HADUI DAHA' SIHU TUHAN 2
2
Belua Ma'ang nei tegu Dau Pentakosta
1 #
Lewi 23:15-21; HST 1:14 Tegu lebau Dau Pentakosta, lim-lim daha' atih peji pepeng. 2#HST 4:31 Tenup-tenup nei nah ji daho' men langit awi dahun bahui aya' mihet dih, aleng na penu lim alem uma ngavan daha' melo' atih. 3#Mat 3:11 Lun tula nah té' daha' atih kuri-kuri ket awi apui jam na' petat tua, tei nelekep ha'ut-ha'ut hujung daha' atih. 4#HST 4:31; 10:44-46; 19:6 Lim daha' atih pah penu dahin Belua' Ma'ang, ateng daha' tengaran alem kuri-kuri na'an daho', ngioh awi dahun Belua' bara daha'.
5 #
HST 13:26
Té' daha' Yahudi aleng tangen lan kenep té' Tuhan melo' ha' Yerusalem, aleng uh nei men hang lim-lim bengsa' té' ida langit anih. 6Tegu daho' atih tula, alem lim-lim daha' atih pepeng, ngeniheng tua nah daha', avin ha'ut la'ung daha' kelenghi dahun daha' tengaran alem dahun daha' dep. 7Pelalau ngeniheng nah daha' atih lim dahin melak, pelalau kuma', “Bareng si' kelunan aleng tengaran anih em kelunan Galilea ia? 8Nuno' nah tuk anih pa? Itam kelenghi dahun dalo' anih ké' beka dahun tam dalo' na, iha' tih daho' aleng en tam pakei alem daléh pa'un tam, 9iha' tih kelunan Partia dahin Media, kelunan Elam, dahin kelunan aleng murip ha' Mesopotami dahin Yudea, dahin Kapadokia, dahin Pontus, dahin Asia, 10dahin Frigia, dahin Pamfilia, dahin Mesir, dahin lim-lim daléh Libia aleng jeleng béh Kirene, dahin kelunan aleng uh musang men Roma, iha' tih kelunan Yahudi dahin daha' aleng uh ngalui adet daha' lahuh, 11nurei pah daha' Kreta, dahin daha' Arab, lim tam kelenghi daha' atih bara alem dahun tam dep marung hadui Allah aleng dekaya' lelan.” 12Ngeniheng nah daha' atih lim dahin kawah kenep, ateng daha' pepteng, “Ket nuno' nunih pa?” ken daha'. 13Bi daha' balei meté' nuten, ken daha', “Kelunan anih ba'uh té' ata' agun aleng mih anih,” ken daha'.
Hu'ei Petrus
14Bi nekring nah Petrus dahin daha' pulu-ji la'ung daha' sihu Tuhan atih, pelalau na daho' aya' dahin kuma' men daha', “U kelunan Yudea dahin ikam lim aleng melo' ha' Yerusalem, ala nah daho' anih dahin melo' dahuk alem kenep kam. 15Avin nusi' daha' anih mavuk awi kio' kam anan, avin kerei inih tegu pukun pitan jihima. 16#Yoel 2:28-30 Anih nah ket aleng en nabi Yoel nira, dahun na',
17“Ken Allah, Tegu ha' jadi' dau baya,
Akui seng muak Beluak té' ujung kelunan lim.
Daha' anak-aké' kam dahin anak doh kam seng pedengah,
dahin daha' nyemaké' kam seng nyineng kuri-kuri ket tula,
dahin daha' laké' aleng uh dekaya' seng ngenyupé' kuri-kuri na'an nyupé'.
18Lan, Akui seng muak Beluak tegu anan
té' lim-lim nyam-panyin Kui aleng laké' dahin aleng doh,
daha' pah seng pedengah Akui.
19Akui seng na hadui ngavan daha' ngeniheng ha' langit aleng hujung,
dahin na tada' ha' usun tana anih aleng hida,
iha' tih daha, dahin apui, dahin beluluk lisun tei peju.
20Matan dau seng tei lidem,
bulan pah seng balui daha,
men em payan dau Tuhan ateng,
iha' tih dau aleng dekaya' dahin aleng en daha' hituk.
21 #
Rom 10:13
Tegu anan, hi-hi aleng ngetalau aran Tuhan iha' nah aleng murip.’
22 #
Yoh 3:2
“U ikam kelunan Israel, kelenghi nah ikam marung dahuk anih. Té' pah Yesus, kelunan Nazaret, Iha' ji la'ung en Allah ju té' hang kam té' tingan dahin hadui avan daha' ngeniheng, dahin té' tada' aleng uh Allah na kenan Na' té' hang kam, awi aleng uh kitan kam. 23#Mat 27:35; HST 4:28; 1 Pet 1:20 Iha' nah uh en daha' uk, ngioh kenep Allah aleng uh Na' petneng una' dahin aleng uh kitan Na' una'. Yesus atih nah aleng uh kam selepang arei dih, aleng uh kam lematei té' usu daha' aleng kelalau lalé' ji'ek. 24#Mat 28:5-6; HST 3:15 Iha' nah aleng uh en Allah ju nekulah dahin makau Iha' men patei aleng pekaté', avin patei em ningan gem Iha'.
25 #
NDI 16:8-11
“Avin Daud bara marung Iha', ken na',
‘Akui nyineng Tuhan pa'en-pa'en ha' unan kui.
Avin Iha' té' ha' bah ta'o kui, nusi' nah akui seng duhei la'an.
26Avin ha' nutih nah akui sayu lan kenep, beluak pah kelalau petenglu,
batung kui pah seng murip dena' alem kinah.
27 #
HST 13:35
Avin nusi' nah Ika' seng mun beluak melo' alem avan patei,
nusi' pah Ika' seng kelung kelunan Ka' aleng ma'ang atih seng ga' tasa'.
28Ika' uh bara men akui alan urip,
ha' unan Ka' pah kenep kui seng kelalau lalé' melu.’
29 #
1 Laj 2:10; HST 13:36 “U kelo' harik lim, akui em ha'éh bara ikam marung sepun tam, Daud. Iha' matei ké', dahin en daha' tanem, té' loh kah tanem na' té' hang tam ateng dau anih. 30#2 Sam 7:12-13; NDI 89:3-4; 132:11 Iha' kelunan nabi, dahin jam Allah uh tevah dahin na' marung ji kelunan men pahu anak la'ung na' seng Na' ju hujung ladung aren na'. 31Avin iha' jam pekuna', iha' bara marung tuk Kristus nei peju murip, dahin bara marung Iha' em té' pa'en alem avan patei, dahin bara batung Na' em tei ga' tasa'. 32Té' pah Yesus anih aleng uh en Allah ju, marung Iha' nah kamé' lim anih jadi' teksi'. 33Avin Iha' uh en Allah ju té' usu Na' bah ta'o. Hu'uh nah Iha' ala Balua' Ma'ang men Taman tam, aleng uh Na' jaji atih, en Na' uak nah Belua' anih awi aleng en kam nyineng dahin en kam kelenghi anih. 34Nusi' nah Daud tei peju ha' Surga, bi batung na' aleng kuma',
‘Tuhan Allah uh nengaran men Tuhan kui,
Melo' nah Im bah ta'o Kui,
35Ateng Akui na lim ayau Ka' jadi' hamak kudek Ka'.’
36Avin anan, tekep nah lim daha' pahu Israel jam lelan, Allah uh na Yesus atih Tuhan dahin Kristus, Iha' atih Yesus aleng kam selepang dih.”
Aring-aring sidang ha' Yerusalem
37Uh nah daha' kelenghi nunan, pelalau nyeman nah kenep daha' lim nei negisuk, pelalau kuma' nah daha' atih men Petrus dahin daha' sihu Tuhan aleng ha' béh atih, “U kelo' harik, nun nah aleng tekep en amé' na sika?” 38Lun ken Petrus men daha', “Sayu nah ikam ngelisah kenep dahin duh ha'ut-ha'ut kam alem aran Yesus Kristus, anan nah aleng mebet sala kam, ikam pah seng ala Belua' Ma'ang, ket en Allah ih. 39Avin men ikam nah Allah na jaji atih, men anak-anak kam lahuh, dahin men kelunan lim aleng su, dahin kuri-kuri kahum aleng seng en Allah Tuhan tam uvui pala Iha'.”
40Kahun lan na'an-na'an katah katuk na' petangen daha' atih, iha' ha' kuma', “Pekurip nah batung kam! Musang nah ikam men daha' aleng kelalau ji'ek anih!” 41Lim daha' aleng ala dahun na' anan pah en duh. Tegu dau anan sa' pi'at kahum pah daha', kio'-kio' telo' libu' kelunan i'at daha'.
42Lim daha' anan tangen lelan ngioh katuk daha' sihu Tuhan anan, dahin ji tua kenep, tutek lan pah daha' pepeng dahin mi'ang luti, dahin sebayang. 43Lun takut nah daha' lim atih tegu dalo' sihu Tuhan atih na kahum na'an hadui dahin tada' aleng ngavan daha' ngeniheng. 44Lim daha' aleng nginah anan di pa'en peji, lim ketanun daha' pah peji. 45En daha' belé' nah daven daha', dahin petulan na' men ha'ut-ha'ut la'ung daha', pelemana' marung humé' daha'. 46Ha'ut-ha'ut dau daha' em ketapah tei alem uma Allah dahin ji kenep, daha' pah kuman peji alem ha'ut-ha'ut uma daha' dahin melu dahin ji telujung tua kenep daha', 47dahin meju Allah, daha' pah sayu lelan kitan daha' lim atih. Ha'ut-ha'ut dau daha' sa' nei pi'at kahum kenan Tuhan aleng ma'uk urip daha' atih.
المحددات الحالية:
HADUI DAHA' SIHU TUHAN 2: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 2
2
Belua Ma'ang nei tegu Dau Pentakosta
1 #
Lewi 23:15-21; HST 1:14 Tegu lebau Dau Pentakosta, lim-lim daha' atih peji pepeng. 2#HST 4:31 Tenup-tenup nei nah ji daho' men langit awi dahun bahui aya' mihet dih, aleng na penu lim alem uma ngavan daha' melo' atih. 3#Mat 3:11 Lun tula nah té' daha' atih kuri-kuri ket awi apui jam na' petat tua, tei nelekep ha'ut-ha'ut hujung daha' atih. 4#HST 4:31; 10:44-46; 19:6 Lim daha' atih pah penu dahin Belua' Ma'ang, ateng daha' tengaran alem kuri-kuri na'an daho', ngioh awi dahun Belua' bara daha'.
5 #
HST 13:26
Té' daha' Yahudi aleng tangen lan kenep té' Tuhan melo' ha' Yerusalem, aleng uh nei men hang lim-lim bengsa' té' ida langit anih. 6Tegu daho' atih tula, alem lim-lim daha' atih pepeng, ngeniheng tua nah daha', avin ha'ut la'ung daha' kelenghi dahun daha' tengaran alem dahun daha' dep. 7Pelalau ngeniheng nah daha' atih lim dahin melak, pelalau kuma', “Bareng si' kelunan aleng tengaran anih em kelunan Galilea ia? 8Nuno' nah tuk anih pa? Itam kelenghi dahun dalo' anih ké' beka dahun tam dalo' na, iha' tih daho' aleng en tam pakei alem daléh pa'un tam, 9iha' tih kelunan Partia dahin Media, kelunan Elam, dahin kelunan aleng murip ha' Mesopotami dahin Yudea, dahin Kapadokia, dahin Pontus, dahin Asia, 10dahin Frigia, dahin Pamfilia, dahin Mesir, dahin lim-lim daléh Libia aleng jeleng béh Kirene, dahin kelunan aleng uh musang men Roma, iha' tih kelunan Yahudi dahin daha' aleng uh ngalui adet daha' lahuh, 11nurei pah daha' Kreta, dahin daha' Arab, lim tam kelenghi daha' atih bara alem dahun tam dep marung hadui Allah aleng dekaya' lelan.” 12Ngeniheng nah daha' atih lim dahin kawah kenep, ateng daha' pepteng, “Ket nuno' nunih pa?” ken daha'. 13Bi daha' balei meté' nuten, ken daha', “Kelunan anih ba'uh té' ata' agun aleng mih anih,” ken daha'.
Hu'ei Petrus
14Bi nekring nah Petrus dahin daha' pulu-ji la'ung daha' sihu Tuhan atih, pelalau na daho' aya' dahin kuma' men daha', “U kelunan Yudea dahin ikam lim aleng melo' ha' Yerusalem, ala nah daho' anih dahin melo' dahuk alem kenep kam. 15Avin nusi' daha' anih mavuk awi kio' kam anan, avin kerei inih tegu pukun pitan jihima. 16#Yoel 2:28-30 Anih nah ket aleng en nabi Yoel nira, dahun na',
17“Ken Allah, Tegu ha' jadi' dau baya,
Akui seng muak Beluak té' ujung kelunan lim.
Daha' anak-aké' kam dahin anak doh kam seng pedengah,
dahin daha' nyemaké' kam seng nyineng kuri-kuri ket tula,
dahin daha' laké' aleng uh dekaya' seng ngenyupé' kuri-kuri na'an nyupé'.
18Lan, Akui seng muak Beluak tegu anan
té' lim-lim nyam-panyin Kui aleng laké' dahin aleng doh,
daha' pah seng pedengah Akui.
19Akui seng na hadui ngavan daha' ngeniheng ha' langit aleng hujung,
dahin na tada' ha' usun tana anih aleng hida,
iha' tih daha, dahin apui, dahin beluluk lisun tei peju.
20Matan dau seng tei lidem,
bulan pah seng balui daha,
men em payan dau Tuhan ateng,
iha' tih dau aleng dekaya' dahin aleng en daha' hituk.
21 #
Rom 10:13
Tegu anan, hi-hi aleng ngetalau aran Tuhan iha' nah aleng murip.’
22 #
Yoh 3:2
“U ikam kelunan Israel, kelenghi nah ikam marung dahuk anih. Té' pah Yesus, kelunan Nazaret, Iha' ji la'ung en Allah ju té' hang kam té' tingan dahin hadui avan daha' ngeniheng, dahin té' tada' aleng uh Allah na kenan Na' té' hang kam, awi aleng uh kitan kam. 23#Mat 27:35; HST 4:28; 1 Pet 1:20 Iha' nah uh en daha' uk, ngioh kenep Allah aleng uh Na' petneng una' dahin aleng uh kitan Na' una'. Yesus atih nah aleng uh kam selepang arei dih, aleng uh kam lematei té' usu daha' aleng kelalau lalé' ji'ek. 24#Mat 28:5-6; HST 3:15 Iha' nah aleng uh en Allah ju nekulah dahin makau Iha' men patei aleng pekaté', avin patei em ningan gem Iha'.
25 #
NDI 16:8-11
“Avin Daud bara marung Iha', ken na',
‘Akui nyineng Tuhan pa'en-pa'en ha' unan kui.
Avin Iha' té' ha' bah ta'o kui, nusi' nah akui seng duhei la'an.
26Avin ha' nutih nah akui sayu lan kenep, beluak pah kelalau petenglu,
batung kui pah seng murip dena' alem kinah.
27 #
HST 13:35
Avin nusi' nah Ika' seng mun beluak melo' alem avan patei,
nusi' pah Ika' seng kelung kelunan Ka' aleng ma'ang atih seng ga' tasa'.
28Ika' uh bara men akui alan urip,
ha' unan Ka' pah kenep kui seng kelalau lalé' melu.’
29 #
1 Laj 2:10; HST 13:36 “U kelo' harik lim, akui em ha'éh bara ikam marung sepun tam, Daud. Iha' matei ké', dahin en daha' tanem, té' loh kah tanem na' té' hang tam ateng dau anih. 30#2 Sam 7:12-13; NDI 89:3-4; 132:11 Iha' kelunan nabi, dahin jam Allah uh tevah dahin na' marung ji kelunan men pahu anak la'ung na' seng Na' ju hujung ladung aren na'. 31Avin iha' jam pekuna', iha' bara marung tuk Kristus nei peju murip, dahin bara marung Iha' em té' pa'en alem avan patei, dahin bara batung Na' em tei ga' tasa'. 32Té' pah Yesus anih aleng uh en Allah ju, marung Iha' nah kamé' lim anih jadi' teksi'. 33Avin Iha' uh en Allah ju té' usu Na' bah ta'o. Hu'uh nah Iha' ala Balua' Ma'ang men Taman tam, aleng uh Na' jaji atih, en Na' uak nah Belua' anih awi aleng en kam nyineng dahin en kam kelenghi anih. 34Nusi' nah Daud tei peju ha' Surga, bi batung na' aleng kuma',
‘Tuhan Allah uh nengaran men Tuhan kui,
Melo' nah Im bah ta'o Kui,
35Ateng Akui na lim ayau Ka' jadi' hamak kudek Ka'.’
36Avin anan, tekep nah lim daha' pahu Israel jam lelan, Allah uh na Yesus atih Tuhan dahin Kristus, Iha' atih Yesus aleng kam selepang dih.”
Aring-aring sidang ha' Yerusalem
37Uh nah daha' kelenghi nunan, pelalau nyeman nah kenep daha' lim nei negisuk, pelalau kuma' nah daha' atih men Petrus dahin daha' sihu Tuhan aleng ha' béh atih, “U kelo' harik, nun nah aleng tekep en amé' na sika?” 38Lun ken Petrus men daha', “Sayu nah ikam ngelisah kenep dahin duh ha'ut-ha'ut kam alem aran Yesus Kristus, anan nah aleng mebet sala kam, ikam pah seng ala Belua' Ma'ang, ket en Allah ih. 39Avin men ikam nah Allah na jaji atih, men anak-anak kam lahuh, dahin men kelunan lim aleng su, dahin kuri-kuri kahum aleng seng en Allah Tuhan tam uvui pala Iha'.”
40Kahun lan na'an-na'an katah katuk na' petangen daha' atih, iha' ha' kuma', “Pekurip nah batung kam! Musang nah ikam men daha' aleng kelalau ji'ek anih!” 41Lim daha' aleng ala dahun na' anan pah en duh. Tegu dau anan sa' pi'at kahum pah daha', kio'-kio' telo' libu' kelunan i'at daha'.
42Lim daha' anan tangen lelan ngioh katuk daha' sihu Tuhan anan, dahin ji tua kenep, tutek lan pah daha' pepeng dahin mi'ang luti, dahin sebayang. 43Lun takut nah daha' lim atih tegu dalo' sihu Tuhan atih na kahum na'an hadui dahin tada' aleng ngavan daha' ngeniheng. 44Lim daha' aleng nginah anan di pa'en peji, lim ketanun daha' pah peji. 45En daha' belé' nah daven daha', dahin petulan na' men ha'ut-ha'ut la'ung daha', pelemana' marung humé' daha'. 46Ha'ut-ha'ut dau daha' em ketapah tei alem uma Allah dahin ji kenep, daha' pah kuman peji alem ha'ut-ha'ut uma daha' dahin melu dahin ji telujung tua kenep daha', 47dahin meju Allah, daha' pah sayu lelan kitan daha' lim atih. Ha'ut-ha'ut dau daha' sa' nei pi'at kahum kenan Tuhan aleng ma'uk urip daha' atih.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.