Luk 4
4
E Satan e torohani e Iesu
(Matiu 4:1-11, Mak 1:12-13)
1E Iesu e saputu mei u Namnamei u Göagono tere Sunahan me laba nena i Jodan. Ba u Namnamei tere Sunahan e peigi mena neien tara makum a palaka. 2E Iesu e kaia tara makum a palaka u tohats u maloto u lan te torohaneien e Satan. Tara pöata teka e Iesu ema nou ii, ba nonei e bes koruna.
3Be Satan e poeiena i tanen, “Tego Pien uu lö tere Sunahan, alö go ranga ba marats teka te palis uana tara beret!”
4Be Iesu e ranga palise nen me poeiena, “I koloto has naia turu Buku u Göagono, ‘A beret peisa ema antunan hala nanei a nitöatöa tara katuun.’”
5Be Satan e la sei menen, ba nonei tara tsi pöata puku noahas teka ba man han hoboto i puta te butuna ba nonei e haröteneien e Iesu. 6Be Satan e poeiena i tanen, “Alia e hale goui lö a nitagala balö te pan na mou u han hoboto teka, na manka man niga iaharen. A manka hoboto teka i halei lia. Na te ngilin hala nagien lia tara töa katuun, ba lia te tatei hala nagen. 7Te hatukun moa lö i matar bate hatsunone moulia, ba manka hoboto teka te ka uanou i tamölö!”
8Be Iesu e ranga palise nen me poeiena, “I koloto hasiin, ‘Alö go hatsunono uu tere Sunahan. Nonei a Tsunono pan i tamölö, na nonei puku lahas a töa tego hengoei lö.’”
9Be Satan e lu mena neien i Jerusalem me hatuole nen iasa koru i pungana tara Luman Lotu Pan me poeiena i tanen, “Tego Pien uu lö tere Sunahan, kurapa uu i puta. 10Taraha? I kolotein:
‘E Sunahan e ranga mera nou u angelo i tanen
tegi tara kap haniga menaien lö.
11Ba nori te toule riou lö,
ba lö tema tatei tuhamate nanoui turu hatu.’”
12Be Iesu e ranga palise nen, “U Buku u Göagono e pei hasena, ‘Alö goma tatei torohane ii e Sunahan. Nonei a Tsunono i tamölö.’”
13Ba pöata te torohana hakapeia e Satan e Iesu u mamana u mar torohana, ba nonei e laba nena e Iesu me hahalosena a tana pöata.
E Iesu e hatanieia a toukui i tanen i Galili
(Matiu 4:12-17, Mak 1:14-15)
14E Iesu e kopis pouts uu tara provins i Galili na nitagala turu Namnamei u Göagono e kaia i tanen. U katuun turu han hoboto ti sukusuku i hengo naien. 15Ba nonei e hihatutsna tara man luman lotu turu Jiu, ba u katuun hoboto e soloseie ren.
U katunura i Nasaret i tori tsugani e Iesu
(Matiu 13:53-58, Mak 6:1-6)
16E Iesu e la uu i Nasaret, a taun te pan ien. Ba turu Lan u Göagono turu Jiu nonei e la uu i luman lotu, te roron markato uaien. Ba nonei e tuol silena tego rit menaien u Buku u Göagono. 17Ba nori e halerien u buku tere Aisaia, a propet. Ba nonei e palatena u buku me sabiena a makum temar ranga uana teka,
18“U Namnamei tara Tsunono e kana i tar.
Nonei e hopö kap naiou lia
tego hahatei menai lia u Bulungana u Niga turu katuun ti möa ta ka.
Nonei e hala namou lia tegomi habulungana menai lia u mar raranga teka:
U katuun ti kitsir ena purese rariou,
na u katuun u kiou e tatei tara pouts riou.
Nonei e hala namou lia tegomi taguhu merai lia u katuun te tori tiamar.
Taraha? Nori e pita puta rer.
19Nonei e hala namou lia tegomi habulungana menai lia
a pöata tego lu pouts merai a Tsunono u katuun i tanen.”
20Be Iesu e hakopo poutsena u buku me hala pouts nanen tara katunun taratarakap mena gumuna. Ba u katuun i luman lotu e tara hoboto uaier i tanen. 21Ba nonei e tanian rangana i taren me poeiena, “U raranga tere Sunahan te hengoe mula limiou e butu hamana lala i romana!”
22Ba nori e ranga haniga naren me asingoto koru ner u raranga u niga te katoeien. Ba nori e poeier, “Nonei a pien tere Josep, tsime?”
23Ba nonei e poeiena i taren, “Alia e atei silegu alimiou e katoe mou u rangan haharuei teka i tar, ‘O dokta, alö go kato haniga poutsi a peisamölö.’ Na limiou emar ranga has uamou teka i tar: ‘Alam u hengoin alö u katoe a man mirakol i Kapenium. E hana ba lö tema kato hasemi a man mirakol tara han pouts i tamulö?’”
24Be Iesu e pei hasena, “Alia e ranga hamana koru gia i tamilimiou, u katuun tara han tara propet ema hanige rien. 25Hengoiam. I manasa tara pöata tere Ilaitsa a propet, u amoaba i gonoia i Israel, tara pöata te möaia ta langits turu topisa u hiningal na tönomo a tsihou, na bes pan koru e butuia tara mamana han. 26Kaba e Sunahan ema hala menai e Ilaitsa ta töa turu amoaba ra i Israel. E möa. Nonei ena taguhu lasi a töa amoaba na i Sarepat, tara pal han i Saidon, tara pala tema Jiu ri. 27Na tara pöata tere Ilaisa, a tana propet has, u toba i gonoia i Israel. Kaba e möa noa has ta töa i taren tegi kato haniga poutsi. E Neaman puku lasi na i Siria, tara pala tema Jiu ri.”
28U katuun hoboto ti kaia tara luman lotu i raharaha koru ti hengo menaien u ranga teka. 29Ba nori e takei seir me las tsibil ba naria e Iesu tara taun, me lu mena rien ieluna u pokus ti kuieia a taun i taren tegina ba hakurapa menaien turu uarahana. 30Kaba nonei e lakasa silaia i gusur u katuun me la halhal ba ranen.
A liliahanei a omi e kaia tara katuun
(Mak 1:21-28)
31Be Iesu e la uana i Kapenium, a taun i Galili, me hihatuts na turu katuun turu Lan u Göagono turu Jiu. 32Ba nori e asingoto ner u hihatuts i tanen. Taraha? U raranga i tanen e ka mei a nitagala. 33-34A töa katuun te ka mei a liliahanei a omi i peisanen e kaia tara luman lotu. Ba nonei e ku hohomi hapan koruna me poeiena, “Pua! O Iesu na i Nasaret, alö banei go haka ba raiou lam! Alö emi katsin kato homi ramou lam! Alia e atei silegu alö a Katuun a Göagono tere Sunahan!”
35Be Iesu e ranga mena a liliahanei, “Kakamoto, ba lö te lakasa ba nem a katuun!” Ba liliahanei e lapo ba nena a katuun i puta i mataren hoboto, me lakasa ba nanen, nonei ema kato homi haseien.
36Ba u katuun hoboto e asingotor me hiararangar, “U saha u mar raranga teka? Nonei e tatei hala nena u raranga u mal u tagala turu liliahanei u omi, ba nori te hengoe ren bate lakasa ba ner a katuun!” 37Ba u bulungana te hatein a manka te katoe e Iesu te taala hamanasa uana tara mamana han i rehina i Kapenium.
E Iesu e kato haniga poutsir a katuun a parpara
(Matiu 8:14-17, Mak 1:29-34)
38Be Iesu e laba nena a luman lotu me la uana tara han tere Saimon. A halis a tahol tere Saimon e opö mei a peisanen e hiski koru, ba nori e hatei rien e Iesu. 39Ba nonei ena tuolna i rehina inana i tanen, me abisena u hiski i peisana a tahol. Ba u hiski e laba nanen, ba nonei tara tsi pöata puku noahas teka ba tahol e takeina me hanou ranen.
40I murina te tsirukuia a pitala bu katuun hoboto, a pala i taren ti ka mei a saha mar siki e la mera rimei tere Iesu. Ba nonei e hatakopena a limanen i taren hoboto a man tötöa me kato haniga pouts hoboto ranen. 41A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!”
Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.
E Iesu e hihatutsia i Judia
(Mak 1:35-39)
42Tara lunlan be Iesu e laba nena a taun me la uana tara töa makum a ski. Ba u katuun e sake ren, mena sabieren ba nori e torohanan hapiou naren tegoma la lel uaien. 43Be Iesu e poeiena i taren, “Alia gona hihatuts has naia u Bulungana u Niga tara Nipepeito tere Sunahan tara palair a man taun. Taraha? Nonei a ka te hala sile mei lia e Sunahan tegomi kati lia.” 44Be Iesu e hihatuts lana tara man luman lotu i Judia.
المحددات الحالية:
Luk 4: HLA 2020
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© (Active) Wycliffe Bible Translators, Inc. All rights reserved.
Luk 4
4
E Satan e torohani e Iesu
(Matiu 4:1-11, Mak 1:12-13)
1E Iesu e saputu mei u Namnamei u Göagono tere Sunahan me laba nena i Jodan. Ba u Namnamei tere Sunahan e peigi mena neien tara makum a palaka. 2E Iesu e kaia tara makum a palaka u tohats u maloto u lan te torohaneien e Satan. Tara pöata teka e Iesu ema nou ii, ba nonei e bes koruna.
3Be Satan e poeiena i tanen, “Tego Pien uu lö tere Sunahan, alö go ranga ba marats teka te palis uana tara beret!”
4Be Iesu e ranga palise nen me poeiena, “I koloto has naia turu Buku u Göagono, ‘A beret peisa ema antunan hala nanei a nitöatöa tara katuun.’”
5Be Satan e la sei menen, ba nonei tara tsi pöata puku noahas teka ba man han hoboto i puta te butuna ba nonei e haröteneien e Iesu. 6Be Satan e poeiena i tanen, “Alia e hale goui lö a nitagala balö te pan na mou u han hoboto teka, na manka man niga iaharen. A manka hoboto teka i halei lia. Na te ngilin hala nagien lia tara töa katuun, ba lia te tatei hala nagen. 7Te hatukun moa lö i matar bate hatsunone moulia, ba manka hoboto teka te ka uanou i tamölö!”
8Be Iesu e ranga palise nen me poeiena, “I koloto hasiin, ‘Alö go hatsunono uu tere Sunahan. Nonei a Tsunono pan i tamölö, na nonei puku lahas a töa tego hengoei lö.’”
9Be Satan e lu mena neien i Jerusalem me hatuole nen iasa koru i pungana tara Luman Lotu Pan me poeiena i tanen, “Tego Pien uu lö tere Sunahan, kurapa uu i puta. 10Taraha? I kolotein:
‘E Sunahan e ranga mera nou u angelo i tanen
tegi tara kap haniga menaien lö.
11Ba nori te toule riou lö,
ba lö tema tatei tuhamate nanoui turu hatu.’”
12Be Iesu e ranga palise nen, “U Buku u Göagono e pei hasena, ‘Alö goma tatei torohane ii e Sunahan. Nonei a Tsunono i tamölö.’”
13Ba pöata te torohana hakapeia e Satan e Iesu u mamana u mar torohana, ba nonei e laba nena e Iesu me hahalosena a tana pöata.
E Iesu e hatanieia a toukui i tanen i Galili
(Matiu 4:12-17, Mak 1:14-15)
14E Iesu e kopis pouts uu tara provins i Galili na nitagala turu Namnamei u Göagono e kaia i tanen. U katuun turu han hoboto ti sukusuku i hengo naien. 15Ba nonei e hihatutsna tara man luman lotu turu Jiu, ba u katuun hoboto e soloseie ren.
U katunura i Nasaret i tori tsugani e Iesu
(Matiu 13:53-58, Mak 6:1-6)
16E Iesu e la uu i Nasaret, a taun te pan ien. Ba turu Lan u Göagono turu Jiu nonei e la uu i luman lotu, te roron markato uaien. Ba nonei e tuol silena tego rit menaien u Buku u Göagono. 17Ba nori e halerien u buku tere Aisaia, a propet. Ba nonei e palatena u buku me sabiena a makum temar ranga uana teka,
18“U Namnamei tara Tsunono e kana i tar.
Nonei e hopö kap naiou lia
tego hahatei menai lia u Bulungana u Niga turu katuun ti möa ta ka.
Nonei e hala namou lia tegomi habulungana menai lia u mar raranga teka:
U katuun ti kitsir ena purese rariou,
na u katuun u kiou e tatei tara pouts riou.
Nonei e hala namou lia tegomi taguhu merai lia u katuun te tori tiamar.
Taraha? Nori e pita puta rer.
19Nonei e hala namou lia tegomi habulungana menai lia
a pöata tego lu pouts merai a Tsunono u katuun i tanen.”
20Be Iesu e hakopo poutsena u buku me hala pouts nanen tara katunun taratarakap mena gumuna. Ba u katuun i luman lotu e tara hoboto uaier i tanen. 21Ba nonei e tanian rangana i taren me poeiena, “U raranga tere Sunahan te hengoe mula limiou e butu hamana lala i romana!”
22Ba nori e ranga haniga naren me asingoto koru ner u raranga u niga te katoeien. Ba nori e poeier, “Nonei a pien tere Josep, tsime?”
23Ba nonei e poeiena i taren, “Alia e atei silegu alimiou e katoe mou u rangan haharuei teka i tar, ‘O dokta, alö go kato haniga poutsi a peisamölö.’ Na limiou emar ranga has uamou teka i tar: ‘Alam u hengoin alö u katoe a man mirakol i Kapenium. E hana ba lö tema kato hasemi a man mirakol tara han pouts i tamulö?’”
24Be Iesu e pei hasena, “Alia e ranga hamana koru gia i tamilimiou, u katuun tara han tara propet ema hanige rien. 25Hengoiam. I manasa tara pöata tere Ilaitsa a propet, u amoaba i gonoia i Israel, tara pöata te möaia ta langits turu topisa u hiningal na tönomo a tsihou, na bes pan koru e butuia tara mamana han. 26Kaba e Sunahan ema hala menai e Ilaitsa ta töa turu amoaba ra i Israel. E möa. Nonei ena taguhu lasi a töa amoaba na i Sarepat, tara pal han i Saidon, tara pala tema Jiu ri. 27Na tara pöata tere Ilaisa, a tana propet has, u toba i gonoia i Israel. Kaba e möa noa has ta töa i taren tegi kato haniga poutsi. E Neaman puku lasi na i Siria, tara pala tema Jiu ri.”
28U katuun hoboto ti kaia tara luman lotu i raharaha koru ti hengo menaien u ranga teka. 29Ba nori e takei seir me las tsibil ba naria e Iesu tara taun, me lu mena rien ieluna u pokus ti kuieia a taun i taren tegina ba hakurapa menaien turu uarahana. 30Kaba nonei e lakasa silaia i gusur u katuun me la halhal ba ranen.
A liliahanei a omi e kaia tara katuun
(Mak 1:21-28)
31Be Iesu e la uana i Kapenium, a taun i Galili, me hihatuts na turu katuun turu Lan u Göagono turu Jiu. 32Ba nori e asingoto ner u hihatuts i tanen. Taraha? U raranga i tanen e ka mei a nitagala. 33-34A töa katuun te ka mei a liliahanei a omi i peisanen e kaia tara luman lotu. Ba nonei e ku hohomi hapan koruna me poeiena, “Pua! O Iesu na i Nasaret, alö banei go haka ba raiou lam! Alö emi katsin kato homi ramou lam! Alia e atei silegu alö a Katuun a Göagono tere Sunahan!”
35Be Iesu e ranga mena a liliahanei, “Kakamoto, ba lö te lakasa ba nem a katuun!” Ba liliahanei e lapo ba nena a katuun i puta i mataren hoboto, me lakasa ba nanen, nonei ema kato homi haseien.
36Ba u katuun hoboto e asingotor me hiararangar, “U saha u mar raranga teka? Nonei e tatei hala nena u raranga u mal u tagala turu liliahanei u omi, ba nori te hengoe ren bate lakasa ba ner a katuun!” 37Ba u bulungana te hatein a manka te katoe e Iesu te taala hamanasa uana tara mamana han i rehina i Kapenium.
E Iesu e kato haniga poutsir a katuun a parpara
(Matiu 8:14-17, Mak 1:29-34)
38Be Iesu e laba nena a luman lotu me la uana tara han tere Saimon. A halis a tahol tere Saimon e opö mei a peisanen e hiski koru, ba nori e hatei rien e Iesu. 39Ba nonei ena tuolna i rehina inana i tanen, me abisena u hiski i peisana a tahol. Ba u hiski e laba nanen, ba nonei tara tsi pöata puku noahas teka ba tahol e takeina me hanou ranen.
40I murina te tsirukuia a pitala bu katuun hoboto, a pala i taren ti ka mei a saha mar siki e la mera rimei tere Iesu. Ba nonei e hatakopena a limanen i taren hoboto a man tötöa me kato haniga pouts hoboto ranen. 41A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!”
Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.
E Iesu e hihatutsia i Judia
(Mak 1:35-39)
42Tara lunlan be Iesu e laba nena a taun me la uana tara töa makum a ski. Ba u katuun e sake ren, mena sabieren ba nori e torohanan hapiou naren tegoma la lel uaien. 43Be Iesu e poeiena i taren, “Alia gona hihatuts has naia u Bulungana u Niga tara Nipepeito tere Sunahan tara palair a man taun. Taraha? Nonei a ka te hala sile mei lia e Sunahan tegomi kati lia.” 44Be Iesu e hihatuts lana tara man luman lotu i Judia.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© (Active) Wycliffe Bible Translators, Inc. All rights reserved.