Luk 2
2
Kɛlɛ ase ɛnɛ ɔ̂malɛ Zisɔs
1Kɛ ɔkambɛlɛ wɔɔ, Agɔstʉs, wʉ âlɛ Mɛfʉwa wʉboona kɛ ɛyaŋ iyɛ Loma, ana obe wʉtavana ala, ɔnʉl ɔmɔnɛmɔ wʉ alɛ kɛ ɛyaŋ ɛna, ãza nɛ ɔ́za-saŋgɛ ite ɛna kɛ oŋgwe. 2Kâlɛ iheena wʉ ɛsaŋgana ate ayɛ vɛnʉl kɛ oŋgwe. Kalɛ-yeli ase wʉ Kilinus âlɛ itoghu kɛɛ ɛyaŋ iyɛ Siliya. 3Asɔ, ɔnʉl ɔmɔnɛmɔ aza kɛ ɔswaŋ wʉ vɛziavɛ ɔnavɛ, wʉ vásaŋgɛ ɔn ite kɛ oŋgwe.
4Zosef kpaa asime kɛ ɔswaŋ wʉ Nazalet, kɛ ɛyaŋ iyɛ Galili, ayʉmʉ za kɛ Bet-lehem, kɛ ɔswaŋ wʉ Devit âsime, kɛ ɛyaŋ iyɛ Zudiya. Aza kini kici yɛ âlɛ kɛlɛ kɛ ɔcʉmbʉlʉ wʉ Devit. 5Aza ɔlʉŋgʉ nɛ Malia, okeyi ɔna wʉ âlambɛ, wʉ vásaŋgɛ ate avo. Malia âlɛ nɛ ifo wʉ ámal. 6Wʉ ɔ̂lɛ kini, abi wʉ Malia ámal. 7Amal wanɛ ɔna wʉ isi wʉ âlɛ ɔnʉmbʉsʉ. Malia alimbe wanɛ wee kɛ ɛkʉndʉ yɛ olimbe ɔvɔnʉ, awa kɛ itow,#2:7 Itowu kɛlɛ ɔmanɛ kɛɛ ɔwaa ɛnyamɛ ɔyɛ. kici yɛ ôkolu oci kɛ itimbe iyɛ vɛnʉl vɛ ozindivi ɔcaa ga.
Vɔzɛnda-gbalgbal osime kɛ nɛ vɛnʉl vɛ ɔwanda ɛnyamɛ
8Vɛnʉl vɛ ɔwanda ɛnyamɛ ivo ɔ̂lɛ kpʉmbɛlaŋ fɛ oci wɔɔ nɛ ife. 9Ɔzɛnda-gbalgbal wʉ Ofilikpamɛ asime navo. Ɔyamanavɛ vɛ Ofilikpamɛ ocile vo omwem, ɔtʉŋgwa nɛ ɛciacialɛ. 10Kpa ɔzɛnda-gbalgbal wɔɔ akaŋɛ navo ala, “Ɛyʉlʉ x-aciaa anu ga! Mɛ̂va anu nɛ ɔtɛlɛ wʉsɛɛ, wʉ óyel nɛ vɛnʉl omwem nɛ ɔ́sɛgha. 11Ɛnya wee, kɛ ɔswaŋ wʉ ɔlɛ-malɛ Devit, ɔ̂mal Ɔnʉl wʉ Ɛwalɛ, wʉ alɛ Ɔkʉ Klais. 12Ɛkɛv iyunu ɛnɛ ɛlɛ yee: nákol wanɛ, sɛ olimbe ɔn kɛ ɛkʉndʉ, ɔwa ɔn kɛ itow.”
13Saŋ ɛpʉmb, vɛnʉl vɛ ɔwanda ɛnyamɛ ivo oyen imbule yɛ vɔzɛnda-gbalgbal yɛboona isime kɛ ɔtalɛ-atʉlʉ, ɛzwaŋ nɛ ɔzɛnda-gbalgbal wʉ isi wɔɔ. Ɔlʉŋgʉ ohee kɛ ɛsɛghana Ofilikpamɛ nɛ wʉ ɔkaŋa ala,
14“Icivili ɛ̃lɛ nɛ Ofilikpamɛ kɛ ɔtalɛ-atʉlʉ,
nɛ vɛnʉl vɛ kasɛva Ofilikpamɛ fan ɔtalɛ, ɔ̃lɛ makun nɛ valindi.”
15Wʉ vɔzɛnda-gbalgbal ɔ̂sɛɛlɛ vo, ɔmʉwa kɛ ɔtalɛ-atʉlʉ, vɛnʉl vɛ ɔwanda ɛnyamɛ ɔkaŋɛ nɛ valindi ala, “Sɛ̃mʉwa nini, sɛ́za kɛ Bet-lehem, nɛ sɛ́za-yen ɔmanɛ kɛɛ ayel kiyee, kɛɛ Ofilikpamɛ ɔvɔl asu kwɔɔ”.
16Asɔ, ɔmʉwa zaa ŋgʉla-ŋgʉla kɛ Bet-lehem. Wʉ ôbi kini, okol Malia nɛ Zosef nɛ wanɛ, sɛ âlɛ ɔyavana kɛ itow. 17Wʉ ôyeni ɔn, ɔvɔl vɛnʉl vɛ ɔ̂lɛ fini ɔmanɛ wʉ ɔzɛnda-gbalgbal âvɔlʉ vo kɛ ito kɛɛ wanɛ wee. 18Vɛnʉl omwem vɛ ɔ̂ŋgwa ɔmanɛ wʉ vɛnʉl vɛ ɔwanda ɛnyamɛ ɔ̂vɔlʉ, kayaaŋɛ vo. 19Kpa Malia avɛl vɛnalɛvɛ yee vimem kɛ ɛsɛma, alɛ itesena itind iyɛ atɛŋ. 20Vɛnʉl vɛ ɔwanda ɛnyamɛ ohee ikiilena kɛ oci ovo. Wʉ ɔ̂lɛ kɛ ɛzaana, ɔsɛgha zaa Ofilikpamɛ, ɔnaa zaa ɔnʉ icivili, kici yɛ ɔmanɛ kɛɛ ɔ̂ŋgwa nɛ kɛɛ ôyeni, kâlɛ cas kɛ ndalɛsɛ ɔ̂vɔlʉ vo.
Ɔya Zisɔs ite
21Wʉ Zisɔs âbi afe anyieni, ɔcɛŋg ɔn, ɔya ɔn ite iyɛ ɔzɛnda-gbalgbal alɛ-ya ɔn, bem-bem saŋ ɔkʉwa ɔn.
Ɔza nɛ Zisɔs kɛ Ɛca iyɛ Ofilikpamɛ
22Afe ayɛ Zosef nɛ Malia osime ɔsanɛghɛ âkule, ndalɛsɛ obe wʉ Ofilikpamɛ ɔna Mosis akaŋɛ. Asɔ, oŋgiee ɔn kɛ Ɛca iyɛ Ofilikpamɛ iyɛ ɛlɛ kɛ Zelusalem, ndalɛsɛ vána ɔn kɛ nɛ Ofilikpamɛ. 23Ôyeli ase kici yɛ obe wʉ Ofilikpamɛ akaŋɛ ala, “Wána wanɛ wʉ ɔnʉmbʉsʉ wʉ isi ɔmɔnɛmɔ kɛ nɛ Ofilikpamɛ.” 24Zosef nɛ Malia ɔna ɛsalanavɛ ndalɛsɛ obe wʉ Ofilikpamɛ akaŋɛ. Obe âlii ala ɔ̃na mɛkʉŋgʉmʉ mɛfaalɛ, ga nɛ ɔ̃na vɛkɛlakuku ɔfaalɛ.
Ɔnʉl wʉ atɔwa kici yɛ Ofilikpamɛ
25Kɛ ɔkalaka wɔɔ, ɔnʉl ɔmɔ âlɛ kɛ Zelusalem wʉ agɔla ite ala Simiyon. Âlɛ kɛ ɔnʉl wʉ ayele vɛnalɛvɛ yɛ vɛsɛva Ofilikpamɛ. Âlʉŋwa Ofilikpamɛ nɛ ɛsɛma ɛmɔɔ. Âwa ɛsɛma cɛŋ kɛ ɛkʉlana Klais, ɔnʉl wʉ áva-wal vɛnʉl vɛ Iselel. Mʉndʉ wʉ Ofilikpamɛ âlɛ nɔnʉn. 26Âte ɔn ala, ákwo ga, kaka nɛ áyen Klais, ɔnʉl wʉ Ofilikpamɛ ɔkaŋɛ ala ɔnʉ ɔ́tɛma. 27Asɔ Mʉndʉ wʉ Ofilikpamɛ ayel Simiyon aza kɛ Ɛca iyɛ Ofilikpamɛ kɛ atɛŋ. Wʉ Simiyon âlɛ tɔ kɛ Ɛca, Malia nɛ Zosef ɔva nɛ Zisɔs fini. Ɔva wʉ váyel vɛnalɛvɛ kɛ nɔnʉn, ndalɛsɛ obe wʉ Ofilikpamɛ akaŋɛ. 28Wʉ ɔ̂va-bi, Simiyon agbaal wanɛ kɛ avo ana, atɛfa Ofilikpamɛ wʉ akaŋa ala,
29“Ofilikpamɛ Mɛfʉwa Wʉboona,
masɛ aŋgiee wee nɛ ɛmɛ ɔnʉl wuwu wʉ ɔtʉmʉ mɛ́kwo nɛ makun,
ndalɛsɛ wʉlɛ-kaŋɛ,
30kici yɛ asi ayamɛ ɛŋga âyen kɛ ɔnʉl wʉ wʉtɛma, wʉla ãva-walɛ vɛnʉl vumbuvu.
31Vɛnʉl omwem vɛ ɔlɛ fan ɔtalɛ wee vákol ɛwalɛ kici ɛna.
32Álɛ ndalɛ ɔmʉsʉ wʉ otee Ofilikpamɛ kɛ nɛ vatanda,
ndalɛsɛ vána icivili kɛ nɛ vɛnʉl vumbuvu vɛ Iselel.”
33Wʉ ɛziavɛ nɛ ɛŋgwan wʉ Zisɔs ɔ̂ŋgwa vɛnalɛvɛ yɛ Simiyon âvɔlʉ kɛ ito ɛnaghɛ, kayaaŋɛ vo. 34Simiyon acowu vo, akaŋɛ kpaa nɛ Malia, ɛŋgwan wʉ Zisɔs, ala, “Ofilikpamɛ ôyel ala, kici yɛ wanɛ wee, vɛnʉl cɛŋ kɛ Iselel vágba, nɛ vɛnʉl vedivi cɛŋ nɛ ɔ́wal. Ofilikpamɛ ɔ̂tɛma ɔn ndalɛ ɛkɛv, kpa vɛnʉl cɛŋ vágɔl ɔn ga. 35Asɔ, mates wʉ kɛ asɛma avo áte gbaŋgaŋ. Owe kpaa, kákɔl we kɛ ɛyʉl, nɛ káwaŋg we kpaŋ kɛ ɛsɛma, ndalɛ ôyumwe we nɛ ɛsɔmʉ yɛnelena.”
36Okeyi ɔmɔ wʉ atɔwa kici yɛ Ofilikpamɛ, ɔn kpaa âlɛ kɛ Ɛca. Agɔla ite ala Ana. Ɛziavɛ ɔna agɔla ite ala Fanʉl wʉ asime kɛ ikul yɛ Asia. Ana âlɛ kɛlɛ okeyi wʉ âkavɛlɛ kaka. Âyɔsʉ ɔnʉm ɔna, ɔca ɔlʉŋgʉ anyʉmʉ ataŋɛnafaalɛ, bem-bem saŋ ɔnʉm ɔna akwo. 37Ana asaŋ oke-kuse kaka abi anyʉmʉ ati anyin nɛ anyʉmʉ anyin. Azaa kɛ Ɛca iyɛ Ofilikpamɛ ife nɛ ɔyʉʉ, anaa ɔnʉ icivili, kɛ ivelena nɛ kɛ ɛyʉmwana ɔgʉ. 38Kɛ ɔkambɛlɛ wʉ Simiyon âtɔwa kɛ nɛ Malia nɛ Zosef, Ana ava kɛ navo, ahee ɛnaana ɛtɛfanavɛ kɛ nɛ Ofilikpamɛ, atɔw kɛ ito kɛɛ wanɛ wɔɔ kɛ nɛ vɛnʉl omwem vɛ ɔlɛ kɛ ɛkʉlana ɛwalɛ yɛ vɛnʉl vɛ Zelusalem.
39Zosef nɛ Malia oyel ɔmanɛmanɛ kɛɛ obe wʉ Ofilikpamɛ akaŋɛ. Wʉ ôyeli asɔ, ôkiil za kɛ ɔswaŋ ovo Nazalet, kɛ ɛyaŋ iyɛ Galili. 40Zisɔs ânel kini, akol ɔtavɛ, akol kpaa ayʉmʉ cɛŋ. Vicowenavɛ yɛ Ofilikpamɛ vɛ̂lɛ kɛ ito ɛnaghɛ.
Ɔza nɛ Zisɔs kɛ Ɛca iyɛ Ofilikpamɛ
41Ɛnyʉm ɛmɔnɛmɔ ɛziavɛ nɛ ɛŋgwan wʉ Zisɔs ɔ̂zaa kɛ Zelusalem wʉ váza-sɛgha ituŋunu iyɛ ɔyɛla ala Ɔyaŋgɛl. 42Wʉ Zisɔs âlɛ anyʉmʉ likwoŋ nɛ afaalɛ, ɔyʉmʉ za kɛ ituŋunu iyɔɔ nɔnʉn, ndalɛsɛ kâlɛ kɛlɛ iyeli ivo. 43Wʉ ituŋunu îkule, ɛziavɛ nɛ ɛŋgwan wʉ Zisɔs ohee ikiilena kɛ ɔswaŋ, kpa wanɛ ovo, Zisɔs, asaŋ kɛ Zelusalem. Zosef nɛ Malia ɔmɔ acil ala Zisɔs âsaŋ kɛ azime ga. 44Otes ala awʉ isiŋgi kɛ imbule yɛ vɛnʉl vɛ ozende ɔlʉŋgʉ. Asɔ ozend ife imem. Wʉ ɛyaŋgɛ îkule, ohee iliyena ɔn kɛ nɛ ɛcʉmbʉlʉ nɛ vaciam ovovu. 45Olii ɔn, kpa oyen ɔn ga. Asɔ okiil za kɛ Zelusalem, wʉ válii ɔn kini. 46Wʉ afe âwo ataalɛ, ɔsʉla ɔn kɛ Ɛca iyɛ Ofilikpamɛ. Alɛ ɔcaalana kɛ imbule yɛ vɛnʉl vɛ otee obe. Alɛ ɛtambɛlana kɛ navo nɛ kɛ ifiyena vo vɛtɔɔmba. 47Vɛnʉl omwem vɛ ɔ̂ŋgwa ɔn, ɔyaaŋɛ kɛ ayʉmʉ ayɛ âlɛ nanɛnɛ, nɛ ndalɛsɛ agɔla vɛtɔɔmba ovovu. 48Wʉ ɛziavɛ nɛ ɛŋgwan wʉ Zisɔs ôyeni ɔn, kaza vo ɛyʉl kaka. Ɛŋgwan ɔna afii ɔn ala, “Wanɛ wamɛ, ini wʉyel nɛ asu ase? Ɛziavɛ wuwu namɛ sɛ̂lii we kaka, kâza asu ɛyʉl wʉ sɛ̂liye we.”
49Akaŋɛ navo ala, “Ini nɛliye mɛ? Nɛ̂cil anu ala málɛ kɛ itimbe iyɛ ɛziavɛ wamɛ ga?” 50Kpa Zosef nɛ Malia ocil ɔmanɛ kɛɛ Zisɔs âfii vo kiyee ga.
51Asɔ aza ɔlʉŋgʉ navo kɛ Nazalet. Zisɔs aŋgwaa ɔcia wʉ ɛziavɛ ɔna nɛ ɛŋgwan ɔna. Kpa ɛŋgwan ɔna âlɛ kɛ itesena vɛnalɛvɛ yee vimem kɛ ɛsɛma ɛna.
52Zisɔs anel kan ɛyʉl nɛ kɛ ayʉm ayɛ âlɛ nanɛnɛ. Kâsɛva Ofilikpamɛ nɔnʉn, kasɛva kpaa vɛnʉl vayɛmavɛ.
المحددات الحالية:
Luk 2: Iceve-Maci
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©️2024 Luke Initiative for Scripture Translation
Luk 2
2
Kɛlɛ ase ɛnɛ ɔ̂malɛ Zisɔs
1Kɛ ɔkambɛlɛ wɔɔ, Agɔstʉs, wʉ âlɛ Mɛfʉwa wʉboona kɛ ɛyaŋ iyɛ Loma, ana obe wʉtavana ala, ɔnʉl ɔmɔnɛmɔ wʉ alɛ kɛ ɛyaŋ ɛna, ãza nɛ ɔ́za-saŋgɛ ite ɛna kɛ oŋgwe. 2Kâlɛ iheena wʉ ɛsaŋgana ate ayɛ vɛnʉl kɛ oŋgwe. Kalɛ-yeli ase wʉ Kilinus âlɛ itoghu kɛɛ ɛyaŋ iyɛ Siliya. 3Asɔ, ɔnʉl ɔmɔnɛmɔ aza kɛ ɔswaŋ wʉ vɛziavɛ ɔnavɛ, wʉ vásaŋgɛ ɔn ite kɛ oŋgwe.
4Zosef kpaa asime kɛ ɔswaŋ wʉ Nazalet, kɛ ɛyaŋ iyɛ Galili, ayʉmʉ za kɛ Bet-lehem, kɛ ɔswaŋ wʉ Devit âsime, kɛ ɛyaŋ iyɛ Zudiya. Aza kini kici yɛ âlɛ kɛlɛ kɛ ɔcʉmbʉlʉ wʉ Devit. 5Aza ɔlʉŋgʉ nɛ Malia, okeyi ɔna wʉ âlambɛ, wʉ vásaŋgɛ ate avo. Malia âlɛ nɛ ifo wʉ ámal. 6Wʉ ɔ̂lɛ kini, abi wʉ Malia ámal. 7Amal wanɛ ɔna wʉ isi wʉ âlɛ ɔnʉmbʉsʉ. Malia alimbe wanɛ wee kɛ ɛkʉndʉ yɛ olimbe ɔvɔnʉ, awa kɛ itow,#2:7 Itowu kɛlɛ ɔmanɛ kɛɛ ɔwaa ɛnyamɛ ɔyɛ. kici yɛ ôkolu oci kɛ itimbe iyɛ vɛnʉl vɛ ozindivi ɔcaa ga.
Vɔzɛnda-gbalgbal osime kɛ nɛ vɛnʉl vɛ ɔwanda ɛnyamɛ
8Vɛnʉl vɛ ɔwanda ɛnyamɛ ivo ɔ̂lɛ kpʉmbɛlaŋ fɛ oci wɔɔ nɛ ife. 9Ɔzɛnda-gbalgbal wʉ Ofilikpamɛ asime navo. Ɔyamanavɛ vɛ Ofilikpamɛ ocile vo omwem, ɔtʉŋgwa nɛ ɛciacialɛ. 10Kpa ɔzɛnda-gbalgbal wɔɔ akaŋɛ navo ala, “Ɛyʉlʉ x-aciaa anu ga! Mɛ̂va anu nɛ ɔtɛlɛ wʉsɛɛ, wʉ óyel nɛ vɛnʉl omwem nɛ ɔ́sɛgha. 11Ɛnya wee, kɛ ɔswaŋ wʉ ɔlɛ-malɛ Devit, ɔ̂mal Ɔnʉl wʉ Ɛwalɛ, wʉ alɛ Ɔkʉ Klais. 12Ɛkɛv iyunu ɛnɛ ɛlɛ yee: nákol wanɛ, sɛ olimbe ɔn kɛ ɛkʉndʉ, ɔwa ɔn kɛ itow.”
13Saŋ ɛpʉmb, vɛnʉl vɛ ɔwanda ɛnyamɛ ivo oyen imbule yɛ vɔzɛnda-gbalgbal yɛboona isime kɛ ɔtalɛ-atʉlʉ, ɛzwaŋ nɛ ɔzɛnda-gbalgbal wʉ isi wɔɔ. Ɔlʉŋgʉ ohee kɛ ɛsɛghana Ofilikpamɛ nɛ wʉ ɔkaŋa ala,
14“Icivili ɛ̃lɛ nɛ Ofilikpamɛ kɛ ɔtalɛ-atʉlʉ,
nɛ vɛnʉl vɛ kasɛva Ofilikpamɛ fan ɔtalɛ, ɔ̃lɛ makun nɛ valindi.”
15Wʉ vɔzɛnda-gbalgbal ɔ̂sɛɛlɛ vo, ɔmʉwa kɛ ɔtalɛ-atʉlʉ, vɛnʉl vɛ ɔwanda ɛnyamɛ ɔkaŋɛ nɛ valindi ala, “Sɛ̃mʉwa nini, sɛ́za kɛ Bet-lehem, nɛ sɛ́za-yen ɔmanɛ kɛɛ ayel kiyee, kɛɛ Ofilikpamɛ ɔvɔl asu kwɔɔ”.
16Asɔ, ɔmʉwa zaa ŋgʉla-ŋgʉla kɛ Bet-lehem. Wʉ ôbi kini, okol Malia nɛ Zosef nɛ wanɛ, sɛ âlɛ ɔyavana kɛ itow. 17Wʉ ôyeni ɔn, ɔvɔl vɛnʉl vɛ ɔ̂lɛ fini ɔmanɛ wʉ ɔzɛnda-gbalgbal âvɔlʉ vo kɛ ito kɛɛ wanɛ wee. 18Vɛnʉl omwem vɛ ɔ̂ŋgwa ɔmanɛ wʉ vɛnʉl vɛ ɔwanda ɛnyamɛ ɔ̂vɔlʉ, kayaaŋɛ vo. 19Kpa Malia avɛl vɛnalɛvɛ yee vimem kɛ ɛsɛma, alɛ itesena itind iyɛ atɛŋ. 20Vɛnʉl vɛ ɔwanda ɛnyamɛ ohee ikiilena kɛ oci ovo. Wʉ ɔ̂lɛ kɛ ɛzaana, ɔsɛgha zaa Ofilikpamɛ, ɔnaa zaa ɔnʉ icivili, kici yɛ ɔmanɛ kɛɛ ɔ̂ŋgwa nɛ kɛɛ ôyeni, kâlɛ cas kɛ ndalɛsɛ ɔ̂vɔlʉ vo.
Ɔya Zisɔs ite
21Wʉ Zisɔs âbi afe anyieni, ɔcɛŋg ɔn, ɔya ɔn ite iyɛ ɔzɛnda-gbalgbal alɛ-ya ɔn, bem-bem saŋ ɔkʉwa ɔn.
Ɔza nɛ Zisɔs kɛ Ɛca iyɛ Ofilikpamɛ
22Afe ayɛ Zosef nɛ Malia osime ɔsanɛghɛ âkule, ndalɛsɛ obe wʉ Ofilikpamɛ ɔna Mosis akaŋɛ. Asɔ, oŋgiee ɔn kɛ Ɛca iyɛ Ofilikpamɛ iyɛ ɛlɛ kɛ Zelusalem, ndalɛsɛ vána ɔn kɛ nɛ Ofilikpamɛ. 23Ôyeli ase kici yɛ obe wʉ Ofilikpamɛ akaŋɛ ala, “Wána wanɛ wʉ ɔnʉmbʉsʉ wʉ isi ɔmɔnɛmɔ kɛ nɛ Ofilikpamɛ.” 24Zosef nɛ Malia ɔna ɛsalanavɛ ndalɛsɛ obe wʉ Ofilikpamɛ akaŋɛ. Obe âlii ala ɔ̃na mɛkʉŋgʉmʉ mɛfaalɛ, ga nɛ ɔ̃na vɛkɛlakuku ɔfaalɛ.
Ɔnʉl wʉ atɔwa kici yɛ Ofilikpamɛ
25Kɛ ɔkalaka wɔɔ, ɔnʉl ɔmɔ âlɛ kɛ Zelusalem wʉ agɔla ite ala Simiyon. Âlɛ kɛ ɔnʉl wʉ ayele vɛnalɛvɛ yɛ vɛsɛva Ofilikpamɛ. Âlʉŋwa Ofilikpamɛ nɛ ɛsɛma ɛmɔɔ. Âwa ɛsɛma cɛŋ kɛ ɛkʉlana Klais, ɔnʉl wʉ áva-wal vɛnʉl vɛ Iselel. Mʉndʉ wʉ Ofilikpamɛ âlɛ nɔnʉn. 26Âte ɔn ala, ákwo ga, kaka nɛ áyen Klais, ɔnʉl wʉ Ofilikpamɛ ɔkaŋɛ ala ɔnʉ ɔ́tɛma. 27Asɔ Mʉndʉ wʉ Ofilikpamɛ ayel Simiyon aza kɛ Ɛca iyɛ Ofilikpamɛ kɛ atɛŋ. Wʉ Simiyon âlɛ tɔ kɛ Ɛca, Malia nɛ Zosef ɔva nɛ Zisɔs fini. Ɔva wʉ váyel vɛnalɛvɛ kɛ nɔnʉn, ndalɛsɛ obe wʉ Ofilikpamɛ akaŋɛ. 28Wʉ ɔ̂va-bi, Simiyon agbaal wanɛ kɛ avo ana, atɛfa Ofilikpamɛ wʉ akaŋa ala,
29“Ofilikpamɛ Mɛfʉwa Wʉboona,
masɛ aŋgiee wee nɛ ɛmɛ ɔnʉl wuwu wʉ ɔtʉmʉ mɛ́kwo nɛ makun,
ndalɛsɛ wʉlɛ-kaŋɛ,
30kici yɛ asi ayamɛ ɛŋga âyen kɛ ɔnʉl wʉ wʉtɛma, wʉla ãva-walɛ vɛnʉl vumbuvu.
31Vɛnʉl omwem vɛ ɔlɛ fan ɔtalɛ wee vákol ɛwalɛ kici ɛna.
32Álɛ ndalɛ ɔmʉsʉ wʉ otee Ofilikpamɛ kɛ nɛ vatanda,
ndalɛsɛ vána icivili kɛ nɛ vɛnʉl vumbuvu vɛ Iselel.”
33Wʉ ɛziavɛ nɛ ɛŋgwan wʉ Zisɔs ɔ̂ŋgwa vɛnalɛvɛ yɛ Simiyon âvɔlʉ kɛ ito ɛnaghɛ, kayaaŋɛ vo. 34Simiyon acowu vo, akaŋɛ kpaa nɛ Malia, ɛŋgwan wʉ Zisɔs, ala, “Ofilikpamɛ ôyel ala, kici yɛ wanɛ wee, vɛnʉl cɛŋ kɛ Iselel vágba, nɛ vɛnʉl vedivi cɛŋ nɛ ɔ́wal. Ofilikpamɛ ɔ̂tɛma ɔn ndalɛ ɛkɛv, kpa vɛnʉl cɛŋ vágɔl ɔn ga. 35Asɔ, mates wʉ kɛ asɛma avo áte gbaŋgaŋ. Owe kpaa, kákɔl we kɛ ɛyʉl, nɛ káwaŋg we kpaŋ kɛ ɛsɛma, ndalɛ ôyumwe we nɛ ɛsɔmʉ yɛnelena.”
36Okeyi ɔmɔ wʉ atɔwa kici yɛ Ofilikpamɛ, ɔn kpaa âlɛ kɛ Ɛca. Agɔla ite ala Ana. Ɛziavɛ ɔna agɔla ite ala Fanʉl wʉ asime kɛ ikul yɛ Asia. Ana âlɛ kɛlɛ okeyi wʉ âkavɛlɛ kaka. Âyɔsʉ ɔnʉm ɔna, ɔca ɔlʉŋgʉ anyʉmʉ ataŋɛnafaalɛ, bem-bem saŋ ɔnʉm ɔna akwo. 37Ana asaŋ oke-kuse kaka abi anyʉmʉ ati anyin nɛ anyʉmʉ anyin. Azaa kɛ Ɛca iyɛ Ofilikpamɛ ife nɛ ɔyʉʉ, anaa ɔnʉ icivili, kɛ ivelena nɛ kɛ ɛyʉmwana ɔgʉ. 38Kɛ ɔkambɛlɛ wʉ Simiyon âtɔwa kɛ nɛ Malia nɛ Zosef, Ana ava kɛ navo, ahee ɛnaana ɛtɛfanavɛ kɛ nɛ Ofilikpamɛ, atɔw kɛ ito kɛɛ wanɛ wɔɔ kɛ nɛ vɛnʉl omwem vɛ ɔlɛ kɛ ɛkʉlana ɛwalɛ yɛ vɛnʉl vɛ Zelusalem.
39Zosef nɛ Malia oyel ɔmanɛmanɛ kɛɛ obe wʉ Ofilikpamɛ akaŋɛ. Wʉ ôyeli asɔ, ôkiil za kɛ ɔswaŋ ovo Nazalet, kɛ ɛyaŋ iyɛ Galili. 40Zisɔs ânel kini, akol ɔtavɛ, akol kpaa ayʉmʉ cɛŋ. Vicowenavɛ yɛ Ofilikpamɛ vɛ̂lɛ kɛ ito ɛnaghɛ.
Ɔza nɛ Zisɔs kɛ Ɛca iyɛ Ofilikpamɛ
41Ɛnyʉm ɛmɔnɛmɔ ɛziavɛ nɛ ɛŋgwan wʉ Zisɔs ɔ̂zaa kɛ Zelusalem wʉ váza-sɛgha ituŋunu iyɛ ɔyɛla ala Ɔyaŋgɛl. 42Wʉ Zisɔs âlɛ anyʉmʉ likwoŋ nɛ afaalɛ, ɔyʉmʉ za kɛ ituŋunu iyɔɔ nɔnʉn, ndalɛsɛ kâlɛ kɛlɛ iyeli ivo. 43Wʉ ituŋunu îkule, ɛziavɛ nɛ ɛŋgwan wʉ Zisɔs ohee ikiilena kɛ ɔswaŋ, kpa wanɛ ovo, Zisɔs, asaŋ kɛ Zelusalem. Zosef nɛ Malia ɔmɔ acil ala Zisɔs âsaŋ kɛ azime ga. 44Otes ala awʉ isiŋgi kɛ imbule yɛ vɛnʉl vɛ ozende ɔlʉŋgʉ. Asɔ ozend ife imem. Wʉ ɛyaŋgɛ îkule, ohee iliyena ɔn kɛ nɛ ɛcʉmbʉlʉ nɛ vaciam ovovu. 45Olii ɔn, kpa oyen ɔn ga. Asɔ okiil za kɛ Zelusalem, wʉ válii ɔn kini. 46Wʉ afe âwo ataalɛ, ɔsʉla ɔn kɛ Ɛca iyɛ Ofilikpamɛ. Alɛ ɔcaalana kɛ imbule yɛ vɛnʉl vɛ otee obe. Alɛ ɛtambɛlana kɛ navo nɛ kɛ ifiyena vo vɛtɔɔmba. 47Vɛnʉl omwem vɛ ɔ̂ŋgwa ɔn, ɔyaaŋɛ kɛ ayʉmʉ ayɛ âlɛ nanɛnɛ, nɛ ndalɛsɛ agɔla vɛtɔɔmba ovovu. 48Wʉ ɛziavɛ nɛ ɛŋgwan wʉ Zisɔs ôyeni ɔn, kaza vo ɛyʉl kaka. Ɛŋgwan ɔna afii ɔn ala, “Wanɛ wamɛ, ini wʉyel nɛ asu ase? Ɛziavɛ wuwu namɛ sɛ̂lii we kaka, kâza asu ɛyʉl wʉ sɛ̂liye we.”
49Akaŋɛ navo ala, “Ini nɛliye mɛ? Nɛ̂cil anu ala málɛ kɛ itimbe iyɛ ɛziavɛ wamɛ ga?” 50Kpa Zosef nɛ Malia ocil ɔmanɛ kɛɛ Zisɔs âfii vo kiyee ga.
51Asɔ aza ɔlʉŋgʉ navo kɛ Nazalet. Zisɔs aŋgwaa ɔcia wʉ ɛziavɛ ɔna nɛ ɛŋgwan ɔna. Kpa ɛŋgwan ɔna âlɛ kɛ itesena vɛnalɛvɛ yee vimem kɛ ɛsɛma ɛna.
52Zisɔs anel kan ɛyʉl nɛ kɛ ayʉm ayɛ âlɛ nanɛnɛ. Kâsɛva Ofilikpamɛ nɔnʉn, kasɛva kpaa vɛnʉl vayɛmavɛ.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©️2024 Luke Initiative for Scripture Translation