Luc 8
8
Antuma a kuumi na vuele bla akaasi ma luoniŋi Zezi
1Emana Zezi oyeni ntsa ampuhu na enguundu ma otooso Ntsia e Mve Onkani o Ndziami. Antuma a kuumi na vuele aki bla nde. 2Eki se na akaasi ma atusihi edidima ma ebi o bo, emana asalihi angaa a bo. Eki Mariya ma atsuolo o Mariya a Madala ma tusihi edidima ntsaami. 3Dzaane okari a Suza odzandzi Erode, Sizaane bla akima kuna ma ampihi Zezi biibi e bo ma oyamaha nde bla aluoni a nde.
Ntsintsami okuni
4Lemvuuru lewi ma enguundu eso ma odze mpili e Zezi, nde oti bo ntsintsami ndi: 5«Mvuuru omo oyeni akuna mburu. Ntini e nde akunihi, mburu e ntsomi evi osiese a ndzila, baari adzarihi, anyui a yulu adzi eso. 6Mburu e mo evi o yula akele. Biila ekuli, ekayi mo kaama andza. 7Mburu nkima evi ntsa antsiene, dzo eso ekuli, emana antsiene abumi biila. 8Mburu e mbisa evi o ntsie eve, ekuli empi mburu kuna kuna.#8.8 Like ateendi ekuumi e mburu kuumi.» Ŋa Zezi owobi na ankala ndi: «Ali na atsui ma oyuha, oyuhi!»
9Aluoni a Zezi apisi ndi ntsintsami dzia ma oduha ndi nki. 10Nde okaali ndi: «Be lema basaha puha ma oyaa maami ama adzisihi ama Onkani o Ndziami, ŋa o baari akema, me owobo na bo ma antsintsami. Bo ma akeese okoroho bo i mono ni, bo ma ta tsui okoroho bo i yuha yemiŋi ni.»
Zezi apasa bo ntsintsami dzia
11Ŋa ntsintsami dzia ma oduha ndi: mburu oma kaha mbari e Ndziami. 12Eli osiese a ndzila oma kaha baari ma yuha mbari e Ndziami omana Dzabri otsiesi mbari ntsa etima e bo, ma oduma bo ama yalaha Ndziami bo se ama vuuha. 13Mburu evi o yula akele oma kaha baari ma yuha mbari e Ndziami, ayalihi yo bla osuere, mbari e Ndziami ekini obaha ekaŋa nkara ntsa etima e bo ni. Bo oyalaha ma antini ake. Ŋa ntini ampasi bo asubi. 14Mburu evi ntsa antsiene, oma kaha baari ma yuha mbari e Ndziami omana ampasi, bla osolo na eve ma lebihi, elihi bo kula. Bo i ma yele ni. 15Mburu evi o ntsie e mve, oma kaha baari ma yuha mbari e Ndziami, aya tele na otima ove. Bo ma kiele yo, omana bo asi maami ma ave, mo nkomoho e bo.
Ntsintsami e baami e mbaa
16Mvuuru i buuna onaasa baami e mbaa owuhi yo o ndzuu si kali olehi ntsina ntari ni. Nde otsuusa yo o biri eli baari onyunuŋa, amoni oyalala. 17Maami aso ma ama dibiha ma dila otsuuha tsuhu mo. Ma ali ma adzisihi aso ma dila oyaa, atsuuha o ndzi. 18Lesa ayiba ma osuumbu a be leyuha, obila mvuuru ali na kiila ma selehe oluusa nde, mvuuru ali kiila onyaŋa, ma tsiese na okiehe se o biibi e nde atsimiŋa oka na dzo.
Zezi alaha nkuono e nde e dzaa dzaa
19Nguhu a Zezi bla nkuono e nde, ayi na basaha nde. Bo aki i buuna oto mpili e nde ni, obila ma lemvuuru. 20Baari na Zezi ndi: «Nguhu a we bla baana ma anguhu a we ali o ndzi, bo ma saha omono we.» 21Zezi okaali na bo ndi: «Nguhu a me bla baana ma anguhu a me, oma kaha baari ma yuha mbari e Ndziami ŋa ma asiaha maami a nde.»
Zezi abie na okru
22Tsuhu mo, Zezi bla aluoni a nde akumi ntsa mbuungu, nde na bo ndi: «Letsue levuula ngula dzaanga.#8.22 Dzaanga dzia eki e Galili, ma atuolo se o Zenezarete. Ngula kua mpili e baari ma ali ka a Azife ni.Bo se ayeni.» 23Ntini e bo ma vuulihi, tolo lebiri Zezi, okru oyi, andza aluuli o mbuungu, bo aya o mbimbi. 24Aluoni atsiini na e Zezi, anyuusi nde ndi: «E Nkumu, e Nkumu saabe lobi lekua.» Nde onyusihi, obie na okru, na piebi, na epuhi elomi. Dzo eso eya kami. 25Emana nde opisi bo ndi: «Oyalihi o be oli kuni?» Bo amoni vuoho na lekimi. Aya ma wobo o mpanihi e bo ndi: «Saabe yu mvuuru na, eli na andza na okru ma nyiima nde.»
Zezi osalihi balaha eki na edidima ma ebi
26Zezi bla aluoni a nde ato osiese osi o Zerezani, eli ngula dzaanga e tele na Ngalili. 27Ntini e Zezi atsuuhi ntsa mbuungu, balaha mo e ma onguundu kia, aki na edidima ma ebi oyi na avunuha bla nde. Nde aki aya odzieŋe otaba. Aki ayiha i ka o ndzo ni, okaha ntsa antsuo. 28Nde omono Zezi owuli nkima, ovi o miisi a nde. Owobi na ankala ndi: «We na me oma Zezi? We muana a Ndziami a Nkara Yulu, Kolo kolo e we nyila me osuesehe!» 29Zezi obie na odidima ŋa ebi ndi: «Tsuuha o nde!» Tso oki oma biha nde o nyuru, akuri nde endi o dziala ankoso o nyiili, nde otsebi. Odidima kia obiri nde ntsa ebiri e kayi. 30Zezi opisi nde ndi: «Nkuumi e we na?» Nde okaali ndi: «Lenkindi la aworo.» Obila edidima kuna eki ema nyuniŋa o nde. 31Edidima episi kolo kolo na Zezi, ma oduma nde oma tina dzo ntsa mbie leku#8.31 Mpili e Ndziami ama lehe edidima ma ebi ongenege.. 32Ŋa dziimi le enguu, leki o paani e bo, ledza o yula okuri. Edidima ma ebi na Zezi ndi: «Nyila bisi ledze ntsa enguu.» Nde se oyalihi. 33Edidima ma ebi etsuuhi o balaha dzia, enyunihi ntsa enguu, dziimi lia se lesurihi ntsa ongulu, lekui. 34Akieli ma enguu amono le eyiri, adimi ma antsiini na aduha baari a ma onguundu na ampuhu. 35Baari atsuuhi na amono maami ma ayiri, bo abasihi balaha ma tusihi edidima ma ebi. Oya o ntsi o paani e Zezi, ama laasa amfa, oya yemiŋi. Bo amoni vuoho. 36Baari ma amoni maami ma ayiri aso, ayeni na aduha abuha osuumbu a Zezi avusihi balaha eki na edidima ma ebi. 37Baari ama osi o Zerezani aso na Zezi ndi: «Tsiehe bisi o mpuhu.» Obila bo aki na vuoho yo mini. Zezi okumi ntsa mbuungu ovurihi. 38Balaha ma tusihi edidima ma ebi na Zezi ndi: «Kolo kolo e we, bira me bla we!» Zezi ovuuri nde ndi: 39«Vuruha ndzo e we, we oduha maami a Ndziami asi o we.» Nde ovurihi na aduha ntsa onguundu oso maami a Zezi asi o nde.
Zezi onyuusi muana Zayirise okaasi. Osalihi okaasi aki na ngaa esibi kuumi na dziele.
40Ewihi e Zezi ngula ongulu, baari ayambi nde. Ma oma, bo aso adilihi nde. 41Balaha mo e nkuumi Zayirise, nkumu a ndzo ma avuonoho, owasihi na e Zezi, ovi o nyiili e Zezi. Ovuoni nde ma oya ndzo e nde. 42Obila nde aki na muana okaasi, nde aki muana a kia. Muana esibi kuumi na dziele. Oli na ngaa e nkala. Zezi o ndzila, lemvuuru leki lepia nde. 43O ŋa eki na okaasi omo na ngaa ovuvuhu. Esibi eki emi yira kuumi na dziele. Nde aki ama kaba adoro kuna mpuhu asalihi a baari. Ŋa mvuuru se omo aka buuna osalaha nde ni. 44Nde oyiri ngula Zezi, otiili poho e mfa e nde, ovuvuhu owi. 45Zezi opisi ndi: «Atiili na me na?» Baari aso abisi. Ŋa Piere ndi: «Nkumu, lemvuuru ledzenehe we, lepia we!» 46Zezi okaali ndi: «Mvuuru ama tiila me. Me emoni mpari ema tsuuha o me.» 47Okaasi dzua omono ndi ami yiimba nde, oya atiriha, oyi na awura avuo o nyiili e Zezi mua baari aso. Nde se oduhi obila o nde anaami na Zezi, na osuumbu a nde awuumi o ntsi na ntsi. 48Zezi na nde ndi: «Kaasi, oyalihi o we omi vusuha we. Dziehe ntsa oduusu». 49Zezi aki okini awobo, balaha mo ntu ewi ndzo e Zayirise a nkumu a ndzo ma avuonoho, na nde ndi: «Muana a we omi kua nyila oma weele Nkumu.» 50Zezi oyuha vua nde na Zayirise ndi: «Kaa monoho vuoho ni, lehe oyalihi, muana a we avuuha.» 51Nde oto ndzo, aka yalaha ndi baari aso anyuniha ni. Ongula Piere, Zan, Zaake na nguhu bla taara a muana. 52Baari aso aki ma olili, bo ali o nkuono obila o nde. Zezi ndi: «Lenyila olili, nde okini okua ni, nde oli tolo!» 53Ŋa bo aya ma sebe Zezi, ma oma bo aki ayaa ndi muana ama kua. 54Zezi okuari nde o kuoho, owobi na ankala ndi: «Muana me, nyusuha!» 55Oduduma a muana okaasi se oyi na vriha, nde otemihi o ntsi na ntsi. Zezi na bo ndi: «Lempa nde biila.» 56Nguhu bla taara a muana aya ntsa lekimi. Zezi na bo ndi: «Be lekaa duha mvuuru maami ma ayiri ni.»
المحددات الحالية:
Luc 8: MDT
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luc 8
8
Antuma a kuumi na vuele bla akaasi ma luoniŋi Zezi
1Emana Zezi oyeni ntsa ampuhu na enguundu ma otooso Ntsia e Mve Onkani o Ndziami. Antuma a kuumi na vuele aki bla nde. 2Eki se na akaasi ma atusihi edidima ma ebi o bo, emana asalihi angaa a bo. Eki Mariya ma atsuolo o Mariya a Madala ma tusihi edidima ntsaami. 3Dzaane okari a Suza odzandzi Erode, Sizaane bla akima kuna ma ampihi Zezi biibi e bo ma oyamaha nde bla aluoni a nde.
Ntsintsami okuni
4Lemvuuru lewi ma enguundu eso ma odze mpili e Zezi, nde oti bo ntsintsami ndi: 5«Mvuuru omo oyeni akuna mburu. Ntini e nde akunihi, mburu e ntsomi evi osiese a ndzila, baari adzarihi, anyui a yulu adzi eso. 6Mburu e mo evi o yula akele. Biila ekuli, ekayi mo kaama andza. 7Mburu nkima evi ntsa antsiene, dzo eso ekuli, emana antsiene abumi biila. 8Mburu e mbisa evi o ntsie eve, ekuli empi mburu kuna kuna.#8.8 Like ateendi ekuumi e mburu kuumi.» Ŋa Zezi owobi na ankala ndi: «Ali na atsui ma oyuha, oyuhi!»
9Aluoni a Zezi apisi ndi ntsintsami dzia ma oduha ndi nki. 10Nde okaali ndi: «Be lema basaha puha ma oyaa maami ama adzisihi ama Onkani o Ndziami, ŋa o baari akema, me owobo na bo ma antsintsami. Bo ma akeese okoroho bo i mono ni, bo ma ta tsui okoroho bo i yuha yemiŋi ni.»
Zezi apasa bo ntsintsami dzia
11Ŋa ntsintsami dzia ma oduha ndi: mburu oma kaha mbari e Ndziami. 12Eli osiese a ndzila oma kaha baari ma yuha mbari e Ndziami omana Dzabri otsiesi mbari ntsa etima e bo, ma oduma bo ama yalaha Ndziami bo se ama vuuha. 13Mburu evi o yula akele oma kaha baari ma yuha mbari e Ndziami, ayalihi yo bla osuere, mbari e Ndziami ekini obaha ekaŋa nkara ntsa etima e bo ni. Bo oyalaha ma antini ake. Ŋa ntini ampasi bo asubi. 14Mburu evi ntsa antsiene, oma kaha baari ma yuha mbari e Ndziami omana ampasi, bla osolo na eve ma lebihi, elihi bo kula. Bo i ma yele ni. 15Mburu evi o ntsie e mve, oma kaha baari ma yuha mbari e Ndziami, aya tele na otima ove. Bo ma kiele yo, omana bo asi maami ma ave, mo nkomoho e bo.
Ntsintsami e baami e mbaa
16Mvuuru i buuna onaasa baami e mbaa owuhi yo o ndzuu si kali olehi ntsina ntari ni. Nde otsuusa yo o biri eli baari onyunuŋa, amoni oyalala. 17Maami aso ma ama dibiha ma dila otsuuha tsuhu mo. Ma ali ma adzisihi aso ma dila oyaa, atsuuha o ndzi. 18Lesa ayiba ma osuumbu a be leyuha, obila mvuuru ali na kiila ma selehe oluusa nde, mvuuru ali kiila onyaŋa, ma tsiese na okiehe se o biibi e nde atsimiŋa oka na dzo.
Zezi alaha nkuono e nde e dzaa dzaa
19Nguhu a Zezi bla nkuono e nde, ayi na basaha nde. Bo aki i buuna oto mpili e nde ni, obila ma lemvuuru. 20Baari na Zezi ndi: «Nguhu a we bla baana ma anguhu a we ali o ndzi, bo ma saha omono we.» 21Zezi okaali na bo ndi: «Nguhu a me bla baana ma anguhu a me, oma kaha baari ma yuha mbari e Ndziami ŋa ma asiaha maami a nde.»
Zezi abie na okru
22Tsuhu mo, Zezi bla aluoni a nde akumi ntsa mbuungu, nde na bo ndi: «Letsue levuula ngula dzaanga.#8.22 Dzaanga dzia eki e Galili, ma atuolo se o Zenezarete. Ngula kua mpili e baari ma ali ka a Azife ni.Bo se ayeni.» 23Ntini e bo ma vuulihi, tolo lebiri Zezi, okru oyi, andza aluuli o mbuungu, bo aya o mbimbi. 24Aluoni atsiini na e Zezi, anyuusi nde ndi: «E Nkumu, e Nkumu saabe lobi lekua.» Nde onyusihi, obie na okru, na piebi, na epuhi elomi. Dzo eso eya kami. 25Emana nde opisi bo ndi: «Oyalihi o be oli kuni?» Bo amoni vuoho na lekimi. Aya ma wobo o mpanihi e bo ndi: «Saabe yu mvuuru na, eli na andza na okru ma nyiima nde.»
Zezi osalihi balaha eki na edidima ma ebi
26Zezi bla aluoni a nde ato osiese osi o Zerezani, eli ngula dzaanga e tele na Ngalili. 27Ntini e Zezi atsuuhi ntsa mbuungu, balaha mo e ma onguundu kia, aki na edidima ma ebi oyi na avunuha bla nde. Nde aki aya odzieŋe otaba. Aki ayiha i ka o ndzo ni, okaha ntsa antsuo. 28Nde omono Zezi owuli nkima, ovi o miisi a nde. Owobi na ankala ndi: «We na me oma Zezi? We muana a Ndziami a Nkara Yulu, Kolo kolo e we nyila me osuesehe!» 29Zezi obie na odidima ŋa ebi ndi: «Tsuuha o nde!» Tso oki oma biha nde o nyuru, akuri nde endi o dziala ankoso o nyiili, nde otsebi. Odidima kia obiri nde ntsa ebiri e kayi. 30Zezi opisi nde ndi: «Nkuumi e we na?» Nde okaali ndi: «Lenkindi la aworo.» Obila edidima kuna eki ema nyuniŋa o nde. 31Edidima episi kolo kolo na Zezi, ma oduma nde oma tina dzo ntsa mbie leku#8.31 Mpili e Ndziami ama lehe edidima ma ebi ongenege.. 32Ŋa dziimi le enguu, leki o paani e bo, ledza o yula okuri. Edidima ma ebi na Zezi ndi: «Nyila bisi ledze ntsa enguu.» Nde se oyalihi. 33Edidima ma ebi etsuuhi o balaha dzia, enyunihi ntsa enguu, dziimi lia se lesurihi ntsa ongulu, lekui. 34Akieli ma enguu amono le eyiri, adimi ma antsiini na aduha baari a ma onguundu na ampuhu. 35Baari atsuuhi na amono maami ma ayiri, bo abasihi balaha ma tusihi edidima ma ebi. Oya o ntsi o paani e Zezi, ama laasa amfa, oya yemiŋi. Bo amoni vuoho. 36Baari ma amoni maami ma ayiri aso, ayeni na aduha abuha osuumbu a Zezi avusihi balaha eki na edidima ma ebi. 37Baari ama osi o Zerezani aso na Zezi ndi: «Tsiehe bisi o mpuhu.» Obila bo aki na vuoho yo mini. Zezi okumi ntsa mbuungu ovurihi. 38Balaha ma tusihi edidima ma ebi na Zezi ndi: «Kolo kolo e we, bira me bla we!» Zezi ovuuri nde ndi: 39«Vuruha ndzo e we, we oduha maami a Ndziami asi o we.» Nde ovurihi na aduha ntsa onguundu oso maami a Zezi asi o nde.
Zezi onyuusi muana Zayirise okaasi. Osalihi okaasi aki na ngaa esibi kuumi na dziele.
40Ewihi e Zezi ngula ongulu, baari ayambi nde. Ma oma, bo aso adilihi nde. 41Balaha mo e nkuumi Zayirise, nkumu a ndzo ma avuonoho, owasihi na e Zezi, ovi o nyiili e Zezi. Ovuoni nde ma oya ndzo e nde. 42Obila nde aki na muana okaasi, nde aki muana a kia. Muana esibi kuumi na dziele. Oli na ngaa e nkala. Zezi o ndzila, lemvuuru leki lepia nde. 43O ŋa eki na okaasi omo na ngaa ovuvuhu. Esibi eki emi yira kuumi na dziele. Nde aki ama kaba adoro kuna mpuhu asalihi a baari. Ŋa mvuuru se omo aka buuna osalaha nde ni. 44Nde oyiri ngula Zezi, otiili poho e mfa e nde, ovuvuhu owi. 45Zezi opisi ndi: «Atiili na me na?» Baari aso abisi. Ŋa Piere ndi: «Nkumu, lemvuuru ledzenehe we, lepia we!» 46Zezi okaali ndi: «Mvuuru ama tiila me. Me emoni mpari ema tsuuha o me.» 47Okaasi dzua omono ndi ami yiimba nde, oya atiriha, oyi na awura avuo o nyiili e Zezi mua baari aso. Nde se oduhi obila o nde anaami na Zezi, na osuumbu a nde awuumi o ntsi na ntsi. 48Zezi na nde ndi: «Kaasi, oyalihi o we omi vusuha we. Dziehe ntsa oduusu». 49Zezi aki okini awobo, balaha mo ntu ewi ndzo e Zayirise a nkumu a ndzo ma avuonoho, na nde ndi: «Muana a we omi kua nyila oma weele Nkumu.» 50Zezi oyuha vua nde na Zayirise ndi: «Kaa monoho vuoho ni, lehe oyalihi, muana a we avuuha.» 51Nde oto ndzo, aka yalaha ndi baari aso anyuniha ni. Ongula Piere, Zan, Zaake na nguhu bla taara a muana. 52Baari aso aki ma olili, bo ali o nkuono obila o nde. Zezi ndi: «Lenyila olili, nde okini okua ni, nde oli tolo!» 53Ŋa bo aya ma sebe Zezi, ma oma bo aki ayaa ndi muana ama kua. 54Zezi okuari nde o kuoho, owobi na ankala ndi: «Muana me, nyusuha!» 55Oduduma a muana okaasi se oyi na vriha, nde otemihi o ntsi na ntsi. Zezi na bo ndi: «Lempa nde biila.» 56Nguhu bla taara a muana aya ntsa lekimi. Zezi na bo ndi: «Be lekaa duha mvuuru maami ma ayiri ni.»
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES