If you have would like a copy of this version please contact info@davaraudiobibles.org

Tumbuka Bible

<div class="version vid1961 iso6393tum" data-vid="1961" data-iso6393="tum">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s">Abramu wakupatukana na Loti</div><div class="p"> 1Abramu wakafuma mu Eguputo kuruta ku mwera kwa Kanani, iyo na muwoli wakhe, na vyose ivyo waka&#373;a navyo. Loti nayo wakaruta nawo pamoza. 2Abramu waka&#373;a musambazi chomene. Iyo waka&#373;a na vyaku&#373;eta vinandi, siliva na golide. 3Abramu wakarutilira kwenda kufuma ku mwera kwa Kanani mpaka wakaya kafika ku Betele, ku malo kura wakajintha hema lakhe pakudanga pakati pa Betele na Ayi, 4apo pakudanga wakazenga jochero. Kwenekura Abramu wakasopa Fumu.</div><div class="p"> 5Loti nayo, mweneuyo wakendanga na Abramu, waka&#373;a na mberere na mbuzi, ng'ombe, mbumba yakhe, &#373;ate&#373;eti &#373;anarume na &#373;anakazi. 6Ntheura charu kuti chika&#373;a chakukwanira chara, kukharamo wose &#373;a&#373;iri pamoza pakuti vyaku&#373;eta vyawo vika&#373;a vinandi chomene mwakuti kuka&#373;a kunonono kuti wose &#373;a&#373;iri &#373;akharemo. 7Ntheura paka&#373;a mphindano pakati pa &#373;aliska &#373;a Abramu na &#373;a Loti. Pa nyengo yeneyira &#373;aKanani na &#373;aPerezi &#373;akakharanga mu charu chenechira.</div><div class="p"> 8Ntheura Abramu wakati kwa Loti, &#8220;Pareke ku&#373;a mphindano pakati pa iwe na ine, na pakati pa &#373;aliska &#373;ako na &#373;ane, pakuti ndise &#373;abali. 9Asi charu chose chili panthazi pako? Tiye tipatukane. Usange iwe uti urute ku woko la mazere, ine nditi ndirute ku maryero. Panji usange iwe uti urazgenge ku woko la maryero, ine nditi ndirazgenge ku mazere.&#8221;</div><div class="p"> 10Loti wakala&#373;iska uku na uku ndipo wakawona kuti dambo lose la Yorodani lika&#373;a na maji ghanandi kosekose. Dambo lira lika&#373;a nga ndi munda wa Fumu, panji nga ndi charu cha Eguputo pakurazga ku Zowara. Pa nyengo iyo Fumu yika&#373;a yichali yindaparanye Sodomu na Gomora.#Mut 2.10 11Loti wakajisankhira dambo lose la Yorodani ndipo wakarazga ku mafumiro gha dazi. Ntheura &#373;akapatukana. 12Abramu wakaya kakhara mu charu cha Kanani, apo Loti wakaya kakhara mu misumba ya mu dambo, ndipo wakajintha hema lakhe pafupi na msumba wa Sodomu. 13Kweni &#373;anthu &#373;a mu Sodomu &#373;aka&#373;a &#373;aheni ndipo &#373;akanangira chomene Fumu.</div><div class="s">Abramu wakuruta ku Heburoni</div><div class="p"> 14Loti na Abramu &#373;akati &#373;apatukana Fumu yikati kwa Abramu, &#8220;Inuska maso ghako ndipo, kufumira apo uli, la&#373;iska ku mpoto na ku mwera, ku mafumiro gha dazi na ku manjiliro gha dazi. 15Charu chose icho ukuchiwona nditi ndikupenge iwe na mphapu yako kwa muyirayira.#Mil 7.5 16Nditi ndandaniske &#373;a mphapu yako nga ndi fuvu la charu, mwakuti usange munthu wangamanya kupenda fuvu la pa charu, ipo wangapendaso na mphapu yako. 17Wuka ndipo wendere charu mu utali wakhe na mu ufupi wakhe pakuti cheneichi nditi ndikupenge iwe.&#8221; 18Ntheura Abramu wakasezga hema lakhe ndipo wakiza kakhara pafupi na makuni ghakusoperako ghakuru gha musoro gha ku Mamure mu chiga&#373;a cha Heburoni. Penepara ndipo wakayizengera Fumu jochero.</div>
 </div>
 </div>
</div>

Abramu wakafuma mu Eguputo kuruta ku mwera kwa Kanani, iyo na muwoli wakhe, na vyose ivyo wakaŵa navyo. Loti nayo wakaruta nawo pamoza. Abramu wakaŵa musambazi chomene. Iyo wakaŵa na vyakuŵeta vinandi, siliva na golide. Abramu wakarutilira kwenda kufuma ku mwera kwa Kanani mpaka wakaya kafika ku Betele, ku malo kura wakajintha hema lakhe pakudanga pakati pa Betele na Ayi, apo pakudanga wakazenga jochero. Kwenekura Abramu wakasopa FUMU.
Loti nayo, mweneuyo wakendanga na Abramu, wakaŵa na mberere na mbuzi, ng'ombe, mbumba yakhe, ŵateŵeti ŵanarume na ŵanakazi. Ntheura charu kuti chikaŵa chakukwanira chara, kukharamo wose ŵaŵiri pamoza pakuti vyakuŵeta vyawo vikaŵa vinandi chomene mwakuti kukaŵa kunonono kuti wose ŵaŵiri ŵakharemo. Ntheura pakaŵa mphindano pakati pa ŵaliska ŵa Abramu na ŵa Loti. Pa nyengo yeneyira ŵaKanani na ŵaPerezi ŵakakharanga mu charu chenechira.
Ntheura Abramu wakati kwa Loti, “Pareke kuŵa mphindano pakati pa iwe na ine, na pakati pa ŵaliska ŵako na ŵane, pakuti ndise ŵabali. Asi charu chose chili panthazi pako? Tiye tipatukane. Usange iwe uti urute ku woko la mazere, ine nditi ndirute ku maryero. Panji usange iwe uti urazgenge ku woko la maryero, ine nditi ndirazgenge ku mazere.”
Loti wakalaŵiska uku na uku ndipo wakawona kuti dambo lose la Yorodani likaŵa na maji ghanandi kosekose. Dambo lira likaŵa nga ndi munda wa FUMU, panji nga ndi charu cha Eguputo pakurazga ku Zowara. Pa nyengo iyo FUMU yikaŵa yichali yindaparanye Sodomu na Gomora. Loti wakajisankhira dambo lose la Yorodani ndipo wakarazga ku mafumiro gha dazi. Ntheura ŵakapatukana. Abramu wakaya kakhara mu charu cha Kanani, apo Loti wakaya kakhara mu misumba ya mu dambo, ndipo wakajintha hema lakhe pafupi na msumba wa Sodomu. Kweni ŵanthu ŵa mu Sodomu ŵakaŵa ŵaheni ndipo ŵakanangira chomene FUMU.

Loti na Abramu ŵakati ŵapatukana FUMU yikati kwa Abramu, “Inuska maso ghako ndipo, kufumira apo uli, laŵiska ku mpoto na ku mwera, ku mafumiro gha dazi na ku manjiliro gha dazi. Charu chose icho ukuchiwona nditi ndikupenge iwe na mphapu yako kwa muyirayira. Nditi ndandaniske ŵa mphapu yako nga ndi fuvu la charu, mwakuti usange munthu wangamanya kupenda fuvu la pa charu, ipo wangapendaso na mphapu yako. Wuka ndipo wendere charu mu utali wakhe na mu ufupi wakhe pakuti cheneichi nditi ndikupenge iwe.” Ntheura Abramu wakasezga hema lakhe ndipo wakiza kakhara pafupi na makuni ghakusoperako ghakuru gha musoro gha ku Mamure mu chigaŵa cha Heburoni. Penepara ndipo wakayizengera FUMU jochero.

Listen to Mutendeko 13