 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s1">An Aiseirigh aig &#204;osa</div><div class="p"> 1A&#8209;nis &#224;s d&#232;idh na S&#224;baid, faisg air camhanaich ciad latha na seachdain, chaidh M&#224;iri Magdalen agus a' Mh&#224;iri eile a dh'fhaicinn an tuama. 2Agus, seall, bha crith&#8209;thalmhainn mh&#242;r ann, oir th&#224;inig aingeal leis an Tighearna a&#8209;nuas o n&#232;amh, is th&#224;inig e agus roilig e a' chlach air ais is shuidh e oirre. 3Bha aghaidh mar dhealanach agus aodach geal mar shneachda. 4Agus a chionn 's gun robh eagal orra bhuaithe, chaidh an luchd&#8209;ge&#224;ird air chrith, agus dh'fh&#224;s iad coltach ri daoine marbha.</div><div class="p"> 5Ach thuirt an t&#8209;aingeal ris na boireannaich, &#8220;Na biodh eagal oirbh, oir tha fios agam gu bheil sibh a' sireadh &#204;osa a chaidh a cheusadh. 6Chan eil e an seo, oir dh'&#232;irich e, mar a thubhairt e. Thigibh, faicibh an t&#8209;&#224;ite far an do sh&#236;n e. 7Thallaibh gu luath agus innsibh dha na deisciobail aige gun do dh'&#232;irich e o na mairbh agus seallaibh, tha e a' dol romhaibh a Ghalile. An sin ch&#236; sibh e. Seallaibh, thuirt mise ribh e.&#8221;</div><div class="p"> 8Mar sin dh'fhalbh iad gu luath on tuam le eagal is le m&#242;r&#8209;aoibhneas, agus ruith iad a dh'innse dha a dheisciobail. 9Agus seall, choinnich &#204;osa ris na boireannaich, agus thuirt e, &#8220;F&#224;ilte!&#8221; Agus th&#224;inig iad suas agus rug iad air a chasan agus rinn iad adhradh dha. 10An uair sin thuirt &#204;osa riutha, &#8220;Na biodh eagal oirbh. Thallaibh, agus canaibh rim bhr&#224;ithrean a dhol a Ghalile, agus an sin ch&#236; iad mi.&#8221;</div><div class="s1">Iomradh nan Ge&#224;rd</div><div class="p"> 11Fhad 's a bha iadsan a' falbh, seall, th&#224;inig cuid dhen luchd&#8209;ge&#224;ird dhan bhaile agus dh'innis iad dha na h&#8209;&#224;rd&#8209;shagartan gach rud a bh' air tachairt. 12Agus nuair a bha iad air cruinneachadh c&#242;mhla ris na h&#8209;&#232;ildearan, agus air comhairle a ghabhail, thug iad t&#242;rr airgid dha na saighdearan, 13agus thuirt iad, &#8220;Canaibhse, &#8216;Th&#224;inig a dheisciobail san oidhche agus ghoid iad air falbh e, nuair a bha sinne nar cadal.&#8217; 14Agus ma thig seo gu cluasan an riaghladair, cuiridh sinne air d&#242;igh e, agus chan eagal dhuibhse.&#8221; 15Mar sin ghabh iad an t&#8209;airgead agus rinn iad mar a chaidh an sti&#249;ireadh. Agus tha an sgeul seo air a bhith air a h&#8209;aithris am measg nan I&#249;dhach gus an latha an&#8209;diugh.</div><div class="s1">Am Barantas M&#242;r</div><div class="p"> 16A&#8209;nis, chaidh an t&#8209;aon dheisciobal deug a Ghalile, dhan bheinn far an do dh'&#242;rdaich &#204;osa dhaibh a dhol. 17Agus nuair a chunnaic iad e, rinn iad adhradh dha; ach bha cuid dhiubh teagmhach. 18Agus th&#224;inig &#204;osa is thuirt e riutha, &#8220;Chaidh a h&#8209;uile h&#8209;&#249;ghdarras ann an n&#232;amh agus air talamh a thoirt dh&#242;mhsa. 19Thallaibh&#8209;se, mar sin, agus d&#232;anaibh deisciobail dhen a h&#8209;uile n&#224;isean, gam baisteadh ann an ainm an Athar agus a' Mhic agus an Spioraid Naoimh, 20a' teagasg dhaibh a bhith a' cumail a h&#8209;uile rud a dh'&#224;ithn mise dhuibh. Agus seall, tha mise c&#242;mhla ribh an&#8209;c&#242;mhnaidh, gu deireadh na linne.&#8221;</div>
 </div>
 </div>
</div>

A‑nis às dèidh na Sàbaid, faisg air camhanaich ciad latha na seachdain, chaidh Màiri Magdalen agus a' Mhàiri eile a dh'fhaicinn an tuama. Agus, seall, bha crith‑thalmhainn mhòr ann, oir thàinig aingeal leis an Tighearna a‑nuas o nèamh, is thàinig e agus roilig e a' chlach air ais is shuidh e oirre. Bha aghaidh mar dhealanach agus aodach geal mar shneachda. Agus a chionn 's gun robh eagal orra bhuaithe, chaidh an luchd‑geàird air chrith, agus dh'fhàs iad coltach ri daoine marbha.
Ach thuirt an t‑aingeal ris na boireannaich, “Na biodh eagal oirbh, oir tha fios agam gu bheil sibh a' sireadh Ìosa a chaidh a cheusadh. Chan eil e an seo, oir dh'èirich e, mar a thubhairt e. Thigibh, faicibh an t‑àite far an do shìn e. Thallaibh gu luath agus innsibh dha na deisciobail aige gun do dh'èirich e o na mairbh agus seallaibh, tha e a' dol romhaibh a Ghalile. An sin chì sibh e. Seallaibh, thuirt mise ribh e.”
Mar sin dh'fhalbh iad gu luath on tuam le eagal is le mòr‑aoibhneas, agus ruith iad a dh'innse dha a dheisciobail. Agus seall, choinnich Ìosa ris na boireannaich, agus thuirt e, “Fàilte!” Agus thàinig iad suas agus rug iad air a chasan agus rinn iad adhradh dha. An uair sin thuirt Ìosa riutha, “Na biodh eagal oirbh. Thallaibh, agus canaibh rim bhràithrean a dhol a Ghalile, agus an sin chì iad mi.”

Fhad 's a bha iadsan a' falbh, seall, thàinig cuid dhen luchd‑geàird dhan bhaile agus dh'innis iad dha na h‑àrd‑shagartan gach rud a bh' air tachairt. Agus nuair a bha iad air cruinneachadh còmhla ris na h‑èildearan, agus air comhairle a ghabhail, thug iad tòrr airgid dha na saighdearan, agus thuirt iad, “Canaibhse, ‘Thàinig a dheisciobail san oidhche agus ghoid iad air falbh e, nuair a bha sinne nar cadal.’ Agus ma thig seo gu cluasan an riaghladair, cuiridh sinne air dòigh e, agus chan eagal dhuibhse.” Mar sin ghabh iad an t‑airgead agus rinn iad mar a chaidh an stiùireadh. Agus tha an sgeul seo air a bhith air a h‑aithris am measg nan Iùdhach gus an latha an‑diugh.

A‑nis, chaidh an t‑aon dheisciobal deug a Ghalile, dhan bheinn far an do dh'òrdaich Ìosa dhaibh a dhol. Agus nuair a chunnaic iad e, rinn iad adhradh dha; ach bha cuid dhiubh teagmhach. Agus thàinig Ìosa is thuirt e riutha, “Chaidh a h‑uile h‑ùghdarras ann an nèamh agus air talamh a thoirt dhòmhsa. Thallaibh‑se, mar sin, agus dèanaibh deisciobail dhen a h‑uile nàisean, gam baisteadh ann an ainm an Athar agus a' Mhic agus an Spioraid Naoimh, a' teagasg dhaibh a bhith a' cumail a h‑uile rud a dh'àithn mise dhuibh. Agus seall, tha mise còmhla ribh an‑còmhnaidh, gu deireadh na linne.”

Listen to Mata 28