<div class="version vid1127 iso6393rar" data-vid="1127" data-iso6393="rar">
    <div class="book bkMRK">
        <div class="chapter chINTRO1" data-usfm="MRK.INTRO1">
            <div class="imt"><span class="content">N&#333; runga i t&#275;ia puka</span></div><div class="ip"><span class="content">Ko t&#275;ia te '&#275;vangelia poto roa atu i roto i ng&#257; '&#275;vangelia e&#160;'&#257;, tei 'akakite mai i te ora'anga &#275; te au '&#257;pi'i'anga a&#160;I&#275;s&#363;, in&#257;r&#257;, noa&#8239;atu te t&#363; poto o t&#275;ia '&#275;vangelia, 'e m&#257;nganui r&#257;i te au t&#363; 'anga'anga tei t&#257;t&#257;'ia ki roto. Mei te 'akamata'anga mai o t&#257;na 'anga'anga '&#275;vangelia, 'e m&#257;nganui&#160;'ua&#8239;atu r&#257;i te au 'anga'anga &#363;meremere tei rave'ia e I&#275;s&#363;. Kia oti i&#160;aia i te 'iki i ng&#257; pipi e&#160;'&#257; (1.16-20), kua rave aia i te au semeio n&#257; roto i te 'akaora'anga i te au maki 'e m&#257;nganui. Ko &#275;ta'i o te au maki t&#257;na i 'akaora: ko te tangata tei uru'ia e te vaerua kino (1.21-28), te metua '&#333;ngai va'ine o Simona (1.30-31), te urup&#363; tangata maki (1.32-34), &#275; te tangata l&#275;pera (1.40-45). M&#257;nganui 'ua&#8239;atu r&#257;i 'oki t&#333; M&#257;reko 'akakite'anga mai t&#333; I&#275;s&#363; 'akaora'anga i te tangata, in&#257;r&#257;, t&#275; t&#257;mata katoa nei aia i te 'akakite &#275;, kua rave a&#160;I&#275;s&#363; i t&#275;ia au semeio n&#257; roto i te mana o te Atua.</span></div><div class="ip"><span class="content">K&#257;re te au arataki o te '&#257;kono'anga Ng&#257;ti I&#363;da i '&#257;riki atu i&#160;a&#160;I&#275;s&#363;. Ko te tumu 'oki t&#275;ia i tupu&#160;ei te manamanat&#257; (2.2&#8212;3.6), &#275; te 'openga i'ora, kua kimikimi atura r&#257;tou i t&#275;ta'i r&#257;venga i te t&#257;mate atu i&#160;aia (11.18). Kua kite&#160;r&#257; te au d&#275;moni i te mana o I&#275;s&#363; &#275; kua nakiro katoa r&#257;tou &#275;, ko te Tamaiti aia n&#257; te Atua; k&#257;re&#160;r&#257; a&#160;I&#275;s&#363; i 'akatika kia 'a'aki&#160;'ua&#8239;atu r&#257;tou i te reira ki t&#275;ta'i 'ua&#8239;atu tangata.</span></div><div class="ip"><span class="content">T&#275; 'aka&#257;ri nei t&#275;ia '&#275;vangelia &#275;, 'e m&#257;nganui 'ua&#8239;atu r&#257;i te au 'anga'anga &#363;meremere tei rave'ia &#275; tei riro 'ei mea v&#257;v&#257;ria ki te au urup&#363; tangata &#275; te au pipi a I&#275;s&#363;. In&#257;r&#257;, i roto i t&#333; M&#257;reko 'akakite'anga, ko te semeio mana ma'ata rava atu, ko t&#333; I&#275;s&#363; mamae'anga roa &#275; t&#333;na matenga ia. Ko te tangata mua tei nakiro i t&#275;ia semeio, ko te va'e'au R&#333;ma ia, ko tei kite mata tik&#257;i i t&#333; I&#275;s&#363; mate'anga ki runga i te s&#257;tauro; &#275; kua n&#257;&#160;k&#333; akera aia &#275;, &#8220;Ko te Tamaiti tik&#257;i a te Atua t&#275;ianei tangata&#8221; (15.39).</span></div><div class="ip"><span class="content">Ko t&#275;ia '&#275;vangelia nei, kua manako'ia e te ma'ata'anga o te au tangata &#275;, ko te '&#275;vangelia mua t&#275;ia tei t&#257;t&#257;'ia. N&#333; te ma'ata o te au 'akam&#257;ramarama'anga o te au kupu &#256;ramaio &#275; te au pe'u Ng&#257;ti I&#363;da i manako'ia&#8239;ai &#275;, i t&#257;t&#257; a&#160;M&#257;reko i t&#275;ia '&#275;vangelia ki te au Keretiti&#257;no n&#333; k&#333; mai i te au '&#275;tene, koia 'oki, k&#257;re i te Ng&#257;ti I&#363;da i mua&#160;ake. T&#275; 'inangaro nei 'oki aia i te 'akakite i te tuatua n&#333; I&#275;s&#363; ma te 'akam&#257;ro'iro'i i te aronga tatau kia 'irinaki tik&#257;i r&#257;tou i te mana o I&#275;s&#363; 'ei 'akaora mai i&#160;a r&#257;tou mei te au maki mai, te au d&#275;moni &#275; te mate. T&#275; 'inangaro katoa nei aia i te 'akama'ara atu i&#160;a r&#257;tou &#275;, ko te ora'anga '&#333;u i roto i te 'akarongo, k&#257;re te&#160;reira i te ora'anga ng&#333;'ie, &#275; kia &#257;ru r&#257;tou i&#160;a&#160;I&#275;s&#363; n&#257; roto i te t&#257;vini'anga atu i &#275;ta'i&#160;k&#275;, &#275; kia te'ate'amamao katoa r&#257;tou i te '&#257;riki i te au t&#363;matetenga mei t&#257; I&#275;s&#363; tik&#257;i i n&#257; roto mai ana.</span></div><div class="ip"><span class="content">Ko te au taeake mua tei kite &#275;, k&#257;re a&#160;I&#275;s&#363; i roto i te m&#275;nema, ko ng&#257; va'ine e&#160;toru, &#275; t&#275;ia t&#257; te '&#257;ngela i 'akakite atu ki&#160;a r&#257;tou, &#8220;Auraka e k&#333;'iri'iri&#257;! T&#275; kimi nei k&#333;tou i&#160;a&#160;I&#275;s&#363; i N&#257;zar&#275;ta tei 'akas&#257;tauro'ia&#160;ra; kua t&#363; ake nei ki runga, k&#257;re aia i konei&#8221; (16.6).</span></div><div class="iot"><span class="content">Te 'akano'ono'o'anga o t&#275;ia puka</span></div><div class="io1"><span class="content">1. Te karere a&#160;Ioane B&#257;pet&#299;to 1.1-8</span></div><div class="io1"><span class="content">2. Te b&#257;pet&#299;to'anga'ia &#275; te t&#299;mata'anga'ia a&#160;I&#275;s&#363; 1.9-13</span></div><div class="io1"><span class="content">3. Ko I&#275;s&#363; i Galilea 1.14&#8212;9.50</span></div><div class="io1"><span class="content">4. T&#275; 'aere nei a&#160;I&#275;s&#363; mei Galilea atu ki I&#275;r&#363;sal&#275;ma 10.1-52</span></div><div class="io1"><span class="content">5. Te 'akav&#257;'anga'ia &#275; te mate'anga a&#160;I&#275;s&#363; 11.1&#8212;15.47</span></div><div class="io1"><span class="content">6. T&#275; ora nei r&#257;i a&#160;I&#275;s&#363; 16.1-8</span></div><div class="io1"><span class="content">7. T&#333; I&#275;s&#363; mama'anga mai ki t&#257;na au pipi 16.9-20</span></div>
        </div>
    </div>
</div>

Cook Island Maori Revised New Testament © Bible Society of the South Pacific, 2021.

Nō runga i tēia puka
Ko tēia te 'ēvangelia poto roa atu i roto i ngā 'ēvangelia e 'ā, tei 'akakite mai i te ora'anga ē te au 'āpi'i'anga a Iēsū, inārā, noa atu te tū poto o tēia 'ēvangelia, 'e mānganui rāi te au tū 'anga'anga tei tātā'ia ki roto. Mei te 'akamata'anga mai o tāna 'anga'anga 'ēvangelia, 'e mānganui 'ua atu rāi te au 'anga'anga ūmeremere tei rave'ia e Iēsū. Kia oti i aia i te 'iki i ngā pipi e 'ā (1.16-20), kua rave aia i te au semeio nā roto i te 'akaora'anga i te au maki 'e mānganui. Ko ēta'i o te au maki tāna i 'akaora: ko te tangata tei uru'ia e te vaerua kino (1.21-28), te metua 'ōngai va'ine o Simona (1.30-31), te urupū tangata maki (1.32-34), ē te tangata lēpera (1.40-45). Mānganui 'ua atu rāi 'oki tō Māreko 'akakite'anga mai tō Iēsū 'akaora'anga i te tangata, inārā, tē tāmata katoa nei aia i te 'akakite ē, kua rave a Iēsū i tēia au semeio nā roto i te mana o te Atua.
Kāre te au arataki o te 'ākono'anga Ngāti Iūda i 'āriki atu i a Iēsū. Ko te tumu 'oki tēia i tupu ei te manamanatā (2.2—3.6), ē te 'openga i'ora, kua kimikimi atura rātou i tēta'i rāvenga i te tāmate atu i aia (11.18). Kua kite rā te au dēmoni i te mana o Iēsū ē kua nakiro katoa rātou ē, ko te Tamaiti aia nā te Atua; kāre rā a Iēsū i 'akatika kia 'a'aki 'ua atu rātou i te reira ki tēta'i 'ua atu tangata.
Tē 'akaāri nei tēia 'ēvangelia ē, 'e mānganui 'ua atu rāi te au 'anga'anga ūmeremere tei rave'ia ē tei riro 'ei mea vāvāria ki te au urupū tangata ē te au pipi a Iēsū. Inārā, i roto i tō Māreko 'akakite'anga, ko te semeio mana ma'ata rava atu, ko tō Iēsū mamae'anga roa ē tōna matenga ia. Ko te tangata mua tei nakiro i tēia semeio, ko te va'e'au Rōma ia, ko tei kite mata tikāi i tō Iēsū mate'anga ki runga i te sātauro; ē kua nā kō akera aia ē, “Ko te Tamaiti tikāi a te Atua tēianei tangata” (15.39).
Ko tēia 'ēvangelia nei, kua manako'ia e te ma'ata'anga o te au tangata ē, ko te 'ēvangelia mua tēia tei tātā'ia. Nō te ma'ata o te au 'akamāramarama'anga o te au kupu Āramaio ē te au pe'u Ngāti Iūda i manako'ia ai ē, i tātā a Māreko i tēia 'ēvangelia ki te au Keretitiāno nō kō mai i te au 'ētene, koia 'oki, kāre i te Ngāti Iūda i mua ake. Tē 'inangaro nei 'oki aia i te 'akakite i te tuatua nō Iēsū ma te 'akamāro'iro'i i te aronga tatau kia 'irinaki tikāi rātou i te mana o Iēsū 'ei 'akaora mai i a rātou mei te au maki mai, te au dēmoni ē te mate. Tē 'inangaro katoa nei aia i te 'akama'ara atu i a rātou ē, ko te ora'anga 'ōu i roto i te 'akarongo, kāre te reira i te ora'anga ngō'ie, ē kia āru rātou i a Iēsū nā roto i te tāvini'anga atu i ēta'i kē, ē kia te'ate'amamao katoa rātou i te 'āriki i te au tūmatetenga mei tā Iēsū tikāi i nā roto mai ana.
Ko te au taeake mua tei kite ē, kāre a Iēsū i roto i te mēnema, ko ngā va'ine e toru, ē tēia tā te 'āngela i 'akakite atu ki a rātou, “Auraka e kō'iri'iriā! Tē kimi nei kōtou i a Iēsū i Nāzarēta tei 'akasātauro'ia ra; kua tū ake nei ki runga, kāre aia i konei” (16.6).
Te 'akano'ono'o'anga o tēia puka
1. Te karere a Ioane Bāpetīto 1.1-8
2. Te bāpetīto'anga'ia ē te tīmata'anga'ia a Iēsū 1.9-13
3. Ko Iēsū i Galilea 1.14—9.50
4. Tē 'aere nei a Iēsū mei Galilea atu ki Iērūsalēma 10.1-52
5. Te 'akavā'anga'ia ē te mate'anga a Iēsū 11.1—15.47
6. Tē ora nei rāi a Iēsū 16.1-8
7. Tō Iēsū mama'anga mai ki tāna au pipi 16.9-20

Listen to Māreko Nō runga i tēia puka