Sarangani Blaan - 1998 Edition (NT) Drama

<div class="version vid1245 iso6393bps" data-vid="1245" data-iso6393="bps">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">I kebe ku Dyisas di muna Filat</div><div class="r">(Matyu 27:1-2, 11-14; Mark 15:1-5; Dyan 18:28-38)</div><div class="p"> 1Na kafnge &#233;n, i kdee dad ganlal dad Dyu d&#233;&#233;n, sdul&#234; ale tadag, na nebela Dyisas dit&#249; di muna Gubirnador Filat. 2Kakella dit&#249;, tanb&#249;la dnalam Dyisas di sal&#224;, manla, &#8220;Tagnumahmi to ani di sal&#224; du fasyatan i dadememi Dyu, du manan l&#224; fakay ku ml&#233; gami bayad buhis di ku Sisar, i gumdatahyu di banwe Roma, na manan, kenen Krayst, i Mgal&#233;k Dwata mgim&#242; har&#236;mi.&#8221;</div><div class="p"> 3Na kaklinge Filat i manla, smalek kenen, manan, &#8220;Ge k&#232; har&#236; i dad Dyu?&#8221;</div><div class="p">Na tmimel kenen, manan, &#8220;Tagmanam sa.&#8221;</div><div class="p"> 4Na tal&#249; Filat di dad ulu i dad b&#224; di Dwata, na di kdee dad to d&#233;&#233;n, manan, &#8220;Land&#232; teengu sal&#224; di to ani.&#8221;</div><div class="p"> 5Kabay baling matn&#249; i kdalamla ku Dyisas, manla, &#8220;Ml&#233;t kenen nawa i dad to di klamang Dyudiya fagu di katdoan. Tamb&#249; kenen di Galili na tagafat nan di Dy&#233;rusal&#233;m ani.&#8221;</div><div class="p"> 6Kaklinge Filat ani, smalek kenen manan, &#8220;Md&#224; di Galili k&#232; i to ani?&#8221; 7Di kgadean, na i gumdaan kad&#236; di Galili, i banwe nagot Har&#236; H&#233;rod, feben kenen di ku H&#233;rod du d&#233;&#233;n kenen di Dy&#233;rusal&#233;m di sl&#224; ani.</div><div class="p"> 8Kite H&#233;rod kenen, too kenen lehew, du tadee lingen gabl&#224; ku Dyisas, na tamlo nan kayean smite kenen, du kayean ku teenan satu tnikeng nim&#242; Dyisas. 9Taman too dee snalekan ku Dyisas, bay l&#224; tmimel Dyisas kenen, bal&#249; sul&#234;. 10Na tadag d&#233;&#233;n dad ulu i dad b&#224; di Dwata na dad tamd&#242; i dad flal&#242; bl&#233; Dwata fagu di ku Mosis. Too minit nawala tmulen ku H&#233;rod i dad dalamla ku Dyisas. 11Na i nim&#242; H&#233;rod na dad sundalun toola kenen fy&#224; na snilo. Falsakla kenen i too fye baweh klaweh i har&#236; na ful&#234;la di ku Filat. 12Na di duh &#233;n, dunan i katb&#249; ale H&#233;rod na Filat sakdo, du tagn&#232; ale sduen.</div><div class="s">I kukumla ku Dyisas di fati</div><div class="r">(Matyu 27:15-26; Mark 15:6-15; Dyan 18:39&#8212;19:16)</div><div class="p"> 13Na santifun Filat i dad ulu i dad b&#224; di Dwata na i dademe dad tua mebe i dad Dyu, na i dad btal to, 14na manan di dale, &#8220;Tanebeyu i to ani di deg na manyu fasyatan i dad to, bay bal&#249; tatoogu kenen snalek dini di munayu, land&#232; teengu kaglut i dad dalamyu kenen. 15Na bal&#249; Har&#236; H&#233;rod, land&#232; teenan salaan, du tafasful&#233;an sa di gito. Tatoo mbangal, land&#232; salaan gumd&#224;gu fafati kenen. 16Taman al&#242;gu kenen fbadas, na kafnge &#233;n, falw&#224;gu kenen.&#8221; 17Man Filat ani, du klit fali di Fista Duh Kaglius, galan falw&#224; satu to knay&#232; i dad to falw&#224; md&#224; di bilangg&#249;.</div><div class="p"> 18Kabay di kaklinge i dad to ku Filat sdul&#234; ale mkit, manla, &#8220;Fafatim Dyisas, na falwaam gami Barabas!&#8221; 19Na Barabas ani satu to bnilangg&#249; du banl&#233;tan nawa i dad to, fye samfati ale i dad to magot i banwela, na nun to bnanoan.</div><div class="p"> 20Na l&#234;man tal&#249; Filat di dad Dyu, du kayean falw&#224; Dyisas. 21Kabay too ale mkit, manla, &#8220;Flansangam kenen di krus! Flansangam kenen di krus!&#8221;</div><div class="p"> 22Na tal&#249; Filat di gatlun dul&#234;, manan, &#8220;Kan? Tan i salaan? Land&#232; teengu salaan gumd&#224;gu fafati kenen. Al&#242;gu kenen fbadas, na kafngen, falw&#224;gu kenen.&#8221;</div><div class="p"> 23Kabay matn&#249; i kakitla, na toola man l&#224; fakay ku laan flansang Dyisas di krus, na fagu di kakitla gfisanla Filat.</div><div class="p"> 24Taman nagin Filat i knay&#232;la, na nukuman Dyisas di fati. 25Na falwaan Barabas i bnilangg&#249; md&#224; di kabl&#233;tan nawa i dad to samfati i dad to magot i banwe, na md&#224; di kbanoan, du &#233;n sa i fnila, bay Dyisas, tabl&#233;n di dale du fye nim&#242;la i knay&#232;la.</div><div class="s">I klansang ku Dyisas di krus</div><div class="r">(Matyu 27:32-44; Mark 15:21-32; Dyan 19:17-27)</div><div class="p"> 26Na di kebela ku Dyisas di gumlansangla kenen, nun gsitongla satu lagi salu di syudad md&#224; di banwe Sirini dnagit ku Simon. Fdu kenen di lagad. Na nlegesla kenen mebe i krus Dyisas na ftadolla ku Dyisas.</div><div class="p"> 27Na nun dee dad to tmadol ku Dyisas, gakuf i dad libun too mngel na mlanu md&#224; di kalb&#224; nawala kenen. 28Kabay fal&#234; Dyisas di dale, manan, &#8220;E gamu dad libun md&#224; di Dy&#233;rusal&#233;m, nangyu agu nngel. Nngelyu moon i ktoyu na dad ng&#224;yu, 29du nun duh kadang kel i too bong kaflayamyu, na man i dad to, &#8216;Nun kafye i dad libun l&#224; lmen maltien, na l&#224; lmen mng&#224; na ftut&#249; i ting&#224;.&#8217;</div><div class="p"> 30&#8220;Di bang &#233;n, manla di dad malbang bulul, &#8216;Tankanyu gami,&#8217; na di dad malnak bulul, manla, &#8216;Nlimunyu gami fye mati!&#8217; 31Du ku ani i sas&#232; kib&#242;la deg, i to land&#232; sal&#224;, matn&#249; i ksas&#232; kib&#242;la gamu dad to gamsal&#224;.&#8221;#23:31 Nun satu kubad ani, dunan: Ku nbekla i kayu mat&#224;, matn&#249; fa i kbekla i kayu dafuk. </div><div class="p"> 32Na nun lwe sas&#232; to nebela dit&#249; du fnatila salngad ku Dyisas. 33Na di kakella di tukay bulul dnagit Tulan Ulu nlansangla Dyisas di krus gagin i lwe sas&#232; to, satu gsen di kwanan na satu gsen di ibeng. 34Na dnasal Dyisas i dad to mati kenen, manan, &#8220;M&#224;, nlifetam i sal&#224;la, du l&#224;la glabat i nim&#242;la.&#8221; Na sansalel i dad sundalu i klawehan fagu di kasbunut.</div><div class="p"> 35Na nun dee dad to tadag d&#233;&#233;n du tmanul, bay i dad ganlal gal mebe i dad Dyu, snilola kenen, manla, &#8220;Galan falw&#224; i dademe dad to, fye ku falwaan i kton, ku glut kenen i Krayst, i Mgal&#233;k Dwata.&#8221;</div><div class="p"> 36Na bal&#249; i dad sundalu, snilola kenen. Fdadong ale du fsafla kenen binu masam. 37Na manla, &#8220;Ku glut ge Har&#236; i dad Dyu, falwaam i ktom!&#8221;</div><div class="p"> 38Na nun gsulat kah di tah ulun, manan, &#8220;Ani Har&#236; i dad Dyu.&#8221;</div><div class="p"> 39Na satu di dad sas&#232; to nlansang di saf&#233;d Dyisas, nadoyan kenen, manan, &#8220;Ise ge k&#232; i Mgal&#233;k Dwata? Ku glut, falwaam i ktom na gami fa.&#8221;</div><div class="p"> 40Kabay nngak kenen i satu, manan, &#8220;Kan, land&#232; klikoam Dwata? Tlu ito slame nukum di fati. 41Na gite, gabl&#224; nukum di fati md&#224; di sas&#232; nim&#242;ta, bay i to ani, land&#232; salaan.&#8221;</div><div class="p"> 42Kafnge &#233;n, manan di ku Dyisas, &#8220;Dyisas, begam agu fandam di kagotam kadang.&#8221;</div><div class="p"> 43Na tmimel Dyisas, manan, &#8220;Tulenta ge i kaglutan, duh ani dit&#249; ge di saf&#233;dgu di gumn&#232;gu di langit.&#8221;</div><div class="s">I kfati Dyisas</div><div class="r">(Matyu 27:45-56; Mark 15:33-41; Dyan 19:28-30)</div><div class="p"> 44Na di fan nan ltu i duh, mbaling kifu di klamang banwe kel di tng&#224; masol i duh, 45du tal&#224; mneng i duh, na matng&#224; kas&#234; i bong kurtina safang i sibay i too mdatah gumangamf&#249; di Dwata dit&#249; di Bong Gumnean. 46Na too falbong Dyisas i taluan, manan, &#8220;E M&#224;, fagotta ge i layefgu.&#8221; Na kmanan ani, fto i nawan.</div><div class="p"> 47Na di kite i ulu i dad sundalu dun, dnayenan Dwata, na manan, &#8220;Too glut, i to ani, land&#232; salaan.&#8221; 48Na i dee dad to stifun d&#233;&#233;n du tmanul, di kitela i mgim&#242; gine, ntungla i kfela du md&#224; di s&#232; klid&#249; na ky&#224;la, na md&#224; ale mul&#234;. 49Na i kdee dad to gmad&#232; kenen, kel di dad libun magin kenen md&#224; di Galili, tadag ale di gumawagan, na mite i kdee mgim&#242; gine.</div><div class="s">I kalbang ku Dyisas</div><div class="r">(Matyu 27:57-61; Mark 15:42-47; Dyan 19:38-42)</div><div class="p"> 50,51Na nun to dnagit ku Dyosif md&#224; di satu lunsud i dad Dyu di Dyudiya dnagit Arimatiya. Kenen satu too fye to too gal mimen i dad flal&#242; Dwata na fatan i kagot Dwata. Na bal&#249; kenen satu di dad ganlal gal mukum i dad Dyu, laan agin di fandamla na i tanim&#242;la di ku Dyisas. 52Na salu kenen di ku Gubirnador Filat, du fnin i laweh Dyisas du lbang. 53Kafnge &#233;n, nwean i laweh Dyisas md&#224; di krus, na nlab&#233;dan safut bukay, na fkahan di satu gulambang tansol di lfidas di gugdak i bulul, i land&#232; fa to lmen lbang d&#233;&#233;n. 54Na i duh kfati Dyisas, dunan i duh kafatlagad i dad Dyu di Duh Kaftudla. Na tafan tamb&#249; i Duh Kaftud nan, du tafan sdaf i duh.</div><div class="p"> 55Na i dad libun magin ku Dyisas md&#224; di Galili, mal&#242; ku Dyosif, na teenla i gulambangla ku Dyisas, na i kafkahla i lawehan d&#233;&#233;n. 56Kafnge &#233;n, mul&#234; ale na fatlagadla i dad fangbun, doon, na fngalo kay&#232;la fkah di laweh Dyisas. Kabay ftud ale funa du nimenla i flal&#242; bl&#233; Dwata fagu di ku Mosis gabl&#224; di Duh Kaftud.</div>
 </div>
 </div>
</div>

Na kafnge én, i kdee dad ganlal dad Dyu déén, sdulê ale tadag, na nebela Dyisas ditù di muna Gubirnador Filat. Kakella ditù, tanbùla dnalam Dyisas di salà, manla, “Tagnumahmi to ani di salà du fasyatan i dadememi Dyu, du manan là fakay ku mlé gami bayad buhis di ku Sisar, i gumdatahyu di banwe Roma, na manan, kenen Krayst, i Mgalék Dwata mgimò harìmi.”
Na kaklinge Filat i manla, smalek kenen, manan, “Ge kè harì i dad Dyu?”
Na tmimel kenen, manan, “Tagmanam sa.”
Na talù Filat di dad ulu i dad bà di Dwata, na di kdee dad to déén, manan, “Landè teengu salà di to ani.”
Kabay baling matnù i kdalamla ku Dyisas, manla, “Mlét kenen nawa i dad to di klamang Dyudiya fagu di katdoan. Tambù kenen di Galili na tagafat nan di Dyérusalém ani.”
Kaklinge Filat ani, smalek kenen manan, “Mdà di Galili kè i to ani?” Di kgadean, na i gumdaan kadì di Galili, i banwe nagot Harì Hérod, feben kenen di ku Hérod du déén kenen di Dyérusalém di slà ani.
Kite Hérod kenen, too kenen lehew, du tadee lingen gablà ku Dyisas, na tamlo nan kayean smite kenen, du kayean ku teenan satu tnikeng nimò Dyisas. Taman too dee snalekan ku Dyisas, bay là tmimel Dyisas kenen, balù sulê. Na tadag déén dad ulu i dad bà di Dwata na dad tamdò i dad flalò blé Dwata fagu di ku Mosis. Too minit nawala tmulen ku Hérod i dad dalamla ku Dyisas. Na i nimò Hérod na dad sundalun toola kenen fyà na snilo. Falsakla kenen i too fye baweh klaweh i harì na fulêla di ku Filat. Na di duh én, dunan i katbù ale Hérod na Filat sakdo, du tagnè ale sduen.


Na santifun Filat i dad ulu i dad bà di Dwata na i dademe dad tua mebe i dad Dyu, na i dad btal to, na manan di dale, “Tanebeyu i to ani di deg na manyu fasyatan i dad to, bay balù tatoogu kenen snalek dini di munayu, landè teengu kaglut i dad dalamyu kenen. Na balù Harì Hérod, landè teenan salaan, du tafasfuléan sa di gito. Tatoo mbangal, landè salaan gumdàgu fafati kenen. Taman alògu kenen fbadas, na kafnge én, falwàgu kenen.” Man Filat ani, du klit fali di Fista Duh Kaglius, galan falwà satu to knayè i dad to falwà mdà di bilanggù.
Kabay di kaklinge i dad to ku Filat sdulê ale mkit, manla, “Fafatim Dyisas, na falwaam gami Barabas!” Na Barabas ani satu to bnilanggù du banlétan nawa i dad to, fye samfati ale i dad to magot i banwela, na nun to bnanoan.
Na lêman talù Filat di dad Dyu, du kayean falwà Dyisas. Kabay too ale mkit, manla, “Flansangam kenen di krus! Flansangam kenen di krus!”
Na talù Filat di gatlun dulê, manan, “Kan? Tan i salaan? Landè teengu salaan gumdàgu fafati kenen. Alògu kenen fbadas, na kafngen, falwàgu kenen.”
Kabay matnù i kakitla, na toola man là fakay ku laan flansang Dyisas di krus, na fagu di kakitla gfisanla Filat.
Taman nagin Filat i knayèla, na nukuman Dyisas di fati. Na falwaan Barabas i bnilanggù mdà di kablétan nawa i dad to samfati i dad to magot i banwe, na mdà di kbanoan, du én sa i fnila, bay Dyisas, tablén di dale du fye nimòla i knayèla.


Na di kebela ku Dyisas di gumlansangla kenen, nun gsitongla satu lagi salu di syudad mdà di banwe Sirini dnagit ku Simon. Fdu kenen di lagad. Na nlegesla kenen mebe i krus Dyisas na ftadolla ku Dyisas.
Na nun dee dad to tmadol ku Dyisas, gakuf i dad libun too mngel na mlanu mdà di kalbà nawala kenen. Kabay falê Dyisas di dale, manan, “E gamu dad libun mdà di Dyérusalém, nangyu agu nngel. Nngelyu moon i ktoyu na dad ngàyu, du nun duh kadang kel i too bong kaflayamyu, na man i dad to, ‘Nun kafye i dad libun là lmen maltien, na là lmen mngà na ftutù i tingà.’
“Di bang én, manla di dad malbang bulul, ‘Tankanyu gami,’ na di dad malnak bulul, manla, ‘Nlimunyu gami fye mati!’ Du ku ani i sasè kibòla deg, i to landè salà, matnù i ksasè kibòla gamu dad to gamsalà.”
Na nun lwe sasè to nebela ditù du fnatila salngad ku Dyisas. Na di kakella di tukay bulul dnagit Tulan Ulu nlansangla Dyisas di krus gagin i lwe sasè to, satu gsen di kwanan na satu gsen di ibeng. Na dnasal Dyisas i dad to mati kenen, manan, “Mà, nlifetam i salàla, du làla glabat i nimòla.” Na sansalel i dad sundalu i klawehan fagu di kasbunut.
Na nun dee dad to tadag déén du tmanul, bay i dad ganlal gal mebe i dad Dyu, snilola kenen, manla, “Galan falwà i dademe dad to, fye ku falwaan i kton, ku glut kenen i Krayst, i Mgalék Dwata.”
Na balù i dad sundalu, snilola kenen. Fdadong ale du fsafla kenen binu masam. Na manla, “Ku glut ge Harì i dad Dyu, falwaam i ktom!”
Na nun gsulat kah di tah ulun, manan, “Ani Harì i dad Dyu.”
Na satu di dad sasè to nlansang di saféd Dyisas, nadoyan kenen, manan, “Ise ge kè i Mgalék Dwata? Ku glut, falwaam i ktom na gami fa.”
Kabay nngak kenen i satu, manan, “Kan, landè klikoam Dwata? Tlu ito slame nukum di fati. Na gite, gablà nukum di fati mdà di sasè nimòta, bay i to ani, landè salaan.”
Kafnge én, manan di ku Dyisas, “Dyisas, begam agu fandam di kagotam kadang.”
Na tmimel Dyisas, manan, “Tulenta ge i kaglutan, duh ani ditù ge di safédgu di gumnègu di langit.”


Na di fan nan ltu i duh, mbaling kifu di klamang banwe kel di tngà masol i duh, du talà mneng i duh, na matngà kasê i bong kurtina safang i sibay i too mdatah gumangamfù di Dwata ditù di Bong Gumnean. Na too falbong Dyisas i taluan, manan, “E Mà, fagotta ge i layefgu.” Na kmanan ani, fto i nawan.
Na di kite i ulu i dad sundalu dun, dnayenan Dwata, na manan, “Too glut, i to ani, landè salaan.” Na i dee dad to stifun déén du tmanul, di kitela i mgimò gine, ntungla i kfela du mdà di sè klidù na kyàla, na mdà ale mulê. Na i kdee dad to gmadè kenen, kel di dad libun magin kenen mdà di Galili, tadag ale di gumawagan, na mite i kdee mgimò gine.


Na nun to dnagit ku Dyosif mdà di satu lunsud i dad Dyu di Dyudiya dnagit Arimatiya. Kenen satu too fye to too gal mimen i dad flalò Dwata na fatan i kagot Dwata. Na balù kenen satu di dad ganlal gal mukum i dad Dyu, laan agin di fandamla na i tanimòla di ku Dyisas. Na salu kenen di ku Gubirnador Filat, du fnin i laweh Dyisas du lbang. Kafnge én, nwean i laweh Dyisas mdà di krus, na nlabédan safut bukay, na fkahan di satu gulambang tansol di lfidas di gugdak i bulul, i landè fa to lmen lbang déén. Na i duh kfati Dyisas, dunan i duh kafatlagad i dad Dyu di Duh Kaftudla. Na tafan tambù i Duh Kaftud nan, du tafan sdaf i duh.
Na i dad libun magin ku Dyisas mdà di Galili, malò ku Dyosif, na teenla i gulambangla ku Dyisas, na i kafkahla i lawehan déén. Kafnge én, mulê ale na fatlagadla i dad fangbun, doon, na fngalo kayèla fkah di laweh Dyisas. Kabay ftud ale funa du nimenla i flalò blé Dwata fagu di ku Mosis gablà di Duh Kaftud.

Listen to Luk 23