Génesis 45
45
José nyäkyajpxkëxë'ëkyë ma myëkä'äxtëjkën
1José ka'ap ojts y'ëknämyajts'ijtënë ma ja mayjyä'äyën, mëti'ipë mëët tyuunmukyën, paaty yujk'ënany: Pëtsëëmta'atë yaa. Paaty ko ojts nyäkyajpxkëxë'ëkyë ma ja myëkä'äxtëjkën, ni pën ënety jap kyayajpaaty tëkoty.
2Tä tyëjkëy yajxon yaxpë, mëk jyänty yäxy, tä nija'awëtyääytyë ja Egiptë ja'ayëty, jampaat ojts ja nija'awën jyä'ty ma ja yajkutujkpë yajkutukyën. 3Ënet ja José t'ënëmaay ja myëkä'äxtëjk:
Ëjts jëtu'un José. ¿Jamës ja nteety jyuuky'ätynyëmë?
Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënety t'ëkjëkyäjpnë y'ëtsowtëty. 4Ënet yë José y'ënëmaayëtë:
Tuntë mëyajtën mëwinkoontëkës.
Ko yë'ëjëty myëjwa'ktë, ënät ja José t'ënëmaayëtë:
Ëjts jëtu'un mijts yë m'utyëty José mëti'ipë ojts xytyooktën etsës nyajmëmiiny yaa Egiptë. 5Tuntë mëyajtën këtii ëxëëk mnäyjyawëtë ets këtii mnätyukjoot'anpëkëtëty aak miitsëty koos xytyo'ktë. Jä'ä ko Dios jëtu'unës ojts xykyexyës jëyëjp, këtiipë mijts yë mjuukyajtën tyëkoytyëty. 6Mëmäjtsk jëmëjt tyam y'ity yë yuu ma naax kajpnën ets ja mëkoxk jëmëjt jyaak ita'any ma ka'ap tii y'ita'any wyintëwa'anyën, oy yë naax kam jyayajni'ip jyayajtunëty. 7E Dios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty. 8Paaty Dios jëtu'un të xykyexyës ma ya'atë it naaxwiinyëtën ets ka'ap myiits'atë, yë'ëjës të xypyëjktä'äky win'ëëpë wiinkajpxpë ma yajkutujkpën ets wintsën n'itëtyës ma tu'kë'ëyë jyëën tyëjkën ets yajkutujkpë ma tëkokyë Egiptë tnitänën. 9Ninëjkxtë pojën ja nteetyës ets ënëëmëtë: jëtu'un y'ënä'äny yë m'u'unk yë José. Dios ëjts të xypyëjktä'äky wintsën ma tu'kë'ëyë Egiptë kajpnën. Minës ijxk, Këtii mpoox'ëtë'ëtsy. 10Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts. 11Yaa mijts yë jë'kxy pëky nmo'oja'any mëët tu'kë'ëyë m'u'unk m'ëna'k ets tu'kë'ëyë mëti'ipë jam mijts mëët m'ityën. Jä'ä ko jaak'itaamnëm yë yuu xëëw ja mëkoxk jëmëjt. 12Yë n'utyës Benjamín ets miitsëty jëtu'un yam mëtoowtëp, koos yam jëtu'un n'ëna'any. 13Tukmëmëtya'aktës yë nteety, wi'ix yë ënä'ämën kuttujkën tyam nmëët'atyësën yaa Egiptë ets jënu'un miitsëty tyam winë xy'ixtën. Nëjkxtë poj'am ets yajmiinëtëkës yë nteety.
14Ënet yë José tyo'kmënäänajxy yë y'uty Benjamín ets tyëjkëy yaxpë. Näyjyëtu'un yë Benjamín ojts näjyëtu'un tyëkë yaxpë, ma ënety ja José jam tyo'kmënäänaxyën yë y'uty. 15Ënet yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.
16Jampaat ojts jëtu'unpë ja aaw ayuk jyä'ty, ma jam ja yajkutujkpë yajkutukyën, ko ja José ënety ja myëkä'äxtëjk të jya'të. Ënet ja yajkutujkpë ojts janty jotkujk nyäjyawëty, jam ma yajkutukyën mëët tu'kë'ëyë jënu'un ënety jam yajpaatën ets y'ënä'ämtën. 17Tä ja yajkutujkpë t'ënëmaay yë José:
Ënëëmë yë mmëkä'äxtëjk, wä'än twëëntë tjuktë yë jyëyujkëty mëët yë jë'kxy pëky ets nëjkx wyimpitë Canaán, 18ets xytyuknimintëtyës ja mteety mëët ja y'u'unk y'ëna'k y'u'unk y'ok ets ja y'u'unk tyo'oxytyëjkëty. Ëjts nmo'ojëp yë nyaax kyam yaa Egiptë ets jyi'kxëty pyikyëty oyëtypë, mëti'ipë yaa yajpatp yaj'ijxpën ma ya'atë naax kajpnën. 19Ënä'äm yë mtuunpëtëjk ets yaa tyimtsoontëty ets wä'än tmënëjkxtë yë jëyujkëty ets kepy wintëkäämpë jam Canaán ets ja mteety myintëty mëët ja y'u'unk y'ëna'k y'u'unk tyo'oxytyëjkëty, 20këtii tmëmay tmëtajtëty tii myëët'ajtëp kyamëët'ajtëp. Jä'ä ko yaa Egiptë mëti'ipë yaa ijtp wintëëpën, yë'ë jyä'äjëty.
21Yë Israel yë y'u'unk y'ëna'këty jëtu'un ojts tjantytyuntë, ojts myo'ojëtë yë José yë kepy wintëkäämpë, mëti'ipë ënety yë yajkutujkpë të tni'ënä'ämën ets näjyëtu'un yë jë'kxy pëky, mëti'ipë myëtu'uye'eytyëpën. 22Ojts yajmo'otë yë wyitëty jemyëtypë, e yë Benjamín jä'ä ojts yajmo'oy tëkëëk mëko'px yë meeny aakyë'ë poop pujxn ets mëkoxk ni'kx yë wit aakyë'ë oyëtypë. 23Ja tyeety majk ojts yë krukts tuknikexy aak tsëmymyëët, aakyë'ë oyëtypë jë'kxy pëky myënëjkxtëp mëti'ipë jap Egiptë ijtp wintëëpën ets ja nimajk aak tsëmymyëët nyëjkxtë, këxy kä'pxy ënety winë tmënëjkxtë. 24Ko yë José nyäy'ëxmajtsë mëët yë myëkä'äxtëjk, ënät ojts tjaakënëëmë:
Tyam miitsëty n'ënëëmëtë, ko këtii je'eyë tu'u'aay mnäy'oj mnäya'axëtëty.
Ënet ojts tsyo'onëtë. 25Jap tsyo'ontë Egiptë ets jya'ajtë Canaán, ma ënety jam tsyëënëtën jyuuky'atën ja tyeetyëty Jacob. 26Ko tukmëmëtyaktë ja tyeety Jacob ko ja myaank José juuky'ajtp ets yë'ë jap ijtp ënä'ämpë Egiptë, ka'ap yë Jacob tnija'awëy tii tyuunta'akëpën ets ka'ap ojts tmëpëky tsojk mëti'ipë yajtukmëmëtyakpën. 27E ko yajtukmëmëtyaktaay tu'kë'ëyë ijxtëm ënety ja José të y'ënä'änyën ets ko t'ijxy ja kepy wintëkäämpë nikanaak mëti'ipë ënety ja José të tkexyën, ënät yajxon jyänty xyoontäky. 28Tä ojts y'ënä'äny: Mëët yi'iyës ko nijawë koos yë nmaank José juuky'ajtp, oyës nëjkx n'ixy naamka'anëm n'ookynyëmës.
المحددات الحالية:
Génesis 45: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Génesis 45
45
José nyäkyajpxkëxë'ëkyë ma myëkä'äxtëjkën
1José ka'ap ojts y'ëknämyajts'ijtënë ma ja mayjyä'äyën, mëti'ipë mëët tyuunmukyën, paaty yujk'ënany: Pëtsëëmta'atë yaa. Paaty ko ojts nyäkyajpxkëxë'ëkyë ma ja myëkä'äxtëjkën, ni pën ënety jap kyayajpaaty tëkoty.
2Tä tyëjkëy yajxon yaxpë, mëk jyänty yäxy, tä nija'awëtyääytyë ja Egiptë ja'ayëty, jampaat ojts ja nija'awën jyä'ty ma ja yajkutujkpë yajkutukyën. 3Ënet ja José t'ënëmaay ja myëkä'äxtëjk:
Ëjts jëtu'un José. ¿Jamës ja nteety jyuuky'ätynyëmë?
Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënety t'ëkjëkyäjpnë y'ëtsowtëty. 4Ënet yë José y'ënëmaayëtë:
Tuntë mëyajtën mëwinkoontëkës.
Ko yë'ëjëty myëjwa'ktë, ënät ja José t'ënëmaayëtë:
Ëjts jëtu'un mijts yë m'utyëty José mëti'ipë ojts xytyooktën etsës nyajmëmiiny yaa Egiptë. 5Tuntë mëyajtën këtii ëxëëk mnäyjyawëtë ets këtii mnätyukjoot'anpëkëtëty aak miitsëty koos xytyo'ktë. Jä'ä ko Dios jëtu'unës ojts xykyexyës jëyëjp, këtiipë mijts yë mjuukyajtën tyëkoytyëty. 6Mëmäjtsk jëmëjt tyam y'ity yë yuu ma naax kajpnën ets ja mëkoxk jëmëjt jyaak ita'any ma ka'ap tii y'ita'any wyintëwa'anyën, oy yë naax kam jyayajni'ip jyayajtunëty. 7E Dios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty. 8Paaty Dios jëtu'un të xykyexyës ma ya'atë it naaxwiinyëtën ets ka'ap myiits'atë, yë'ëjës të xypyëjktä'äky win'ëëpë wiinkajpxpë ma yajkutujkpën ets wintsën n'itëtyës ma tu'kë'ëyë jyëën tyëjkën ets yajkutujkpë ma tëkokyë Egiptë tnitänën. 9Ninëjkxtë pojën ja nteetyës ets ënëëmëtë: jëtu'un y'ënä'äny yë m'u'unk yë José. Dios ëjts të xypyëjktä'äky wintsën ma tu'kë'ëyë Egiptë kajpnën. Minës ijxk, Këtii mpoox'ëtë'ëtsy. 10Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts. 11Yaa mijts yë jë'kxy pëky nmo'oja'any mëët tu'kë'ëyë m'u'unk m'ëna'k ets tu'kë'ëyë mëti'ipë jam mijts mëët m'ityën. Jä'ä ko jaak'itaamnëm yë yuu xëëw ja mëkoxk jëmëjt. 12Yë n'utyës Benjamín ets miitsëty jëtu'un yam mëtoowtëp, koos yam jëtu'un n'ëna'any. 13Tukmëmëtya'aktës yë nteety, wi'ix yë ënä'ämën kuttujkën tyam nmëët'atyësën yaa Egiptë ets jënu'un miitsëty tyam winë xy'ixtën. Nëjkxtë poj'am ets yajmiinëtëkës yë nteety.
14Ënet yë José tyo'kmënäänajxy yë y'uty Benjamín ets tyëjkëy yaxpë. Näyjyëtu'un yë Benjamín ojts näjyëtu'un tyëkë yaxpë, ma ënety ja José jam tyo'kmënäänaxyën yë y'uty. 15Ënet yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.
16Jampaat ojts jëtu'unpë ja aaw ayuk jyä'ty, ma jam ja yajkutujkpë yajkutukyën, ko ja José ënety ja myëkä'äxtëjk të jya'të. Ënet ja yajkutujkpë ojts janty jotkujk nyäjyawëty, jam ma yajkutukyën mëët tu'kë'ëyë jënu'un ënety jam yajpaatën ets y'ënä'ämtën. 17Tä ja yajkutujkpë t'ënëmaay yë José:
Ënëëmë yë mmëkä'äxtëjk, wä'än twëëntë tjuktë yë jyëyujkëty mëët yë jë'kxy pëky ets nëjkx wyimpitë Canaán, 18ets xytyuknimintëtyës ja mteety mëët ja y'u'unk y'ëna'k y'u'unk y'ok ets ja y'u'unk tyo'oxytyëjkëty. Ëjts nmo'ojëp yë nyaax kyam yaa Egiptë ets jyi'kxëty pyikyëty oyëtypë, mëti'ipë yaa yajpatp yaj'ijxpën ma ya'atë naax kajpnën. 19Ënä'äm yë mtuunpëtëjk ets yaa tyimtsoontëty ets wä'än tmënëjkxtë yë jëyujkëty ets kepy wintëkäämpë jam Canaán ets ja mteety myintëty mëët ja y'u'unk y'ëna'k y'u'unk tyo'oxytyëjkëty, 20këtii tmëmay tmëtajtëty tii myëët'ajtëp kyamëët'ajtëp. Jä'ä ko yaa Egiptë mëti'ipë yaa ijtp wintëëpën, yë'ë jyä'äjëty.
21Yë Israel yë y'u'unk y'ëna'këty jëtu'un ojts tjantytyuntë, ojts myo'ojëtë yë José yë kepy wintëkäämpë, mëti'ipë ënety yë yajkutujkpë të tni'ënä'ämën ets näjyëtu'un yë jë'kxy pëky, mëti'ipë myëtu'uye'eytyëpën. 22Ojts yajmo'otë yë wyitëty jemyëtypë, e yë Benjamín jä'ä ojts yajmo'oy tëkëëk mëko'px yë meeny aakyë'ë poop pujxn ets mëkoxk ni'kx yë wit aakyë'ë oyëtypë. 23Ja tyeety majk ojts yë krukts tuknikexy aak tsëmymyëët, aakyë'ë oyëtypë jë'kxy pëky myënëjkxtëp mëti'ipë jap Egiptë ijtp wintëëpën ets ja nimajk aak tsëmymyëët nyëjkxtë, këxy kä'pxy ënety winë tmënëjkxtë. 24Ko yë José nyäy'ëxmajtsë mëët yë myëkä'äxtëjk, ënät ojts tjaakënëëmë:
Tyam miitsëty n'ënëëmëtë, ko këtii je'eyë tu'u'aay mnäy'oj mnäya'axëtëty.
Ënet ojts tsyo'onëtë. 25Jap tsyo'ontë Egiptë ets jya'ajtë Canaán, ma ënety jam tsyëënëtën jyuuky'atën ja tyeetyëty Jacob. 26Ko tukmëmëtyaktë ja tyeety Jacob ko ja myaank José juuky'ajtp ets yë'ë jap ijtp ënä'ämpë Egiptë, ka'ap yë Jacob tnija'awëy tii tyuunta'akëpën ets ka'ap ojts tmëpëky tsojk mëti'ipë yajtukmëmëtyakpën. 27E ko yajtukmëmëtyaktaay tu'kë'ëyë ijxtëm ënety ja José të y'ënä'änyën ets ko t'ijxy ja kepy wintëkäämpë nikanaak mëti'ipë ënety ja José të tkexyën, ënät yajxon jyänty xyoontäky. 28Tä ojts y'ënä'äny: Mëët yi'iyës ko nijawë koos yë nmaank José juuky'ajtp, oyës nëjkx n'ixy naamka'anëm n'ookynyëmës.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.