Kogi - WBT Version (NT) Non-Drama

Cogui - WBT Edition (NT)

Kogi - WBT Version (NT)

<div class="version vid1505 iso6393kog" data-vid="1505" data-iso6393="kog">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Axautshi agats&#233; axezhagas&#649;&#769;&#241;ze</div><div class="r">(Lk 6.37-38,41-42)</div><div class="p"> 1&#8221;Mai&#241; axautshikue agats&#233; axezhaxabin&#225;ldi. Ek&#237;ki Saldi&#241;ga netshi Jateja zhinik ek&#237;ga mi&#241;gats&#233; ne mimatuwi axanibindakld&#233;k. 2Akze, mai&#241; axautshi sak&#237; agatsaldi ne tuwi axamizhaxaldiake jiak, Jateja zhinik ek&#237;ga mi&#241;gats&#233; mimatuwi axamindaxaldixa. Akna mai&#241; axautshi sak&#237; mi&#241;neshi mitualdi&#225;k, ake, ek&#237;ga mai&#241; jiaga mimawatualdixa nakld&#225;.&#8221;#7.2 Mlk 4.24. Duwe Jes&#250;ja ek&#237; kagajienaldiamak kakbeneki asan&#225;kueja ek&#237; akuak&#225; guaklde: Mai&#241; mits&#225; guaja me mishkauwaldiake, ake, auxaga guaja me mi&#241;gaxauwaldixa.</div><div class="p"> 3Ai shaldaga ek&#237; kakbey&#225;: &#8220;&#191;Sak&#237; zhinik shi axautshi ubak zubagi n&#243;&#241;gutse nuxa ijulduneki se&#241; me tuminaka, jiak naldatshak mai&#241; axald&#225;&#241; ni&#241;kauwa&#241;ki kaldi w&#233;zhilduka ubak minjuldune tuazh&#225;minaka na? 4Ekibe&#241;ga na, sha atshamine axald&#225;&#241; izhgatuak&#237; minuka jiaga, &#191;sak&#237; zhinik shi ezua agu&#225;&#241; sha atshane &#8216;gaja, sha matshixa mabashaldiamak nas miksanekldaka nakld&#225;&#8217; axaldekbildaka na? 5Mai&#241;ki Jatek amak miyaxatshixa ga abeldashi mizhekueke ax&#225;&#241; misha axald&#225;&#241; matshuwi sha miyatshixa masha xaldek na ezua mimizhagu&#225;&#241; sha atshixa sha atsh&#225; mashaldiamak aksanekbinaka naldaldixa nakld&#225;.</div><div class="p"> 6&#8221;Akze, Saldi&#241;ga netshi Jate za na akaldak akz&#233; izhuka ne, ek&#237; ja&#241;guazh&#233;kuek e shalda miyakbeyatshak mi&#241;gipanazh&#225;ldi mi&#241;kildusakualdixa. Aiki jika akz&#233; piyuk miyagegatshak sha guamakbe&#241;ga sha mi&#241;kakualdinik mai&#241; jiaga sha mimakuaka. Azhi ji akz&#233; mituk miyaguteyaldi&#225;k, nusaku&#237; itanamakbe janshagatse miyakbeyatshak iyapanazh&#225;ldi, mi&#241;kiyatanaldixa nakld&#225;.&#8221;</div><div class="s">Jate ab&#225; naldak&#237; agakua&#241;negakue</div><div class="r">(Lk 11.9-13; 6.31)</div><div class="p"> 7Ek&#237; kakbeji&#241;ga ek&#237; jiaga kakbey&#225;: &#8220;Ji mi&#241;gajueshk&#225; Jatek akshishal za mizhekualdatshak amak mi&#241;gexaldixa. Ekibe&#241;ga na, ji mi&#241;gajuezha gualdiake Jatek za niyal mizhekualdatshak amak mi&#241;zaldaldixa. Ek&#237;ga na, ab&#225; naldak&#237; Jate agakua&#241;nexalga za mizhekualdatshak mimaldukshi, amak mi&#241;katshaldixa. 8Jinake naldak&#237;. Mieldeja&#241;ki ji agajueshk&#225; Jatek akshishatshak amak agexaldixa. Mieldeja&#241;ki ji agajueshk&#225; Jatek za niyatshak amak akzaldaldixa. Mieldeja&#241;ki Jate agakua&#241;negatshak axaldukshi, amak axatshaldixa nak.#Dt 4.29; Jer 29.13</div><div class="p"> 9&#8221;&#191;Mielde jatek shi mimij&#237; sukuaja gakue mi&#241;shishatshak, jagi nuxa ak&#225;u mi&#241;guxa na? 10Azhi pik&#225;u mi&#241;shishatshak, &#191;takbi nuxa ak&#225;u mi&#241;guxa shi na? 11Mai&#241; sha miyatshixa naldi jiaga, mimij&#237; sukuakue jika janshagatse za agexa mi&#241;ku&#233;. &#161;Akna mits&#225; Nauwijate j&#233;kaldaxa izhuka m&#237;&#241;gaki jika miyakshishatshak mimizhakld&#233; janshizhe za mi&#241;katshiji, mi&#241;geka naldak&#237; shi na!#J&#241; 14.13-14; 15.7,16; 16.23-24; 1J&#241; 3.21-22; 5.14-15</div><div class="p"> 12&#8221;Saldi&#241;ga netshi Jateja nauwibama Mues&#233;k guiyaba z&#649;&#241;kabajane na, aj&#237; m&#250;ldigaba naldi&#241;ga z&#649;xaitshixakueja guashi sezheklde na ezua&#241;gaba me ek&#237; neklde: Mai&#241; axald&#225;&#241; mitsab&#233; mimakundana mi&#241;zeka nake, ake, axautshi jiaga ek&#237;ga mi&#241;guald&#237;.#Lk 6.31</div><div class="s">Ji&#250;&#241;gulda mozhua sha agatsekue</div><div class="r">(Lk 13.24)</div><div class="p"> 13&#8221;Akze, Jate sanege&#241;ka juldune&#241;ki ni&#241;poku&#233;&#241; nak ai ga juldunakue itshani mi&#241;guald&#237;. Jinake naldak&#237;. Guiyaba tu za nogakue&#241;ka ji&#250;&#241;gulda mauldeyakueki w&#233;pakue jiba&#241; akzaldazh&#233; nak, e&#241;k&#225;&#241; matshuwi aldeji na, juldune&#241;ki wepoku&#233;&#241; matshuwi ajuldunka nak. 14Ne Jate nuge&#241;ka ald&#233;&#241; na izhoshi&#241;ga mimezhokshaldie&#241;ka ji&#250;&#241;gulda mauldeyakueki jiba&#241; ne, shib&#237; me ne&#241;ka nakna, anu&#241;kaja nuxa akzaldi, e&#241;k&#225;&#241; aldeji na, juldune&#241;ki ni&#241;poku&#233;&#241; ajuldunka nakld&#225;.#Sal 1.6; Pr 4.18-19; Jer 21.8; J&#241; 14.6 </div><div class="s">Ajanash&#233;&#241; me k&#225;guba sak&#237; ne tunaz&#649;naka</div><div class="r">(Lk 6.43-44)</div><div class="p"> 15&#8221;Mai&#241; muldetua be noshi, numa&#241; miyatuald&#237;. Jinake ek&#237; mi&#241;meyak&#237;. Anu&#241;kakueki &#8216;naski Jatetshi m&#250;ldigaba naldi&#241;ga z&#649;xaitshikuge na nak&#250;&#8217; naldag&#225;lde aldekakue jian mi&#241;gazukui, mimeyajuldukshi guakuak. Aikueki abak nuxa janshizhe ga aba izhukakue#7.15 jubeju mi&#241;kaldagatshak, aldunaldi&#241;ki shanekue,#7.15 &#8220;lobo&#8221; sha mimakuakakue ald&#233; nak. 16Ek&#237; aba izhukakue sak&#237; azakuag&#233;&#241;, ajanash&#233;&#241;, izhog&#233;&#241; me, sak&#237; ald&#233; katuminaka. Ekibe&#241;ga na, kaldi zhen&#233;&#241; me, ji xalde ne z&#649;natu&#241;shixa. Azhi &#191;zaldalduk kalw&#233; gakue kuiyakue shi na? 17Akze, kaldi janshagatseja&#241;ki kalw&#233; janshagatse za zhe&#241;guxa. Ne kaldi janshagatsaldag&#225;ldeja&#241;ki kalw&#233; nusagatsegaba nuxa zhe&#241;guxa. 18Ek&#237;ga na, kaldi janshagatseja&#241;ki kalw&#233; nusagatse zhe&#241;guazh&#225;ka. Ekibe&#241;ga na jiak, janshagatsaldag&#225;ldeja&#241;ki kalw&#233; janshagatse zhe&#241;guazh&#225;ka naldash&#225;. 19Akze, kaldi kalw&#233; janshagatsegaba zhe&#241;guazh&#233;ki abe&#241;gualdiniki izhaxauwa guks&#233;k ayoxa akuxa. Ekibe&#241;ga na, mielde sha atshixakueki Jateja guiyaba katu&#241;shaldixa nakld&#225;. 20Akze, aikueki sak&#237; ajanash&#233;&#241;, azakuag&#233;&#241;, shizhaldiy&#233;&#241; me shanekue ne mi&#241;nexaldixa nzha.</div><div class="s">Mieldekue Jate sanege&#241;ka ajuldunaldixa</div><div class="r">(Lk 13.25-27)</div><div class="p"> 21&#8221;Akze, matshuwi nekue &#8216;naj&#237; S&#225;&#241;kalda maldaksanek&#225;&#8217; naxaldegatshak jiaga, Najate j&#233;kaldaxa izhukaja ald&#233;&#241; sanege&#241;ka kajuldukshazh&#225;ldixa. Ne mieldeki ald&#233;&#241; ja&#241;guamak axatshixakue za na, aj&#237; giemikue kepani, j&#233;kaldaxa, ald&#233;&#241; sanege&#241;ka kajuldukshaldixa nakld&#225;. 22Auxa zegatshak, matshuwi nekue ek&#237; naxaldexaldixa: &#8216;Nauwij&#237; S&#225;&#241;kalda, nas&#649;&#241; jiaga ma niuwi z&#649;&#241;gemaldekga na, mij&#237; m&#250;ldigaba naldi&#241;ga k&#225;gubakuek kagaskaitshato&#241;kalde. Ai niuwikga na, jis&#233;tshi aldunakue k&#225;gubakuek zhinik kezhe&#241;shato&#241;kalde. Ai niuwikga na, matshuwi janshagatse at&#250; guazh&#225;mak jiaga atshato&#241;kalde naldash&#225;.&#8217; 23Ek&#237; naxaldegatshak jiaga, nas zhiniki ek&#237; kakiyokualdikue: &#8216;Naski ni mits&#225;k naj&#237; min&#233; mimatuazh&#225;nuge naldash&#225;. Mai&#241;ki sha miyatshixakue min&#225;k, nagaju&#233; zhekualdatogw&#237;&#241;.&#8217;</div><div class="s">Mozhua juw&#237; sak&#237; axauwane</div><div class="r">(Lk 6.47-49)</div><div class="p"> 24&#8221;Ek&#237; nakna mieldekueki guakuge naxaldukshi, amak naxatshixakueki ek&#237; jana izhukakue. Ezua sig&#237; muldetua ja&#241;guxaja juw&#237; gauwapanatshak, juxasakue muldetua kakuamak agajie&#241;guxa. 25Ek&#237; kakuamak kama gukshanaldixa na, n&#237;xalda ateema zeshi, ni tani&#241;gaba, m&#250;lkalda neji&#241;gaba juw&#237;k axabugatshak jiaga, wi wi atshishazh&#225;ldixa. 26Ne mieldekueja guakuge naldukatshak jiaga, amak naxatshazh&#233;kueki ek&#237; jana izhukakue: Ezua sig&#237; ja&#241;guag&#225;ldeja juw&#237; gauwapanatshak juxasa kagi zhau ze&#241; nuxa agajie&#241;guxa. 27Guanaldixa n&#237;xalda ateema zeshi, ni tani&#241;gaba, m&#250;lkalda neji&#241;gaba juw&#237;k axabugatshake wi wi atshishi, nuk ti&#241;gualdixa naldash&#225;.&#8221;</div><div class="p"> 28Ek&#237; shi kaxaldiji aksaldinatshakna saldi&#241;gaja&#241;ki &#8220;&#161;sak&#237; ek&#237; agatsaldi shi z&#649;&#241;kaldix&#225;!&#8221; kakld&#233;k. 29Jinake naldak&#237;. Duwe Jes&#250;ja&#241;ki guiyaba shizhixakueja shizhiyamak shi kaxaldiyag&#225;baki, muldetua niuwi axald&#233; ga agatsaldi shi kaxaldiy&#225;k.#Mlk 1.22; Lk 4.32</div>
 </div>
 </div>
</div>

”Maiñ axautshikue agatsé axezhaxabináldi. Ekíki Saldiñga netshi Jateja zhinik ekíga miñgatsé ne mimatuwi axanibindakldék. Akze, maiñ axautshi sakí agatsaldi ne tuwi axamizhaxaldiake jiak, Jateja zhinik ekíga miñgatsé mimatuwi axamindaxaldixa. Akna maiñ axautshi sakí miñneshi mitualdiák, ake, ekíga maiñ jiaga mimawatualdixa nakldá.”
Ai shaldaga ekí kakbeyá: “¿Sakí zhinik shi axautshi ubak zubagi nóñgutse nuxa ijulduneki señ me tuminaka, jiak naldatshak maiñ axaldáñ niñkauwañki kaldi wézhilduka ubak minjuldune tuazháminaka na? Ekibeñga na, sha atshamine axaldáñ izhgatuakí minuka jiaga, ¿sakí zhinik shi ezua aguáñ sha atshane ‘gaja, sha matshixa mabashaldiamak nas miksanekldaka nakldá’ axaldekbildaka na? Maiñki Jatek amak miyaxatshixa ga abeldashi mizhekueke axáñ misha axaldáñ matshuwi sha miyatshixa masha xaldek na ezua mimizhaguáñ sha atshixa sha atshá mashaldiamak aksanekbinaka naldaldixa nakldá.
”Akze, Saldiñga netshi Jate za na akaldak akzé izhuka ne, ekí jañguazhékuek e shalda miyakbeyatshak miñgipanazháldi miñkildusakualdixa. Aiki jika akzé piyuk miyagegatshak sha guamakbeñga sha miñkakualdinik maiñ jiaga sha mimakuaka. Azhi ji akzé mituk miyaguteyaldiák, nusakuí itanamakbe janshagatse miyakbeyatshak iyapanazháldi, miñkiyatanaldixa nakldá.”


Ekí kakbejiñga ekí jiaga kakbeyá: “Ji miñgajueshká Jatek akshishal za mizhekualdatshak amak miñgexaldixa. Ekibeñga na, ji miñgajuezha gualdiake Jatek za niyal mizhekualdatshak amak miñzaldaldixa. Ekíga na, abá naldakí Jate agakuañnexalga za mizhekualdatshak mimaldukshi, amak miñkatshaldixa. Jinake naldakí. Mieldejañki ji agajueshká Jatek akshishatshak amak agexaldixa. Mieldejañki ji agajueshká Jatek za niyatshak amak akzaldaldixa. Mieldejañki Jate agakuañnegatshak axaldukshi, amak axatshaldixa nak.
”¿Mielde jatek shi mimijí sukuaja gakue miñshishatshak, jagi nuxa akáu miñguxa na? Azhi pikáu miñshishatshak, ¿takbi nuxa akáu miñguxa shi na? Maiñ sha miyatshixa naldi jiaga, mimijí sukuakue jika janshagatse za agexa miñkué. ¡Akna mitsá Nauwijate jékaldaxa izhuka míñgaki jika miyakshishatshak mimizhakldé janshizhe za miñkatshiji, miñgeka naldakí shi na!
”Saldiñga netshi Jateja nauwibama Muesék guiyaba zʉñkabajane na, ají múldigaba naldiñga zʉxaitshixakueja guashi sezheklde na ezuañgaba me ekí neklde: Maiñ axaldáñ mitsabé mimakundana miñzeka nake, ake, axautshi jiaga ekíga miñgualdí.


”Akze, Jate sanegeñka julduneñki niñpokuéñ nak ai ga juldunakue itshani miñgualdí. Jinake naldakí. Guiyaba tu za nogakueñka jiúñgulda mauldeyakueki wépakue jibañ akzaldazhé nak, eñkáñ matshuwi aldeji na, julduneñki wepokuéñ matshuwi ajuldunka nak. Ne Jate nugeñka aldéñ na izhoshiñga mimezhokshaldieñka jiúñgulda mauldeyakueki jibañ ne, shibí me neñka nakna, anuñkaja nuxa akzaldi, eñkáñ aldeji na, julduneñki niñpokuéñ ajuldunka nakldá.


”Maiñ muldetua be noshi, numañ miyatualdí. Jinake ekí miñmeyakí. Anuñkakueki ‘naski Jatetshi múldigaba naldiñga zʉxaitshikuge na nakú’ naldagálde aldekakue jian miñgazukui, mimeyajuldukshi guakuak. Aikueki abak nuxa janshizhe ga aba izhukakue miñkaldagatshak, aldunaldiñki shanekue, sha mimakuakakue aldé nak. Ekí aba izhukakue sakí azakuagéñ, ajanashéñ, izhogéñ me, sakí aldé katuminaka. Ekibeñga na, kaldi zhenéñ me, ji xalde ne zʉnatuñshixa. Azhi ¿zaldalduk kalwé gakue kuiyakue shi na? Akze, kaldi janshagatsejañki kalwé janshagatse za zheñguxa. Ne kaldi janshagatsaldagáldejañki kalwé nusagatsegaba nuxa zheñguxa. Ekíga na, kaldi janshagatsejañki kalwé nusagatse zheñguazháka. Ekibeñga na jiak, janshagatsaldagáldejañki kalwé janshagatse zheñguazháka naldashá. Akze, kaldi kalwé janshagatsegaba zheñguazhéki abeñgualdiniki izhaxauwa guksék ayoxa akuxa. Ekibeñga na, mielde sha atshixakueki Jateja guiyaba katuñshaldixa nakldá. Akze, aikueki sakí ajanashéñ, azakuagéñ, shizhaldiyéñ me shanekue ne miñnexaldixa nzha.


”Akze, matshuwi nekue ‘nají Sáñkalda maldaksaneká’ naxaldegatshak jiaga, Najate jékaldaxa izhukaja aldéñ sanegeñka kajuldukshazháldixa. Ne mieldeki aldéñ jañguamak axatshixakue za na, ají giemikue kepani, jékaldaxa, aldéñ sanegeñka kajuldukshaldixa nakldá. Auxa zegatshak, matshuwi nekue ekí naxaldexaldixa: ‘Nauwijí Sáñkalda, nasʉñ jiaga ma niuwi zʉñgemaldekga na, mijí múldigaba naldiñga kágubakuek kagaskaitshatoñkalde. Ai niuwikga na, jisétshi aldunakue kágubakuek zhinik kezheñshatoñkalde. Ai niuwikga na, matshuwi janshagatse atú guazhámak jiaga atshatoñkalde naldashá.’ Ekí naxaldegatshak jiaga, nas zhiniki ekí kakiyokualdikue: ‘Naski ni mitsák nají miné mimatuazhánuge naldashá. Maiñki sha miyatshixakue minák, nagajué zhekualdatogwíñ.’


”Ekí nakna mieldekueki guakuge naxaldukshi, amak naxatshixakueki ekí jana izhukakue. Ezua sigí muldetua jañguxaja juwí gauwapanatshak, juxasakue muldetua kakuamak agajieñguxa. Ekí kakuamak kama gukshanaldixa na, níxalda ateema zeshi, ni taniñgaba, múlkalda nejiñgaba juwík axabugatshak jiaga, wi wi atshishazháldixa. Ne mieldekueja guakuge naldukatshak jiaga, amak naxatshazhékueki ekí jana izhukakue: Ezua sigí jañguagáldeja juwí gauwapanatshak juxasa kagi zhau zeñ nuxa agajieñguxa. Guanaldixa níxalda ateema zeshi, ni taniñgaba, múlkalda nejiñgaba juwík axabugatshake wi wi atshishi, nuk tiñgualdixa naldashá.”
Ekí shi kaxaldiji aksaldinatshakna saldiñgajañki “¡sakí ekí agatsaldi shi zʉñkaldixá!” kakldék. Jinake naldakí. Duwe Jesújañki guiyaba shizhixakueja shizhiyamak shi kaxaldiyagábaki, muldetua niuwi axaldé ga agatsaldi shi kaxaldiyák.

Listen to Mateyu 7