HADUI DAHA' SIHU TUHAN 6
6
Marung mili tusu kelunan aleng tuboh kelunan humé'
1 #
HST 4:35
Tegu anan tegu anak sekulah uh pi'at-pi'at kahum, té' nah kelebeng té' hang daha' Yahudi aleng nei men daléh Yunani, na daha' Yahudi aleng tinan, avin daha' hadau mejei men daha' debalo' aleng nei men daléh Yunani tegu daha' pejei ha'ut-ha'ut dau. 2Pelalau daha' aleng pulu-dua' atih mepeng lim anak sekulah aleng ngahum atih dahin kuma', “Nusi' tekep kamé' anih seng em havah bara dahun Allah tavit kamé' matah kanen men kelunan. 3#1 Tim 3:7-8 Avin anan, u kelo' harik lim-lim, ilau nah té' hang kam tusu la'ung aleng tutau barik dalo' dahin aleng penu té' Belua' Ma'ang dahin ugé' aleng deng en amé' na té' hadui anih. 4Bi kamé' anih seng tangen pa'en sebayang dahin mutat dahun Tuhan.” 5#HST 8:5 Lim kelunan aleng kahum atih pah sayu kenep kelenghi daho' anan, pelalau mili Stefanus, iha' atih ji kelunan aleng atek nginah lan dahin aleng penu té' Belua' Ma'ang, té' pah lahuh Filipus, dahin Prukhorus, dahin Nikanor, dahin Timon, dahin Parmenas, dahin Nikulaus, iha' tih ji kelunan aleng uh masan adet na' nei men daléh Antiokhia. 6#HST 1:24; 13:3; 14:23 Lim dalo' atih en daha' geri pala daha' sihu Tuhan. Uh daha' sebayang, daha' metei usu daha' té' ujung dalo' atih.
7 #
HST 19:20
Sa'-sa' putat nah dahun Allah, dahin anak sekulah pah sa'-sa' nei ngahum ha' Yerusalem. Ngahum lan pah daha' imam ngioh kinah atih lahuh.
Stefanus en daha' apuh
8Penu nah Stefanus té' asi Allah dahin tingan. Té' kuri-kuri tada' dahin hadui aleng dekaya' ngavan daha' ngeniheng en na' na té' hang daha'. 9Bi peju nah kuri-kuri kelunan Yahudi aleng men uma sebayang aleng en daha' kuma' peng daha' Libertini, iha' tih daha' Yahudi aleng men daléh Kirene, dahin men Aleksandria, té' pah lahuh men Kelikia, dahin men Asia, peju pano' dahin Stefanus. 10Bi nusi' na daha' atih deng melawan ugé' dahin Belua' aleng en na' bara anan. 11Pelalau daha' pakat nyihu kuri-kuri la'ung aleng seng kuma', “Kamé' uh kelenghi dahun na' peji'ek Musa dahin Allah.” 12Uh anan daha' pebisau kenep daha' atih, dahin daha' aleng dekaya' lahuh, dahin daha' aleng puboh surat Tuhan, pelalau daha nekjet mapuh Stefanus dahin geri iha' ha' unan daha' kemiti, 13pelalau daha' menei kuri-kuri kelunan aleng na teksi' pamoh aleng kuma', “Kelunan anih peletu em tei ngeta' dahun na' peji'ek avan aleng ma'ang anih dahin tebara Musa. 14Kamé' uh kelenghi dahun na' kuma' Yesus kelunan Nazaret seng ngahem avan anih dahin masan adet-adet aleng en Musa uk men itam.” 15Lim kelunan aleng melo' alem peng daha' kemiti atih pah nyineng Stefanus, neng na' tula ha' daha' atih awi neng meliket dih jam na'.
المحددات الحالية:
HADUI DAHA' SIHU TUHAN 6: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 6
6
Marung mili tusu kelunan aleng tuboh kelunan humé'
1 #
HST 4:35
Tegu anan tegu anak sekulah uh pi'at-pi'at kahum, té' nah kelebeng té' hang daha' Yahudi aleng nei men daléh Yunani, na daha' Yahudi aleng tinan, avin daha' hadau mejei men daha' debalo' aleng nei men daléh Yunani tegu daha' pejei ha'ut-ha'ut dau. 2Pelalau daha' aleng pulu-dua' atih mepeng lim anak sekulah aleng ngahum atih dahin kuma', “Nusi' tekep kamé' anih seng em havah bara dahun Allah tavit kamé' matah kanen men kelunan. 3#1 Tim 3:7-8 Avin anan, u kelo' harik lim-lim, ilau nah té' hang kam tusu la'ung aleng tutau barik dalo' dahin aleng penu té' Belua' Ma'ang dahin ugé' aleng deng en amé' na té' hadui anih. 4Bi kamé' anih seng tangen pa'en sebayang dahin mutat dahun Tuhan.” 5#HST 8:5 Lim kelunan aleng kahum atih pah sayu kenep kelenghi daho' anan, pelalau mili Stefanus, iha' atih ji kelunan aleng atek nginah lan dahin aleng penu té' Belua' Ma'ang, té' pah lahuh Filipus, dahin Prukhorus, dahin Nikanor, dahin Timon, dahin Parmenas, dahin Nikulaus, iha' tih ji kelunan aleng uh masan adet na' nei men daléh Antiokhia. 6#HST 1:24; 13:3; 14:23 Lim dalo' atih en daha' geri pala daha' sihu Tuhan. Uh daha' sebayang, daha' metei usu daha' té' ujung dalo' atih.
7 #
HST 19:20
Sa'-sa' putat nah dahun Allah, dahin anak sekulah pah sa'-sa' nei ngahum ha' Yerusalem. Ngahum lan pah daha' imam ngioh kinah atih lahuh.
Stefanus en daha' apuh
8Penu nah Stefanus té' asi Allah dahin tingan. Té' kuri-kuri tada' dahin hadui aleng dekaya' ngavan daha' ngeniheng en na' na té' hang daha'. 9Bi peju nah kuri-kuri kelunan Yahudi aleng men uma sebayang aleng en daha' kuma' peng daha' Libertini, iha' tih daha' Yahudi aleng men daléh Kirene, dahin men Aleksandria, té' pah lahuh men Kelikia, dahin men Asia, peju pano' dahin Stefanus. 10Bi nusi' na daha' atih deng melawan ugé' dahin Belua' aleng en na' bara anan. 11Pelalau daha' pakat nyihu kuri-kuri la'ung aleng seng kuma', “Kamé' uh kelenghi dahun na' peji'ek Musa dahin Allah.” 12Uh anan daha' pebisau kenep daha' atih, dahin daha' aleng dekaya' lahuh, dahin daha' aleng puboh surat Tuhan, pelalau daha nekjet mapuh Stefanus dahin geri iha' ha' unan daha' kemiti, 13pelalau daha' menei kuri-kuri kelunan aleng na teksi' pamoh aleng kuma', “Kelunan anih peletu em tei ngeta' dahun na' peji'ek avan aleng ma'ang anih dahin tebara Musa. 14Kamé' uh kelenghi dahun na' kuma' Yesus kelunan Nazaret seng ngahem avan anih dahin masan adet-adet aleng en Musa uk men itam.” 15Lim kelunan aleng melo' alem peng daha' kemiti atih pah nyineng Stefanus, neng na' tula ha' daha' atih awi neng meliket dih jam na'.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.