Bible Society of Papua New Guinea, 2011 ℗ 2014 Hosanna

Kiriwina - 2011 Edition (Drama - NT)

<div class="version vid2062 iso6393kij" data-vid="2062" data-iso6393="kij">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu toyo im Sameria</div><div class="p"> 1Parisi leilagaisi kamituli kidamwa Yesu ibani e ibapitaisi bidubadu toligalega, mitaga Yoni mimilisi wala. 2Ilagoli Yesu gala ibapitaisi availa mitaga la toligalega wala. 3Tutala Tomoya inikoli Parisi ilagaisi makawala, isilavi Yudia, e ikaimilavau mapilana Galili. 4E ibodi matauna bisuwalai Sameria.#Mapilana katupotala si valu mina Yudia isisu oluwalaisi mapilasina Yudia deli Galili. Mina Yudia idokaisi mina Sameria tokukolosi wala, paila si boda, kasi gulogula, si tokwaraiwaga deli si tapwaroru kedasi ituwoli ituwoli.</div><div class="p"> 5Mapaila imakaia kwaitala valu yagala Saika mapilana Sameria. Valu makwaina isisu katitaikina ola kwabila Yekobe isaiki latula Yosepa, #Vit 33.19; Yos 24.32 6e Yekobe la utuwotu isisu baisa. Mapaila Yesu iloumata, isili katitaikina outuwotu. E itowota kalasia.</div><div class="p"> 7Natana im Sameria ima bikasopi. Yesu iluki minawena, kawala, &#8220;Ve! Kumai sitana amom.&#8221; 8Paila la toligalega leilosi ovalu bigimwalasi sitana k&#697;asi. </div><div class="p"> 9Minana im Sameria iluki matauna, kawala, &#8220;Ammakawala kunigadaigu sopi, paila yoku guma Yudia, e yeigu im Sameria?&#8221; Paila mina Yudia bomikikila#mina Yudia bomikikila. Gagabila bitagini, &#8220;Mina Yudia gala wala bikabikonaisi kasi viga deli kasi kaboma mina Sameria.&#8221; #Esi 4.1-5; Nie 4.1-2 baisa mina Sameria.</div><div class="p"> 10Yesu ivitakauloki minana, kawala, &#8220;Kidamwa bukunikoli Yaubada la semakavi, deli availa yeigu lalukwaim kawagu, &#8216;Kumai sitana amom,&#8217; bukunigadaigu, e yeigu basakaim sopila momova.&#8221;</div><div class="p"> 11Vivila iluki matauna, kawala, &#8220;Tomoya, gala m kwabogola, e utuwotu saina kaduyowonaku; am mokukwau makwaina sopila momova? 12Ki, yoku kukwalisau tabudasi Yekobe? Matauna isakaimasi utuwotu makwaina, e matauwena imom, toyo litula, toyo la bulutuvalu.&#8221;</div><div class="p"> 13Yesu ivitakauloki minana, kawala, &#8220;Availa bimom sopi makwaina bogwa bikadakavau; 14mitaga availa bimom sopi makwaina basaiki, gala kwaitala tuta bikadakavau; mitaga sopi makwaina basaiki matauna bogwa bimila utuwotu olumoulela matauna, e bigigibwabula baisa momova kwekanigaga.&#8221;</div><div class="p"> 15Vivila iluki matauna, kawala, &#8220;Tomoya, kusakaigu sopi makwaina, kidamwa gala bakadaka, kaina bakaimilavau bagola.&#8221;</div><div class="p"> 16Yesu ivitakauloki minana, kawala, &#8220;Kula, kudou m mwala e kumakaiagusi baisa.&#8221;</div><div class="p"> 17Vivila ivitakauloki matauna, kawala, &#8220;Gala ulo mwala.&#8221;</div><div class="p">Yesu iluki minana, kawala, &#8220;Lokukwamokwita, kawam, &#8216;Gala ulo mwala.&#8217; 18Paila lokusivalima veivai, e matauna deli lokusisuaisi wa tuta baisa gala m mwala matauna. Bogwa kukwamokwita.&#8221;</div><div class="p"> 19Vivila iluki matauna, kawala, &#8220;Tomoya, avitusaim kidamwa yoku tovitoubobuta. 20Tubumaiasi itapwarorusi wa koya makwaina;#Koya makwaina Gerasim katitaikina mapilana Sekem. e yokomi kukwaibigasi kidamwa ibodi bitatapwaroru Yerusalem.&#8221;</div><div class="p"> 21Yesu iluki minana, kawala, &#8220;Ve! Kudubumaigu, igau tuta bima bitatapwaroru baisa Tamadasi gala wa koya makwaina kaina Yerusalem. 22Yokomi mina Sameria kutapwarorusi mitaga gala kunikolaisi availa kutemmalaisi; yakamaisi mina Yudia katapwarorusi baisa availa kanikolaisi, paila katumova imaima metoya baisa mina Yudia. 23Mitaga tuta eimaima, e bogwa leima goli, totapwaroru mokwita bitapwarorusi obilomasi e wa biga mokwita baisa Tumasi; paila Tamadasi magila tomota bitapwarorusi makawala. 24Yaubada matauna Baloma; e matausina ititapwarorusi baisa matauna, ibodi bitapwarorusi obilomasi e wa biga mokwita.&#8221;</div><div class="p"> 25Vivila iluki matauna, kawala, &#8220;Anikoli Mesaia bimaima, matauna idokaisi Keriso. Tutala bima, bilukwaidasi vavagi komwaidona.&#8221;</div><div class="p"> 26Yesu iluki minana, kawala, &#8220;Mayeigula Mesaia, yeigu goli leitalilivala.&#8221;</div><div class="p"> 27Wa tuta matutona la toligalega imaisi; e itutu uwosi paila ibigatonasi sola vivila; mitaga gala availa ikaibiga, &#8220;Avaka kunainevi?&#8221; kaina &#8220;Avaka uula kubibigatonasi som minana?&#8221;</div><div class="p"> 28E vivila iligaiwa kala lukwava, ila ovalu e iluki tomota, kawala, 29&#8220;Kumaisi, kugisaisi taitala tau, matauwena leilukwaigu komwaidona avaka lauvagi tuta tuta. Ki, kaina matauna Mesaia?&#8221; 30Isilavaisi valu, e imakaiasi matauna.</div><div class="p"> 31E makateki toligalega inigadaisi matauna, kawasi, &#8220;Toboma, sita bukukwam.&#8221;</div><div class="p"> 32Mitaga iluki matausina, kawala, &#8220;K&#697;agu isisu e yokomi gala kunikolaisi.&#8221;</div><div class="p"> 33Mapaila toligalega ibigatonasi, kawasi, &#8220;Ki, kaina taitala leimai k&#697;ala matauna?&#8221;</div><div class="p"> 34Yesu iluki matausina, kawala, &#8220;Baisa k&#697;agu, kidamwa bavagi nanola matauna iwitalaigu, e bavigimkulovi la paisewa.</div><div class="p"> 35&#8220;Ka, kulilivalasi, &#8216;Igau navasi tubukona oluviga tayoyuwa,&#8217; kadai? Mitaga alukwaimi, kumitavilasi kugisaisi buyagu, bogwa eiyawa kidamwa tayoyuwa. 36Totayoyuwa ikikau mapula, e ikoguguli kaula paila momova kwekanigaga; kidamwa tovaula deli totayoyuwa bimwasawasi gulitinidesi. 37Paila baisa bigivakala biga mokwita, &#8216;Taitala isupusopu, e taiyuwela ititayoyuwa.&#8217; 38Lawitalaimi bukutaiyauwaisi avaka gala lokusapwaisi; tomota ituwoli bogwa isapwaisi, e yokomi lokutaiyauwaisi osi kalidaima.&#8221;</div><div class="p"> 39Bidubadu mina Sameria metoya ovalu makwaina idubumaisi matauna paila uula minana leikamituli, kawala, &#8220;Leilukwaigu komwaidona avaka lauvagi tuta tuta.&#8221; 40Tutala mina Sameria imakaiasi matauna, inigadaisi bisikaili matausina; e ikalayu isisu baisa.</div><div class="p"> 41E bidubadu tuvaila idubumaisi paila uula la biga matauna. 42E ilukwaisi minana, kawasi, &#8220;Baisa tuta kadubumaisi, gala paila m biga; paila titoulemasi lakalagaisi, e kanikolaisi matauwena goli mina watanawa kasi tokwatumova.&#8221;</div><div class="s">Yesu ikatumovi latula tokwaraiwaga</div><div class="p"> 43E bogwa leiwokuva yam kwaiyu makwaisina, isilavi baisa ilokaia mapilana Galili. 44Paila Yesu titoulela ikamituli kidamwa tovitoubobuta gala bibani kala taimamila ola valu tatoula. #Md 13.57; Mk 6.4; Lk 4.24 45Tutala imakaia mapilana Galili, mina Galili ikamiabaisi matauna, paila bogwa igisaisi vavagi komwaidona eivagi Yerusalem otutala paka; paila matausina tuvaila melokaisi wa paka. #Yn 2.23</div><div class="p"> 46E ikaimilavau Kena mapilana Galili, ovalu makwaina leivigaki sopi bimila waini. E taitala tokwaraiwaga isisu baisa, latula ikatoula mapilana Kapaneum. #Yn 2.1-11 47Tutala ilagi kidamwa Yesu leisilavi Yudia ima mapilana Galili, ilokaia matauna e inigada kidamwa bibusi bikatumovi latula; paila magudina makateki bikaliga. 48E Yesu iluki matauna, kawala, &#8220;Kidamwa gala kugisaisi kabutuvatusi toyo kaboyowalula, gala bukudubumaisi.&#8221;</div><div class="p"> 49E tokwaraiwaga iluki matauna, kawala, &#8220;Tomoya, kubusi, kaina bikaliga latugu.&#8221;</div><div class="p"> 50Yesu iluki matauna, kawala, &#8220;Kula, latum bimova.&#8221;</div><div class="p">Matauna idubumi avaka Yesu iluki matauna, e ila. 51Ililoula, e, la touwata ibodaisi matauna, ikaibigasi, kawasi, &#8220;Latum bogwa leimova.&#8221;</div><div class="p"> 52E ikatupoi matausina avai tuta latula eibwaina. Mapaila ilukwaisi matauna, kawasi, &#8220;Lova itobala kalasia, kala yuviyavi isolovi.&#8221; 53Tamala inikoli kidamwa wa tuta matutowena Yesu eiluki matauna, kawala, &#8220;Latum bimova.&#8221; E idubumi, deli la ula komwaidona.</div><div class="p"> 54E makwaina kabutuvatusi kwaiyuwela#Kugisi Yn 2.11. Yesu ivagi tutala leisilavi Yudia leima Galili.</div>
 </div>
 </div>
</div>

Kiriwina Bible (Buki Pilabumaboma) © Bible Society of Papua New Guinea, 2011.

Parisi leilagaisi kamituli kidamwa Yesu ibani e ibapitaisi bidubadu toligalega, mitaga Yoni mimilisi wala. Ilagoli Yesu gala ibapitaisi availa mitaga la toligalega wala. Tutala Tomoya inikoli Parisi ilagaisi makawala, isilavi Yudia, e ikaimilavau mapilana Galili. E ibodi matauna bisuwalai Sameria.
Mapaila imakaia kwaitala valu yagala Saika mapilana Sameria. Valu makwaina isisu katitaikina ola kwabila Yekobe isaiki latula Yosepa, e Yekobe la utuwotu isisu baisa. Mapaila Yesu iloumata, isili katitaikina outuwotu. E itowota kalasia.
Natana im Sameria ima bikasopi. Yesu iluki minawena, kawala, “Ve! Kumai sitana amom.” Paila la toligalega leilosi ovalu bigimwalasi sitana kʹasi.
Minana im Sameria iluki matauna, kawala, “Ammakawala kunigadaigu sopi, paila yoku guma Yudia, e yeigu im Sameria?” Paila mina Yudia bomikikila baisa mina Sameria.
Yesu ivitakauloki minana, kawala, “Kidamwa bukunikoli Yaubada la semakavi, deli availa yeigu lalukwaim kawagu, ‘Kumai sitana amom,’ bukunigadaigu, e yeigu basakaim sopila momova.”
Vivila iluki matauna, kawala, “Tomoya, gala m kwabogola, e utuwotu saina kaduyowonaku; am mokukwau makwaina sopila momova? Ki, yoku kukwalisau tabudasi Yekobe? Matauna isakaimasi utuwotu makwaina, e matauwena imom, toyo litula, toyo la bulutuvalu.”
Yesu ivitakauloki minana, kawala, “Availa bimom sopi makwaina bogwa bikadakavau; mitaga availa bimom sopi makwaina basaiki, gala kwaitala tuta bikadakavau; mitaga sopi makwaina basaiki matauna bogwa bimila utuwotu olumoulela matauna, e bigigibwabula baisa momova kwekanigaga.”
Vivila iluki matauna, kawala, “Tomoya, kusakaigu sopi makwaina, kidamwa gala bakadaka, kaina bakaimilavau bagola.”
Yesu ivitakauloki minana, kawala, “Kula, kudou m mwala e kumakaiagusi baisa.”
Vivila ivitakauloki matauna, kawala, “Gala ulo mwala.”
Yesu iluki minana, kawala, “Lokukwamokwita, kawam, ‘Gala ulo mwala.’ Paila lokusivalima veivai, e matauna deli lokusisuaisi wa tuta baisa gala m mwala matauna. Bogwa kukwamokwita.”
Vivila iluki matauna, kawala, “Tomoya, avitusaim kidamwa yoku tovitoubobuta. Tubumaiasi itapwarorusi wa koya makwaina; e yokomi kukwaibigasi kidamwa ibodi bitatapwaroru Yerusalem.”
Yesu iluki minana, kawala, “Ve! Kudubumaigu, igau tuta bima bitatapwaroru baisa Tamadasi gala wa koya makwaina kaina Yerusalem. Yokomi mina Sameria kutapwarorusi mitaga gala kunikolaisi availa kutemmalaisi; yakamaisi mina Yudia katapwarorusi baisa availa kanikolaisi, paila katumova imaima metoya baisa mina Yudia. Mitaga tuta eimaima, e bogwa leima goli, totapwaroru mokwita bitapwarorusi obilomasi e wa biga mokwita baisa Tumasi; paila Tamadasi magila tomota bitapwarorusi makawala. Yaubada matauna Baloma; e matausina ititapwarorusi baisa matauna, ibodi bitapwarorusi obilomasi e wa biga mokwita.”
Vivila iluki matauna, kawala, “Anikoli Mesaia bimaima, matauna idokaisi Keriso. Tutala bima, bilukwaidasi vavagi komwaidona.”
Yesu iluki minana, kawala, “Mayeigula Mesaia, yeigu goli leitalilivala.”
Wa tuta matutona la toligalega imaisi; e itutu uwosi paila ibigatonasi sola vivila; mitaga gala availa ikaibiga, “Avaka kunainevi?” kaina “Avaka uula kubibigatonasi som minana?”
E vivila iligaiwa kala lukwava, ila ovalu e iluki tomota, kawala, “Kumaisi, kugisaisi taitala tau, matauwena leilukwaigu komwaidona avaka lauvagi tuta tuta. Ki, kaina matauna Mesaia?” Isilavaisi valu, e imakaiasi matauna.
E makateki toligalega inigadaisi matauna, kawasi, “Toboma, sita bukukwam.”
Mitaga iluki matausina, kawala, “Kʹagu isisu e yokomi gala kunikolaisi.”
Mapaila toligalega ibigatonasi, kawasi, “Ki, kaina taitala leimai kʹala matauna?”
Yesu iluki matausina, kawala, “Baisa kʹagu, kidamwa bavagi nanola matauna iwitalaigu, e bavigimkulovi la paisewa.
“Ka, kulilivalasi, ‘Igau navasi tubukona oluviga tayoyuwa,’ kadai? Mitaga alukwaimi, kumitavilasi kugisaisi buyagu, bogwa eiyawa kidamwa tayoyuwa. Totayoyuwa ikikau mapula, e ikoguguli kaula paila momova kwekanigaga; kidamwa tovaula deli totayoyuwa bimwasawasi gulitinidesi. Paila baisa bigivakala biga mokwita, ‘Taitala isupusopu, e taiyuwela ititayoyuwa.’ Lawitalaimi bukutaiyauwaisi avaka gala lokusapwaisi; tomota ituwoli bogwa isapwaisi, e yokomi lokutaiyauwaisi osi kalidaima.”
Bidubadu mina Sameria metoya ovalu makwaina idubumaisi matauna paila uula minana leikamituli, kawala, “Leilukwaigu komwaidona avaka lauvagi tuta tuta.” Tutala mina Sameria imakaiasi matauna, inigadaisi bisikaili matausina; e ikalayu isisu baisa.
E bidubadu tuvaila idubumaisi paila uula la biga matauna. E ilukwaisi minana, kawasi, “Baisa tuta kadubumaisi, gala paila m biga; paila titoulemasi lakalagaisi, e kanikolaisi matauwena goli mina watanawa kasi tokwatumova.”

E bogwa leiwokuva yam kwaiyu makwaisina, isilavi baisa ilokaia mapilana Galili. Paila Yesu titoulela ikamituli kidamwa tovitoubobuta gala bibani kala taimamila ola valu tatoula. Tutala imakaia mapilana Galili, mina Galili ikamiabaisi matauna, paila bogwa igisaisi vavagi komwaidona eivagi Yerusalem otutala paka; paila matausina tuvaila melokaisi wa paka.
E ikaimilavau Kena mapilana Galili, ovalu makwaina leivigaki sopi bimila waini. E taitala tokwaraiwaga isisu baisa, latula ikatoula mapilana Kapaneum. Tutala ilagi kidamwa Yesu leisilavi Yudia ima mapilana Galili, ilokaia matauna e inigada kidamwa bibusi bikatumovi latula; paila magudina makateki bikaliga. E Yesu iluki matauna, kawala, “Kidamwa gala kugisaisi kabutuvatusi toyo kaboyowalula, gala bukudubumaisi.”
E tokwaraiwaga iluki matauna, kawala, “Tomoya, kubusi, kaina bikaliga latugu.”
Yesu iluki matauna, kawala, “Kula, latum bimova.”
Matauna idubumi avaka Yesu iluki matauna, e ila. Ililoula, e, la touwata ibodaisi matauna, ikaibigasi, kawasi, “Latum bogwa leimova.”
E ikatupoi matausina avai tuta latula eibwaina. Mapaila ilukwaisi matauna, kawasi, “Lova itobala kalasia, kala yuviyavi isolovi.” Tamala inikoli kidamwa wa tuta matutowena Yesu eiluki matauna, kawala, “Latum bimova.” E idubumi, deli la ula komwaidona.
E makwaina kabutuvatusi kwaiyuwela Yesu ivagi tutala leisilavi Yudia leima Galili.

Listen to YONI 4