Génesis 48
48
Jacob tkënu'kxy yë Efraín ets Manasés
1Ko jëtu'un ja xëëw jëmëjt nyäjxy, ënät yë José ojts yajtuk'ëwaanë ko ënety jam ja tyeety pyëjkënë. Ënet ojts ja José ja tyeety ninëjkxy mëët nimäjtsk ja myaank, mëti'ipë xyëëwajtëpën Manasés ets Efraín. 2Ko yë Jacob tnija'awëy ko tëë ja myaank José nyiminyë, ënät ojts oywyi'ix nyäpyutëkëty ets pyëti'ky jam myaapäjnkëjxm. 3Tä t'ënëmaay ja José:
Yë Dios mëti'ipë maaytyääyëpën winë, yë'ë ojts jam nyänyikëxë'ëkyë maas ënety jamën, ma ja Luz kajpnën ma Canaán y'itjotmën, etsës ojts xykyënu'kxy 4mëët ya'atë aaw ayuk: Ëk'ix, ëjtsës nyajnimayëjäämpy yë m'u'unk m'ëna'k ets m'ok'u'unk m'ok'ëna'k nyimayëtëty. Ko nyämyukëtëty, naax kajpn nëjkx mëjpë tyajkojtë ets yë'ëjës näjyëtu'un nmo'ojäämpy ya'atë it naaxwiinyëtë ets yë'ë xëmëkyëjxm tjä'ä'atëty. 5E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënety ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón. 6Ko yë m'u'unk m'ëna'k wiinkpë xypyaatëty mijts nëjkx xyjyä'ä'ajnë, mëët ko nyämyëku'uk'atëtë mëët yë Efraín ets Manasés, nëjkxëp näjyëtu'un yë kyuma'ayën tpaatë t'ixtë. 7Koos ojts nwinpijnë jam Padán-aram, ojtsës xykyu'o'knë yë mtaak Raquel jam ma nyaaxjotmën yë Canaán; jamës ënety ntimjya'tanëtë Efrata, tääjës ojts jämyë nyajnaaxtëkë jam tu'u'am, mëti'ipë tyam txëëwajtnëpën Belén.
8Ko yë Israel tuk'ijxpejty yë José yë y'u'unk y'ëna'k, ënät tyajtëëy:
E ya'atë, ¿pën yë'ëjëty?
9Ëjts yë n'u'unk n'ëna'k, mëti'ipës yë Dios të xymyo'oy të xykyexyën yaa Egiptë, jëtu'un y'ëtsooy yë José.
Ënet yë tyeety y'ënëmaayë:
Tun yë mëyajtën yaa yajmëjwa'aktë winkon, wä'änës n'ëkënu'kxtë.
10Yë Israel tëë ënety myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy. 11Ënet näjyëtu'un yaj'ënëmaay yë José:
Ëjts ka'apës ënety n'ëk'ënanë jatëkok n'ixëty mijts, e tyam mijts jatëkok n'ixy npaaty ets Dios jëtää näjyëtu'un ënaanp ets m'u'unk m'ëna'k njaak'ixëtyës.
12Ënet yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety. 13Ënet ojts tukwinkuwowë ja tyeety ja nimäjtskpë ja myaank, yë Efraín yë'ë a'oytsyow ets Manasés anajnytsyow. Tää ojts ja Israel yajtukwinkuwowë ets ojts yë Efraín wyi'imy ma Israel yë y'anajnykyë'ëjën ets Manasés a'oykyë'ëjën. 14E ko ojts yë Israel xyajtëy, tä ojts ja kyë'ë tyajnäywyinnaxyë ets ja kyë'ë ja a'oy'äämpyë jam tpëjktä'äky ma Efrainkën, mëti'ipë ënety mutsknëmën, e ja anajny'äämpyë jam tpëjktäky ma ja Manasesën, oy ënety jä'ä jyakä'äxkopkëty. 15Ënet ojts yë José yajkënu'kxy mëët ya'atë aaw ayuk:
Yë Dios mëti'ipë ojts t'ëwtatën tmëmëtowtën
yë Abraham ets Isaac, mëti'ipës nteetyajtën,
Ja Dios mëti'ipës të xykyënu'kxyën xëmë,
koos nmiiny naaxwiiny ets tyampaat.
16Yë Dios yë tsyajpjotmëtë kukäjpxy mëti'ipës xyaj'ëwaatsëpëtsëëmpën
ma ëxëëkpë jëpyëkpën.
Yë'ë kyënu'kxëp jyëkyäpëp ya'atë ëna'këty.
Mëët yë'ëkyëjxmëty ja'amyetsy xëmë yë nxëëwës
y'itëty ets xyëëw yë nteetyës n'apës
Abraham ets Isaac.
Myëët'atëp nimay yë y'u'unk y'ëna'këty,
ets jëtu'un nimay y'itëty tsyëënëtëty yaa naaxwiiny.
17Yë José wiink ojts t'ixy, ko yë tyeety tpëjktä'äky yë y'a'oykyë'ë ma Efrainkën, paaty ojts tmajtsë ja tyeety ja kyë'ë ets tuknixajtuty ja Efraín ma kyëpajkën ets tpëjkta'aka'any jam ma Manasés ja kyëpajkën. 18Oy ënety ja tyeety tja'ënëëmë:
Tatë ka'ap jëtu'un y'oy'atëty, ya'atë yë'ë mëj, pëjkta'ak yë m'a'oykyë'ë ma kyëpajkën.
19E yë tyeety ka'ap jëtu'un t'a'ijxëy ets y'ëtsooy:
Ëjts nija'ap u'unk, ëjts nija'ap; yë'ë nëjkxëp näjyëtu'un yë kyajpn y'awinpity mëjwiin këjää, je'eyëp ko ni'ik nëjkx mëj'äämpy y'ity yë y'uty yë nyaax kyajpn ets y'u'unk y'ok wäänë nimay nëjkx yë nyaax kyajpn tyaj'ixta'aktë.
20Jä'ä xëëw jä'ä jëmëjt ojts yë Jacob tkënu'kxy yë y'ok'u'unk y'ok'ëna'k mëët ya'atë aaw ayuk:
Yë Israel ja'ayëty yë'ë yajtuntëp mijts yë mxëëwëty, ko pën tkënu'kxtëty ets y'ëna'antëty: Dios yë'ë jëtu'un mkënu'kxëtëp, ijxtëm ojts tkënu'kxyën yë Efraín ets Manasés.
Jëtu'un yë Israel ojts jëyëjp tpëjktä'äky yë Efraín ets ok yë Manasés. 21Ënet t'ënëmaay yë José:
Ëk'ix ëjts tsojkës n'ookanë, Dios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty. 22Mijts ni'ik winë të nmo'oy këtiinëm jyëtu'unëty yë mmëkä'äxtëjk, mijts yam nmoopy yë nyaax kyajpnëty ma txëëwatyën Siquem, mëti'ipës ojts mpëjkëtën yë Amor ja'ayëty, koos mëët ntsiptuuny.
المحددات الحالية:
Génesis 48: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Génesis 48
48
Jacob tkënu'kxy yë Efraín ets Manasés
1Ko jëtu'un ja xëëw jëmëjt nyäjxy, ënät yë José ojts yajtuk'ëwaanë ko ënety jam ja tyeety pyëjkënë. Ënet ojts ja José ja tyeety ninëjkxy mëët nimäjtsk ja myaank, mëti'ipë xyëëwajtëpën Manasés ets Efraín. 2Ko yë Jacob tnija'awëy ko tëë ja myaank José nyiminyë, ënät ojts oywyi'ix nyäpyutëkëty ets pyëti'ky jam myaapäjnkëjxm. 3Tä t'ënëmaay ja José:
Yë Dios mëti'ipë maaytyääyëpën winë, yë'ë ojts jam nyänyikëxë'ëkyë maas ënety jamën, ma ja Luz kajpnën ma Canaán y'itjotmën, etsës ojts xykyënu'kxy 4mëët ya'atë aaw ayuk: Ëk'ix, ëjtsës nyajnimayëjäämpy yë m'u'unk m'ëna'k ets m'ok'u'unk m'ok'ëna'k nyimayëtëty. Ko nyämyukëtëty, naax kajpn nëjkx mëjpë tyajkojtë ets yë'ëjës näjyëtu'un nmo'ojäämpy ya'atë it naaxwiinyëtë ets yë'ë xëmëkyëjxm tjä'ä'atëty. 5E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënety ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón. 6Ko yë m'u'unk m'ëna'k wiinkpë xypyaatëty mijts nëjkx xyjyä'ä'ajnë, mëët ko nyämyëku'uk'atëtë mëët yë Efraín ets Manasés, nëjkxëp näjyëtu'un yë kyuma'ayën tpaatë t'ixtë. 7Koos ojts nwinpijnë jam Padán-aram, ojtsës xykyu'o'knë yë mtaak Raquel jam ma nyaaxjotmën yë Canaán; jamës ënety ntimjya'tanëtë Efrata, tääjës ojts jämyë nyajnaaxtëkë jam tu'u'am, mëti'ipë tyam txëëwajtnëpën Belén.
8Ko yë Israel tuk'ijxpejty yë José yë y'u'unk y'ëna'k, ënät tyajtëëy:
E ya'atë, ¿pën yë'ëjëty?
9Ëjts yë n'u'unk n'ëna'k, mëti'ipës yë Dios të xymyo'oy të xykyexyën yaa Egiptë, jëtu'un y'ëtsooy yë José.
Ënet yë tyeety y'ënëmaayë:
Tun yë mëyajtën yaa yajmëjwa'aktë winkon, wä'änës n'ëkënu'kxtë.
10Yë Israel tëë ënety myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy. 11Ënet näjyëtu'un yaj'ënëmaay yë José:
Ëjts ka'apës ënety n'ëk'ënanë jatëkok n'ixëty mijts, e tyam mijts jatëkok n'ixy npaaty ets Dios jëtää näjyëtu'un ënaanp ets m'u'unk m'ëna'k njaak'ixëtyës.
12Ënet yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety. 13Ënet ojts tukwinkuwowë ja tyeety ja nimäjtskpë ja myaank, yë Efraín yë'ë a'oytsyow ets Manasés anajnytsyow. Tää ojts ja Israel yajtukwinkuwowë ets ojts yë Efraín wyi'imy ma Israel yë y'anajnykyë'ëjën ets Manasés a'oykyë'ëjën. 14E ko ojts yë Israel xyajtëy, tä ojts ja kyë'ë tyajnäywyinnaxyë ets ja kyë'ë ja a'oy'äämpyë jam tpëjktä'äky ma Efrainkën, mëti'ipë ënety mutsknëmën, e ja anajny'äämpyë jam tpëjktäky ma ja Manasesën, oy ënety jä'ä jyakä'äxkopkëty. 15Ënet ojts yë José yajkënu'kxy mëët ya'atë aaw ayuk:
Yë Dios mëti'ipë ojts t'ëwtatën tmëmëtowtën
yë Abraham ets Isaac, mëti'ipës nteetyajtën,
Ja Dios mëti'ipës të xykyënu'kxyën xëmë,
koos nmiiny naaxwiiny ets tyampaat.
16Yë Dios yë tsyajpjotmëtë kukäjpxy mëti'ipës xyaj'ëwaatsëpëtsëëmpën
ma ëxëëkpë jëpyëkpën.
Yë'ë kyënu'kxëp jyëkyäpëp ya'atë ëna'këty.
Mëët yë'ëkyëjxmëty ja'amyetsy xëmë yë nxëëwës
y'itëty ets xyëëw yë nteetyës n'apës
Abraham ets Isaac.
Myëët'atëp nimay yë y'u'unk y'ëna'këty,
ets jëtu'un nimay y'itëty tsyëënëtëty yaa naaxwiiny.
17Yë José wiink ojts t'ixy, ko yë tyeety tpëjktä'äky yë y'a'oykyë'ë ma Efrainkën, paaty ojts tmajtsë ja tyeety ja kyë'ë ets tuknixajtuty ja Efraín ma kyëpajkën ets tpëjkta'aka'any jam ma Manasés ja kyëpajkën. 18Oy ënety ja tyeety tja'ënëëmë:
Tatë ka'ap jëtu'un y'oy'atëty, ya'atë yë'ë mëj, pëjkta'ak yë m'a'oykyë'ë ma kyëpajkën.
19E yë tyeety ka'ap jëtu'un t'a'ijxëy ets y'ëtsooy:
Ëjts nija'ap u'unk, ëjts nija'ap; yë'ë nëjkxëp näjyëtu'un yë kyajpn y'awinpity mëjwiin këjää, je'eyëp ko ni'ik nëjkx mëj'äämpy y'ity yë y'uty yë nyaax kyajpn ets y'u'unk y'ok wäänë nimay nëjkx yë nyaax kyajpn tyaj'ixta'aktë.
20Jä'ä xëëw jä'ä jëmëjt ojts yë Jacob tkënu'kxy yë y'ok'u'unk y'ok'ëna'k mëët ya'atë aaw ayuk:
Yë Israel ja'ayëty yë'ë yajtuntëp mijts yë mxëëwëty, ko pën tkënu'kxtëty ets y'ëna'antëty: Dios yë'ë jëtu'un mkënu'kxëtëp, ijxtëm ojts tkënu'kxyën yë Efraín ets Manasés.
Jëtu'un yë Israel ojts jëyëjp tpëjktä'äky yë Efraín ets ok yë Manasés. 21Ënet t'ënëmaay yë José:
Ëk'ix ëjts tsojkës n'ookanë, Dios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty. 22Mijts ni'ik winë të nmo'oy këtiinëm jyëtu'unëty yë mmëkä'äxtëjk, mijts yam nmoopy yë nyaax kyajpnëty ma txëëwatyën Siquem, mëti'ipës ojts mpëjkëtën yë Amor ja'ayëty, koos mëët ntsiptuuny.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.