Iban - Today's Iban Version (NT)

<div class="version vid171 iso6393iba" data-vid="171" data-iso6393="iba">
 <div class="book bkACT">
 <div class="chapter ch11" data-usfm="ACT.11">
 <div class="label">11</div><div class="s">Peter Madahka Pengawa Diri Ngagai Gerija Di Jerusalem</div><div class="p"> 1Sida rasul enggau orang ke arap#11.1 Gerika: bala menyadi di menua Judea ninga pasal orang bansa bukai udah mega nerima jaku Allah Taala. 2Nya alai lebuh Peter mansang ngagai Jerusalem, orang Judah ke udah ditutus ngutuk iya. 3Ku sida, &#8220;Nama kebuah nuan nemuai ngagai orang ke enda ditutus lalu makai enggau sida?&#8221; 4#SKR 10.1-48. Peter lalu nerangka ngagai sida, berengkah ari pun. Ku iya,</div><div class="p"> 5&#8220;Lebuh aku besampi di nengeri Jopa, aku begenera. Dalam genera nya aku meda siti utai nurun ari langit, baka kain ti besai, ti diulurka ari langit ngena empat iti sukut iya, lalu datai semak aku. 6Lebuh aku nilik ke dalam, aku tepedaka jelu tupi, enggau jelu babas, ular enggau burung dalam kain nya. 7Aku mega ninga nyawa bejaku ngagai aku, &#8216;Angkat, Peter, bunuh lalu empa!&#8217; 8Tang ku aku nyaut, &#8216;Enggai aku, Tuhan; laban nadai utai ti enda tuchi, tauka kamah, udah kala tama nyawa aku.&#8217; 9Tang nyawa nya lalu nyaut kedua kali ari langit, &#8216;Utai ti udah dituchi Allah Taala, anang nuan ngumbai iya enda tuchi.&#8217; 10Utai nya nyadi tiga kali. Udah nya, utai nya lalu ditarit pulai baru ke langit. 11Ba urung maya nya orang tiga iku ke dikirumka ngagai aku ari Sesarea datai ba rumah ti alai kami #11.11 Sekeda salin: aku diau. 12Roh Kudus ngasuh aku bejalai enggau sida enggau enda bepilih mata.#11.12 enda bepilih mata; Tauka: enggau enda kakang ati Sida enam iku ke arap mega nyempulang aku, lalu kami tama ngagai rumah orang nya. 13Orang nya lalu madahka ngagai kami pasal iyai ke meda siku melikat bediri dalam rumah iya lalu bejaku, &#8216;Asuh orang mansang ngagai Jopa, ngambi Simon ke dikumbai Peter. 14Iya deka madahka pesan ngagai nuan ti deka nyelamatka nuan enggau semua kita sebilik.&#8217; 15Lebuh aku belabuh bejaku, Roh Kudus nurun atas sida, baka ti nyadi ba kitai ba pun iya suba. 16#SKR 1.5. Aku lalu teingatka jaku Tuhan, jalai Iya bejaku, &#8216;John maptisa ngena ai, tang kita deka dibaptisa ngena Roh Kudus.&#8217; 17Nya alai, enti Allah Taala meri sida pemeri baka ti diberi Iya ngagai kitai lebuh kitai arapka Tuhan Jesus Kristus, baka ni ku aku ulih nagang Allah Taala?&#8221;</div><div class="p"> 18Lebuh sida ninga nya, sida lalu badu agi ngutuk iya. Sida lalu muji Allah Taala, ku sida, &#8220;Allah Taala udah mega meri ngagai orang bansa bukai peluang nesal ati lalu idup!&#8221;</div><div class="s">Gerija Di Antiok</div><div class="p"> 19 # 
 SKR 8.1-4. Sekeda sida ke pambar pendiau ketegal kena perinsa udah bekau Stepen dibunuh, bejalai nyentuk ngagai Poenisia, Saiprus, enggau Antiok, nusui pesan, tang semina ngagai orang Judah aja. 20Tang sekeda ari bala sida nya orang ke datai ari Saiprus enggau ari Sairin. Lebuh sida datai di Antiok, sida mega nusui Berita Manah pasal Tuhan Jesus Kristus ngagai orang bansa bukai. #11.20 orang bansa bukai; Sekeda salin: orang Judah ke bejaku ngena jaku Gerika 21Kuasa Tuhan bisi enggau sida, lalu mayuh orang arap lalu nguingka diri ngagai Tuhan.</div><div class="p"> 22Berita pasal tu bisi didinga eklisia di Jerusalem. Sida lalu ngasuh Barnabas ke Antiok. 23Lebuh iya datai di Antiok, lalu meda berekat Allah Taala, iya gaga amat ati, lalu iya meransang semua sida meruan tetap ati ngagai Tuhan enggau pengabis ati sida, 24laban iya orang ke manah, ke penuh laban Roh Kudus enggau pengarap. Mayuh amat orang dibai ngagai Tuhan.</div><div class="p"> 25Udah nya Barnabas mupuk ngagai Tarsus, ngiga Saul. 26Lebuh iya udah tetemuka Saul, iya lalu mai Saul ngagai Antiok. Seduai iya betemu enggau raban eklisia, sereta ngajar mayuh orang setaun penuh. Antiok nya meh endur alai bala murid terubah dikumbai Kristian.</div><div class="p"> 27Ba urung maya nya, sida nabi bisi datai ari Jerusalem ngagai Antiok. 28#SKR 21.10. Siku ari sida, ke benama Agabus, bediri lalu bejaku ulih kuasa Roh Kudus, madahka lapar pungkang deka nyadi di serata dunya. (Utai nya nyadi lebuh Klaudius nyadi Raja Besai.) 29Sida murid lalu meri pemutus penemu deka ngasuh genap iku orang ngirumka tulung, nitihka penyampau ti ulih diberi sida siku-siku, ngagai sida ke arap#11.29 Gerika: bala menyadi di Judea. 30Sida lalu ngereja nya, lalu ngasuh Barnabas seduai Saul mai tulung nya ngagai bala tuai eklisia.</div>
 </div>
 </div>
</div>

Sida rasul enggau orang ke arap di menua Judea ninga pasal orang bansa bukai udah mega nerima jaku Allah Taala. Nya alai lebuh Peter mansang ngagai Jerusalem, orang Judah ke udah ditutus ngutuk iya. Ku sida, “Nama kebuah nuan nemuai ngagai orang ke enda ditutus lalu makai enggau sida?” Peter lalu nerangka ngagai sida, berengkah ari pun. Ku iya,
“Lebuh aku besampi di nengeri Jopa, aku begenera. Dalam genera nya aku meda siti utai nurun ari langit, baka kain ti besai, ti diulurka ari langit ngena empat iti sukut iya, lalu datai semak aku. Lebuh aku nilik ke dalam, aku tepedaka jelu tupi, enggau jelu babas, ular enggau burung dalam kain nya. Aku mega ninga nyawa bejaku ngagai aku, ‘Angkat, Peter, bunuh lalu empa!’ Tang ku aku nyaut, ‘Enggai aku, Tuhan; laban nadai utai ti enda tuchi, tauka kamah, udah kala tama nyawa aku.’ Tang nyawa nya lalu nyaut kedua kali ari langit, ‘Utai ti udah dituchi Allah Taala, anang nuan ngumbai iya enda tuchi.’ Utai nya nyadi tiga kali. Udah nya, utai nya lalu ditarit pulai baru ke langit. Ba urung maya nya orang tiga iku ke dikirumka ngagai aku ari Sesarea datai ba rumah ti alai kami diau. Roh Kudus ngasuh aku bejalai enggau sida enggau enda bepilih mata. Sida enam iku ke arap mega nyempulang aku, lalu kami tama ngagai rumah orang nya. Orang nya lalu madahka ngagai kami pasal iyai ke meda siku melikat bediri dalam rumah iya lalu bejaku, ‘Asuh orang mansang ngagai Jopa, ngambi Simon ke dikumbai Peter. Iya deka madahka pesan ngagai nuan ti deka nyelamatka nuan enggau semua kita sebilik.’ Lebuh aku belabuh bejaku, Roh Kudus nurun atas sida, baka ti nyadi ba kitai ba pun iya suba. Aku lalu teingatka jaku Tuhan, jalai Iya bejaku, ‘John maptisa ngena ai, tang kita deka dibaptisa ngena Roh Kudus.’ Nya alai, enti Allah Taala meri sida pemeri baka ti diberi Iya ngagai kitai lebuh kitai arapka Tuhan Jesus Kristus, baka ni ku aku ulih nagang Allah Taala?”
Lebuh sida ninga nya, sida lalu badu agi ngutuk iya. Sida lalu muji Allah Taala, ku sida, “Allah Taala udah mega meri ngagai orang bansa bukai peluang nesal ati lalu idup!”

Sekeda sida ke pambar pendiau ketegal kena perinsa udah bekau Stepen dibunuh, bejalai nyentuk ngagai Poenisia, Saiprus, enggau Antiok, nusui pesan, tang semina ngagai orang Judah aja. Tang sekeda ari bala sida nya orang ke datai ari Saiprus enggau ari Sairin. Lebuh sida datai di Antiok, sida mega nusui Berita Manah pasal Tuhan Jesus Kristus ngagai orang bansa bukai. Kuasa Tuhan bisi enggau sida, lalu mayuh orang arap lalu nguingka diri ngagai Tuhan.
Berita pasal tu bisi didinga eklisia di Jerusalem. Sida lalu ngasuh Barnabas ke Antiok. Lebuh iya datai di Antiok, lalu meda berekat Allah Taala, iya gaga amat ati, lalu iya meransang semua sida meruan tetap ati ngagai Tuhan enggau pengabis ati sida, laban iya orang ke manah, ke penuh laban Roh Kudus enggau pengarap. Mayuh amat orang dibai ngagai Tuhan.
Udah nya Barnabas mupuk ngagai Tarsus, ngiga Saul. Lebuh iya udah tetemuka Saul, iya lalu mai Saul ngagai Antiok. Seduai iya betemu enggau raban eklisia, sereta ngajar mayuh orang setaun penuh. Antiok nya meh endur alai bala murid terubah dikumbai Kristian.
Ba urung maya nya, sida nabi bisi datai ari Jerusalem ngagai Antiok. Siku ari sida, ke benama Agabus, bediri lalu bejaku ulih kuasa Roh Kudus, madahka lapar pungkang deka nyadi di serata dunya. (Utai nya nyadi lebuh Klaudius nyadi Raja Besai.) Sida murid lalu meri pemutus penemu deka ngasuh genap iku orang ngirumka tulung, nitihka penyampau ti ulih diberi sida siku-siku, ngagai sida ke arap di Judea. Sida lalu ngereja nya, lalu ngasuh Barnabas seduai Saul mai tulung nya ngagai bala tuai eklisia.

Listen to Kereja Rasul 11