Luk 3
3
U hihatuts tere Jon a Tsonun Baptais
(Matiu 3:1-12, Mak 1:1-8, Jon 1:19-28)
1Turu hamaloto na u tolima u hiningal te gamman pania e Taibirius i Rom, nonei has a pöata te tanian hihatutsia e Jon. Be Pontias Pailat te gamman na i Judia, na e Herot i Galili, be toulanen e Pilip te tara kap nena a provins i Ituria na i Trekonaitis. Be Laisenias te tara kap nena i Abilin. 2Bere Anas mere Kaiapas te tsunono pan raier u pris. Nonei tara pöata teka u raranga tere Sunahan e la uama tere Jon, a pien tson tere Sakaria, te kaien tara makum a palaka. 3Be Jon e lauana tara mamana han i rehina Ramun i Jodan me mar hihatuts uana teka, “Palis ba naiam a man markato a man omi bate habaptais miou, be Sunahan te luba nanou a man markato a man omi bate tara pouts ranou limiou.” 4Nonei temar koloto uu e Aisaia a propet, turu buku i tanen i manasa. Ba nonei e pei hasena:
“A töa katuun ena ku hapan noua romana tara makum a palaka bate poeiena,
‘Hamatsköeiam a man markato i tamilimiou.
A Tsunono e ngilin sila nama romana tara maroro a matskö.
5A man gohi hoboto e tatei hue riou,
na man pokus hoboto e tatei hala pute riou.
Na kalana a kököela e hamatsköe riou,
na maroro a tuktukul e kato hamamarohane riou.
6Ba u katuun hoboto te tare riou a nihitaguhu tere Sunahan!’”
Temar koloto uu e Aisaia e kapana teka.
7U katuun u parpara i la uama tere Jon tegimi habaptais uaien i tanen. Ba nonei e poeiena, “Alimiou u kökötsi u katuun u gamogamo! Alimiou ema antunan bus ba namoi a raharaha tere Sunahan te butu nou! 8Alimiou go palis ba naiam a markato a omi, bate kato hamana koru uamou te kato uana a katuun te palis ba nena a markato a omi. Alimiou goma mar hakats uami teka: ‘Alam e nigam. Taraha? E Abraham e tubumulam.’ Alia e hatei ragou limiou, e Sunahan e antunan katoe noi u marats teka a hun katuun tere Abraham! E Sunahan ema haniga papale nei a katuun te pala uana tere Abraham. E möa. E hanigeiena a katuun te kukutiena u raranga tere Sunahan. 9A nikö e opö hamanasana tara polosona u ruei. Na e Sunahan e katsin ngats lupu hoboto hamanasa rena a man ruei tema mala hua haniga ri, bate lapo raria turu tula. E markato uana teka, e Sunahan e hahune nou a katuun tema kato haniga nei.”
10Ba u katuun e rangateier e Jon, “Aha te katoe mou lam?”
11Ba nonei e ranga palisina me poeiena, “A katuun te ka mena u huol u hasobö ega halan u töa tara katuun te möana. Na katuun te ka mena a kannou ega molamola has naien.”
12U katuun ti lulu a takis i la silema tegimi habaptais uaien, ba nori e rangate ren, “Tson hihatuts, aha tego kati lam?”
13Ba nonei e poeiena i taren, “Lu laseiam a takis te ranga uana a gamman.”
14Ba palair u soldia e rangata hase ren, “Ga lam, aha tego kati lam?”
Ba nonei e poeiena i taren, “Ma gulemi a moni tara katuun. Na limiou egoma kout gamogamo has nami a katuun. Sasaala meiam a hihol i tamilimiou.”
15U katuun i hakatsin e Mesaia e sukusukun lama, ba nori e hakats hapara ner e Jon me poeier nonei toum e Mesaia. 16Be Jon e poeiena i taren hoboto, “Alia e baptais ragi limiou u ramun tuun, kaba a töa katuun te pan bala nanou lia ena la nama romana. Alia ema antunan hakoul has nagoi u sendol i tanen. Nonei te baptais ranoui limiou romana u Namnamei u Göagono na u tula. 17Nonei e katsin lu kata rena u katuun u niga na u katuun u omi, temar hapiraka menari a pem na ngal. Nonei e haka ranoua u katuun u niga tara han a niga, ba nonei te tsuga mera noui u katuun u omi turu tula tema antunan hoso nari.”
18Na turu mamana u mar ranga has e Jon e hatuts raien u Bulungana u Niga. 19Be Jon e ranga silena e Herot a gamman. Taraha? E Herot e töli e Herodias, a tahol tere toulanen pouts. E Herot e kato hakapi a para a markato a omi. 20Ba nonei e kato hasena a tana markato a omi koru te haka menaien e Jon tara karabus.
E Iesu i baptaisi
(Matiu 3:13-17, Mak 1:9-11)
21-22I murina ti habaptaisia u katuun hoboto, be Iesu e habaptais hasina. Tara pöata te singoien, ba u Kolö e takalatana, ba u Namnamei u Göagono e hakulue nama a peisanen me koul uanama i tanen. Ba u töa u raranga e butu nama i Kolö me poeiena, “Alö a Pien Tson koru i tar. Alia e ngil korue goulö.”
A solor u tubuna e Iesu
(Matiu 1:1-17)
23Pöata te hatanieia e Iesu a toukui i tanen, nonei e ka toum mei u topisa u maloto u hiningal.
E Iesu i ngöe ii a pien tson tere Josep.
Na e Josep a pien tson tere Heli.
24Na e Heli a pien tson tere Matat.
E Matat a pien tson tere Livai.
Na e Livai a pien tson tere Melki.
E Melki a pien tson tere Janai.
Na e Janai a pien tson tere Josep.
25E Josep a pien tson tere Matatias.
Na e Matatias a pien tson tere Emos.
E Emos a pien tson tere Nahum.
Na e Nahum a pien tson tere Esli.
E Esli a pien tson tere Nagai.
26Na e Nagai a pien tson tere Mat.
E Mat a pien tson tere Matatias.
Na e Matatias a pien tson tere Semein.
E Semein a pien tson tere Josek.
Na e Josek a pien tson tere Joda.
27E Joda a pien tson tere Joanan.
Na e Joanan a pien tson tere Resa.
E Resa a pien tson tere Serubabel.
Na e Serubabel a pien tson tere Sialtiel.
E Sialtiel a pien tson tere Neri.
28Na e Neri a pien tson tere Melki.
E Melki a pien tson tere Adi.
Na e Adi a pien tson tere Kosam.
E Kosam a pien tson tere Elmadam.
Na e Elmadam a pien tson tere Er.
29E Er a pien tson tere Josua.
Na e Josua a pien tson tere Elieser.
E Elieser a pien tson tere Jorim.
Na e Jorim a pien tson tere Matat.
E Matat a pien tson tere Levi.
30Na e Levi a pien tson tere Simion.
E Simion a pien tson tere Juda.
Na e Juda a pien tson tere Josep.
Josep a pien tson tere Jonam.
Na e Jonam a pien tson tere Eliakim.
31E Eliakim a pien tson tere Melia.
Na e Melia a pien tson tere Mena.
E Mena a pien tson tere Matata.
Na e Matata a pien tson tere Netan.
E Netan a pien tson tere Devit.
32Na e Devit a pien tson tere Jesi.
E Jesi a pien tson tere Obet.
Na e Obet a pien tson tere Boas.
E Boas a pien tson tere Salmon
Na e Salmon a pien tson tere Nason.
33E Nason a pien tson tere Aminadap.
Na e Aminadap a pien tson tere Atmin.
E Atmin a pien tson tere Arni.
Na e Arni a pien tson tere Hesron.
E Hesron a pien tson tere Peres.
Na e Peres a pien tson tere Juda.
34E Juda a pien tson tere Jekop.
Na e Jekop a pien tson tere Aisak.
E Aisak a pien tson tere Abraham.
Na e Abraham a pien tson tere Tera.
E Tera a pien tson tere Nahor.
35Na e Nahor a pien tson tere Serug.
E Serug a pien tson tere Riu.
Na e Riu a pien tson tere Pelek.
E Pelek a pien tson tere Eber.
Na e Eber a pien tson tere Sela.
36E Sela a pien tson tere Kainan.
Na e Kainan a pien tson tere Arpaksat.
E Arpaksat a pien tson tere Sem.
Na e Sem a pien tson tere Noa.
E Noa a pien tson tere Lamek.
37Na e Lamek a pien tson tere Metusela.
E Metusela a pien tson tere Inok.
Na e Inok a pien tson tere Jaret.
E Jaret a pien tson tere Mahalalel.
Na e Mahalalel a pien tson tere Kenan.
38E Kenan a pien tson tere Enos.
Na e Enos a pien tson tere Set.
E Set a pien tson tere Adam.
Na e Adam a pien tson tere Sunahan.
المحددات الحالية:
Luk 3: HLA 2020
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© (Active) Wycliffe Bible Translators, Inc. All rights reserved.