Kutachika 17
17
Chitiyaŋenu chakwalama
1Chashikiliyi Abarama munyaka makumi atanu nawana nanyaka yitanu nayiwana (99), Yehova wadimwekesheli kudi Abarama, wamwilili nindi, Ami yami Nzambi #28:3; 35:11; 43:14; 49:25; Kwi 6:3Chinyaweji; endaku kumesu ami, ikalaŋa walala chikupu.
2Ami nukutiyaŋana neyi, nakakuvulishila nankashi anyaneyi.
3Abarama wadinatili chamesu indi hamaseki; Nzambi wahosheli nindi.
4Nindi, Tiya, ami kwami chitiyaŋenu chami chidi naneyi, eyi wakela nkakulula yamukanka wanyunza.
5Ijina deyi hiyakaditena cheŋi nawu Abaramaku, ilaŋa ijina deyi dakekala yeyi Abarahama; muloŋa nakwilishi dehi wunkakulula wamukanka #Rom 4:17wanyunza.
6Nakakwilisha wunsemi nankashi, nakelisha nyunza kudeyi nianyanta akafuma kudeyi.
7Nakakolesha chitiyaŋenu chami chinukutiyaŋana naneyi, nawanyaneyi akakulondela muyamba kavwalikilawu hayanyaka, kulonda kudeyi niikali Nzambi nikudi anyaneyi akalondelamu.
8Nakakwinka eyi nianyaneyi akalondelamu ituŋa diwashakama, dodituŋa daKenani dejima, denu dahayanyaka, ninami nakekalaŋa Nzambi yawu.
9Nzambi hakumwila Abarahama, nindi, Eyi kweyi, muchitiyaŋenu chinatiyaŋanami naneyi wakakakelamu, nineyi nianyaneyi akalondelamu kumakiŋu ejima.
10Tiya chitiyaŋenu chami chimwakakakela, chitukutiyaŋana ninami ninenu, nianyaneyi akalondelamu; enu amayala ejima #21:4; Lev 12:3; Yosh 5:2; Yow 7:22; Yil 7:8; 15:1; Ŋal 5:6akayalamisha.
11Akayalamisha nyivumbu yenu; chakekala chuma chakwilukisha nachu chitiyaŋenu chetu chitunatiyaŋani ninami ninenu.
12Mwinenu navwaliki dehi mafuku atanu nasatu akamwalamisha, amayala ejima muyamba kavwalikilawu, hela wavwalika hamukala, hela wakulanda namali kudi mwenyi, mwabula kusemuka nawu.
13Hela wakuvwalika hamukala weyi, hela wakulanda namali eyi, chiŋa kumwalamisha hohu; chitiyaŋenu chami chikwikala kunyijimba yenu hichitiyaŋenu chahayanyaka.
14Yenowu chidima iyakabula kwalamishawu, akamufumishi mudi antaŋa jindi; najahi dehi chitiyaŋenu chami.
15Nzambi hakumwila Abarahama, nindi, Hakwila iŋodeyi Sarayi bayi wakamutena cheŋi ijina dindi neyi Sarayuku, ilaŋa ijina dindi dakekala diyi Sara.
16Nukumukoolekesha, mwamweni nukukwinka mwana weyala nayena; mwalala nukumukoolekesha, wamba kekala nyunza yayeni; anyanta jawantu amba kafuma kudi yena.
17Abarahama wadinatili chamesu indi heseki, hakuseha, hakuhosha mumuchima windi, nindi, Muntu washika dehi munyaka nkulakaji (100) amuvweli mwana? Sara niyena washika dehi munyaka makumi atanu nawana (90) avwali?
18Abarahama hakumwila Nzambi, nindi, Ishimeli ahandi mwani, kumesu eyi.
19Kuchinka Nzambi nindi, Nehi, iŋodeyi Sara diyi wakakuvwela mwaneyi weyala; wakamutumba ijina dindi, neyi Isaka; nakamukoleshela chitiyaŋenu chami chiikali chitiyaŋenu chahayanyaka chawanyanindi akalondelamu.
20Hansaŋu yaIshimeli, nakutiyi dehi; tala namukiswili dehi nkisu, nakamwilisha nsemi, nakamuvulishila anyana chacheni chabadika; wakavwala atulamba ikumi nayedi (12), nakamwilisha munza weneni.
21Ilaŋa chitiyaŋenu chami nakamukoleshelachu Isaka, yowu Isaka akakuvwelawu kudi Sara mwaka wakenzaku kafwampi hakakweji kokenaka.
22Yokumisha nikukumisha kuhosha nindi, Nzambi yofuma nikudi Abarahama.
23Abarahama hakunona nimwanindi Ishimeli, niejima avwalikili hamukala windi, niejima akulanda namali indi. Yonona niamayala ahamukala windi ejima hakuyalamisha ifuku dawu dimu, mwomwamwililiyi Nzambi.
24Abarahama washikili munyaka makumi atanu nawana nanyaka yitanu nayiwana (99) hamwalamishiluwu.
25Ishimeli mwanindi wadiŋi wanyaka ikumi nayisatu (13) hamwalamishiluwu.
26NiAbarahama nimwanindi Ishimeli ayalamishili ifuku dawu dimu.
27Amayala ejima ahamukala windi, niavwalikili hamukala, niakulanda namali kudi enyi, ayalamishili hamu nindi.
المحددات الحالية:
Kutachika 17: MWW04
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.
Kutachika 17
17
Chitiyaŋenu chakwalama
1Chashikiliyi Abarama munyaka makumi atanu nawana nanyaka yitanu nayiwana (99), Yehova wadimwekesheli kudi Abarama, wamwilili nindi, Ami yami Nzambi #28:3; 35:11; 43:14; 49:25; Kwi 6:3Chinyaweji; endaku kumesu ami, ikalaŋa walala chikupu.
2Ami nukutiyaŋana neyi, nakakuvulishila nankashi anyaneyi.
3Abarama wadinatili chamesu indi hamaseki; Nzambi wahosheli nindi.
4Nindi, Tiya, ami kwami chitiyaŋenu chami chidi naneyi, eyi wakela nkakulula yamukanka wanyunza.
5Ijina deyi hiyakaditena cheŋi nawu Abaramaku, ilaŋa ijina deyi dakekala yeyi Abarahama; muloŋa nakwilishi dehi wunkakulula wamukanka #Rom 4:17wanyunza.
6Nakakwilisha wunsemi nankashi, nakelisha nyunza kudeyi nianyanta akafuma kudeyi.
7Nakakolesha chitiyaŋenu chami chinukutiyaŋana naneyi, nawanyaneyi akakulondela muyamba kavwalikilawu hayanyaka, kulonda kudeyi niikali Nzambi nikudi anyaneyi akalondelamu.
8Nakakwinka eyi nianyaneyi akalondelamu ituŋa diwashakama, dodituŋa daKenani dejima, denu dahayanyaka, ninami nakekalaŋa Nzambi yawu.
9Nzambi hakumwila Abarahama, nindi, Eyi kweyi, muchitiyaŋenu chinatiyaŋanami naneyi wakakakelamu, nineyi nianyaneyi akalondelamu kumakiŋu ejima.
10Tiya chitiyaŋenu chami chimwakakakela, chitukutiyaŋana ninami ninenu, nianyaneyi akalondelamu; enu amayala ejima #21:4; Lev 12:3; Yosh 5:2; Yow 7:22; Yil 7:8; 15:1; Ŋal 5:6akayalamisha.
11Akayalamisha nyivumbu yenu; chakekala chuma chakwilukisha nachu chitiyaŋenu chetu chitunatiyaŋani ninami ninenu.
12Mwinenu navwaliki dehi mafuku atanu nasatu akamwalamisha, amayala ejima muyamba kavwalikilawu, hela wavwalika hamukala, hela wakulanda namali kudi mwenyi, mwabula kusemuka nawu.
13Hela wakuvwalika hamukala weyi, hela wakulanda namali eyi, chiŋa kumwalamisha hohu; chitiyaŋenu chami chikwikala kunyijimba yenu hichitiyaŋenu chahayanyaka.
14Yenowu chidima iyakabula kwalamishawu, akamufumishi mudi antaŋa jindi; najahi dehi chitiyaŋenu chami.
15Nzambi hakumwila Abarahama, nindi, Hakwila iŋodeyi Sarayi bayi wakamutena cheŋi ijina dindi neyi Sarayuku, ilaŋa ijina dindi dakekala diyi Sara.
16Nukumukoolekesha, mwamweni nukukwinka mwana weyala nayena; mwalala nukumukoolekesha, wamba kekala nyunza yayeni; anyanta jawantu amba kafuma kudi yena.
17Abarahama wadinatili chamesu indi heseki, hakuseha, hakuhosha mumuchima windi, nindi, Muntu washika dehi munyaka nkulakaji (100) amuvweli mwana? Sara niyena washika dehi munyaka makumi atanu nawana (90) avwali?
18Abarahama hakumwila Nzambi, nindi, Ishimeli ahandi mwani, kumesu eyi.
19Kuchinka Nzambi nindi, Nehi, iŋodeyi Sara diyi wakakuvwela mwaneyi weyala; wakamutumba ijina dindi, neyi Isaka; nakamukoleshela chitiyaŋenu chami chiikali chitiyaŋenu chahayanyaka chawanyanindi akalondelamu.
20Hansaŋu yaIshimeli, nakutiyi dehi; tala namukiswili dehi nkisu, nakamwilisha nsemi, nakamuvulishila anyana chacheni chabadika; wakavwala atulamba ikumi nayedi (12), nakamwilisha munza weneni.
21Ilaŋa chitiyaŋenu chami nakamukoleshelachu Isaka, yowu Isaka akakuvwelawu kudi Sara mwaka wakenzaku kafwampi hakakweji kokenaka.
22Yokumisha nikukumisha kuhosha nindi, Nzambi yofuma nikudi Abarahama.
23Abarahama hakunona nimwanindi Ishimeli, niejima avwalikili hamukala windi, niejima akulanda namali indi. Yonona niamayala ahamukala windi ejima hakuyalamisha ifuku dawu dimu, mwomwamwililiyi Nzambi.
24Abarahama washikili munyaka makumi atanu nawana nanyaka yitanu nayiwana (99) hamwalamishiluwu.
25Ishimeli mwanindi wadiŋi wanyaka ikumi nayisatu (13) hamwalamishiluwu.
26NiAbarahama nimwanindi Ishimeli ayalamishili ifuku dawu dimu.
27Amayala ejima ahamukala windi, niavwalikili hamukala, niakulanda namali kudi enyi, ayalamishili hamu nindi.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.