ënety winë tmëët'ajnë. Ojts tëkokyë tmënëjkxta'ay jënu'un ënety winë të tpaaty të t'ixyën jam Canaán, 7e ja y'uty Jacob nän may winë tmëët'ajnë paaty ka'ap t'ëkjëkyäjpnë nimäjtsk y'ijtmuktëty, ja naax kam ka'ap y'ëknipatënë ma ja jyëyujk tsajpkaa, tsajppax kupixyny tyänëtëty. 8Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.
9Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir. 10Ya'atë y'u'unk'ajt y'ëna'k'ajt yë Esaú. Tu'uk txëëwaty Elifaz, yë'ë y'u'unk yë Ada, Esaú tyo'oxytyëjk; wiinkpë txëëwaty Reuel, yë'ë y'u'unk yë Basemat yë Esaú tyo'oxytyëjk. 11Yë y'u'unk y'ëna'k yë Elifaz jä'ä xyëëwajtë Temán, Omar, Sefó, Gatam ets Cenaz. 12Yë Elifaz tam ijty wiinkpë to'oxytyëjk tmëëtëty mëti'ipë yajmëtuumpyën, jä'ä txëëwaty Timná. Ojts tu'uk yë u'unk maay tyajja'ty naaxwiiny, jä'ä txëëwmooy Amalec. Ya'atë jëtu'un y'u'unk'ajt y'ëna'k'ajt yë Ada, yë Esaú yë tyo'oxytyëjk mëtu'ukpë. 13Yë y'u'unk y'ëna'k yë Reuel, jä'ä xyëëwajtë Náhat, Zérah, Samá ets Mizá. Ya'atë y'u'unk'ajt y'ëna'k'ajt yë Basemat ja wiinkpë tyo'oxytyëjk yë Esaú. 14Oholibamá xyëëwajt yë wiinkpë yë tyo'oxytyëjk yë Esaú mëti'ipë yë Oholibamá y'u'unk'ajtën, jä'ä xyëëwajtë Jeús, Jaalam ets Coré; yë Oholibamá yë tyaak'ajt yë Aná ets y'oknëëx yë Sibón.
15Ya'atë ojts y'ënä'ämtë ma ja jyä'äyëtyën mëti'ipë y'u'unk'ajt y'ëna'k'ajtën yë Esaú. Ja myëtu'uk u'unk jä'ä xyëëwajt Elifaz; ma Elifaz yë y'u'unk y'ëna'kën, yë myëtu'uk u'unk yë Esaú. Yë'ë ënä'ämpë ijtë Temán, Omar, Sefó Cenaz, 16Coré, Gatam ets Amalec. Ya'atë ojts y'itë ënä'ämpë ma ja Elifaz ja y'u'unk y'ëna'kën, jam ma Edom nyaaxjotmën ets ya'atë yë'ë tyaak'ajtë yë Ada. 17Ma ja y'u'unk y'ëna'kën ja Reuel yë Esaú myaank, yë'ë ojts y'itë ënä'ämpë: Náhat, Zérah, Samá ets Mizá. Yë'ë ojts y'itë ënä'ämpë ma ja Reuel ja y'u'unk y'ëna'kën jam ma ja Edom ja nyaaxjotmën ets jä'ä tyaak xyëëwajtë Basemat yë Esaú tyo'oxytyëjk. 18Ma y'u'unk y'ëna'kën yë Oholibamá, yë nyëëx yë Aná, yë Esaú mëtëkëëkpë tyo'oxytyëjk; yë'ë ojts jam ënä'ämpë y'itë, Jeús, Jaalam ets Coré. 19Tu'kë'ëyë yë'ëjëty yë tyeety'ajt y'ap'ajtë yë Esaú, mëti'ipë näjyëtu'un yajtijpën Edom. Yë'ë jëtu'un ojts y'ënä'ämtë ma ja nyaax kyajpnëtyën ets ma jyiiky myëku'ukëtyën.
20Yë Seir, mëti'ipë Hor ja'ayën, jampë tsyëënëtën ma jam ja it naaxwiinyëtë, jä'ä y'u'unk y'ëna'k xyëëwajtë Lotán, Sobal, Sibón, Aná, 21ets wiinkpë txëëwajtë Disón, Éser ets Disán; ya'atë ojts y'ënä'ämtë ma Hor ja'ayëtyën, mëti'ipë y'u'unk'ajt y'ëna'k'ajtën yë Seir jam Edom nyaaxjotm. 22Yë y'u'unk y'ëna'k yë Lotán, jä'ä xyëëwajtë Horí ets Hemam; ja to'oxytyëjk mëti'ipë xyëëwajtypyën Dimná yë'ë Lotán yë myëkä'äx. 23Yë y'u'unk y'ëna'k yë Sobal, jä'ä xyëëwajtë Alván, Manáhat, Ebal, Sefó ets Onam. 24Yë y'u'unk y'ëna'k yë Sibón jä'ä xyëëwajtë Aiá ets Aná. Yë Aná yë'ë ojts tëkok tpaaty ja nëëwooky jam wintë'ës'itum, ma ënety jam kyërukts këwent'atyën, mëti'ipë ja tyeety Sibón jyä'ä'ajtypyën. 25Yë Aná ojts tu'uk yë y'u'unk myääy tyajmëxu'unk'aty, mëti'ipë xyëëwmooyën Disón ets tu'uk yë nyëëx mëti'ipë xyëëwmooyën Oholibamá. 26Yë y'u'unk y'ëna'k yë Disón jä'ä xyëëwajt Hemdán, Esbán, Itrán ets Queran. 27Yë y'u'unk y'ëna'k yë Éser, jä'ä xyëëwajtë Bilhán, Zaaván ets Acán. 28Yë y'u'unk y'ëna'k yë Disán, jä'ä xyëëwajtë Uz ets Arán.
29Mëti'ipë ojts y'ënä'ämtën ets y'ijtë mëj'äämpy ma Hor ja'ayëtyën, jä'ä xyëëwajtë: Sobal, Sibón, Aná, 30Éser ets Disán. Ya'atë ojts y'itë mëj'äämpy ma Hor ja'ayëtyën, aakmëët yë jyiiky myëku'ukëty ets y'u'unk y'ëna'këty jam ma ja naaxjot txëëwatyën Seir.
31Ya'atë ojts yajkutujkpë'atë mëti'ipë ojts y'ënä'ämtën Edom, ma ënety yë Israel ja'ayëty ka'anëm yë yajkutujkpë tmëët'atënëm. 32Tu'uk xyëëwajtyp Belá, yë'ë y'u'unk yë Beor; yë'ë ojts yajkutujkpë'aty jam Edom ma tu'uk kajpn txëëwatyën Dinhabá. 33Ko ojts yë Belá y'o'knë, yë'ë ojts kyutëkëty Jobab, yë Zorá y'u'unk; jam kyukajpnëty ma tu'uk kajpn txëëwatyën Bosrá. 34Ko yë Jobab ojts y'o'knë, yë'ë ojts kyutëkëty yë Husam ets yë'ë yajkutujkpë'atëty; jam ënety kyunaax kyukajpnëty ma txëëwatyën Temán. 35Ko ojts yë Husam y'o'knë yë ojts kyutëkëty yë Hadad ets yë'ë yajkutujkpë'atëty; yë'ë y'u'unk yë Bedad, mëti'ipë ojts tmëmëtä'äkyën yë Madián ja'ay, ko tsyiptuuntë jam ma nyaax jyotën yë Moab, jam ënety kyukajpnëty ma txëëwatyën Avít. 36Ko yë Hadad y'o'ky, yë'ë ojts kyutëkëty yë Samlá, jam kyukajpnëty ma tu'uk yë naax kajpn txëëwatyën Masrecá. 37Ko ojts y'o'knë yë Samlá, yë'ë ojts kyutëkëty yë Saúl ets yë'ë yajkutujkpë'atëty; jam ënety kyukajpnëty ma tu'uk yë naax kajpn txëëwatyën Rehobot, jam tu'uk yë mëjnëë nyäxy yë'ë myëwinkon'ajtyp. 38Ko ojts yë Saúl y'o'knë, yë'ë ojts kyutëkëty Baal-hanán, yë'ë y'u'unk yë Acbor ets yë'ë yajkutujkpë'atëty. 39E ko ojts y'o'knë näjyëtu'un yë Baal-hanán yë'ë ojts kyutëkëty yë Hadad, jam ënety kyukajpnëty ma tu'uk yë kajpn txëëwatën Pau. Yë tyo'oxytyëjk jä'ä xyëëwajtyp Mehetabel, yë'ë nyëëx yë Matred ets yë'ë y'oknëëx yë Mezaab.
40Yë'ë jëtu'un yaa xyëëw miintëp mëti'ipë jyä'äyajtën yë Esaú, aakmëët yë y'u'unk y'ëna'këty ets nyaax kyamëty ets xyëëwëty, Dimná, Alva, Jetet, 41Oholibamá, Elá, Pinón. 42Cenaz, Temán, Mibsar, 43Magdiel ets Iram. Esaú, mëti'ipë näjyëtu'un yajtijpën Edom. Ya'atë ja'ayëty mëti'ipë xyëëw të yajkajpxnaxtën yë'ë ojts nikopk'atë yë jyä'äyëty ma Edom nyaaxjotmën, jëtu'un ijxtëm yë nyaaxjotmëtyën ma ënety tsyëënëtën jyuuky'atën ets tu'kë'ëyë mëti'ipë ënety jyä'ä'ajtëpën.
المحددات الحالية:
Génesis 36: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Génesis 36
36
Yë Esaú y'u'unk y'o'k
1Ya'atë y'u'unk'ajt y'ëna'k'ajt yë Esaú, mëti'ipë näjyëtu'un yajtijpën Edom. 2Yë Esaú yë'ë pyëjk yë to'oxytyëjkëty mëti'ipë ënety jam kukajpnajtëpën Canaán. Tu'uk yë tyo'oxytyëjk jä'ä xyëëwajt Ada, yë Elón yë nyëëx, ja Hit ja'ay; wiinkpë tyo'oxytyëjk jä'ä xyëëwajt Oholibamá, yë'ë nyëëx yë Aná, yë Sibón yë y'oknëëx, ja Heve ja'ay; 3wiinkpë tyo'oxytyëjk jä'ä xyëëwajt Basemat, yë'ë nyëëx yë Ismael, yë y'uty yë Nebaiot. 4Yë Ada y'u'unk mëti'ipë mëët t'u'unk'atyën yë Esaú, jä'ä xyëëwajtyp Elifaz, yë Basemat jä'ä y'u'unk xyëëwajt Reuel. 5Yë Oholibamá yë'ë yajmëxu'unk'ajt yë Jeús, tääts yë Jaalam ets Coré. Ya'atë jëtu'un yë y'u'unk y'ëna'k yë Esaú, mëti'ipë ojts myintën jya'tën naaxwiiny ko ënety jam tsyëënëtë Canaán nyaaxjotm.
6Ënet yë Esaú tmëtso'ontaay yë y'u'unk y'ëna'k ets y'u'unk tyo'oxytyëjk ets tu'kë'ëyë jënu'un ënety winë tmëët'atyën ma jam të tsyëënën, yë'ë myëjëkämkekpy ja y'uty Jacob, jä'ä ko may ënety winë tmëët'ajnë. Ojts tëkokyë tmënëjkxta'ay jënu'un ënety winë të tpaaty të t'ixyën jam Canaán, 7e ja y'uty Jacob nän may winë tmëët'ajnë paaty ka'ap t'ëkjëkyäjpnë nimäjtsk y'ijtmuktëty, ja naax kam ka'ap y'ëknipatënë ma ja jyëyujk tsajpkaa, tsajppax kupixyny tyänëtëty. 8Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.
9Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir. 10Ya'atë y'u'unk'ajt y'ëna'k'ajt yë Esaú. Tu'uk txëëwaty Elifaz, yë'ë y'u'unk yë Ada, Esaú tyo'oxytyëjk; wiinkpë txëëwaty Reuel, yë'ë y'u'unk yë Basemat yë Esaú tyo'oxytyëjk. 11Yë y'u'unk y'ëna'k yë Elifaz jä'ä xyëëwajtë Temán, Omar, Sefó, Gatam ets Cenaz. 12Yë Elifaz tam ijty wiinkpë to'oxytyëjk tmëëtëty mëti'ipë yajmëtuumpyën, jä'ä txëëwaty Timná. Ojts tu'uk yë u'unk maay tyajja'ty naaxwiiny, jä'ä txëëwmooy Amalec. Ya'atë jëtu'un y'u'unk'ajt y'ëna'k'ajt yë Ada, yë Esaú yë tyo'oxytyëjk mëtu'ukpë. 13Yë y'u'unk y'ëna'k yë Reuel, jä'ä xyëëwajtë Náhat, Zérah, Samá ets Mizá. Ya'atë y'u'unk'ajt y'ëna'k'ajt yë Basemat ja wiinkpë tyo'oxytyëjk yë Esaú. 14Oholibamá xyëëwajt yë wiinkpë yë tyo'oxytyëjk yë Esaú mëti'ipë yë Oholibamá y'u'unk'ajtën, jä'ä xyëëwajtë Jeús, Jaalam ets Coré; yë Oholibamá yë tyaak'ajt yë Aná ets y'oknëëx yë Sibón.
15Ya'atë ojts y'ënä'ämtë ma ja jyä'äyëtyën mëti'ipë y'u'unk'ajt y'ëna'k'ajtën yë Esaú. Ja myëtu'uk u'unk jä'ä xyëëwajt Elifaz; ma Elifaz yë y'u'unk y'ëna'kën, yë myëtu'uk u'unk yë Esaú. Yë'ë ënä'ämpë ijtë Temán, Omar, Sefó Cenaz, 16Coré, Gatam ets Amalec. Ya'atë ojts y'itë ënä'ämpë ma ja Elifaz ja y'u'unk y'ëna'kën, jam ma Edom nyaaxjotmën ets ya'atë yë'ë tyaak'ajtë yë Ada. 17Ma ja y'u'unk y'ëna'kën ja Reuel yë Esaú myaank, yë'ë ojts y'itë ënä'ämpë: Náhat, Zérah, Samá ets Mizá. Yë'ë ojts y'itë ënä'ämpë ma ja Reuel ja y'u'unk y'ëna'kën jam ma ja Edom ja nyaaxjotmën ets jä'ä tyaak xyëëwajtë Basemat yë Esaú tyo'oxytyëjk. 18Ma y'u'unk y'ëna'kën yë Oholibamá, yë nyëëx yë Aná, yë Esaú mëtëkëëkpë tyo'oxytyëjk; yë'ë ojts jam ënä'ämpë y'itë, Jeús, Jaalam ets Coré. 19Tu'kë'ëyë yë'ëjëty yë tyeety'ajt y'ap'ajtë yë Esaú, mëti'ipë näjyëtu'un yajtijpën Edom. Yë'ë jëtu'un ojts y'ënä'ämtë ma ja nyaax kyajpnëtyën ets ma jyiiky myëku'ukëtyën.
20Yë Seir, mëti'ipë Hor ja'ayën, jampë tsyëënëtën ma jam ja it naaxwiinyëtë, jä'ä y'u'unk y'ëna'k xyëëwajtë Lotán, Sobal, Sibón, Aná, 21ets wiinkpë txëëwajtë Disón, Éser ets Disán; ya'atë ojts y'ënä'ämtë ma Hor ja'ayëtyën, mëti'ipë y'u'unk'ajt y'ëna'k'ajtën yë Seir jam Edom nyaaxjotm. 22Yë y'u'unk y'ëna'k yë Lotán, jä'ä xyëëwajtë Horí ets Hemam; ja to'oxytyëjk mëti'ipë xyëëwajtypyën Dimná yë'ë Lotán yë myëkä'äx. 23Yë y'u'unk y'ëna'k yë Sobal, jä'ä xyëëwajtë Alván, Manáhat, Ebal, Sefó ets Onam. 24Yë y'u'unk y'ëna'k yë Sibón jä'ä xyëëwajtë Aiá ets Aná. Yë Aná yë'ë ojts tëkok tpaaty ja nëëwooky jam wintë'ës'itum, ma ënety jam kyërukts këwent'atyën, mëti'ipë ja tyeety Sibón jyä'ä'ajtypyën. 25Yë Aná ojts tu'uk yë y'u'unk myääy tyajmëxu'unk'aty, mëti'ipë xyëëwmooyën Disón ets tu'uk yë nyëëx mëti'ipë xyëëwmooyën Oholibamá. 26Yë y'u'unk y'ëna'k yë Disón jä'ä xyëëwajt Hemdán, Esbán, Itrán ets Queran. 27Yë y'u'unk y'ëna'k yë Éser, jä'ä xyëëwajtë Bilhán, Zaaván ets Acán. 28Yë y'u'unk y'ëna'k yë Disán, jä'ä xyëëwajtë Uz ets Arán.
29Mëti'ipë ojts y'ënä'ämtën ets y'ijtë mëj'äämpy ma Hor ja'ayëtyën, jä'ä xyëëwajtë: Sobal, Sibón, Aná, 30Éser ets Disán. Ya'atë ojts y'itë mëj'äämpy ma Hor ja'ayëtyën, aakmëët yë jyiiky myëku'ukëty ets y'u'unk y'ëna'këty jam ma ja naaxjot txëëwatyën Seir.
31Ya'atë ojts yajkutujkpë'atë mëti'ipë ojts y'ënä'ämtën Edom, ma ënety yë Israel ja'ayëty ka'anëm yë yajkutujkpë tmëët'atënëm. 32Tu'uk xyëëwajtyp Belá, yë'ë y'u'unk yë Beor; yë'ë ojts yajkutujkpë'aty jam Edom ma tu'uk kajpn txëëwatyën Dinhabá. 33Ko ojts yë Belá y'o'knë, yë'ë ojts kyutëkëty Jobab, yë Zorá y'u'unk; jam kyukajpnëty ma tu'uk kajpn txëëwatyën Bosrá. 34Ko yë Jobab ojts y'o'knë, yë'ë ojts kyutëkëty yë Husam ets yë'ë yajkutujkpë'atëty; jam ënety kyunaax kyukajpnëty ma txëëwatyën Temán. 35Ko ojts yë Husam y'o'knë yë ojts kyutëkëty yë Hadad ets yë'ë yajkutujkpë'atëty; yë'ë y'u'unk yë Bedad, mëti'ipë ojts tmëmëtä'äkyën yë Madián ja'ay, ko tsyiptuuntë jam ma nyaax jyotën yë Moab, jam ënety kyukajpnëty ma txëëwatyën Avít. 36Ko yë Hadad y'o'ky, yë'ë ojts kyutëkëty yë Samlá, jam kyukajpnëty ma tu'uk yë naax kajpn txëëwatyën Masrecá. 37Ko ojts y'o'knë yë Samlá, yë'ë ojts kyutëkëty yë Saúl ets yë'ë yajkutujkpë'atëty; jam ënety kyukajpnëty ma tu'uk yë naax kajpn txëëwatyën Rehobot, jam tu'uk yë mëjnëë nyäxy yë'ë myëwinkon'ajtyp. 38Ko ojts yë Saúl y'o'knë, yë'ë ojts kyutëkëty Baal-hanán, yë'ë y'u'unk yë Acbor ets yë'ë yajkutujkpë'atëty. 39E ko ojts y'o'knë näjyëtu'un yë Baal-hanán yë'ë ojts kyutëkëty yë Hadad, jam ënety kyukajpnëty ma tu'uk yë kajpn txëëwatën Pau. Yë tyo'oxytyëjk jä'ä xyëëwajtyp Mehetabel, yë'ë nyëëx yë Matred ets yë'ë y'oknëëx yë Mezaab.
40Yë'ë jëtu'un yaa xyëëw miintëp mëti'ipë jyä'äyajtën yë Esaú, aakmëët yë y'u'unk y'ëna'këty ets nyaax kyamëty ets xyëëwëty, Dimná, Alva, Jetet, 41Oholibamá, Elá, Pinón. 42Cenaz, Temán, Mibsar, 43Magdiel ets Iram. Esaú, mëti'ipë näjyëtu'un yajtijpën Edom. Ya'atë ja'ayëty mëti'ipë xyëëw të yajkajpxnaxtën yë'ë ojts nikopk'atë yë jyä'äyëty ma Edom nyaaxjotmën, jëtu'un ijxtëm yë nyaaxjotmëtyën ma ënety tsyëënëtën jyuuky'atën ets tu'kë'ëyë mëti'ipë ënety jyä'ä'ajtëpën.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.