मत्ती 3

चुसुणे बाड़ा यूहन्ना अपु कम शुरु करण

मरकुस 1:1-8; लूका 3:1-9; 3:15-17; यूहन्ना 1:19-28

1तेन्हि दिनि चुसुणे बाड़ा यूहन्ना यहूदिया राज्ये अरुणि धार अन्तर एई कइ प्रचार करण लगा, 2“शुणे, शुणे! तुस अपु अपु मन बदलीण दिए, किस कि स्वर्गे राज्य#3:2 “स्वर्गे राज्य” मतलब “परमेश्वरे राज करणे टेम”। जे यहूदी मेह्‍णु परमेश्वरे नओं नेण केआं डरतेथ, से “परमेश्वर” बदले “स्वर्ग” बोतेथ। जीं कि से “परमेश्वरे दाह” जे “स्वर्गे दाह” बोतेथ। नीड़ा एई गो असा।”#मत्ती 4:17; मरकुस 1:15 3ए सेईंए भो जेसे बारे यशायाह भविष्य वक्ते पेहलाई बोलो थिउ

“अरुणि धार अन्तर कोई हक देण लगो असा,

कि प्रभु जे बथ बणाण दिए त तसे बथ सुसुर कइ बड़ाए।”#यशायाह 40:3

4यूहन्ना ऊंटी के ऊनि के बड़ाउओ झिणे डबताथ, त छोड़ी मझीन पिड़ताथ। से टठ त जंगले मखीर खांताथ। 5तोउं यरुशलेम शेहर, यहूदिया राज्य त यरदन दरेउए औत-कोती बइ सोब जगाई मेह्‍णु तसे भेएड़ एई गे। 6तेन्हि सोबी अपु अपु पाप मने त यूहन्ने से यरदन दरेउ अन्तर चुसे। 7जिखेईं तेन सुआ फरीसी त सदूकी#3:7 फरीसी त सदूकी: ए यहूदी मेह्‍णु के तेस दुई दले नओं असु, जेस दले मेह्‍णु मूसे दुतो नियम अन्तर पण्डित थिए त तेस मनुण जे सुआ जोर देन्तेथ। चुसीण जे एन्ते काए त तेन्हि जे बोलु, “ए जहरिले कीड़ी के गभुरुओ! तुस बि इरुह किस परमेश्वरे एणे बाड़ी लेहेर केईआं बचणे कोशिश करण लगो असे? 8घेई कइ ईं कम करे जेसे बेलि पता लगाल कि तुसी सच्चे बि अपु मन बदलो असे। 9तुस अपु अपु मन अन्तर ईं न सोचे कि ‘हें बोउ अब्राहम भो’#यूहन्ना 8:33 त असी मन बदलुणे कोई जरूरत नेईं; किस कि अउं तुसी जे बोता कि परमेश्वर अब्राहम जे घोड़ी अन्तरा बि गभुर किढ़ बटता। 10हेरे! अभेईं बि झेउठ बुटे जील रख छो असा, ताकि जे बि बुटा खरा फल न देन्ता तेस काट कइ आग अन्तर छइ छते।”#मत्ती 7:19

11“शुणे, किस कि तुसी अपु मन बदलो असे त अउं तुसी पाणि अन्तर चुसुण लगो असा। पर जे मोउं केआं पता एन्ता, से मोउं केआं बि ताकतवर असा। अउं त तसे प्युले टाणे लेएक बि नेईं। से तुसी शुची आत्मा त आगी अन्तर चुसता। 12तसे फटण तसे हतेउ असु। से अपु खला सुसुर साफ कता, त अपु अनाज केंचार अन्तर कठेरता। पर जे कऊ असा तेस आग अन्तर छता, जे कदी न हुशती।”

यूहन्ने यीशु चुसुण

मरकुस 1:9-11; लूका 3:21-22

13तेस टेम यीशु गलील राज्य केआं यरदन दरेउ बन्ने आ, ताकि यूहन्ना तस पाणि अन्तर चुसे। 14पर यूहन्ना तेस जे बोलुण लगा कि “मोउं तुसी केईं चुसीण जे एण चहिए। पर तुस मोउं केईं कीं ओ असे?” 15यीशु तेस जे जवाब दिता, “अब त इहांणि भुण दे, किस कि असी इहांणि रीति रिवाज जोई धरम पूरा करण ठीक असा।” 16तोउं यीशु चुसी कइ झट पोण अन्तरा बाहर एई गा। त तसे पुठे अम्बर पूरा खुल गा। तोउं तेन परमेश्वरे आत्मा अलणी वेश अन्तर अपु पुठे एन्ते काई। 17तोउं अम्बर केआं ईं अवाज भुई कि “ए में ट्यारा कुआ भो, जेस हेर अउं सुआ खुश असा।”#मत्ती 12:18; 17:5; मरकुस 1:11; लूका 9:35

المحددات الحالية:

मत्ती 3: pgg

تمييز النص

نسخ