Keriekitho DIETHERIE

DIETHERIE

Keriekitho cae Sede isi. Leshüda hanu tei, kijü mu themia chükelie, kephouma mu kemezhiekecü kijü gei vorketa, siro kimhie di Ukepenuopfüe themia ze mhachü shicü dzeko thushü.

Leshü hau kezapie kenie chülie vi.

Kerieu. Thuthe 1-11 Kijü chükelie mu themia dzeüse kerieko thushü. Hau nu Adam mu Iv, Kain, Abel, Noah, dzüdi mu Babel tsiepfhe dzeko thu.

Kenieu. Thuthe 12-50 Israelmia pfutsanuoko dze thu. Therieu, Abraham kepele mu puo Kepenuopfü dieze chükelie thu. Süsie puo nuo Isak, puo tsuu Jakob mu Jakob geinu Israel seyie kerekenie parkelie dze, ba hurei Josef dze pu pekuoshü. Süsie Jakob mu puo nuonuoko ze Ijipt nu tsu di lhouketa dze thu lashü.

Leshü hau nu themia kekreikreicü dze pu kevo geinu Ukepenuopfü mhachükeshüko ngu meyiemeluo zolie. Süusü tei mu kijü chükeshü Kepenuopfüe puo themiako rükra sei tuo zoketuo thakeshü ngulie. Leshü peteu nu mhaca kemeyieu sü Ukepenuopfüe mha kesuo kechümia siazha pie tsüyakecü mu puo diezemia khruohi mu cha tha tuoyakezha pu. Kepelemia dzeüseko phrü di themia khruohipie u kepele se thalieketuo la leshüu thulie.

Ngulieketuo

Tei mu kijü tsiu themia chükelie 1:1—2:25

Kephouma mu kemezhiekecü sedeketa 3:1-24

Adam nunu vo Noah ketso 4:1—5:32

Noah nunu vo dzüdi ketso 6:1—10:32

Babel tsiepfheu 11:1-9

Shem nunu Abraham ketso 11:10-32

U pfutsanuoko: Abraham, Isak, Jakob 12:1—35:29

Isau nuosenuoyieko 36:1-43

Seth mu puo siezedzürieko 37:1—45:28

Ijipt nu Israelko 46:1—50:26

المحددات الحالية:

Keriekitho DIETHERIE: ANBRBSI

تمييز النص

نسخ

هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول

The Bible Society of India