Keriekitho 37
37
Josef Zhalieketuo Pemakecü
1Jakob-e puo puo solhimia chü di lhou kevor Kanan kijüu nu lhouta. 2Hakoe Jakob kikru dze; Josef-e cie kerethenie phichülieta di puo dzürieko ze tekuo pfhe tuoya; siro puoe puo puo kimia Bilha mu Zilpa nuoko kekhruohimia puo chü; mu Josef-e uko dze kesuo se vor puo puo ki pushü. 3Tsiu Israel-e puo nuoko pete donu Josef khriekuo, puoe puo tsa nuocü la; sidi puo boulie kecha, puo bou sa di terhüpie puo tsü.#37:3 Seyakezha (Gk ze kemejücü): boulie puozie kekra; Ibri nu mecü mo. 4Derei puo dzürieko uko puoe uko ki rei puo khriekuoketa ngu tse, uko puo ngumecüta, sidi puo rüchü menuo mota.
5Va puo Josef-e puo mho puo pema, mu puo süu pie puo dzürieko ki pukeshü ki, uko puo ngumecükuo sata. 6Puoe sie uko ki, “A mho kepema hau rünyüshücie. 7Harie, úko lie nu telha khro tuo, ru harie, a lhakhro-u sie doupfü thata, mu nieko lhakhroko vor a lhakhro-u houpfülie di süu kelu.” 8Sitse puo dzüriekoe sie puo ki, “No hieko mho di kethotuo mo nyü? morei no hieko mho kekha zotuo mo nyü?” Süla uko puo mhoko mu puo dieko la puo ngumecü kechüta.
9Süsie puo puo mho kekrei puo pema di süu pie puo dzürieko ki pu di, “Harie, a mho kekrei puo pema la ho; niaki, khrü mu themvü kerepuokrü nuketsu a kelu.” 10Derei puo süu se puo puo mu puo dzürieko ki pushü tse, puo puoe puo kerhie di sie, “No ha kedipuo pemaya mu? A mu n zuo, siro n dzürieko vor kijü nerhutsu n kelu zo kethotuoluo le?” 11Süsie puo dzürieko puo ngu u rota; derei puo puo we süu se puo nou tuota.
Josef Zekewa
12Siro puo dzürieko tsu Shekem kepenuoki uko puo kuoko pfhetuoü tsuta. 13Sitse Israel Josef ki, “N dzürieko Shekem nu tekuo pfhetuo mo üme? Vorlie, a n ketsepie uko ki shütuomu.” Sitse puoe puo puo ki, “A haki bawe,” ishü. 14Sitse puo puoe puo ki, “No tsie tsu di n dzürieko tsiu tekuoko vituo zo mo mo shicü mehoshü di, la vor a ki pucie.” Sidi puo puoe Hebron razha nunu puo ketseshü.
Sidi puo Shekem nu vorlie. 15Süki mia puoe puo lieko nu rühou ketuo ngulie, sitse themiau puo ketso di sie, “No kedipuo pfhütuo ga?” 16Ru puoe sie, “A dzürieko pfhü tuolie, n pezie rei uko kirapuo nu tekuo pfhe tuo shiü se a ki pushücie.” 17Sitse themiau sie, “Uko haki nu tuote, mu a uko kepu di ‘Úko Dothan nu vota khe’ ituocü si ho.” Süla Josef puo dzürieko pfhü vo ru Dothan nunu uko ngulie. 18Uko kepetse nunu puo ngushü, mu puo uko penuo vorlie kemonu uko puo dukhriwatuo üdi kedovalieta. 19Sidi uko sie huoniehuo ki, “Legei puo mho kepemau vorzhie. 20Khe, úko puo dukhriwa di puo kelhoupie khehoko puo nu shüwatuo, sidi nhachü puo zho kesuo puoe puo tecülieta üwatuo; sidi úko puo mhoko kimhie vortuo shicü mehotuo.” 21Derei Reuben süu sicü ki, puo sie “Úko puo kerheiro we liewa hiecie,” ishü di uko dzie nunu puo kelashü. 22Reuben uko ki, “Thezie puorei pekru hie, di puo kelhoupie rayha nu kheho nu shüwalie, mu thezie pie puo gei shü mo zolie.” Puoe uko dzie nunu puo kelalie di puo kha lapie puo puo tsükewa lekecü la. 23Josef vor puo dzürieko tsolie tse, uko puo seketuo boulie kechau#37:23 37:3 meholie. rhuolie, 24sidi uko puo telie di kelhoupie kheho nu shüwa. Kheho-u methuo ba, sünu dzü puorei ba mo.
25Süsie uko mhacütuoü ke balie; mu uko meho sie ru, Ishmaelmia rüve kro puo Gilid nunu vorkezhü ngulie, uko utko geinu ketsa, u kenhecü daru mu leitsa toupfü Ijipt nu tsuzhü. 26Sitse Juda puo dzürieko üse, “Úko úko siezeu dukhriwa di puo zie keviewa rei kedipuo kemevi ngulie ta? 27Vorlie, úko puo zepie Ishmaelko ki shüwa khe, di úko dzie pie puo gei shüwa mo zolie; puo rei úko siezeu mu úko chü zeru.” Sitse puo dzürieko puo die rünyülie. 28Süki Midianmia lhithomia kro puo tuo vor; sitse uko kheho-u nunu Josef merhashü se parlie di Josef pie Ishmaelmia ki rakachü shekel mepfü nu zelie. Siro mia Josef ze Ijipt nu vota.
29Reuben-e kheho-u nu la vor di Josef ba moketa ngulie tse, puo pfheneiko cierhata, 30sidi puo siezeko ki, “Khriesayo ba mote, mu a bu kirapuo vo ta?” 31Süsie uko Josef boulie kechau chülie, mu temvünuo yopuo dukhrilie di boulieu pie thezie nu petselie; 32sidi puo bou kechü boulie kechau#37:32 37:3 meholie. ketsepie uko puo tsüshü mu süu se puo ki vor di sie, “Hieko hau nguliewe, hau n nuou boulie mo mo shicü mehocie.” 33Siro puo süu silie di sie, “Hauha a nuou bouliete; nhachü kekhrie puo bu puo tecüliete, Josef sü ciechücierhawata meciete,” ibata. 34Süsie Jakob-e puo pfheneiko cierhawa di gakhropfheko chü selie, tsiu teisozha kekra puo nuo krü bata. 35Puo nuonuo thepfuko mu thenuko rei puo nou thupeluotuoü vo, derei puo mia bu puo nou thupeluo mvü di sie, “Molie a we kra zo di Sheol nu a nuou ki tsutie,” ibata. Sümhie di puo puoe puo la kra bata. 36Süteiki Midianmia puo zepie Ijipt nu Faro khro kezhamia, puo kepfheko mhokezhau Potifar ki shüwa.
المحددات الحالية:
Keriekitho 37: ANBRBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Bible Society of India
© 2023, Used by permission. All rights reserved. More
Keriekitho 37
37
Josef Zhalieketuo Pemakecü
1Jakob-e puo puo solhimia chü di lhou kevor Kanan kijüu nu lhouta. 2Hakoe Jakob kikru dze; Josef-e cie kerethenie phichülieta di puo dzürieko ze tekuo pfhe tuoya; siro puoe puo puo kimia Bilha mu Zilpa nuoko kekhruohimia puo chü; mu Josef-e uko dze kesuo se vor puo puo ki pushü. 3Tsiu Israel-e puo nuoko pete donu Josef khriekuo, puoe puo tsa nuocü la; sidi puo boulie kecha, puo bou sa di terhüpie puo tsü.#37:3 Seyakezha (Gk ze kemejücü): boulie puozie kekra; Ibri nu mecü mo. 4Derei puo dzürieko uko puoe uko ki rei puo khriekuoketa ngu tse, uko puo ngumecüta, sidi puo rüchü menuo mota.
5Va puo Josef-e puo mho puo pema, mu puo süu pie puo dzürieko ki pukeshü ki, uko puo ngumecükuo sata. 6Puoe sie uko ki, “A mho kepema hau rünyüshücie. 7Harie, úko lie nu telha khro tuo, ru harie, a lhakhro-u sie doupfü thata, mu nieko lhakhroko vor a lhakhro-u houpfülie di süu kelu.” 8Sitse puo dzüriekoe sie puo ki, “No hieko mho di kethotuo mo nyü? morei no hieko mho kekha zotuo mo nyü?” Süla uko puo mhoko mu puo dieko la puo ngumecü kechüta.
9Süsie puo puo mho kekrei puo pema di süu pie puo dzürieko ki pu di, “Harie, a mho kekrei puo pema la ho; niaki, khrü mu themvü kerepuokrü nuketsu a kelu.” 10Derei puo süu se puo puo mu puo dzürieko ki pushü tse, puo puoe puo kerhie di sie, “No ha kedipuo pemaya mu? A mu n zuo, siro n dzürieko vor kijü nerhutsu n kelu zo kethotuoluo le?” 11Süsie puo dzürieko puo ngu u rota; derei puo puo we süu se puo nou tuota.
Josef Zekewa
12Siro puo dzürieko tsu Shekem kepenuoki uko puo kuoko pfhetuoü tsuta. 13Sitse Israel Josef ki, “N dzürieko Shekem nu tekuo pfhetuo mo üme? Vorlie, a n ketsepie uko ki shütuomu.” Sitse puoe puo puo ki, “A haki bawe,” ishü. 14Sitse puo puoe puo ki, “No tsie tsu di n dzürieko tsiu tekuoko vituo zo mo mo shicü mehoshü di, la vor a ki pucie.” Sidi puo puoe Hebron razha nunu puo ketseshü.
Sidi puo Shekem nu vorlie. 15Süki mia puoe puo lieko nu rühou ketuo ngulie, sitse themiau puo ketso di sie, “No kedipuo pfhütuo ga?” 16Ru puoe sie, “A dzürieko pfhü tuolie, n pezie rei uko kirapuo nu tekuo pfhe tuo shiü se a ki pushücie.” 17Sitse themiau sie, “Uko haki nu tuote, mu a uko kepu di ‘Úko Dothan nu vota khe’ ituocü si ho.” Süla Josef puo dzürieko pfhü vo ru Dothan nunu uko ngulie. 18Uko kepetse nunu puo ngushü, mu puo uko penuo vorlie kemonu uko puo dukhriwatuo üdi kedovalieta. 19Sidi uko sie huoniehuo ki, “Legei puo mho kepemau vorzhie. 20Khe, úko puo dukhriwa di puo kelhoupie khehoko puo nu shüwatuo, sidi nhachü puo zho kesuo puoe puo tecülieta üwatuo; sidi úko puo mhoko kimhie vortuo shicü mehotuo.” 21Derei Reuben süu sicü ki, puo sie “Úko puo kerheiro we liewa hiecie,” ishü di uko dzie nunu puo kelashü. 22Reuben uko ki, “Thezie puorei pekru hie, di puo kelhoupie rayha nu kheho nu shüwalie, mu thezie pie puo gei shü mo zolie.” Puoe uko dzie nunu puo kelalie di puo kha lapie puo puo tsükewa lekecü la. 23Josef vor puo dzürieko tsolie tse, uko puo seketuo boulie kechau#37:23 37:3 meholie. rhuolie, 24sidi uko puo telie di kelhoupie kheho nu shüwa. Kheho-u methuo ba, sünu dzü puorei ba mo.
25Süsie uko mhacütuoü ke balie; mu uko meho sie ru, Ishmaelmia rüve kro puo Gilid nunu vorkezhü ngulie, uko utko geinu ketsa, u kenhecü daru mu leitsa toupfü Ijipt nu tsuzhü. 26Sitse Juda puo dzürieko üse, “Úko úko siezeu dukhriwa di puo zie keviewa rei kedipuo kemevi ngulie ta? 27Vorlie, úko puo zepie Ishmaelko ki shüwa khe, di úko dzie pie puo gei shüwa mo zolie; puo rei úko siezeu mu úko chü zeru.” Sitse puo dzürieko puo die rünyülie. 28Süki Midianmia lhithomia kro puo tuo vor; sitse uko kheho-u nunu Josef merhashü se parlie di Josef pie Ishmaelmia ki rakachü shekel mepfü nu zelie. Siro mia Josef ze Ijipt nu vota.
29Reuben-e kheho-u nu la vor di Josef ba moketa ngulie tse, puo pfheneiko cierhata, 30sidi puo siezeko ki, “Khriesayo ba mote, mu a bu kirapuo vo ta?” 31Süsie uko Josef boulie kechau chülie, mu temvünuo yopuo dukhrilie di boulieu pie thezie nu petselie; 32sidi puo bou kechü boulie kechau#37:32 37:3 meholie. ketsepie uko puo tsüshü mu süu se puo ki vor di sie, “Hieko hau nguliewe, hau n nuou boulie mo mo shicü mehocie.” 33Siro puo süu silie di sie, “Hauha a nuou bouliete; nhachü kekhrie puo bu puo tecüliete, Josef sü ciechücierhawata meciete,” ibata. 34Süsie Jakob-e puo pfheneiko cierhawa di gakhropfheko chü selie, tsiu teisozha kekra puo nuo krü bata. 35Puo nuonuo thepfuko mu thenuko rei puo nou thupeluotuoü vo, derei puo mia bu puo nou thupeluo mvü di sie, “Molie a we kra zo di Sheol nu a nuou ki tsutie,” ibata. Sümhie di puo puoe puo la kra bata. 36Süteiki Midianmia puo zepie Ijipt nu Faro khro kezhamia, puo kepfheko mhokezhau Potifar ki shüwa.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Bible Society of India
© 2023, Used by permission. All rights reserved. More