Lǔka 22
22
Yṳ̌daphû̌ ikǒlǒkò tokhlǒ gènè̤ pṳ̂̌ lô̌khô Yeshǔ
(Matè̌ 26:1-5, 14, 16; Makǔ 14:1-2, 10-12; Yṳ̂ha 11:45-53)
1Pwèǎmû̌ shôdô ta̤bû dǒ kòyò kaǎ kû̌ ta̤cû̌bò̌tûlû̌pwè hǒnu, alṳmṳ̌ni̤ lṳmṳ̌sa hèphǔ hǒ. #Hǎplǎge 12:1-27 2Pwa̤lṳhtò̌ ikǒlǒkò tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ ǐsha kòyò saprṳ̂ alǎ̤ akhû̌akhî, a kè̌pǒ̤ klè̌ tôbôbô dǒ a glè̌ ma̤si hǔkè Yeshǔ.
Khûyṳ̌da olò̤ dǒ a glè̌ shaǎlò̤ Yeshǔ
3Htodě Khûyǔda Isakariyû dǒ kòyò kaǎpô̤̌ lû̌ûmi̤ kû̌ Isakariyû hǒtôpwa̤nu, hǎkhû̌tana hènṳ̌ dǒ lû̌ sǎphlǒkû. A mî̌ ôgû̌kû̌ Běcǎ Yeshǔ akhôphijǎ shǐsò̌ginǐ̤ akla tôpwahǒ. 4Pô̤̌nu akhû̌akhî, Khûyṳ̌da cû̌ô̌plǒ shôbǐǐ kû̌ pwa̤shû̌gǎ ikǒlǒkò tokhlǒ kû̌ kòyò ô̌pǒ̤ ta̤lṳhtò̌hô ikǒlǒkò tokhlǒ. Dě a cû̌ô̌plǒ shôbǐǐlṳ̌ asî kû̌ a glè̌ shaǎlò̤kè Yeshǔ hî̌tè pěnu awe̤akè. 5Asî sǎlě̤sǎlò̤ olò̤shǔ Khûyṳ̌da kû̌ a glè̌ ǐ lû̌û ru pě. 6Khûyṳ̌da jûshǔ asî. Htodě pô̤̌khô̌ kòyò glè̌ sîya tǎ̤ tôpwa̤ tǎ̤mǎ̤ nu, a sahtò̌ kè̌pǒ̤ shěkhǎtôbǎ dǒ a glè̌ shaǎlò̤kè Yeshǔ.
Ta̤tîwî̌tòwò ta̤cû̌tûlû̌pwè lǎ̤ǎlǎ̤ô
(Matè̌ 26:17-25; Makǔ 14:12-21; Yṳ̂ha 13:21-30)
7Mǒ̤ni̤mǒ̤sa bǎhǒ dǒ pwèǎmû̌ shôdô ta̤bû hètǒ̤hǒ dě Yǔdaphû̌ tokhlǒ ma̤si lô̌khô sû̌phû̌ dǒ gǔǎgǔô kû̌ ta̤cû̌tûlû̌pwè aya. 8Yeshǔ no Khûpetarǔ kû̌ Khûyṳ̂ha dě a mǎcû̌nṳ̌ asî yô̤̌sǎ kû̌, “Cû̌ tîwî̌tòwò ô̌nǎ lô̌khô lǎ̤ǎlǎ̤ô ta̤cû̌bò̌tûlû̌pwè shǎǎplò̌shǐ lṳmṳ̌hǎ nu nî̌꤮.”
9Asî gwè̌ lû̌û kû̌, “Na sǎyṳ notîwî̌tòwò tô pa bǎtè tûkûya?”
10Yeshǔ hî̌ asî kû̌, “Ganǎ̤de lô̌khô, bǎ sî cû̌nutǒ̤ dǒ wî̤̌kû akhapěnu, sî glè̌ kè̌shǐshǔ kû̌ kòyòpha hèdò̌ yò̤̌geshi kû̌ gopo̤hǎ tôpwa̤ pě. Dě gû̌ge nṳ̌kû̌ lû̌û dǒ a genṳ̌ tûû̌ hǐtômè akûnu nî̌꤮. 11Dě gwè̌ hǐběcǎnu kû̌, ‘sara gwè̌ na kû̌, hǐdǒkû dǒ shǐtèmè̤ aya dǒ he kû̌ he khôphijǎ tokhlǒ glè̌ ǎ ta̤cû̌bò̌tûlû̌pwè aya hǒnumî̌ a ô̌ tôbǎtè?’ Gwè̌ lû̌û pô̤̌nu nî̌꤮. 12Htopědě a glè̌ nè̌lṳ̌ sî hǐdǒkû gûlǎ̤lè̤̌ dǒ akhû̌nutôtô̤̌ dǒ a ô̌lǒô̌be kû̌ ta̤kî̌ta̤krû̌ dǒ pa lǎ̤lṳ̂bǎ nutokhlǒ pě. Dě ô̌kè lô̌khô bǎnu dě tîwî̌tòwò pû lô̌khô pa shǎǎshǎô bǎnu nî̌꤮.”
13Asî hǎhtò̌cû̌ dě asî cû̌kè̌shǐ mè̤̌mî̌ca pô̤̌ Yeshǔ hî̌nǎ asî nu. Dě asî cû̌ tîwî̌tòwònǎ lô̌khô ta̤cû̌bò̌tûlû̌pwè ta̤shǎǎplò̌shǐ lṳmṳ̌hǎta̤ǎ aya bǎnu.
Běcǎ a ta̤ǎôplò̌shǐ lṳmṳ̌hǎ
(Matè̌ 26:26-30; Makǔ 14:22-26; Kôritu awǐlǒ tôbǎ 11:23-25)
14Bǎ shěkhǎ hètǒ̤hǒ dǒ tôbǎ ǎô hǒ ta̤cû̌bò̌tûlû̌pwè akhanu, Běcǎ Yeshǔ kû̌ pwa̤nophû̌ tokhlǒ cû̌ hǎnòò̌ tewe̤ plǒbò lû̌û dǒ lǎ̤ǎdîgògǒ akòshî̌. 15Dě a hî̌ asî kû̌, “Bǎ he khòbǎ ta̤jî̌ta̤jû̌ khôtô̤̌ akhanu, he sǎyṳ ǎôtǒ̤gû̌ ta̤cû̌bò̌tûlû̌pwè hǒo tôplǎnu sǎyṳ ǎjî̌ kû̌ sî. 16Ma̤titè̌hî̌dě, he hî̌ sî, Cǒmara kè̌ hèrû̌htò̌ge phlǔhtobò a kòyò khôtô̤̌ dě a hè htûkhwǐ dě apǒǐ asî khôtô̤̌nu, he ǎnô̌gû̌ pe ta̤cû̌bò̌tûlû̌pwè shǎǎshǎô nu kû̌ sî tô̤̌.”
17Yeshǔ phî̌htò̌ ba dě a hî̌bwǐsîrîhtò̌ Comara htodě a hî̌ kû̌, “Phimò̌ bahǒo dě yṳ̂̌lò̤ô pè̤̌ lû̌û. 18Ma̤titè̌hî̌dě he hî̌ sî, sahtò̌ khònò̤̌ tǒ̤dǒ Cǒmara glè̌ hè pǒshipǒgǎ pě tôplǎnu, he ôgû̌ pe sîpî̌shi hǒo tô̤̌.”
19Htodě Yeshǔ phî̌ mû̌ dě a hî̌bwǐsîrîhtò̌ Cǒmara. Htodě a běphwǐkè mû̌ dě ǐlò̤ kû̌ asî. Dě a hî̌ asî kû̌, “Hǒo mî̌ he nǎ̤glǒ dǒ he ǐlò̤kè dǒ sîya nuhǒ. Ǎ lô̌khô hǒo dǒ ta̤gènè̤htò̌ he akû nî̌꤮.”
20Bǎ a ǎhtohǒ lṳmṳ̌hǎshǎǎ akhanu, a phî̌htò̌pô̤̌ bahǒo dě a ma̤ sô̌sô̌kû̌ pô̤̌ a ma̤ mû̌nu dě a hî̌ kû̌, “Hǒomî̌ hesǐ dǒ a ma̤glema̤mě ta̤olò̤ asa dě sǐlò̤ dǒ sîyanu hǒ. #Yeramǐya 31:31-34 21Bǎbǎkǎlè kè̌ lô̌khô! kòyò dǒ a glè̌ shaǎlò̤kè he hǒtôpwa̤nu, a ô̌tǒ̤gû̌ he bǎ lǎ̤ǎgògǒ kòshǐnu pwǎ. #Htû̌sò̌htò̌ 41:9 22Kòyòphû̌khû mî̌ he a glè̌ si pô̤̌ Cǒmara a ta̤yè̤lò̤nǎ nupě bǎbǎ kòyò dǒ a glè̌ shaǎlò̤kè he hǒtôpwa̤nu, a glè̌ khòbǎ mè̤̌nǐ̤ca ta̤jî̌ta̤jû̌ pě!” 23Dě asî gwè̌ nǐ̤tû̌ lû̌û tôpwa̤ kû̌ tôpwa̤ dě a hî̌ lô̌khô kû̌, bǎtè tôpwa̤ glè̌ shaǎlò̤kè a pě ya?
Ta̤htè̌kè̌khî lû̌û kû̌ ta̤htûdû̌lǒ awe̤akè
24A khôphijǎ tokhlǒ htè̌kè̌khi nǐ̤tû̌ lû̌û kû̌, dǒ pakla hǒnumî̌ mò̌pè glè̌ htûdû̌gutṳ̌ kòyò pě ya? #Matè̌ 18:1; Makǔ 9:34; Lǔka 9:46Hǐnu. 25Dě Yeshǔ hî̌ asî kû̌, “Yǔdaphû̌ mè̤̌tô̤̌ tokhlǒ a khwǐcôphǎ sî tokhlǒnu, a noǎ nǐ̤tû̌ lô̌khô a ta̤siwi̤sòwò̤ nu dǒ shiphû̌gǎphû̌ tokhlǒ akhû̌ dě pwa̤pǒta̤ tokhlǒnu, a sǎyṳ dǒ a kòyò glè̌ kaǎ asî kû̌, ‘pwa̤ ma̤bwǐsîrî shiphû̌gǎphû̌’ tokhlǒ pô̤̌nu. 26Bǎbǎkǎlè sî mî̌ sî bǎma̤ gû̌ kòyò pô̤̌nutô̤̌. Kòyò dǒ a htûdû̌lǒ kòyò dǒ sîkla tôpwa̤pwa̤nu, a tôbǎ htû pô̤̌ kòyò dǒ a pîtî̌lǒ tôpwa̤nu, htodě kòyò dǒ a htû ikǒ tôpwa̤pwa̤nu, a tôbǎ htû jû̌ tôpwa̤nu. #Matè̌ 23:11; Makǔ 10:42-44 27Kòyò hǎkhû̌phû̌ tokhlǒ gènè̤ kû̌ kòyò ô̌hǎnòò̌ ǎshǎǎ dǒ dîgògǒ kòshî̌ numî̌ a htû dû̌lǒ kòyò hǒ, dě pwa̤ma̤ta̤phû̌ dǒ a bǔǎ kòyò dǒ a hǎnòò̌ ǎshǎ nutokhlǒ mî̌ a htû̌ kòyò dǒ a pî̌tî̌lǒ hǒ agènè̤ lô̌khô pô̤̌nu. Bǎbǎkǎlè, hedě he ô̌ dǒ sîkla pô̤̌ pwa̤ma̤ta̤phû̌ dǒ a bǔǎbǔô kòyò tôpwa̤nupwǎ. #Matè̌ 20:25-27; Makǔ 9:35; Yṳ̂ha 13:12-15 28Bǎ he khòbǎ ta̤pò̤̌ta̤sha akhanu, sî ô̌gû̌ kû̌ he pṳ̂̌꤮ taplǎ. 29Pô̤̌ hepha nopǒ he nu, he nopǒ gû̌ sî pě. 30Ma̤titè̤hî̌dě pô̤̌khô sî glè̌ ǎô gû̌ kû̌ he dǒ he dîgògǒ kòshî̌ dǒ heshihegǎkû pě, htotô̤̌ pô̤̌khô sî glè̌ ô̌hǎnòò̌ tǒ̤ kû̌ he dǒ gûlǎ̤htò̌yô̤̌ akhû̌ pě dě sî glè̌ cî̌htò̌ nǐ̤tû̌ Isarelaphû̌ shiginǐ̤mṳ̌ nu pě. #Matè̌ 19:28
Yeshǔ hî̌lṳ̌ô̌nǎ kû̌ Khûpetarǔ glè̌ la̤lò̤ lû̌û pě awe̤akè
(Matè̌ 26:31-35; Makǔ 14:27-31; Yṳ̂ha 13:36-38)
31“Khûshǐmṳ̂, Khshǐmṳ̂, ganǎ̤de! khînǎkhîno ikǒdû̌ cû̌kwigutṳ̌ hǒ Cǒmara kû̌ a glè̌ plûhǒ khînǎmǒ̤pha ikǒ glè̌ ma̤kè̌ bò sî pṳ̂̌pwa̤ hǒ. Dě a glè̌ ma̤kè̌kè̌ sî pô̤̌ pwa̤ma̤ǎlè̤̌phû̌ akhǎbò nǐ̤tû̌ abǔ nu pě. 32Bǎbǎkǎlè, Khshǐmṳ̂, pô̤̌khô na ta̤yṳ̌ta̤nǎ̤ glè̌ hǎpò̌kè tǎ̤mǎ̤nu, he kwicaba pa dǒ naya. Htodě bǎ na sî̌ya getîkhî gesô̌ hǒ nanǎ̤ pěnu, na tôbǎ ikhû̌ǐǎ na pṳ̌wè̤̌ tokhlǒ pě nî̌꤮.”
33Khshǐmṳ̂ Petarǔ hî̌shěshu lû̌û kû̌, “Běcǎ, he tôbǎ cû̌gû̌ kû̌ na dǒ kòyò lǎ̤dǒtě̤ kòyò a pô̤kûnu bǎbǎ, mè̤̌tô̤̌dě he tôbǎ si gû̌ kû̌ na bǎbǎ, he ô̌tîwî̌tòwò ô̌nǎ hǒ henǎ̤ hǒ.”
34Dě Yeshǔ hî̌shěshu lû̌û kû̌, “Khûpetarǔ, he hî̌ na, hǒtasa pě, bǎ shîpha û̌htò̌ khôtô̤̌ akhanu, na htè̌bǐkè he suplǎ pě.”
Ruko, khûkhilǎ̤bǐ kû̌ nò̌shî
35Htodě Yeshǔ gwè̌ akhôphijǎ tokhlǒ kû̌, “Do awǐkha nu, he nocû̌ sî dě he hî̌ sî kû̌, ruko bǎbǎ, khûkhi bǎbǎ, mè̤̌tô̤̌dě khò̌phě bǎbǎ phicû̌nǐ̤ tǎ̤ lô̌khô tǎ̤mǎ̤ nî̌꤮, he hî̌ sî pô̤̌nu, bǎnukha sî lǎ̤lû he tocǒcǒ ya?”#Matè̌ 10:9-10; Makǔ 6:8-9; Lǔka 9:3, 10:4
Dě asî hî̌shěshu kû̌, “Pa lǎ̤lû nô̌ tocǒ꤮ tô̤̌.”
36Yeshǔ hî̌shěshu asî kû̌, “Bǎbǎkǎlè khònò̤̌hǒo, mò̌pè̤̌ bǎbǎ dǒ ruhtako mè̤̌tô̤̌dě, a khûkhilǎ̤bǐ ô̌tokhlǒnu tô phî̌cû̌nṳ̌ lô̌khô, dě kòyò dǒ anò̌shî ô̌tô̤̌ tokhlǒnu tô shaǎlò̤ a jekhlǒdû̌ dě cû̌pwî̤nṳ̌ lô̌khô. 37He hî̌ pô̤̌hǒo ma̤titè̌hî̌numî̌ lî̤plò̌shǐ hî̌nǎ hewe̤hekè nu, a bǎ lǒhtò̌behtò̌ pě. Lî̤plò̌shǐ hî̌ kû̌, ‘kòyò bè̌nṳ̌ tǒ̤ he dǒ kòyòjî̌ kòyòjû̌ tokhlǒ akla,’ he hî̌ sî nu, a glè̌ hè lǒhtò̌behtò̌ hǒ.”#Yashǎya 53:12
38A khôphijǎ tokhlǒ hî̌ kû̌, “Běcǎ, na kè̌mò̌! nò̌shî ô̌ bǎhǒo ginǐ̤bǎ.”
“Pô̤̌nu mî̌ anǐ̤ hǒ,” a hî̌shěshu pô̤̌nu.
Yeshǔ kwicaba dǒ Òlî̌bakhôlôkhû̌
(Matè̌ 26:36-46; Makǔ 14:32-42)
39Yeshǔ ô̌ dǒ wî̤̌kû dě hǎhtò̌cû̌ dǒ òlǐba khôlôkhû̌ pô̤̌ alǎ̤klô cû̌ tûû̌nu, dě akhôphijǎ tokhlǒ gû̌cû̌ tǒ̤gû̌ kû̌ lû̌û. 40Bǎ a cû̌tǒ̤hǒ dǒ khôlôkhû̌ akha, a hî̌ asî kû̌, “Pô̤̌khô sî gǔ cû̌nṳ̌ gû̌ tǎ̤ dǒ ta̤tili̤tôlô̌ akû tǎ̤mǎ̤nu, sòklò dě kwicaba lô̌khô nî̌꤮.” 41Htodě a hǎhtò̌cû̌ tapheyi kû̌ asî bǎ kòyò wîcû̌yi̤ lǒ̤ tômè nu, dě a cû̌ dô̌gînelò̤ kwicaba bǎnu. 42A kwicaba dě a hî̌ kû̌, “Ǒ꤮ pha Cǒmara, na kè̌ sǎphlǒ tô hî̌dě, phi taphekè bǎ he ta̤jî̌ta̤jû̌ abalě hǒotabǎ, bǎbǎkǎlè jû̌꤮ he sǎphlǒ a ta̤sǎyṳ mè̤̌tô̤̌, jû̌꤮ tûû̌ pwǎ na sǎphlǒ nî̌꤮.” 43Mǒkhû̌tanaphû̌ tôpwa̤ hè ô̌lṳ̌htò̌ dě, a hè ǐkhû̌ǐǎ lû̌û. 44A sǎphlǒgû̌gè̌ hèshû̌ dě, a kwicaba shû̌lǒ pô̤̌pô̤̌. Dě akwî̌shi mèlò̤ dǒ hǎkhû̌ dě a sô̌sô̌ kû̌ sǐmèlò̤ nu hǒ.
45A kwicaba htodě a getîkhî sô̌ dǒ akhôphijǎ tokhlǒ a ô̌. A khôphijǎ tokhlǒ lòdô̌lòde sǎphlǒgû̌gè̌ lòdô̌lòde tûlû̌shû̌lě akhû̌akhî, Yeshǔ gekè̌shǐ kû̌ asî hǎmôô̌nṳ̌ shôpe̤ lǒ̤bò pṳ̂̌꤮ tôpwa̤. 46Yeshǔ hî̌ asî kû̌, “Sî hamôô̌ shôpe̤ bò lô̌khô hî̌tè? Pô̤̌khô sî glè̌ cû̌ lò̤tě̤nṳ̌ tǎ̤ dǒ tili̤tôlô̌ akû tǎ̤mǎ̤ nu ihtǒkwicaba bò mò̌ lô̌khô.”
Kòyò pṳ̂̌ Yeshǔ
(Matè̌ 26:47-56; Makǔ 14:43-50; Yṳ̂ha 18:3-11)
47Bǎ Běcǎ Yeshǔ hî̌bǎ pepwǎ akhanu, kòyò saprṳ̂ tôprṳ̂ hètǒ̤. Khûyǔda dǒ khôphijǎ shǐsò̌ginǐ̤ akla hǒtôpwa̤nu, a hèsû asî dǒ Yeshǔ a ô̌, htodě a hètô dǒ Yeshǔ ô̌ dě a hègômô̤ lû̌û. 48Bǎbǎkǎlè Yeshǔ hî̌ lû̌û kû̌, “Khûyǔda꤮ hǒomî̌ na shaǎlò̤kè Kòyòphû̌khû mî̌ he nu kû̌ na ta̤gômô̤ nu ya?”
49A khôphijǎ dǒ a ô̌kè kû̌ lû̌û tokhlǒnu, a sî̌yahǒ kû̌ kòyò glè̌ pṳ̂̌ Yeshǔ hǒ akhû̌akhî, asî gwè̌ lû̌û kû̌, “Běcǎ, pa tôbǎ pě̤shǔ kû̌ pa nò̌she hǒo ya?” 50Dě dǒ asî akla tôpwa̤nu, a pě̤tṳ̌kè pwa̤shû̌gǎ ikǒdû̌lǒ ajû̌ tôpwa̤ anò̌ku tôkhô.
51Bǎbǎkǎlè Yeshǔ hî̌ asî kû̌, “Ô̌kǔ lô̌khô, ma̤pe tǎ̤mǎ̤” htodě Yeshǔ bè̌icu bǎ tikhi kòyò hǒtôpwa̤ a nò̌kulǎ dě a ma̤wô̌ bǎ gesô̌ lû̌û.
52Htodě pwa̤shû̌gǎ ikǒ nutokhlǒ kû̌ kòyò ô̌pǒ̤ ta̤lṳhtò̌hô ikǒ nutokhlǒ kû̌ Yǔdaphû̌ mǒ̤phumǒ̤pwa̤ ikǒlǒkò dǒ a hèpṳ̂̌ lû̌û hǒtokhlonu, Yeshǔ hî̌ asî kû̌, “Sî hèpṳ̂̌ lô̌khô he tûkûdě sî hè kû̌ nò̌shî kû̌ nò̌po̤ sîtokhlǒ dě he mî̌ kòyò phû̌mò̤̌ dǒ a cû̌pṳ̂̌sôgwǐ yǒsaphǎ ǎ kòyòta tôpwa̤ nu ya? 53He ô̌gû̌ kû̌ sî dǒ ta̤lṳhtò̌hôkûnu pṳ̂̌꤮ tôni̤ dě sî pṳ̂̌ he tô̤̌tô̤̌, bǎbǎkǎlè bǎ khînǎkhîno ikǒ a sîrîshû̌sho pǒta̤ akha, ashěkhǎ bǎhǒ dǒ sî bǎ ma̤nu sî ma̤ pô̤̌nu hǒ.” #Lǔka 19:47, 21:37
Khûpetarǔ htè̌bǐkè Yeshǔ
(Matè̌ 26:57-58, 26:67-75; Makǔ 14:53-54, 14:66-72; Yṳ̂ha 18:12-18, 18:25-27)
54Asî pṳ̂̌ Yeshǔ dě kaǎcû̌kè lû̌û dǒ pwa̤shû̌gǎ ikǒdû̌lǒ tôpwa̤ ahǐkû, dě Khûpetarǔ gû̌cû̌ tûcû kû̌ lû̌ûkò dǒ nô̌kò. 55Dǒ pwa̤shû̌gǎdû̌lǒ hǒ tôpwa̤ ahǐ we̤ klǎmakûnu, kòyò shû̌gè̌ mî̌ ô̌ bǎnu tûkû, dě Khûpetarǔ hèhǎnòò̌ kû̌ kòyò hǎnòò̌ ushǔmî̌ bǎnu tokhlǒ. 56Pwa̤ma̤ta̤phû̌ pwa̤mǒ̤phû̌ tôpwa̤ kè̌tě̤tě̤ Khûpetarǔ hǎnòò̌ bǎ mî̌phǎshǐ nudě a hî̌ lû̌û kû̌, “Hǒo tôpwa̤ mî̌ a gû̌kû̌ Yeshǔ akò nutôpwa̤ hǒ꤮!”
57Bǎbǎkǎlè Khûpetarǔ htè̌shǔ lû̌û kû̌, “Pwa̤mǒ̤! he sî̌yanô̌ lû̌û tô̤̌.”
58Dǒnô̌kò tôshò̌phû̌nu, pwa̤khû dǒ ashǔshawa̤ tôpwa̤ kè̌shǐsô̌ a dě a hî̌ lû̌û kû̌, “Na mî̌ kòyò hǒo tôprû akla pwǎ!”
Bǎbǎkǎlè Khûpetarǔ hî̌shěshu lû̌û kû̌, “Pwa̤khû, he mè̤̌ bǎ hǒtôprṳ̂ tô̤̌.”
59Htodě dǒnô̌kò ashěkhǎ yî̤ tanare akhanu, kòyò dǒ ashǔshawa̤ tôpwa̤, hî̌shotuklǔ kû̌, “Kòyò hǒtôpwa̤ mî̌ aô̌pa kû̌ Yeshǔ nutôpwa̤ hǒ, he hî̌ hǒo asǔ nô̌ tîkî̌꤮ tô̤̌, ma̤titè̌hî̌dě a mî̌ Galilè̤̌phû̌ tôpwa̤ pwǎ.”
60Bǎbǎkǎlè Khûpetarǔ hî̌shěshu lû̌û kû̌, “Pwa̤khû꤮, na hî̌kwè̌ titè nu, he sî̌ganǎ̤ tô̤̌!” bǎ a hî̌bǎ pepwǎ pô̤̌o akhanu kû̌ shîpha û̌htò̌. 61Běcǎ htû̌tiwǐ̤ kè̌cû̌ tôsô̌ lû̌û akha, a gènè̤htò̌ tǒ̤bǎ Běcǎ Yeshǔ hî̌nǎkè lû̌û yô̤̌sǎ kû̌, “Hǒtôsa pě, bǎ shîpha û̌htò̌ khôtô̤̌ nu, na la̤lò̤kè he suplǎ pě,” a hî̌ lû̌û pô̤̌nu. 62Pô̤̌nudě a hǎhtò̌cû̌kè̌ dǒ akhlo dě a cû̌ hǎsihǎô̌.
Kòyò pi̤jî̌ǐsho Yeshǔ dě kòyòpo̤kòyòplè lû̌û
63Kòyò dǒ ô̌po̤kè̌ Yeshǔ tokhlǒ, a ǐlṳǐyǎ̤ sǎyǎ̤ lû̌û dě apo̤aplè bò lû̌û. 64Asî cobǐ Yeshǔ mǐ̤sǎ dě gwè̌ lû̌û kû̌, “Mî̌mò̌pè po̤na ya? taya kè̌kè̌!” 65Htodě asî pîjî̌ǐsho hî̌phǔmò̤shǐhtô lû̌û kû̌ yô̤̌sǎ dǒ ashǔshawa̤ tokhlǒ nu a ô̌ wô̤̌le.
Yṳ̌daphû̌ ikǒlǒkò tokhlǒ gwè Yeshǔ
(Matè̌ 26:59-66; Makǔ 14:55-64; Yṳ̂ha 18:19-24)
66Bǎ lṳmṳ̌bûhǒ akhanu, kòyò htû Yṳ̌daphû̌ aprṳ̂aphǎ a ikǒlǒkò tokhlǒ, kû̌ pwa̤shû̌gǎ ikǒlǒkò, kû̌ pwa̤sû̌ǐ ta̤sû̌ta̤tòwò asara tokhlǒ hè ô̌plǒbò lû̌û tûkûnô̤̌, dě asî kaǎhè Yeshǔ dǒ kòyò htûikǒlǒkò tokhlǒ alô̤mô̤̌. 67Dě asî hî̌ kû̌, “Shôbǐǐ bǎmò̌ pa, na mî̌ Khrǐ dǒ Cǒmara rû̌htò̌ a dǒ aglè̌ ma̤hǎplǎkè kòyòhǎkhû̌phû̌ nutôpwa̤ hǒ ya?”
Dě a hî̌shěshu asî kû̌, “He kè̌ hî̌ bǎ sî꤮ mî̌ sî yṳ̌ǎ nô̤̌ he tô̤̌tô̤̌. 68He kè̌ gwè̌ sî꤮ mî̌ sî hî̌shěshu nô̤̌ he tô̤̌tô̤̌. 69Bǎbǎkǎlè sahtò̌ khònò̤̌ tǒ̤hèpě nu, Kòyòphû̌khû mî̌he kòyò glè̌ hǎnòò̌ a dǒ ta̤bwǐdû̌sîrîhtû a Cǒmara cǔcûmû nutôkhô pě.” #Htû̌sò̌htò̌ 110:1
70Asî pṳ̂̌꤮ tôpwa̤ hî̌ kû̌, “Kè̌ hî̌pô̤̌nu dě na mî̌ Cǒmara aphû̌khû tôpwa̤ ya?”
Dě a hî̌shěshu asî kû̌, “Ò, a mè̤̌mî̌ca pô̤̌ sî hî̌ nu hǒ.”
71Dě asî hî̌ lô̌khô kû̌, “Pa cû̌ lṳ̂ bǎ pwa̤khòlṳ̌ hî̌tè? A hî̌ pe pwǎ hǒonu, pa ganǎ̤de bòhǒ pṳ̂̌꤮ tôpwa̤ hǒ.”
المحددات الحالية:
Lǔka 22: KXF
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Wycliffe USA
Lǔka 22
22
Yṳ̌daphû̌ ikǒlǒkò tokhlǒ gènè̤ pṳ̂̌ lô̌khô Yeshǔ
(Matè̌ 26:1-5, 14, 16; Makǔ 14:1-2, 10-12; Yṳ̂ha 11:45-53)
1Pwèǎmû̌ shôdô ta̤bû dǒ kòyò kaǎ kû̌ ta̤cû̌bò̌tûlû̌pwè hǒnu, alṳmṳ̌ni̤ lṳmṳ̌sa hèphǔ hǒ. #Hǎplǎge 12:1-27 2Pwa̤lṳhtò̌ ikǒlǒkò tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ ǐsha kòyò saprṳ̂ alǎ̤ akhû̌akhî, a kè̌pǒ̤ klè̌ tôbôbô dǒ a glè̌ ma̤si hǔkè Yeshǔ.
Khûyṳ̌da olò̤ dǒ a glè̌ shaǎlò̤ Yeshǔ
3Htodě Khûyǔda Isakariyû dǒ kòyò kaǎpô̤̌ lû̌ûmi̤ kû̌ Isakariyû hǒtôpwa̤nu, hǎkhû̌tana hènṳ̌ dǒ lû̌ sǎphlǒkû. A mî̌ ôgû̌kû̌ Běcǎ Yeshǔ akhôphijǎ shǐsò̌ginǐ̤ akla tôpwahǒ. 4Pô̤̌nu akhû̌akhî, Khûyṳ̌da cû̌ô̌plǒ shôbǐǐ kû̌ pwa̤shû̌gǎ ikǒlǒkò tokhlǒ kû̌ kòyò ô̌pǒ̤ ta̤lṳhtò̌hô ikǒlǒkò tokhlǒ. Dě a cû̌ô̌plǒ shôbǐǐlṳ̌ asî kû̌ a glè̌ shaǎlò̤kè Yeshǔ hî̌tè pěnu awe̤akè. 5Asî sǎlě̤sǎlò̤ olò̤shǔ Khûyṳ̌da kû̌ a glè̌ ǐ lû̌û ru pě. 6Khûyṳ̌da jûshǔ asî. Htodě pô̤̌khô̌ kòyò glè̌ sîya tǎ̤ tôpwa̤ tǎ̤mǎ̤ nu, a sahtò̌ kè̌pǒ̤ shěkhǎtôbǎ dǒ a glè̌ shaǎlò̤kè Yeshǔ.
Ta̤tîwî̌tòwò ta̤cû̌tûlû̌pwè lǎ̤ǎlǎ̤ô
(Matè̌ 26:17-25; Makǔ 14:12-21; Yṳ̂ha 13:21-30)
7Mǒ̤ni̤mǒ̤sa bǎhǒ dǒ pwèǎmû̌ shôdô ta̤bû hètǒ̤hǒ dě Yǔdaphû̌ tokhlǒ ma̤si lô̌khô sû̌phû̌ dǒ gǔǎgǔô kû̌ ta̤cû̌tûlû̌pwè aya. 8Yeshǔ no Khûpetarǔ kû̌ Khûyṳ̂ha dě a mǎcû̌nṳ̌ asî yô̤̌sǎ kû̌, “Cû̌ tîwî̌tòwò ô̌nǎ lô̌khô lǎ̤ǎlǎ̤ô ta̤cû̌bò̌tûlû̌pwè shǎǎplò̌shǐ lṳmṳ̌hǎ nu nî̌꤮.”
9Asî gwè̌ lû̌û kû̌, “Na sǎyṳ notîwî̌tòwò tô pa bǎtè tûkûya?”
10Yeshǔ hî̌ asî kû̌, “Ganǎ̤de lô̌khô, bǎ sî cû̌nutǒ̤ dǒ wî̤̌kû akhapěnu, sî glè̌ kè̌shǐshǔ kû̌ kòyòpha hèdò̌ yò̤̌geshi kû̌ gopo̤hǎ tôpwa̤ pě. Dě gû̌ge nṳ̌kû̌ lû̌û dǒ a genṳ̌ tûû̌ hǐtômè akûnu nî̌꤮. 11Dě gwè̌ hǐběcǎnu kû̌, ‘sara gwè̌ na kû̌, hǐdǒkû dǒ shǐtèmè̤ aya dǒ he kû̌ he khôphijǎ tokhlǒ glè̌ ǎ ta̤cû̌bò̌tûlû̌pwè aya hǒnumî̌ a ô̌ tôbǎtè?’ Gwè̌ lû̌û pô̤̌nu nî̌꤮. 12Htopědě a glè̌ nè̌lṳ̌ sî hǐdǒkû gûlǎ̤lè̤̌ dǒ akhû̌nutôtô̤̌ dǒ a ô̌lǒô̌be kû̌ ta̤kî̌ta̤krû̌ dǒ pa lǎ̤lṳ̂bǎ nutokhlǒ pě. Dě ô̌kè lô̌khô bǎnu dě tîwî̌tòwò pû lô̌khô pa shǎǎshǎô bǎnu nî̌꤮.”
13Asî hǎhtò̌cû̌ dě asî cû̌kè̌shǐ mè̤̌mî̌ca pô̤̌ Yeshǔ hî̌nǎ asî nu. Dě asî cû̌ tîwî̌tòwònǎ lô̌khô ta̤cû̌bò̌tûlû̌pwè ta̤shǎǎplò̌shǐ lṳmṳ̌hǎta̤ǎ aya bǎnu.
Běcǎ a ta̤ǎôplò̌shǐ lṳmṳ̌hǎ
(Matè̌ 26:26-30; Makǔ 14:22-26; Kôritu awǐlǒ tôbǎ 11:23-25)
14Bǎ shěkhǎ hètǒ̤hǒ dǒ tôbǎ ǎô hǒ ta̤cû̌bò̌tûlû̌pwè akhanu, Běcǎ Yeshǔ kû̌ pwa̤nophû̌ tokhlǒ cû̌ hǎnòò̌ tewe̤ plǒbò lû̌û dǒ lǎ̤ǎdîgògǒ akòshî̌. 15Dě a hî̌ asî kû̌, “Bǎ he khòbǎ ta̤jî̌ta̤jû̌ khôtô̤̌ akhanu, he sǎyṳ ǎôtǒ̤gû̌ ta̤cû̌bò̌tûlû̌pwè hǒo tôplǎnu sǎyṳ ǎjî̌ kû̌ sî. 16Ma̤titè̌hî̌dě, he hî̌ sî, Cǒmara kè̌ hèrû̌htò̌ge phlǔhtobò a kòyò khôtô̤̌ dě a hè htûkhwǐ dě apǒǐ asî khôtô̤̌nu, he ǎnô̌gû̌ pe ta̤cû̌bò̌tûlû̌pwè shǎǎshǎô nu kû̌ sî tô̤̌.”
17Yeshǔ phî̌htò̌ ba dě a hî̌bwǐsîrîhtò̌ Comara htodě a hî̌ kû̌, “Phimò̌ bahǒo dě yṳ̂̌lò̤ô pè̤̌ lû̌û. 18Ma̤titè̌hî̌dě he hî̌ sî, sahtò̌ khònò̤̌ tǒ̤dǒ Cǒmara glè̌ hè pǒshipǒgǎ pě tôplǎnu, he ôgû̌ pe sîpî̌shi hǒo tô̤̌.”
19Htodě Yeshǔ phî̌ mû̌ dě a hî̌bwǐsîrîhtò̌ Cǒmara. Htodě a běphwǐkè mû̌ dě ǐlò̤ kû̌ asî. Dě a hî̌ asî kû̌, “Hǒo mî̌ he nǎ̤glǒ dǒ he ǐlò̤kè dǒ sîya nuhǒ. Ǎ lô̌khô hǒo dǒ ta̤gènè̤htò̌ he akû nî̌꤮.”
20Bǎ a ǎhtohǒ lṳmṳ̌hǎshǎǎ akhanu, a phî̌htò̌pô̤̌ bahǒo dě a ma̤ sô̌sô̌kû̌ pô̤̌ a ma̤ mû̌nu dě a hî̌ kû̌, “Hǒomî̌ hesǐ dǒ a ma̤glema̤mě ta̤olò̤ asa dě sǐlò̤ dǒ sîyanu hǒ. #Yeramǐya 31:31-34 21Bǎbǎkǎlè kè̌ lô̌khô! kòyò dǒ a glè̌ shaǎlò̤kè he hǒtôpwa̤nu, a ô̌tǒ̤gû̌ he bǎ lǎ̤ǎgògǒ kòshǐnu pwǎ. #Htû̌sò̌htò̌ 41:9 22Kòyòphû̌khû mî̌ he a glè̌ si pô̤̌ Cǒmara a ta̤yè̤lò̤nǎ nupě bǎbǎ kòyò dǒ a glè̌ shaǎlò̤kè he hǒtôpwa̤nu, a glè̌ khòbǎ mè̤̌nǐ̤ca ta̤jî̌ta̤jû̌ pě!” 23Dě asî gwè̌ nǐ̤tû̌ lû̌û tôpwa̤ kû̌ tôpwa̤ dě a hî̌ lô̌khô kû̌, bǎtè tôpwa̤ glè̌ shaǎlò̤kè a pě ya?
Ta̤htè̌kè̌khî lû̌û kû̌ ta̤htûdû̌lǒ awe̤akè
24A khôphijǎ tokhlǒ htè̌kè̌khi nǐ̤tû̌ lû̌û kû̌, dǒ pakla hǒnumî̌ mò̌pè glè̌ htûdû̌gutṳ̌ kòyò pě ya? #Matè̌ 18:1; Makǔ 9:34; Lǔka 9:46Hǐnu. 25Dě Yeshǔ hî̌ asî kû̌, “Yǔdaphû̌ mè̤̌tô̤̌ tokhlǒ a khwǐcôphǎ sî tokhlǒnu, a noǎ nǐ̤tû̌ lô̌khô a ta̤siwi̤sòwò̤ nu dǒ shiphû̌gǎphû̌ tokhlǒ akhû̌ dě pwa̤pǒta̤ tokhlǒnu, a sǎyṳ dǒ a kòyò glè̌ kaǎ asî kû̌, ‘pwa̤ ma̤bwǐsîrî shiphû̌gǎphû̌’ tokhlǒ pô̤̌nu. 26Bǎbǎkǎlè sî mî̌ sî bǎma̤ gû̌ kòyò pô̤̌nutô̤̌. Kòyò dǒ a htûdû̌lǒ kòyò dǒ sîkla tôpwa̤pwa̤nu, a tôbǎ htû pô̤̌ kòyò dǒ a pîtî̌lǒ tôpwa̤nu, htodě kòyò dǒ a htû ikǒ tôpwa̤pwa̤nu, a tôbǎ htû jû̌ tôpwa̤nu. #Matè̌ 23:11; Makǔ 10:42-44 27Kòyò hǎkhû̌phû̌ tokhlǒ gènè̤ kû̌ kòyò ô̌hǎnòò̌ ǎshǎǎ dǒ dîgògǒ kòshî̌ numî̌ a htû dû̌lǒ kòyò hǒ, dě pwa̤ma̤ta̤phû̌ dǒ a bǔǎ kòyò dǒ a hǎnòò̌ ǎshǎ nutokhlǒ mî̌ a htû̌ kòyò dǒ a pî̌tî̌lǒ hǒ agènè̤ lô̌khô pô̤̌nu. Bǎbǎkǎlè, hedě he ô̌ dǒ sîkla pô̤̌ pwa̤ma̤ta̤phû̌ dǒ a bǔǎbǔô kòyò tôpwa̤nupwǎ. #Matè̌ 20:25-27; Makǔ 9:35; Yṳ̂ha 13:12-15 28Bǎ he khòbǎ ta̤pò̤̌ta̤sha akhanu, sî ô̌gû̌ kû̌ he pṳ̂̌꤮ taplǎ. 29Pô̤̌ hepha nopǒ he nu, he nopǒ gû̌ sî pě. 30Ma̤titè̤hî̌dě pô̤̌khô sî glè̌ ǎô gû̌ kû̌ he dǒ he dîgògǒ kòshî̌ dǒ heshihegǎkû pě, htotô̤̌ pô̤̌khô sî glè̌ ô̌hǎnòò̌ tǒ̤ kû̌ he dǒ gûlǎ̤htò̌yô̤̌ akhû̌ pě dě sî glè̌ cî̌htò̌ nǐ̤tû̌ Isarelaphû̌ shiginǐ̤mṳ̌ nu pě. #Matè̌ 19:28
Yeshǔ hî̌lṳ̌ô̌nǎ kû̌ Khûpetarǔ glè̌ la̤lò̤ lû̌û pě awe̤akè
(Matè̌ 26:31-35; Makǔ 14:27-31; Yṳ̂ha 13:36-38)
31“Khûshǐmṳ̂, Khshǐmṳ̂, ganǎ̤de! khînǎkhîno ikǒdû̌ cû̌kwigutṳ̌ hǒ Cǒmara kû̌ a glè̌ plûhǒ khînǎmǒ̤pha ikǒ glè̌ ma̤kè̌ bò sî pṳ̂̌pwa̤ hǒ. Dě a glè̌ ma̤kè̌kè̌ sî pô̤̌ pwa̤ma̤ǎlè̤̌phû̌ akhǎbò nǐ̤tû̌ abǔ nu pě. 32Bǎbǎkǎlè, Khshǐmṳ̂, pô̤̌khô na ta̤yṳ̌ta̤nǎ̤ glè̌ hǎpò̌kè tǎ̤mǎ̤nu, he kwicaba pa dǒ naya. Htodě bǎ na sî̌ya getîkhî gesô̌ hǒ nanǎ̤ pěnu, na tôbǎ ikhû̌ǐǎ na pṳ̌wè̤̌ tokhlǒ pě nî̌꤮.”
33Khshǐmṳ̂ Petarǔ hî̌shěshu lû̌û kû̌, “Běcǎ, he tôbǎ cû̌gû̌ kû̌ na dǒ kòyò lǎ̤dǒtě̤ kòyò a pô̤kûnu bǎbǎ, mè̤̌tô̤̌dě he tôbǎ si gû̌ kû̌ na bǎbǎ, he ô̌tîwî̌tòwò ô̌nǎ hǒ henǎ̤ hǒ.”
34Dě Yeshǔ hî̌shěshu lû̌û kû̌, “Khûpetarǔ, he hî̌ na, hǒtasa pě, bǎ shîpha û̌htò̌ khôtô̤̌ akhanu, na htè̌bǐkè he suplǎ pě.”
Ruko, khûkhilǎ̤bǐ kû̌ nò̌shî
35Htodě Yeshǔ gwè̌ akhôphijǎ tokhlǒ kû̌, “Do awǐkha nu, he nocû̌ sî dě he hî̌ sî kû̌, ruko bǎbǎ, khûkhi bǎbǎ, mè̤̌tô̤̌dě khò̌phě bǎbǎ phicû̌nǐ̤ tǎ̤ lô̌khô tǎ̤mǎ̤ nî̌꤮, he hî̌ sî pô̤̌nu, bǎnukha sî lǎ̤lû he tocǒcǒ ya?”#Matè̌ 10:9-10; Makǔ 6:8-9; Lǔka 9:3, 10:4
Dě asî hî̌shěshu kû̌, “Pa lǎ̤lû nô̌ tocǒ꤮ tô̤̌.”
36Yeshǔ hî̌shěshu asî kû̌, “Bǎbǎkǎlè khònò̤̌hǒo, mò̌pè̤̌ bǎbǎ dǒ ruhtako mè̤̌tô̤̌dě, a khûkhilǎ̤bǐ ô̌tokhlǒnu tô phî̌cû̌nṳ̌ lô̌khô, dě kòyò dǒ anò̌shî ô̌tô̤̌ tokhlǒnu tô shaǎlò̤ a jekhlǒdû̌ dě cû̌pwî̤nṳ̌ lô̌khô. 37He hî̌ pô̤̌hǒo ma̤titè̌hî̌numî̌ lî̤plò̌shǐ hî̌nǎ hewe̤hekè nu, a bǎ lǒhtò̌behtò̌ pě. Lî̤plò̌shǐ hî̌ kû̌, ‘kòyò bè̌nṳ̌ tǒ̤ he dǒ kòyòjî̌ kòyòjû̌ tokhlǒ akla,’ he hî̌ sî nu, a glè̌ hè lǒhtò̌behtò̌ hǒ.”#Yashǎya 53:12
38A khôphijǎ tokhlǒ hî̌ kû̌, “Běcǎ, na kè̌mò̌! nò̌shî ô̌ bǎhǒo ginǐ̤bǎ.”
“Pô̤̌nu mî̌ anǐ̤ hǒ,” a hî̌shěshu pô̤̌nu.
Yeshǔ kwicaba dǒ Òlî̌bakhôlôkhû̌
(Matè̌ 26:36-46; Makǔ 14:32-42)
39Yeshǔ ô̌ dǒ wî̤̌kû dě hǎhtò̌cû̌ dǒ òlǐba khôlôkhû̌ pô̤̌ alǎ̤klô cû̌ tûû̌nu, dě akhôphijǎ tokhlǒ gû̌cû̌ tǒ̤gû̌ kû̌ lû̌û. 40Bǎ a cû̌tǒ̤hǒ dǒ khôlôkhû̌ akha, a hî̌ asî kû̌, “Pô̤̌khô sî gǔ cû̌nṳ̌ gû̌ tǎ̤ dǒ ta̤tili̤tôlô̌ akû tǎ̤mǎ̤nu, sòklò dě kwicaba lô̌khô nî̌꤮.” 41Htodě a hǎhtò̌cû̌ tapheyi kû̌ asî bǎ kòyò wîcû̌yi̤ lǒ̤ tômè nu, dě a cû̌ dô̌gînelò̤ kwicaba bǎnu. 42A kwicaba dě a hî̌ kû̌, “Ǒ꤮ pha Cǒmara, na kè̌ sǎphlǒ tô hî̌dě, phi taphekè bǎ he ta̤jî̌ta̤jû̌ abalě hǒotabǎ, bǎbǎkǎlè jû̌꤮ he sǎphlǒ a ta̤sǎyṳ mè̤̌tô̤̌, jû̌꤮ tûû̌ pwǎ na sǎphlǒ nî̌꤮.” 43Mǒkhû̌tanaphû̌ tôpwa̤ hè ô̌lṳ̌htò̌ dě, a hè ǐkhû̌ǐǎ lû̌û. 44A sǎphlǒgû̌gè̌ hèshû̌ dě, a kwicaba shû̌lǒ pô̤̌pô̤̌. Dě akwî̌shi mèlò̤ dǒ hǎkhû̌ dě a sô̌sô̌ kû̌ sǐmèlò̤ nu hǒ.
45A kwicaba htodě a getîkhî sô̌ dǒ akhôphijǎ tokhlǒ a ô̌. A khôphijǎ tokhlǒ lòdô̌lòde sǎphlǒgû̌gè̌ lòdô̌lòde tûlû̌shû̌lě akhû̌akhî, Yeshǔ gekè̌shǐ kû̌ asî hǎmôô̌nṳ̌ shôpe̤ lǒ̤bò pṳ̂̌꤮ tôpwa̤. 46Yeshǔ hî̌ asî kû̌, “Sî hamôô̌ shôpe̤ bò lô̌khô hî̌tè? Pô̤̌khô sî glè̌ cû̌ lò̤tě̤nṳ̌ tǎ̤ dǒ tili̤tôlô̌ akû tǎ̤mǎ̤ nu ihtǒkwicaba bò mò̌ lô̌khô.”
Kòyò pṳ̂̌ Yeshǔ
(Matè̌ 26:47-56; Makǔ 14:43-50; Yṳ̂ha 18:3-11)
47Bǎ Běcǎ Yeshǔ hî̌bǎ pepwǎ akhanu, kòyò saprṳ̂ tôprṳ̂ hètǒ̤. Khûyǔda dǒ khôphijǎ shǐsò̌ginǐ̤ akla hǒtôpwa̤nu, a hèsû asî dǒ Yeshǔ a ô̌, htodě a hètô dǒ Yeshǔ ô̌ dě a hègômô̤ lû̌û. 48Bǎbǎkǎlè Yeshǔ hî̌ lû̌û kû̌, “Khûyǔda꤮ hǒomî̌ na shaǎlò̤kè Kòyòphû̌khû mî̌ he nu kû̌ na ta̤gômô̤ nu ya?”
49A khôphijǎ dǒ a ô̌kè kû̌ lû̌û tokhlǒnu, a sî̌yahǒ kû̌ kòyò glè̌ pṳ̂̌ Yeshǔ hǒ akhû̌akhî, asî gwè̌ lû̌û kû̌, “Běcǎ, pa tôbǎ pě̤shǔ kû̌ pa nò̌she hǒo ya?” 50Dě dǒ asî akla tôpwa̤nu, a pě̤tṳ̌kè pwa̤shû̌gǎ ikǒdû̌lǒ ajû̌ tôpwa̤ anò̌ku tôkhô.
51Bǎbǎkǎlè Yeshǔ hî̌ asî kû̌, “Ô̌kǔ lô̌khô, ma̤pe tǎ̤mǎ̤” htodě Yeshǔ bè̌icu bǎ tikhi kòyò hǒtôpwa̤ a nò̌kulǎ dě a ma̤wô̌ bǎ gesô̌ lû̌û.
52Htodě pwa̤shû̌gǎ ikǒ nutokhlǒ kû̌ kòyò ô̌pǒ̤ ta̤lṳhtò̌hô ikǒ nutokhlǒ kû̌ Yǔdaphû̌ mǒ̤phumǒ̤pwa̤ ikǒlǒkò dǒ a hèpṳ̂̌ lû̌û hǒtokhlonu, Yeshǔ hî̌ asî kû̌, “Sî hèpṳ̂̌ lô̌khô he tûkûdě sî hè kû̌ nò̌shî kû̌ nò̌po̤ sîtokhlǒ dě he mî̌ kòyò phû̌mò̤̌ dǒ a cû̌pṳ̂̌sôgwǐ yǒsaphǎ ǎ kòyòta tôpwa̤ nu ya? 53He ô̌gû̌ kû̌ sî dǒ ta̤lṳhtò̌hôkûnu pṳ̂̌꤮ tôni̤ dě sî pṳ̂̌ he tô̤̌tô̤̌, bǎbǎkǎlè bǎ khînǎkhîno ikǒ a sîrîshû̌sho pǒta̤ akha, ashěkhǎ bǎhǒ dǒ sî bǎ ma̤nu sî ma̤ pô̤̌nu hǒ.” #Lǔka 19:47, 21:37
Khûpetarǔ htè̌bǐkè Yeshǔ
(Matè̌ 26:57-58, 26:67-75; Makǔ 14:53-54, 14:66-72; Yṳ̂ha 18:12-18, 18:25-27)
54Asî pṳ̂̌ Yeshǔ dě kaǎcû̌kè lû̌û dǒ pwa̤shû̌gǎ ikǒdû̌lǒ tôpwa̤ ahǐkû, dě Khûpetarǔ gû̌cû̌ tûcû kû̌ lû̌ûkò dǒ nô̌kò. 55Dǒ pwa̤shû̌gǎdû̌lǒ hǒ tôpwa̤ ahǐ we̤ klǎmakûnu, kòyò shû̌gè̌ mî̌ ô̌ bǎnu tûkû, dě Khûpetarǔ hèhǎnòò̌ kû̌ kòyò hǎnòò̌ ushǔmî̌ bǎnu tokhlǒ. 56Pwa̤ma̤ta̤phû̌ pwa̤mǒ̤phû̌ tôpwa̤ kè̌tě̤tě̤ Khûpetarǔ hǎnòò̌ bǎ mî̌phǎshǐ nudě a hî̌ lû̌û kû̌, “Hǒo tôpwa̤ mî̌ a gû̌kû̌ Yeshǔ akò nutôpwa̤ hǒ꤮!”
57Bǎbǎkǎlè Khûpetarǔ htè̌shǔ lû̌û kû̌, “Pwa̤mǒ̤! he sî̌yanô̌ lû̌û tô̤̌.”
58Dǒnô̌kò tôshò̌phû̌nu, pwa̤khû dǒ ashǔshawa̤ tôpwa̤ kè̌shǐsô̌ a dě a hî̌ lû̌û kû̌, “Na mî̌ kòyò hǒo tôprû akla pwǎ!”
Bǎbǎkǎlè Khûpetarǔ hî̌shěshu lû̌û kû̌, “Pwa̤khû, he mè̤̌ bǎ hǒtôprṳ̂ tô̤̌.”
59Htodě dǒnô̌kò ashěkhǎ yî̤ tanare akhanu, kòyò dǒ ashǔshawa̤ tôpwa̤, hî̌shotuklǔ kû̌, “Kòyò hǒtôpwa̤ mî̌ aô̌pa kû̌ Yeshǔ nutôpwa̤ hǒ, he hî̌ hǒo asǔ nô̌ tîkî̌꤮ tô̤̌, ma̤titè̌hî̌dě a mî̌ Galilè̤̌phû̌ tôpwa̤ pwǎ.”
60Bǎbǎkǎlè Khûpetarǔ hî̌shěshu lû̌û kû̌, “Pwa̤khû꤮, na hî̌kwè̌ titè nu, he sî̌ganǎ̤ tô̤̌!” bǎ a hî̌bǎ pepwǎ pô̤̌o akhanu kû̌ shîpha û̌htò̌. 61Běcǎ htû̌tiwǐ̤ kè̌cû̌ tôsô̌ lû̌û akha, a gènè̤htò̌ tǒ̤bǎ Běcǎ Yeshǔ hî̌nǎkè lû̌û yô̤̌sǎ kû̌, “Hǒtôsa pě, bǎ shîpha û̌htò̌ khôtô̤̌ nu, na la̤lò̤kè he suplǎ pě,” a hî̌ lû̌û pô̤̌nu. 62Pô̤̌nudě a hǎhtò̌cû̌kè̌ dǒ akhlo dě a cû̌ hǎsihǎô̌.
Kòyò pi̤jî̌ǐsho Yeshǔ dě kòyòpo̤kòyòplè lû̌û
63Kòyò dǒ ô̌po̤kè̌ Yeshǔ tokhlǒ, a ǐlṳǐyǎ̤ sǎyǎ̤ lû̌û dě apo̤aplè bò lû̌û. 64Asî cobǐ Yeshǔ mǐ̤sǎ dě gwè̌ lû̌û kû̌, “Mî̌mò̌pè po̤na ya? taya kè̌kè̌!” 65Htodě asî pîjî̌ǐsho hî̌phǔmò̤shǐhtô lû̌û kû̌ yô̤̌sǎ dǒ ashǔshawa̤ tokhlǒ nu a ô̌ wô̤̌le.
Yṳ̌daphû̌ ikǒlǒkò tokhlǒ gwè Yeshǔ
(Matè̌ 26:59-66; Makǔ 14:55-64; Yṳ̂ha 18:19-24)
66Bǎ lṳmṳ̌bûhǒ akhanu, kòyò htû Yṳ̌daphû̌ aprṳ̂aphǎ a ikǒlǒkò tokhlǒ, kû̌ pwa̤shû̌gǎ ikǒlǒkò, kû̌ pwa̤sû̌ǐ ta̤sû̌ta̤tòwò asara tokhlǒ hè ô̌plǒbò lû̌û tûkûnô̤̌, dě asî kaǎhè Yeshǔ dǒ kòyò htûikǒlǒkò tokhlǒ alô̤mô̤̌. 67Dě asî hî̌ kû̌, “Shôbǐǐ bǎmò̌ pa, na mî̌ Khrǐ dǒ Cǒmara rû̌htò̌ a dǒ aglè̌ ma̤hǎplǎkè kòyòhǎkhû̌phû̌ nutôpwa̤ hǒ ya?”
Dě a hî̌shěshu asî kû̌, “He kè̌ hî̌ bǎ sî꤮ mî̌ sî yṳ̌ǎ nô̤̌ he tô̤̌tô̤̌. 68He kè̌ gwè̌ sî꤮ mî̌ sî hî̌shěshu nô̤̌ he tô̤̌tô̤̌. 69Bǎbǎkǎlè sahtò̌ khònò̤̌ tǒ̤hèpě nu, Kòyòphû̌khû mî̌he kòyò glè̌ hǎnòò̌ a dǒ ta̤bwǐdû̌sîrîhtû a Cǒmara cǔcûmû nutôkhô pě.” #Htû̌sò̌htò̌ 110:1
70Asî pṳ̂̌꤮ tôpwa̤ hî̌ kû̌, “Kè̌ hî̌pô̤̌nu dě na mî̌ Cǒmara aphû̌khû tôpwa̤ ya?”
Dě a hî̌shěshu asî kû̌, “Ò, a mè̤̌mî̌ca pô̤̌ sî hî̌ nu hǒ.”
71Dě asî hî̌ lô̌khô kû̌, “Pa cû̌ lṳ̂ bǎ pwa̤khòlṳ̌ hî̌tè? A hî̌ pe pwǎ hǒonu, pa ganǎ̤de bòhǒ pṳ̂̌꤮ tôpwa̤ hǒ.”
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Wycliffe USA