ڢَارَوَ 16
16
حَيْڢُوَرْ إِسْمَٰعِيلُ
1سَارَيَ مَاتَرْ إِبْرَمْ بَ تَحَيْڢَ مَسَ یَیَبَ؞ عَمَّا تَنَدَ بَيْوَ وَدَّ تَكٜىٰ یَرْ ڧَسَرْ مَصَرْ مَيْ سُونَ هَجٜىٰرَتُ؞ 2سَيْ سَارَيَ تَثٜىٰ وَ إِبْرَمْ «غَاشِ، يَهْوٜىٰهْ يَا هَنَنِ حَيْڢُوَ؞ كَشِغَ وُرِنْ بَيْوَتَ، كُواْ تَوُرِنْتَ نِے مَا إِنْ كَڢَ عِيَلِ؞» إِبْرَمْ كُوَ يَا سَوْرَرِ مَغَنَرْتَ؞ 3بَايَنْدَ إِبْرَمْ يَا ثِكَ شٜىٰكَرَا غُواْمَ دَ ذَمَ أَ كَنْعَنَ، سَارَيَ تَا تُورَ بَيْوَرْتَ هَجٜىٰرَتُ یَرْ مَصَرْ تَذَمَ مَاتَرْسَ؞ 4سَيْ إِبْرَمْ يَݣُونَ دَ هَجٜىٰرَتُ، تَيِثِكِ؞ سَعَدَّ تَغَ ثٜىٰوَ تَنَدَ ثِكِ، سَيْ تَڢَارَيِ وَ سَارَيَ عُوَرْغِدَنْتَ كَلُّوانْ رٜىٰنِ؞
5سَعَنً سَارَيَ تَثٜىٰ وَ إِبْرَمْ «بَرِ ثُوتَرْ دَ عَكَ ثُوثٜىٰنِ دَ عِتَ تَكُواْمَ كَنْكَ! نَا تُورَ بَيْوَتَ عَڧِرْجِنْكَ، عَمَّا دَ تَغَ تَنَدَ ثِكِ، سَيْ تَڢَارَيِ مِنِ كَلُّوانْ رٜىٰنِ؞ بَرِ يَهْوٜىٰهْ يَشَرْعَنْتَ ڟَكَانِينَ دَكَيْ!»
6عَمَّا إِبْرَمْ يَثٜىٰ وَ سَارَيَ «أَيْ، بَيْوَرْكِ تَنَ ڧَرْڧَشِنْكِ، سَيْ كِيِ دَ عِتَ يَدَّ كِكَغَ دَامَ؞» سَعَنً سَارَيَ تَا بَاتَ وَهَلَ سُواْسَيْ حَرْ تَغُدُ؞
7مَلاَىِٕكَنْ يَهْوٜىٰهْ كُوَ يَاسَامِ هَجٜىٰرَتُ أَغٜىٰڢٜىٰنْ وَتَ مَٻُٻُّغَرْ ضُوَ أَدَاجِنْ دَبَا كُواْمٜىٰ، وَتُواْ مَٻُٻُّغَرْ ضُوَ وَدَّ تَكٜىٰ عَكَنْ حَنْيَ ذُوَا شُرْ؞ 8سَيْ مَلاَىِٕكَنْ يَثٜىٰمَتَ «هَجٜىٰرَتُ، بَيْوَرْ سَارَيَ دَغَ إِنَا كِكَ ڢِتُواْ، كُمَ إِنَا ذَاكِ؟»
تَا أَمْسَ تَثٜىٰ «إِنَ غُدُ نٜىٰ دَغَ عُوَرْغِجِيَتَ سَارَيَ؞»
9سَيْ مَلاَىِٕكَنْ يَهْوٜىٰهْ يَثٜىٰ مَتَ «كِكُواْمَ وُرِنْ عُوَرْغِجِيَرْكِ، كِمِيڧَ كَنْكِ غَرٜىٰتَ؞ 10ذَنْسَا ذُرِيَرْكِ سُڧَارُ سُواْسَيْ، حَرْ بَذَاعَ عِيَ ڧِرْغَسُبَ؞» 11مَلاَىِٕكَنْ يَهْوٜىٰهْ يَا سَاكٜىٰثٜىٰ مَتَ،
«غَاشِ يَنْذُ كِنَدَ ثِكِ،
ذَاكِ كُمَ حَيْڢِ طَا،
ذَاكِ كِرَا سُونَنْسَ إِسْمَٰعِيلُ،#16.11 إِسْمَٰعِيلُ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ اللَّهْ يَنَ جِ؞
غَمَا يَهْوٜىٰهْ يَاجِ كُوكَنْ وَهَلَرْكِ؞
12ذَيْ يِذَمَنْسَ دَ یَنْثِ كَمَرْ جَاكِنْ دَاجِ،
حَنُّنْسَ ذَيْ يِغَابَادَ كُواْوَنٜىٰ مُتُمْ،
حَنُّنْ كُواْوَنٜىٰ مُتُمْ كُمَ ذَيْ يِغَابَادَشِ؞
ذَيْ يِذَمَنْسَ نٜىٰسَ دَ یَنْعُوَنْسَ؞»
13سَبُواْدَ حَكَ، تَا كِرَا سُونَنْ يَهْوٜىٰهْ وَنْدَ يَيِ مَغَنَ دَ عِتَ «كَيْ اللَّهْ نٜىٰ مَيْ غَنِ؞» غَمَا تَثٜىٰ «حَرْ نِے نَغَ اللَّهْ نَرَايُ؟» 14سَبُواْدَ حَكَ عَكَ كِرَا سُونَنْ رِجِيَرْ بٜىٰيٜىٰرْ لَهَيْ رُواْيِ، وَتُواْ رِجِيَرْ مَيْ رَيْ وَنْدَ يَغَنْ نِے؞ رِجِيَرْ تأَنَانً ڟَكَانِنْ كَدٜىٰشْ دَ بٜىٰرٜىٰدْ؞
15هَجٜىٰرَتُ تَا حَيْڢَ وَ إِبْرَمْ طَا، يَا كُمَسَا مَسَ سُونَ إِسْمَٰعِيلُ؞#غَلْ 4.22 16أَ لُواْكَثِنْ حَيْڢُوَرْ إِسْمَٰعِيلُ، إِبْرَمْ يَنَدَ شٜىٰكَرَا تَمَٰنِنْ دَ شِدَ؞
المحددات الحالية:
ڢَارَوَ 16: hauAS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020