Ngindo New Testament © The Word For The World, 2015 - Ngindo Audio New Testament © DPI 2016.

Lilagano Liyono ku Bandu Boa

<div class="version vid1674 iso6393nnq" data-vid="1674" data-iso6393="nnq">
 <div class="book bkMRK">
 <div class="chapter ch2" data-usfm="MRK.2">
 <div class="label">2</div><div class="s">Yesu annamia mundu ojwapolite mmele</div><div class="r">(Matayo 9:1-8; Luka 5:17-26)</div><div class="p"> 1Machoba majingije, Yesu ngabuja kabele Kukafalanaumu, bandu ngabajoa kutenda abi kachakwe. 2Bandu ajingi ngabakongana kwenio kabe kiigije chumbi changa bandu, mpaka panniango na panja poa. Kwenio Yesu ngabatangachila Nhwalo Gwambone. 3Bandu akancheche ngabaika bampotwi mundu ojwapolite mmele gwoa ngabanneta kwa Yesu. 4Kwa magambu ga bandu ajingi, baotwije kumpeleka unyumba mwakiba Yesu, penia ngabapojo pikinyanga kipola na Yesu, ngabanhuluya mundu jwenio bang'onike pilikai. 5Yesu apaibona imani yabe, ngannenge mundu jwenio, ojwapolite, &#8220;Manango, mabaja ginu galekekiigwe.&#8221;</div><div class="p"> 6Bange akaboli ba Malagilo ga Musa, abatamangite penia ngabawacha mumyojo jabe, 7&#8220;Alongebo yene? Antukana Nnoongo! Abije mundu jwaotwi kulekekeya mabaja, Nnoongo tu nga ojwaotwile!&#8221;</div><div class="p"> 8Kingobu chenie Yesu ngamanya mawacho gabe, ngabakonya, &#8220;Mboni nhwachanga genia mumyojo jinu? 9Kini chikibi kindema muno kunnenge mundu ojwapolite, &#8216;Nnekekiigwe mabaja ginu?&#8217; Andaje &#8216;Kunnenge nnyinuke, ntole likai linu nnyabule&#8217;? 10Nampala mmanyange kutenda, Mwana jwa Mundu akweti kinala cha kalekekeya bandu mabaja gabe pannema.&#8221; Penia ngannenge mundu ojwapolite, 11&#8220;Na nnenge, nnyeme, ntole likai linu nnyabu kachinu!&#8221;</div><div class="p"> 12Kingobu bandu boa bakannolekea, mundu jwenio ngajinuka, ngatola likai lyakwe, ngajabula. Bandu boa ngabaomongwa ngabannumba Nnoongo, ngabalenga, &#8220;Tanalolaje kilebe andi eche!&#8221;</div><div class="s">Yesu ankema Lawi</div><div class="r">(Matayo 9:9-13; Luka 5:27-32)</div><div class="p"> 13Yesu ngajenda kabele umbwega ji lilaba elikonda Galilaya. Bandu ajingi ngabannyendelela na ngababolanga. 14Kingobu apapeta, ngammona ntocha kodi ojwakemigwa Lawi, mwana jwa Alufayo, atamite panyumba ju kutocha kodi. Yesu ngannenge, &#8220;Ungengame.&#8221; Lawi ngajinuka ngankengama.</div><div class="p"> 15Kuboka penia, Yesu apakiba akalya chakulya, kachakwe Lawi. Akatocha kodi ajingi na bina mabaja ngabankengama Yesu na bange ngababe bakalya pamwe na akinapunji bakwe. 16Bange akaboli ba Malagilo ga Musa, abakonda Mafalisayo, apabammona Yesu akalya pamwe na bandu bina malemwa na akatocha kodi ngabakonya akinapunji bakwe, &#8220;Mboni alye pamwe na akatocha kodi na bandu bina malemwa?&#8221;</div><div class="p"> 17Yesu ngabajanga kulenga, &#8220;Bandu banga itamwe kunkemaje nng'anga, abankema nng'anga akatamwe. Nhikila kakema bandu ababikibona kube bamboneje, nambu nhikila kakema bina mabaja.&#8221;</div><div class="s">Nhwalo gu kupunga</div><div class="r">(Matayo 9:14-17; Luka 5:33-39)</div><div class="p"> 18Akinapunji ba Yohana Mmatichi na akinapunji ba Mafalisayo batenda kupunganga. Bandu bange ngabaikanga, ngabankonya Yesu. &#8220;Mboni akinapunji ba Yohana Mmatichi na ba Mafalisayo batenda kupunganga, nambu akinapunji binu babi kupungaje?&#8221;</div><div class="p"> 19Yesu ngajanga, &#8220;Bo, bandu abakokigwe kumpapala gukutola akege bapaligwa kupunga kingobu akoano babi pamwe nabo? Mangobu pababe pamwe na akoano ipaligwije kupunga. 20Nambu, makiika kingobu akoano bapakuboigwa penia nga apabapaligwa kupunga.</div><div class="p"> 21&#8220;Abije mundu ojwabeka kibamba cha ngobo nhyono mungobo ng'ona, mmanya kibamba kiyono kibakupapu ngobo ng'ona, nu kujonjakea lilanga. 22Abije mundu ojwajela divai nhyono mukitumba kigona, gambu anda atei yene, divai jibakupachula kitumba chenie na divai jipakualabika, ipaligwa divai nhyono kubeka mukitumba kiyono.&#8221;</div><div class="s">Ukonya nhwalo gwa Lichoba li Kupomolela</div><div class="r">(Matayo 12:1-8; Luka 6:1-5)</div><div class="p"> 23Lichoba limwe li Kupomolela, Yesu na akinapunji bakwe apeta mumigonda ja ngano, undela akinapunji bakwe ngabatumbu kuchwamu myejo ja ngano. 24Mafalisayo pababonanga ngabankonya Yesu, &#8220;Mboni akinapunji binu batendanga gangapaligwa Lichoba li Kupomolela?&#8221; Nno ote!</div><div class="p"> 25Yesu ngabajanga, &#8220;Bo nchomangitije patenda Daudi nakajakwe apabakiba na njala? 26Daudi ngajingi unyumba ja Nnoongo, ngalye mikate ejibekigwe lilumbo likunnumba Nnoongo. Genia gapitila kingobu Abiasali apakiba Nkung'i nkolongwa. Malagilo galenga Nkung'i tu ojwapaligwe kulye mikate jenie. Nambu ngalye Daudi uyo ngabape bandu bakwe.&#8221;</div><div class="p"> 27Yesu ngalenga &#8220;Lichoba li Kupomolela libekigwe magambu ga bandu, na bandu babekigweje magambu gu Lichoba likupomolela. 28Yene, Mwana jwa Mundu akweti uwecho ata Lichoba li Kupomolela!&#8221;</div>
 </div>
 </div>
</div>

Ngindo New Testament © The Word For The World, 2015.

Machoba majingije, Yesu ngabuja kabele Kukafalanaumu, bandu ngabajoa kutenda abi kachakwe. Bandu ajingi ngabakongana kwenio kabe kiigije chumbi changa bandu, mpaka panniango na panja poa. Kwenio Yesu ngabatangachila Nhwalo Gwambone. Bandu akancheche ngabaika bampotwi mundu ojwapolite mmele gwoa ngabanneta kwa Yesu. Kwa magambu ga bandu ajingi, baotwije kumpeleka unyumba mwakiba Yesu, penia ngabapojo pikinyanga kipola na Yesu, ngabanhuluya mundu jwenio bang'onike pilikai. Yesu apaibona imani yabe, ngannenge mundu jwenio, ojwapolite, “Manango, mabaja ginu galekekiigwe.”
Bange akaboli ba Malagilo ga Musa, abatamangite penia ngabawacha mumyojo jabe, “Alongebo yene? Antukana Nnoongo! Abije mundu jwaotwi kulekekeya mabaja, Nnoongo tu nga ojwaotwile!”
Kingobu chenie Yesu ngamanya mawacho gabe, ngabakonya, “Mboni nhwachanga genia mumyojo jinu? Kini chikibi kindema muno kunnenge mundu ojwapolite, ‘Nnekekiigwe mabaja ginu?’ Andaje ‘Kunnenge nnyinuke, ntole likai linu nnyabule’? Nampala mmanyange kutenda, Mwana jwa Mundu akweti kinala cha kalekekeya bandu mabaja gabe pannema.” Penia ngannenge mundu ojwapolite, “Na nnenge, nnyeme, ntole likai linu nnyabu kachinu!”
Kingobu bandu boa bakannolekea, mundu jwenio ngajinuka, ngatola likai lyakwe, ngajabula. Bandu boa ngabaomongwa ngabannumba Nnoongo, ngabalenga, “Tanalolaje kilebe andi eche!”


Yesu ngajenda kabele umbwega ji lilaba elikonda Galilaya. Bandu ajingi ngabannyendelela na ngababolanga. Kingobu apapeta, ngammona ntocha kodi ojwakemigwa Lawi, mwana jwa Alufayo, atamite panyumba ju kutocha kodi. Yesu ngannenge, “Ungengame.” Lawi ngajinuka ngankengama.
Kuboka penia, Yesu apakiba akalya chakulya, kachakwe Lawi. Akatocha kodi ajingi na bina mabaja ngabankengama Yesu na bange ngababe bakalya pamwe na akinapunji bakwe. Bange akaboli ba Malagilo ga Musa, abakonda Mafalisayo, apabammona Yesu akalya pamwe na bandu bina malemwa na akatocha kodi ngabakonya akinapunji bakwe, “Mboni alye pamwe na akatocha kodi na bandu bina malemwa?”
Yesu ngabajanga kulenga, “Bandu banga itamwe kunkemaje nng'anga, abankema nng'anga akatamwe. Nhikila kakema bandu ababikibona kube bamboneje, nambu nhikila kakema bina mabaja.”


Akinapunji ba Yohana Mmatichi na akinapunji ba Mafalisayo batenda kupunganga. Bandu bange ngabaikanga, ngabankonya Yesu. “Mboni akinapunji ba Yohana Mmatichi na ba Mafalisayo batenda kupunganga, nambu akinapunji binu babi kupungaje?”
Yesu ngajanga, “Bo, bandu abakokigwe kumpapala gukutola akege bapaligwa kupunga kingobu akoano babi pamwe nabo? Mangobu pababe pamwe na akoano ipaligwije kupunga. Nambu, makiika kingobu akoano bapakuboigwa penia nga apabapaligwa kupunga.
“Abije mundu ojwabeka kibamba cha ngobo nhyono mungobo ng'ona, mmanya kibamba kiyono kibakupapu ngobo ng'ona, nu kujonjakea lilanga. Abije mundu ojwajela divai nhyono mukitumba kigona, gambu anda atei yene, divai jibakupachula kitumba chenie na divai jipakualabika, ipaligwa divai nhyono kubeka mukitumba kiyono.”


Lichoba limwe li Kupomolela, Yesu na akinapunji bakwe apeta mumigonda ja ngano, undela akinapunji bakwe ngabatumbu kuchwamu myejo ja ngano. Mafalisayo pababonanga ngabankonya Yesu, “Mboni akinapunji binu batendanga gangapaligwa Lichoba li Kupomolela?” Nno ote!
Yesu ngabajanga, “Bo nchomangitije patenda Daudi nakajakwe apabakiba na njala? Daudi ngajingi unyumba ja Nnoongo, ngalye mikate ejibekigwe lilumbo likunnumba Nnoongo. Genia gapitila kingobu Abiasali apakiba Nkung'i nkolongwa. Malagilo galenga Nkung'i tu ojwapaligwe kulye mikate jenie. Nambu ngalye Daudi uyo ngabape bandu bakwe.”
Yesu ngalenga “Lichoba li Kupomolela libekigwe magambu ga bandu, na bandu babekigweje magambu gu Lichoba likupomolela. Yene, Mwana jwa Mundu akweti uwecho ata Lichoba li Kupomolela!”

Listen to Maluko 2