لشهر أبريل؛ رحمات جديدة كل صباحعينة

نت ماكتطيعش باش تجذب الانتباه ديال الله، ولكن حيت ديجا كنتي مركز اهتمامه من قبل ما بدا العالم.

ماعمر خاص تكون طاعتك على أمل باش تاخد شي حاجة، ولكن على أساس اعتراف بشنو ديجا تعطا ليك. قرا مزيان هاد الكلمات من أفسس 1:

يْتْبَارْكْ اللَّهْ بُو رَبّْنَا يَسُوعْ الْمَسِيحْ، اللِّي بَارْكْنَا فْالْمَسِيحْ بْݣَاعْ الْبَرَكَاتْ الرُّوحِيَّة مْنْ السّْمَا. كِمَا خْتَارْنَا فْالْمَسِيحْ قْبَلْ مَا تّْخْلَقْ الدّْنْيَا بَاشْ نْكُونُو مْقَدّْسِينْ وْبْلَا عِيبْ قُدَّامُه فْالْمْحَبَّة، وْحْسَبْنَا مْنْ قْبَلْ وْلَادُه بْيَسُوعْ الْمَسِيحْ، بْالْفَرْحَة كِيفْ بْغَا هُوَ. عْلَى هَادْشِّي خَاصّْنَا نْسَبّْحُوهْ عْلَى الْعَزّْ دْ النِّعْمَة دْيَالُه الْكْبِيرَة اللِّي نْعَمْ عْلِينَا بِيهَا بْوَلْدُه الْعْزِيزْ. اللِّي بْالدّْمْ دْيَالُه تّْفْدِينَا، وْتّْغَفْرُو دْنُوبْنَا عْلَى حْسَابْ النِّعْمَة دْ اللَّهْ الْكْتِيرَة، اللِّي عْطَاهَا لِينَا بْلَا قْيَاسْ بْكُلّْ حْكْمَة وْفْهَامَة. وْخْلَّانَا نْعَرْفُو السِّرّْ دْيَالْ الْمُرَادْ دْيَالُه، اللِّي بْالْفَرْحَة وَجّْدُه مْنْ قْبَلْ فْالْمَسِيحْ، بَاشْ يْكَمّْلُه فْاللّْخْرْ دْ الزّْمَانْ، وْيْجْمَعْ ݣَاعْ دَاكْشِّي اللِّي فْالسّْمَا وْاللِّي فْالْأَرْضْ عْلَى يْدّْ الْمَسِيحْ.

اللِّي بِيهْ خْدِينَا حَقّْنَا اللِّي وَجّْدُه اللَّهْ مْنْ قْبَلْ عْلَى حْسَابْ الْخُطَّة دْيَالُه، وْرَاهْ كَيْدِيرْ كُلّْشِي كِيفْ بْغَا هُوَ، عْلَى حْسَابْ الْمُرَادْ دْيَالُه، بَاشْ نْسَبّْحُوهْ عْلَى الْعَزّْ دْيَالُه، حْنَا اللِّي سْبَقْ وْدْرْنَا رْجَانَا فْالْمَسِيحْ. وْرَاهْ فِيهْ حْتَّى نْتُمَ دْرْتُو رْجَاكُمْ مْلِّي سْمَعْتُو كْلَامْ الْحَقّْ، اللِّي هُوَ الْإِنْجِيلْ دْ النّْجَا دْيَالْكُمْ، وْمْلِّي آمْنْتُو بِيهْ تّْرْشَمْتُو بْالرُّوحْ الْقُدُسْ اللِّي وَاعْدْ بِيهْ. وْهَادْ الرُّوحْ هُوَ الْعَرْبُونْ دْ الْوَرْتْ دْيَالْنَا، حْتَّى يْفْدِي اللَّهْ الشَّعْبْ دْيَالُه بَاشْ نْسَبّْحُوهْ عْلَى الْعَزّْ دْيَالُه. (الآيات 3-14) .

إدن ها هي الحقيقة ديال الإنجيل المتواضعة والمعزية. طاعتك ماكتعطي والو. طاعتك وطاعتي كتوقع غير حيت الله بدا عملية الفداء اللّي عطات المغفرة والتغيير. حنا ماكنطيعوش باش الله يكون راضي علينا. كنطيعو حيت الرضا دياله تكب علينا وغيّر قلوبنا، وهادشي عطانا الرغبة والقوة باش نطيعو. عمل الله من أجل الإنقاد والمغفرة مابداش غير قبل ما تآمن. مابداش غير قبل ما تولدتي. راه بدا قبل تخلق العالم. الله دار نعمته عليك وكتب قصتك بطريقة خلاتك في وقت محدّد تسمع حق إنجيل يسوع المسيح وتآمن بيه. ماعمّر كانت محبتو ليك على حساب صفاتك؛ محبته هي دليل واضح على صفاته هو. هو عطانا أنا ونت داكشي اللّي ماعمّرنا ستاحقّيناه؛ حياتنا الجديدة هي اختياره وهدية منّه.

هادشي كيعني أنك إلا طعتيه لمدة ألف عام، فراه ماغاديش تاخد رضا كتر من اللّي خديتي ملّي يالّاه أمنتي. دابا، هادي بالحق نعمة!

من أجل دراسة وتشجيع كتر: روما 9: 1-18