If you would like a copy of this version please contact info@davaraudiobibles.org

Ikwo Old Testament

<div class="version vid1599 iso6393iqw" data-vid="1599" data-iso6393="iqw">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s1">Eemebyishi S&#243;domu; m&#7865; G&#7885;m&#243;ra</div><div class="p"> 1Yo be l'ur&#7865;nyashi teke &#7909;nwu ojozi lab&#7909; ono jeruru S&#243;domu; L&#243;&#803;tu an&#7885;duwa l'obu-edukfu mkp&#7909;kpu ono. Y&#7885; ph&#7909;lephu &#7865;phe; gbakfube &#7865;phe; bya ebyia ikpere; kpuberu &#7865;phe ifu l'al&#7883;; 2s&#7909; &#7865;phe: &#8220;Ndu nwe mu n&#7909;; ya ar&#7885; unu t'unu bataru l&#7865; k&#7865; y&#7865;be nwozi unu; bya akw&#7885;o &#7885;kpa; unu aradu. O -rua l'oswi &#7909;tsu; unu at&#7909;gbuwaru jeshia iphe, unu eje.&#8221;</div><div class="p">&#7864;phe as&#7909; iya: &#8220;Wawa; l'&#7865;phe a-rad&#7909;a l'edukfu.&#8221;</div><div class="p"> 3Y&#7885; r&#7885;nyaa &#7865;phe; &#7865;phe ekwe tsoru iya bah&#7909; nk'iya. Y&#7885; bya akwaaru &#7865;phe &#7865;byee, ha nshinu; gheeru &#7865;phe buredi, e te yedu iphe, ekoje buredi; &#7865;phe ataa. 4&#7864;phe abyad&#7865; &#7885;la l'&#7909;lo; unwoke ndu S&#243;domu: nwata m&#7865; &#7885;gurenya eshi l'&#7865;ke, d&#7909; l'iche l'iche bya agbaa &#7909;lo ono mgburumgburu. 5&#7864;phe abya ekua L&#243;&#803;tu; j&#7883;a ya &#7865;ke unwoke ono, bataru nk'iya l'ur&#7865;nyashi ono n&#7885;. Wo iya t'o je edufuta &#7865;phe t'&#7865;phe l'&#7865;phe z&#7865;e!</div><div class="p"> 6L&#243;&#803;tu abya al&#7909;fu etezi; woru &#7909;zo g&#7909;-chia jekfushia &#7865;phe; s&#7909; &#7865;phe: 7&#8220;Ndu mu; unu be emebukwaa egbe akpamara &#7885;waa! 8Unu lekwa; l&#7865; ya nwekwaru &#7909;nwu-mgb&#7885;ko lab&#7909;, &#7865;phe l&#7865; nwoke ta az&#7865;bua. T&#7865; ya dufutachiaru unu &#7865;phebedua; t'unu mee &#7865;phe &#7865;ge d&#7909; unu mma. &#7884; -b&#7909;ru k'unwoke &#7885;waa; unu be ebyikwa &#7865;phe &#7865;ka; k&#7865; l'&#7865;phe kab&#7865;kwa byaru iya &#7865;byee.&#8221;</div><div class="p"> 9&#7864;phe as&#7909; iya t'&#7885; kp&#7883;riberu &#7865;phe l'&#7909;zo. Wo iya: &#8220;?B&#7909; ngg&#7909;bedua, b&#7909; mbyamubya-a; gbe emewa n&#7909; t'&#7883; t&#7909;ru &#7865;phe &#7885;nu iphe, &#7865;phe a-n&#7885;du eme t&#7885;o.&#8221; Wo iya t'&#7885; kp&#7883;ribekwaru &#7865;phe l'&#7909;zo; &#7885;dumeka b&#7865; &#7865;phe e-mekwa iya iphe ka &#7885;phu &#7865;phe g'e-me ndu &#7885;phu. &#7864;phe enwube L&#243;&#803;tu &#7865;ka ikike; l'enwu iya t'&#7865;phe gbakp&#7885;fu ibo ono.</div><div class="p"> 10Unwoke lab&#7909; ono amach&#7883;waphu &#7865;ka l&#7885;bata L&#243;&#803;tu l'&#7909;lo; woru ibo ono g&#7909;-chia. 11&#7864;phe emee; iphe b&#7909; ndu ono, vudokota l'&#7885;nu ibo ono ats&#7909;lahaa &#236;sh&#236;: nwata m&#7865; &#7885;gurenya; k'&#7885;phu &#7865;phe ta ph&#7909;hedu &#7885;nu ibo ono.</div><div class="p"> 12Unwoke lab&#7909; ono aj&#7883; L&#243;&#803;tu: &#8220;?O nweru ndu &#7885;do, i nweru l'&#7865;ke-a? ?O nweru ndu i keru nwanyi; &#7909;nwu ngu ndu k'unwoke; ndu k&#7865; &#7909;nwanyi; m'&#7885; kwanu ndu &#7885;do, bu l&#7865; mkp&#7909;kpu-wa, nggu l'&#7865;phe b&#7909; ab&#7909;bu. T&#7909;kokwa &#7865;phe dufuta; 13l'&#7865;phe abyakwa omebyi &#7865;ke-a. L&#7865; mkpu, eechi an&#7909; Ojejoje l&#7865; k'iphe, d&#7909; &#7865;ji ndu &#7865;ke-a eme haakwa nshinu; k'&#7885;phu o ziru &#7865;phe t'&#7865;phe bya emebyishia ya.&#8221;</div><div class="p"> 14T&#7885; d&#7909; iya b&#7909;; L&#243;&#803;tu at&#7909;gbua je ekfutsuaru iya ndu abya &#7885;lu &#7909;nwu iya; s&#7909; &#7865;phe: &#8220;Unu mekwaa &#7865;gwegwa l&#7909;fu l&#7865; mkp&#7909;kpu-a; k&#7865;le Ojejoje abyaakwa iya emebyishi.&#8221; Obenu l&#7865; ndu &#7885;go iya ono gbe r&#7883;le-&#7865; l'&#7885;o &#7909;ja b&#7865; &#7885;obo.</div><div class="p"> 15Yo be l&#7865; g&#7865;rigeri nchi-ab&#7885;hu; ojozi ono ach&#7883;shilahaa L&#243;&#803;tu &#7885;ku; s&#7909; iya: &#8220;T'o mee &#7865;gwegwa duta nyee ya; m&#7865; &#7909;nwu-mgb&#7885;ko ono &#7865;phe &#7865;bo l&#7909;fu. &#7884;dumeka b&#7865; unu l'unu ha a-b&#7909;kwaru kpurupyata teke aa-n&#7909; mkp&#7909;kpu-a aph&#7909;.&#8221;</div><div class="p"> 16L&#243;&#803;tu ejeshia ome mgb&#7909;gbu; unwoke ono akp&#7909;ta iya l'&#7865;ka; kp&#7909;ta nyee ya; m&#7865; &#7909;nwu-mgb&#7885;ko &#7865;bo ph&#7909;; kp&#7909;fu l&#7865; mkp&#7909;kpu ono; k&#7865;le Ojejoje aph&#7909;ru &#7865;phe imiko. 17&#7864;phe al&#7909;futatsulephu; onye lan&#7909; as&#7909; &#7865;phe t'&#7865;phe gbakwaa &#7885;so ndz&#7909; &#7865;phe! T'&#7865;phe ba aghakwa &#7865;nya l'az&#7909;; &#7885;phu &#7865;phe ejekwa ovudo evudo l'ogh&#7865;gu! T'&#7865;phe gbakwaru lats&#7909;a l'ugvu! &#7884;dumeka b&#7865; &#7865;phe a-b&#7909;kwaru kpurupyata!</div><div class="p"> 18L&#243;&#803;tu as&#7909; &#7865;phe: &#8220;Wawakwa; ndu nwe mu n&#7909;! 19Keshinu &#7885;phu y&#7865;be nwozi unu t&#7909;baru unu l'obu; unu ekoshiwa l'unu yeru iya obu; dz&#7885;wa iya ndz&#7909;; b&#7865; ya ta agbaghekwa ala l'ugvu: k&#7865; l'&#7865;jo iphe-&#7865;huka-a a-byakfutakwa iya; bya egbua ya. 20Unu lekwa mkp&#7909;kpu ph&#7909;, n&#7885; l'&#7865;kaphu. &#7864; to tekwa &#7865;nya; t&#7885; ba nwishi. T&#7865; ya gban&#7909;ru laa l'&#7865;ke ono &#7865;ge ndz&#7909; e-dzua ya r&#7909;.&#8221;</div><div class="p"> 21Nwoke ono as&#7909; iya: &#8220;L'&#7885; d&#7909;a mma. L&#7865; ya te emebyishidu mkp&#7909;kpu ono, ookfu okfu iya ono; 22&#7884; b&#7909;phu t'&#7885; gbach&#7883;lekwaphu lashia ya. L'&#7865; to nwekwa iphe, ya eje ememe jeye teke &#7885; gbaruru &#7865;ke ono.&#8221; &#7884; b&#7909; okfu l&#7865; L&#243;&#803;tu kfuru l&#7865; mkp&#7909;kpu ono ha nwansh&#7883;; meru iphe aawataru oku mkp&#7909;kpu ono Z&#243;wa.#19:22 Iphe Z&#243;wa b&#7909; b&#7909; &#8220;nwansh&#7883;&#8221;.</div><div class="p"> 23L&#243;&#803;tu abya eru Z&#243;wa; &#7865;nyanwu-ahata-wa. 24T&#7885; d&#7909; iya b&#7909;; Ojejoje eshi l'imigwe ch&#7883;a &#7885;ku nsh&#7883;-egbe &#7885;chi mini l&#7865; S&#243;domu m&#7865; G&#7885;m&#243;ra. 25Y&#7885; b&#7909;ru &#7865;ge ono b'o gude mebyishikota mkp&#7909;kpu ono; m&#7865; iphe, b&#7909; ns&#7909;da, n&#7885; iya n&#7909;; m&#7865; iphe b&#7909; ndu bu iya n&#7909;; jeyekpo l'iphe b&#7909; iphe, futaru efuta l'al&#7883; ono. 26Ya ndono; nyee L&#243;&#803;tu eje eworu &#7865;nya ghaa l'az&#7909;; gh&#7885;o &#250;n&#250;; gvuru l'&#7885; b&#7909; itso.</div><div class="p"> 27Yo be l'&#7885;nma-&#7865;wa &#7909;tsu echile iya; &#201;birihamu egbeshi lashia az&#7909; l'eke, o shi n&#7885;duhawa Ojejoje l'ifu. 28Y&#7885; n&#7885;du l'&#7865;ke ono lee &#7865;nya l'&#7909;zo S&#243;domu m&#7865; G&#7885;m&#243;ra; lekota &#7865;nya l'&#7909;zo &#7885;kpa ugvu ono. Iphe &#7885; ph&#7909;ru ab&#7909;leruphu &#7865;nwuru-&#7885;ku, akp&#7885; t&#7909;tutu l'&#7885; b&#7909; &#7885;-tata-kfukfu &#7885;ku.</div><div class="p"> 29Obenu l&#7865; teke ono, Nchileke mebyishiru mkp&#7909;kpu, n&#7885;kota l'&#7909;zo ns&#7909;da ono; b'&#7885; nyataru-a &#201;birihamu; bya edufuta L&#243;&#803;tu l'&#7865;ke ono, o shi buru teke ono, o gude &#7909;muruku bya ekpoo mkp&#7909;kpu ono okpo-nt&#7909; ono.</div><div class="s1">Eri ndu M&#243;abu; m&#7865; eri ndu Am&#7885;nu</div><div class="p"> 30A n&#7885;nyaa; L&#243;&#803;tu awata &#7885;tsu egvu l&#7865; Z&#243;wa. Yo kwe t&#7909;gbua y&#7865;le &#7909;nwegirima &#7909;nwanyi iya ono &#7865;phe &#7865;bo; je eburu l'ime &#7885;gba. 31Yo be ujiku lan&#7909;; onye k'&#7885;gurenya l'&#7909;nwegirima ono as&#7909; onye k&#7865; nwata: &#8220;L&#7865; nna &#7865;phe b&#7909;akwa &#7885;gurenya; t&#7885; b&#7909; l'o nweru nwoke, n&#7885; l'uswe iya &#7885;waa gbaa mgburumgburu, &#7865;phe l'iya a-z&#7865;, b&#7909; &#7865;ge emejekpo ya l&#7865; mgboko, gba mgburumgburu.&#8221; 32Wo iya t'&#7865;phe chee nna &#7865;phe ono m&#7865;e. Teke o gudeleru iya ph&#7909;; &#7865;phe eje t'&#7865;phe l'iya z&#7865;e; k'&#7885;phu &#7865;phe e-shi &#7865;ge ono m&#7909;ta nwa t'&#7865;phe be ribuhu.</div><div class="p"> 33Yo be l'&#7865;nyashi iya; &#7865;phe abya echee nna &#7865;phe ono m&#7865;e; yo gude iya. Onye k'&#7885;gurenya ejekfushia ya y&#7865;le iya az&#7865;e. &#7884;phu nna iya ono amad&#7909; teke &#7885; byaru bya az&#7865;nyabe iya; t&#7885; ma teke o gbeshiru.</div><div class="p"> 34Yo be echile iya; onye k'&#7885;gurenya ph&#7909; as&#7909; onye k&#7865; nwata: &#8220;L&#7865; y&#7865;le nna &#7865;phe z&#7865;kwaru l'&#7865;nyashi. T'&#7865;phe chefukwaa ya phu m&#7865;e l'&#7865;nyashi-a; nggu eje t&#7865; nggu l'iya z&#7865;e; k'&#7885;phu &#7865;phe e-shi &#7865;ge ono m&#7909;ta nwa; t'&#7865;phe be ribuhu.&#8221; 35&#7864;phe eworu m&#7865;e chee nna &#7865;phe ono l'&#7865;nyashi ono; yo gude iya. Onye k&#7865; nwata ejekfu iya y&#7865;le iya az&#7865;e. &#7884;phu nna iya ono amad&#7909; teke &#7885; byaru bya az&#7865;nyabe iya; t&#7885; ma teke o gbeshiru.</div><div class="p"> 36T&#7885; d&#7909; iya b&#7909; l&#7865; L&#243;&#803;tu eyee &#7909;nwegirima iya ono ime; &#7865;phe &#7865;bo. 37Onye k'&#7885;gurenya abya am&#7909;a nwata nwoke; g&#7909;a ya M&#243;abu. Y&#7885; b&#7909;ru M&#243;abu ono b&#7909; iphe, metaru ndu M&#243;abu ntan&#7909;. 38Onye k&#7865; nwata abya am&#7909;kwaaphu nwata nwoke; g&#7909;a ya Benu-Am&#7883;. Y&#7885; b&#7909;ru Benu-Am&#7883; b&#7909; iphe, metaru ndu Am&#7885;nu ntan&#7909;.</div>
 </div>
 </div>
</div>

Yo be l'urẹnyashi teke ụnwu ojozi labụ ono jeruru Sódomu; Lọ́tu anọduwa l'obu-edukfu mkpụkpu ono. Yọ phụlephu ẹphe; gbakfube ẹphe; bya ebyia ikpere; kpuberu ẹphe ifu l'alị; sụ ẹphe: “Ndu nwe mu nụ; ya arọ unu t'unu bataru lẹ kẹ yẹbe nwozi unu; bya akwọo ọkpa; unu aradu. O -rua l'oswi ụtsu; unu atụgbuwaru jeshia iphe, unu eje.”
Ẹphe asụ iya: “Wawa; l'ẹphe a-radụa l'edukfu.”
Yọ rọnyaa ẹphe; ẹphe ekwe tsoru iya bahụ nk'iya. Yọ bya akwaaru ẹphe ẹbyee, ha nshinu; gheeru ẹphe buredi, e te yedu iphe, ekoje buredi; ẹphe ataa. Ẹphe abyadẹ ọla l'ụlo; unwoke ndu Sódomu: nwata mẹ ọgurenya eshi l'ẹke, dụ l'iche l'iche bya agbaa ụlo ono mgburumgburu. Ẹphe abya ekua Lọ́tu; jịa ya ẹke unwoke ono, bataru nk'iya l'urẹnyashi ono nọ. Wo iya t'o je edufuta ẹphe t'ẹphe l'ẹphe zẹe!
Lọ́tu abya alụfu etezi; woru ụzo gụ-chia jekfushia ẹphe; sụ ẹphe: “Ndu mu; unu be emebukwaa egbe akpamara ọwaa! Unu lekwa; lẹ ya nwekwaru ụnwu-mgbọko labụ, ẹphe lẹ nwoke ta azẹbua. Tẹ ya dufutachiaru unu ẹphebedua; t'unu mee ẹphe ẹge dụ unu mma. Ọ -bụru k'unwoke ọwaa; unu be ebyikwa ẹphe ẹka; kẹ l'ẹphe kabẹkwa byaru iya ẹbyee.”
Ẹphe asụ iya t'ọ kpịriberu ẹphe l'ụzo. Wo iya: “?Bụ nggụbedua, bụ mbyamubya-a; gbe emewa nụ t'ị tụru ẹphe ọnu iphe, ẹphe a-nọdu eme tọo.” Wo iya t'ọ kpịribekwaru ẹphe l'ụzo; ọdumeka bẹ ẹphe e-mekwa iya iphe ka ọphu ẹphe g'e-me ndu ọphu. Ẹphe enwube Lọ́tu ẹka ikike; l'enwu iya t'ẹphe gbakpọfu ibo ono.
Unwoke labụ ono amachịwaphu ẹka lọbata Lọ́tu l'ụlo; woru ibo ono gụ-chia. Ẹphe emee; iphe bụ ndu ono, vudokota l'ọnu ibo ono atsụlahaa ìshì: nwata mẹ ọgurenya; k'ọphu ẹphe ta phụhedu ọnu ibo ono.
Unwoke labụ ono ajị Lọ́tu: “?O nweru ndu ọdo, i nweru l'ẹke-a? ?O nweru ndu i keru nwanyi; ụnwu ngu ndu k'unwoke; ndu kẹ ụnwanyi; m'ọ kwanu ndu ọdo, bu lẹ mkpụkpu-wa, nggu l'ẹphe bụ abụbu. Tụkokwa ẹphe dufuta; l'ẹphe abyakwa omebyi ẹke-a. Lẹ mkpu, eechi anụ Ojejoje lẹ k'iphe, dụ ẹji ndu ẹke-a eme haakwa nshinu; k'ọphu o ziru ẹphe t'ẹphe bya emebyishia ya.”
Tọ dụ iya bụ; Lọ́tu atụgbua je ekfutsuaru iya ndu abya ọlu ụnwu iya; sụ ẹphe: “Unu mekwaa ẹgwegwa lụfu lẹ mkpụkpu-a; kẹle Ojejoje abyaakwa iya emebyishi.” Obenu lẹ ndu ọgo iya ono gbe rịle-ẹ l'ọo ụja bẹ ọobo.
Yo be lẹ gẹrigeri nchi-abọhu; ojozi ono achịshilahaa Lọ́tu ọku; sụ iya: “T'o mee ẹgwegwa duta nyee ya; mẹ ụnwu-mgbọko ono ẹphe ẹbo lụfu. Ọdumeka bẹ unu l'unu ha a-bụkwaru kpurupyata teke aa-nụ mkpụkpu-a aphụ.”
Lọ́tu ejeshia ome mgbụgbu; unwoke ono akpụta iya l'ẹka; kpụta nyee ya; mẹ ụnwu-mgbọko ẹbo phụ; kpụfu lẹ mkpụkpu ono; kẹle Ojejoje aphụru ẹphe imiko. Ẹphe alụfutatsulephu; onye lanụ asụ ẹphe t'ẹphe gbakwaa ọso ndzụ ẹphe! T'ẹphe ba aghakwa ẹnya l'azụ; ọphu ẹphe ejekwa ovudo evudo l'oghẹgu! T'ẹphe gbakwaru latsụa l'ugvu! Ọdumeka bẹ ẹphe a-bụkwaru kpurupyata!
Lọ́tu asụ ẹphe: “Wawakwa; ndu nwe mu nụ! Keshinu ọphu yẹbe nwozi unu tụbaru unu l'obu; unu ekoshiwa l'unu yeru iya obu; dzọwa iya ndzụ; bẹ ya ta agbaghekwa ala l'ugvu: kẹ l'ẹjo iphe-ẹhuka-a a-byakfutakwa iya; bya egbua ya. Unu lekwa mkpụkpu phụ, nọ l'ẹkaphu. Ẹ to tekwa ẹnya; tọ ba nwishi. Tẹ ya gbanụru laa l'ẹke ono ẹge ndzụ e-dzua ya rụ.”
Nwoke ono asụ iya: “L'ọ dụa mma. Lẹ ya te emebyishidu mkpụkpu ono, ookfu okfu iya ono; Ọ bụphu t'ọ gbachịlekwaphu lashia ya. L'ẹ to nwekwa iphe, ya eje ememe jeye teke ọ gbaruru ẹke ono.” Ọ bụ okfu lẹ Lọ́tu kfuru lẹ mkpụkpu ono ha nwanshị; meru iphe aawataru oku mkpụkpu ono Zówa.
Lọ́tu abya eru Zówa; ẹnyanwu-ahata-wa. Tọ dụ iya bụ; Ojejoje eshi l'imigwe chịa ọku nshị-egbe ọchi mini lẹ Sódomu mẹ Gọmóra. Yọ bụru ẹge ono b'o gude mebyishikota mkpụkpu ono; mẹ iphe, bụ nsụda, nọ iya nụ; mẹ iphe bụ ndu bu iya nụ; jeyekpo l'iphe bụ iphe, futaru efuta l'alị ono. Ya ndono; nyee Lọ́tu eje eworu ẹnya ghaa l'azụ; ghọo únú; gvuru l'ọ bụ itso.
Yo be l'ọnma-ẹwa ụtsu echile iya; Ébirihamu egbeshi lashia azụ l'eke, o shi nọduhawa Ojejoje l'ifu. Yọ nọdu l'ẹke ono lee ẹnya l'ụzo Sódomu mẹ Gọmóra; lekota ẹnya l'ụzo ọkpa ugvu ono. Iphe ọ phụru abụleruphu ẹnwuru-ọku, akpọ tụtutu l'ọ bụ ọ-tata-kfukfu ọku.
Obenu lẹ teke ono, Nchileke mebyishiru mkpụkpu, nọkota l'ụzo nsụda ono; b'ọ nyataru-a Ébirihamu; bya edufuta Lọ́tu l'ẹke ono, o shi buru teke ono, o gude ụmuruku bya ekpoo mkpụkpu ono okpo-ntụ ono.

A nọnyaa; Lọ́tu awata ọtsu egvu lẹ Zówa. Yo kwe tụgbua yẹle ụnwegirima ụnwanyi iya ono ẹphe ẹbo; je eburu l'ime ọgba. Yo be ujiku lanụ; onye k'ọgurenya l'ụnwegirima ono asụ onye kẹ nwata: “Lẹ nna ẹphe bụakwa ọgurenya; tọ bụ l'o nweru nwoke, nọ l'uswe iya ọwaa gbaa mgburumgburu, ẹphe l'iya a-zẹ, bụ ẹge emejekpo ya lẹ mgboko, gba mgburumgburu.” Wo iya t'ẹphe chee nna ẹphe ono mẹe. Teke o gudeleru iya phụ; ẹphe eje t'ẹphe l'iya zẹe; k'ọphu ẹphe e-shi ẹge ono mụta nwa t'ẹphe be ribuhu.
Yo be l'ẹnyashi iya; ẹphe abya echee nna ẹphe ono mẹe; yo gude iya. Onye k'ọgurenya ejekfushia ya yẹle iya azẹe. Ọphu nna iya ono amadụ teke ọ byaru bya azẹnyabe iya; tọ ma teke o gbeshiru.
Yo be echile iya; onye k'ọgurenya phụ asụ onye kẹ nwata: “Lẹ yẹle nna ẹphe zẹkwaru l'ẹnyashi. T'ẹphe chefukwaa ya phu mẹe l'ẹnyashi-a; nggu eje tẹ nggu l'iya zẹe; k'ọphu ẹphe e-shi ẹge ono mụta nwa; t'ẹphe be ribuhu.” Ẹphe eworu mẹe chee nna ẹphe ono l'ẹnyashi ono; yo gude iya. Onye kẹ nwata ejekfu iya yẹle iya azẹe. Ọphu nna iya ono amadụ teke ọ byaru bya azẹnyabe iya; tọ ma teke o gbeshiru.
Tọ dụ iya bụ lẹ Lọ́tu eyee ụnwegirima iya ono ime; ẹphe ẹbo. Onye k'ọgurenya abya amụa nwata nwoke; gụa ya Móabu. Yọ bụru Móabu ono bụ iphe, metaru ndu Móabu ntanụ. Onye kẹ nwata abya amụkwaaphu nwata nwoke; gụa ya Benu-Amị. Yọ bụru Benu-Amị bụ iphe, metaru ndu Amọnu ntanụ.

Listen to Mbụlembu 19