The Makua New Testament 2015

<div class="version vid1673 iso6393mgh" data-vid="1673" data-iso6393="mgh">
 <div class="book bkMRK">
 <div class="chapter ch15" data-usfm="MRK.15">
 <div class="label">15</div><div class="s">Yesu noorweehiya u Napilato</div><div class="r">(Mat 27:1-2, 11-14; Luk 23:1-5; Yoha 18:28-38)</div><div class="p"> 1Mapikoosha, opochera ishaani olhupalhe nkayaakumaanacha vamoka ni ashulhupalhe ni owiittuchiha Malhehero uwoopani ntemera. Nkayanttuka Yesu mittondoro cho yuuma ni unrweeha u Napilato. 2Napilato nkankoha &#8220;Phi inyu amwene a Ayahudi?&#8221;</div><div class="p">Yesu nkaakhulha, &#8220;Inyuva nhohimia.&#8221;</div><div class="p"> 3Opochera ishaani olhupalhe nkayaamotheriacha Yesu milhatu chinchi, 4Napilato ahonkoha tho, &#8220;Woonaka khannaakhulha? Mwiiweke chineera aya wo uriani milhatu chinchi!&#8221;</div><div class="p"> 5Yesu nkaamalha tho, aashangihaka Napilato.</div><div class="s">Yesu noohukumulhiya wiiviya</div><div class="r">(Mat 27:15-26; Luk 23:13-25; Yoha 18:39-19:16)</div><div class="p"> 6Kila nihuku no isikuukuu yo Pasaka, Napilato aari ni malhemalhelho o unthaphulha ntu ttukiye mmoka, aavekelhiye aya ni attu wiira athaphulhiye. 7Wo nenno nihuku nno ahawo ntu mmoka eehaniya Baraba, aattukiye vamoka ni attu o uwonya akina wo milhatu cho wiiva u njooveni. 8Attu enchi nkaarwaa uwaavekelhani Napilato apange thoko cheera aya wo ulhemalhelhihiya, 9Napilato nkayaakoha, &#8220;Mwaatti nnonthananani, kinhiyerereke mwene a Ayahudi?&#8221; 10Eera chiicho achuwelhaka wiira opochera ishaani olhupalhe ammanre Yesu wo umwonelha ihache.</div><div class="p"> 11Nansho opochera ishaani olhupalhe aari aachopeachaka attu wiira avekelhe uthaphulhiya wa Baraba. 12Nkaakoha tho Napilato waakoha attu eeraka, &#8220;Kimpangekeni etu, ulha ntu nnomwiihana inyu mwene a Ayahudi ulha?&#8221;</div><div class="p"> 13Attu onkhaye nkayaakhuwelhacha, &#8220;Akhomelhelhiye vansalaabani!&#8221;</div><div class="p"> 14Napilato nkayaakoha tho, &#8220;Wo nlhatu wani! Ttekilheni?&#8221; Nansho attu nkaathepa ukhuwelhacha, eeraka &#8220;Akhomelhelhiye vansalaabani!&#8221;</div><div class="p"> 15Napilato wo waateelhiha attu nrima, nkayanthaphulha Baraba. Nkaalhehera wiira Yesu aatiye ikopo ni urweehiya akhomelhelhiye.</div><div class="s">Manyaasikari anonheulhacha Yesu</div><div class="r">(Mat 27:27-31; Yoha 19:2-3)</div><div class="p"> 16Manyaasikari nkayammwia Yesu mpaka upuwani wa atawara ilhapo. Nkayeehana miphingo cha manyaasikari. 17Nkayankhunelha Yesu ikuwo ye imwene, ni ukoorosha mphumburu wo miiwa ni ummwariha mmuruni. 18Nkayanramuchira, &#8220;Moyoo, Amwene a Ayahudi!&#8221; 19Nkayaamwaatakacha mmuruni ni nthalhe, nkayanshuwelha ishenye ni unkhoromelha eepangaka unthimicha. 20Yamalhiheke unheulhacha, nkayanrulha ikuwo ye imwene ni ummwariha tho ikuwo chawe. Nkayaathama ni unrweeha unkhomelhelhani vansalaabani.</div><div class="s">Yesu nookhomelhelhiya vansalaabani</div><div class="r">(Mat 27:32-44; Luk 23:26-43; Yoha 19:17-27)</div><div class="p"> 21Mphironi nkaakumaaniya ntu mmoka eehaniya Simoni ntu nnenchi o Ukirene aakhuma umatani. Nkayankhanyereriha wiira ankavihe Yesu ukusha nsalaaba. Yoyo aari athumwanaya Naalekizanda ni Naruufo. 22Nkayanvelhelha Yesu mpaka vakittu veehaniya Gologota, maana aya &#8220;Nikhurukucha no Muru.&#8221; 23Wowo nkayammaha idivai yaathakanihiye nrete wo uhapalha weehaniya manemane, nansho Yesu khaawunrie. 24Paahi etu nkayankhomelhelha vansalaabani, nkayaakusha ikuwo chawe ni ukawana wo woopa ikhura. 25Yeyo yaari saa tatu wichishu vaakhomelhelhiye awe vansalaabani. 26Nkayaalhepa nlhatu no wiiviya wawe niiraka &#8220;Mwene a Ayahudi.&#8221; 27Vamoka ni uyo ahokhomelhelhiya attu elhi tho, yaari attu o uvara makhuche, mmoka wiimonono ni nkina wiimushi.</div><div class="p"> 28-29Attu yaavira mphironi, ni ayo nkayeewiya anruwanaka apukhunyachaka miuru eeraka, &#8220;Inyu! o uphomolha Inupa ya Nlhuku ni utheka tho wo mahuku mararu! 30Nkhuruweke etu vansalaabani vawo, mwiichopolheke mwaanene!&#8221;</div><div class="p"> 31Ni ayo opochera ishaani olhupalhe ni owiittuchiha Malhehero a ashinna Musa ahonheulhacha eeraka, &#8220;Ahooria woopolha akina, nansho khanooria wiichoopolha mwaneneru! 32Nngwe nimwone vano eepanga Kuristo Moopolhi, mwene a Ayahudi vanokhuruwa awe vansalaabani, noone etu ninrumelhelhe!&#8221;</div><div class="p">Ata ni ayo elhi aakhomelhelhiye vamoka ni Yesu ayo, ni ayo ahonruwanakacha.</div><div class="s">Yesu nookhwa vansalaabani</div><div class="r">(Mat 27:45-56; Luk 23:44-49; Yoha 19:28-30)</div><div class="p"> 33Toka saa sita uthana mpaka saa tisa, ilhapo yonkhaye nkayaakelhia ipiphi. 34Saa tisa uthana, Yesu nkaakhuwelha eeraka, &#8220;Eloi, Eloi, lama sabakthani?&#8221; Maana aya &#8220;Nlhuku aka, Nlhuku aka, woonaka nnookihiya?&#8221; 35Attu akina eemenlhe vavawo ayo nkayaamwiwa, nkeera, &#8220;Mmwiiweke, neehana Naeliya.&#8221; 36Ntu mmoka nkaattimakacha ni ukusha ntapwata naatapwihiye nrete wo utipiha uweria ni ummaha Yesu munthalheni eeraka, &#8220;Haya noone yakhalhaka Naeliya anowa ukurushani vansalaabani.&#8221;</div><div class="p"> 37Yesu nkaakhuwelha, nkaahiya nrima.</div><div class="p"> 38Nipaziya nulhupalhe naatukelhelhiye u Inupa ya Nlhuku, nkanaahuwa velhi nchulhu mpaka vathi. 39Nholhelhi a manyaasikari eemenlhe vachereshere nsalaaba ahomwoona Yesu vaakhwa awe, ni uyo nkeera, &#8220;Wo ikekhiaye yolha ntu ulha aari Mwaana a Nlhuku!&#8221;</div><div class="p"> 40Ahaawo manyopani eemenlhe, awehaka utayi utayi. Amoka aya aari Amariamu Magidalena, Nasalome, Amariamu anumwanaya Nayakhobo akani ni Nayose. 41Alha phi aari manyopani anttukannne Yesu munkwahani toka vaari awe Ugalilaya ankavihaka mitheko. Ni manyopani akina enchi yaari aawilhe vamoka ni uyo Uyerusalemu.</div><div class="s">Yesu noovithiya</div><div class="r">(Mat 27:57-61; Luk 23:50-56; Yoha 19:38-42)</div><div class="p"> 42Vavawo yaari uchechilho. Ni nihuku nenenno naari no wiicheesha rata wo Nihuku no Wiittuwa naawa meelho aya. 43Nkaawa Nayusufu ntu Uarimathaya, ntu aarumelhelhiya ni attu chinene. Yoyo aari ntu aaweherera uwa wo Imwene ya Nlhuku. Wo uhoova nkaarwa u Napilato ulhepelhani iruttu ya Yesu. 44Napilato nkayaashanga chinene veewilhe aya wiira Yesu hokhwa. Nkaamwiihana nholhelhi a manyaasikari ni unkoherera yakhalhaka Yesu hokhwa kataashi. 45Veewilhe awe wiira Yesu hokhwa kataashiru, nkaahiyera Nayusufu wiira akushe iruttu ya Yesu.</div><div class="p"> 46Paahi, nkayaathuma isaanda yo hariri ni ukurusha iruttu ya Yesu vansalaabani, ni uvilhikelha. Nkaavitha iruttu iyo nnihiyeni mwaahemiye vamwalhani. Nkayaakhunelha nlhuku vanlhakoni. 47Amariamu Magidalena ni Amariamu anumwanaya Nayose nkayoona veeshiye aya iruttu ya Yesu.</div>
 </div>
 </div>
</div>

Mapikoosha, opochera ishaani olhupalhe nkayaakumaanacha vamoka ni ashulhupalhe ni owiittuchiha Malhehero uwoopani ntemera. Nkayanttuka Yesu mittondoro cho yuuma ni unrweeha u Napilato. Napilato nkankoha “Phi inyu amwene a Ayahudi?”
Yesu nkaakhulha, “Inyuva nhohimia.”
Opochera ishaani olhupalhe nkayaamotheriacha Yesu milhatu chinchi, Napilato ahonkoha tho, “Woonaka khannaakhulha? Mwiiweke chineera aya wo uriani milhatu chinchi!”
Yesu nkaamalha tho, aashangihaka Napilato.


Kila nihuku no isikuukuu yo Pasaka, Napilato aari ni malhemalhelho o unthaphulha ntu ttukiye mmoka, aavekelhiye aya ni attu wiira athaphulhiye. Wo nenno nihuku nno ahawo ntu mmoka eehaniya Baraba, aattukiye vamoka ni attu o uwonya akina wo milhatu cho wiiva u njooveni. Attu enchi nkaarwaa uwaavekelhani Napilato apange thoko cheera aya wo ulhemalhelhihiya, Napilato nkayaakoha, “Mwaatti nnonthananani, kinhiyerereke mwene a Ayahudi?” Eera chiicho achuwelhaka wiira opochera ishaani olhupalhe ammanre Yesu wo umwonelha ihache.
Nansho opochera ishaani olhupalhe aari aachopeachaka attu wiira avekelhe uthaphulhiya wa Baraba. Nkaakoha tho Napilato waakoha attu eeraka, “Kimpangekeni etu, ulha ntu nnomwiihana inyu mwene a Ayahudi ulha?”
Attu onkhaye nkayaakhuwelhacha, “Akhomelhelhiye vansalaabani!”
Napilato nkayaakoha tho, “Wo nlhatu wani! Ttekilheni?” Nansho attu nkaathepa ukhuwelhacha, eeraka “Akhomelhelhiye vansalaabani!”
Napilato wo waateelhiha attu nrima, nkayanthaphulha Baraba. Nkaalhehera wiira Yesu aatiye ikopo ni urweehiya akhomelhelhiye.


Manyaasikari nkayammwia Yesu mpaka upuwani wa atawara ilhapo. Nkayeehana miphingo cha manyaasikari. Nkayankhunelha Yesu ikuwo ye imwene, ni ukoorosha mphumburu wo miiwa ni ummwariha mmuruni. Nkayanramuchira, “Moyoo, Amwene a Ayahudi!” Nkayaamwaatakacha mmuruni ni nthalhe, nkayanshuwelha ishenye ni unkhoromelha eepangaka unthimicha. Yamalhiheke unheulhacha, nkayanrulha ikuwo ye imwene ni ummwariha tho ikuwo chawe. Nkayaathama ni unrweeha unkhomelhelhani vansalaabani.


Mphironi nkaakumaaniya ntu mmoka eehaniya Simoni ntu nnenchi o Ukirene aakhuma umatani. Nkayankhanyereriha wiira ankavihe Yesu ukusha nsalaaba. Yoyo aari athumwanaya Naalekizanda ni Naruufo. Nkayanvelhelha Yesu mpaka vakittu veehaniya Gologota, maana aya “Nikhurukucha no Muru.” Wowo nkayammaha idivai yaathakanihiye nrete wo uhapalha weehaniya manemane, nansho Yesu khaawunrie. Paahi etu nkayankhomelhelha vansalaabani, nkayaakusha ikuwo chawe ni ukawana wo woopa ikhura. Yeyo yaari saa tatu wichishu vaakhomelhelhiye awe vansalaabani. Nkayaalhepa nlhatu no wiiviya wawe niiraka “Mwene a Ayahudi.” Vamoka ni uyo ahokhomelhelhiya attu elhi tho, yaari attu o uvara makhuche, mmoka wiimonono ni nkina wiimushi.
Attu yaavira mphironi, ni ayo nkayeewiya anruwanaka apukhunyachaka miuru eeraka, “Inyu! o uphomolha Inupa ya Nlhuku ni utheka tho wo mahuku mararu! Nkhuruweke etu vansalaabani vawo, mwiichopolheke mwaanene!”
Ni ayo opochera ishaani olhupalhe ni owiittuchiha Malhehero a ashinna Musa ahonheulhacha eeraka, “Ahooria woopolha akina, nansho khanooria wiichoopolha mwaneneru! Nngwe nimwone vano eepanga Kuristo Moopolhi, mwene a Ayahudi vanokhuruwa awe vansalaabani, noone etu ninrumelhelhe!”
Ata ni ayo elhi aakhomelhelhiye vamoka ni Yesu ayo, ni ayo ahonruwanakacha.


Toka saa sita uthana mpaka saa tisa, ilhapo yonkhaye nkayaakelhia ipiphi. Saa tisa uthana, Yesu nkaakhuwelha eeraka, “Eloi, Eloi, lama sabakthani?” Maana aya “Nlhuku aka, Nlhuku aka, woonaka nnookihiya?” Attu akina eemenlhe vavawo ayo nkayaamwiwa, nkeera, “Mmwiiweke, neehana Naeliya.” Ntu mmoka nkaattimakacha ni ukusha ntapwata naatapwihiye nrete wo utipiha uweria ni ummaha Yesu munthalheni eeraka, “Haya noone yakhalhaka Naeliya anowa ukurushani vansalaabani.”
Yesu nkaakhuwelha, nkaahiya nrima.
Nipaziya nulhupalhe naatukelhelhiye u Inupa ya Nlhuku, nkanaahuwa velhi nchulhu mpaka vathi. Nholhelhi a manyaasikari eemenlhe vachereshere nsalaaba ahomwoona Yesu vaakhwa awe, ni uyo nkeera, “Wo ikekhiaye yolha ntu ulha aari Mwaana a Nlhuku!”
Ahaawo manyopani eemenlhe, awehaka utayi utayi. Amoka aya aari Amariamu Magidalena, Nasalome, Amariamu anumwanaya Nayakhobo akani ni Nayose. Alha phi aari manyopani anttukannne Yesu munkwahani toka vaari awe Ugalilaya ankavihaka mitheko. Ni manyopani akina enchi yaari aawilhe vamoka ni uyo Uyerusalemu.


Vavawo yaari uchechilho. Ni nihuku nenenno naari no wiicheesha rata wo Nihuku no Wiittuwa naawa meelho aya. Nkaawa Nayusufu ntu Uarimathaya, ntu aarumelhelhiya ni attu chinene. Yoyo aari ntu aaweherera uwa wo Imwene ya Nlhuku. Wo uhoova nkaarwa u Napilato ulhepelhani iruttu ya Yesu. Napilato nkayaashanga chinene veewilhe aya wiira Yesu hokhwa. Nkaamwiihana nholhelhi a manyaasikari ni unkoherera yakhalhaka Yesu hokhwa kataashi. Veewilhe awe wiira Yesu hokhwa kataashiru, nkaahiyera Nayusufu wiira akushe iruttu ya Yesu.
Paahi, nkayaathuma isaanda yo hariri ni ukurusha iruttu ya Yesu vansalaabani, ni uvilhikelha. Nkaavitha iruttu iyo nnihiyeni mwaahemiye vamwalhani. Nkayaakhunelha nlhuku vanlhakoni. Amariamu Magidalena ni Amariamu anumwanaya Nayose nkayoona veeshiye aya iruttu ya Yesu.

Listen to Namako 15