Western Cree Bible (Syllabics version) About Western Cree In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.” About This Translation A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text. If you are interested in obtaining a printed copy of this Bible, please contact the Canadian Bible Society at http://www.biblescanada.com. Copyright Information The Holy Bible in Western Cree © 2018 Canadian Bible Society. The text of the Holy Bible in Western Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a transliteration of a corrected edition of the 1908 Western Cree Bible; it is in the public domain.

mēkwāc māka oma ē ikihk, ē māwaciitocik misakamik ayisiyiniwak, piyis ē tātakoskātitocik, nistam pita ki itēw o kiskinohamawākana, aswēyitamok ot ohpihcicikaniwāw pārāsiwak, ēwakwānima ayamiēkāsowin. cikēmā nama kēkway kā akwanaikatēk ēkā kita kiskēyitakotāhk, ahpo ē kācikātēk, ēkā kita kiskēyitakwahk. ēwakoci māka, piko kēkway kā ki pikiskwātamēk wanitipiskāhk, kita pētakwan wāsēyāhk: mina kēkway kā ki itwēyēk mitawakāhk, pihci kisipanohk piskitāyawāhk, kita ātocikātēw takohc wāskāhikanihk.
mina kit itināwāw ni totēmitik, ēkāwiya kostikok aniki kā nipatācik miyaw, ēkosi ēkā awasimē kā kaskitācik kita totahkik. māka ki ka kisaci ayākwāmimitināwāw awēna kē kostāyēk; kostihk ana, kā nipaiwēci kā kaskitāt kita piciwēpiniwēt maci iskotēhk; tāpwē kit itināwāw, ēwako kostihk. nama ci niyānan piyēsisak niso piwapiskosak itakimāwak? ēkosi, namawāc pēyak ēwakwanik wanikiskisitotākwak kisēmanitowa. māka kiyawāw ahpo kēstakāwāwa kistikwāniwāhk, kahkiyaw akicikatēwa. ēkāwiya māka sēkisik; awasimē kiyawāw kit itakisonāwāw ispic mihcēt piyēsisak.
mina māka kit itināwāw, kahkiyaw awiyak kē ācimit ayisiyinināhk, ēwakwāni iyiniwikosisān wista kē ācimāt mēkwāc ita ē ayāyit okisikoma kisēmanito. māka ana kē anwētawikwē ayisiyininahk, kita anwētawāw mēkwāc ita ē ayāyit okisikoma kisēmanito. mina kahkiyaw awiyak kē nayētawi itākwē iyiniwikosisāna, kita ponēyitamawāw; māka ana kē pāstāmowikiswātākwē kā kanātisiyit ahcāhkwa namawiya kita ponēyitamawāw. ispi māka itotaikawiyēko māwaciitowinihk, mina kita otiskawiskawāyēkok oyasowēwiyiniwak, mina aniki kā tipēyitahkik, ēkāwiya mikoskātēyitamok tānisi kē isi naskwēwasitwāyēk; ahpo tānisi kē itwēyēk: cikēmā kā kanātisit acāhk ki ka kiskinoāmākowāw mwēhci ēwakwanima tipaikan tānisi kē itwēyēk.
pēyak māka kā māmawēyatiyit ayisiyiniwa, ki itik, kēskinohamākēyan sikim niciwām kita piskitinamawit anima kā niso tipēyitamāhk. māka ki itēw, nāpēw, awēna kā itayit kita oyasowātitakok, ahpo kita papēskitinamātakok. ēkosi māka ki itēw, ayākwāmisik kanawēyimisok kahkiyaw kāsakātisiwinihk ohci: cikēmā namawiya ē mihcētiniyiki o tipēyitamowina ohci ko pimātisit ayisiyiniw.
āwēcikan māka ki tasitamawēw, ē itwēt, ot aski pēyak ē wēyotisit ayisiyiniw mistahi ki nihtāwikicikēmakaniyiw: ēkosi ki māmitonēyitam otēihk, ē itwēt, tānisi kē totamān? cikēmā ēkā ē ayāyān ita kē astāyān ni kistikāna. ēkosi ki itwēw, omisi ni ka totēn, ni ka nicipitēn nit astāsowikamikwa, mina nawac ē misāki ni ka ositān, ēkosi ēkota kē astāyān kahkiyaw ni kistikāna mina nit ayāwina. ni ka itāw māka nit ahcāhk, ahcāhk, kit ayān mistahi ayāwina ē kwayātastēki mihcēt aski kita tēpipayiki; aywēpi ēkwa, miciso, minikwē, miyawāta. māka kisēmanitowa ki itik, kiya kā kakēpātisiyan, anohc kā tipiskāk ki ka natawēyitamākawin kit ahcāhk; awēna māka kē ayat anihi kēkwaya kā ki kwayātastāyan? ēkosi ēsi ayāt ana kā māwacitamāsot wēyotisiwin, ēkosi ēkā ē wēyotisistawāt kisēmanitowa.
ēkosi māka ki itēw o kiskinohamawākana, ēwakoci kit itināwāw, ēkāwiya otamēyitamok ki pimātisiwiniwāw, kēkway kē miciyēk; ahpo mina kiyawiwāw, kēkway kē postiskamēk. cikēmā pimātisiwin awasimē itēyitākwan ispic miciwin, mina miyaw ispic kikiskikan māmitonēyimikok kāhkākiwak, namawiya kistikēwak, namawiya manisikēwak; namawiya ayāwak micimikamik ahpo astāsowikamik; ēkosi kisēmanito tēsamēw: tāniyikohk awasimē ētēyitākosiyēk ispic piyēsisak. ēkosi awēna kiyawāw ē mohci māmitonēyitahk, kē ki takotāt pēyak kopit pē ēskokāpawit? kispin māka namawiya ki kaskitanāwāw kita totamēk ahpo anima kā māwaci notaw itēyitākwahk, tānēki kā mikoskātēyitamiikoyēk anihi kotaka kēkwaya? māmitonēyitamok wāpikwania, tānisi ēsi opikiki: namawiya atoskēmakanwa, namaawiya mina pimastēikēmakanwa; ēkosi ki wihtamātināwāw, ahpo saloman kahkiyaw o kistēyitākosiwinihk namawiya ki isio tāpiskoc pēyak ohi. kispin māka kisēmanito isi wiyatatāw maskosiya pikwacāyihk kā ayāki anohc kā kisikāk kā ayāki, ēkosi wiyāpahk kā macostēikatēki; taniyikohk awasimē kē wiyātaikoyēk, o kiyawāw kā apistēyitākwahk ki tāpwēyēyitamowiniwāw? ēkāwiya māka natonamok kēkway kē miciyēk, ahpo kēkway kē minikwēyēk, mina ēkāwiya wawānēyitamok. cikēmā kahkiyaw ohi kēkwaya, ayisiyiniwak askihk natonamwak: māka kotawiwāw kiskēyitam ē kwitamayak ohi kēkwaya.
yayaw māka natonamok kisēmanito ot otēnawiwin, ēkosi ohi kēkwaya ki kā takonamākawināwāw. ēkāwiya astāsik, kā apistēyatisiyēk cikēmā kotāwiaw isi miywēyitam kita miyikoyēk otēnawiwin. atāwakēk anima kā ayāyēk, ēkosi mēkik miyo mēkiwina; ositamāsok soniyāwata ēkā kē ki ati kayāsāyiwaki, wēyotisiwin kihci kisikohk ēkā kē notēpayik, ita okimotisk, ēkā kā otitahk, mina mohtēw ēkā kā nisiwanācicikēt. wiya ita ayāki ki wēyotisiwin, ēkota mina kē ayāk kitēh.
pakwatēhok mitoni, mina kita saskaikatēwa ki wāsaskotēnikaniwāwa; ēkosi kiyawāw isi ayāk, tāpiskoc ayisiyiniwak kā asawāpamācik ot okimāmiwāwa, ē pē kiwēyit kihci wikitowinihk ohci; ispi māka takosiki mina pakamaaki iskwatēm sēmāk kita yotēnamawācik. miywakimikowisiwak ēwakwanik atoskēyākanak, ispi kā tipēyimāt takosiki kē miskawāt ē asawāpiyit, tāpwē kit itināwāw, kita pakwatēhoso, mina kita nahapiēw kita micisoyit, ēkosi kita pē pamiēw. mina kispin pē takosiki niso tipaipisimwān ispayiki, ahpo nisto ispayiki, ēkosi māka kēyāpic isi miskawāci, miywakimikowisiwak ēwakwanik atoskēyākanak. oma māka kiskēyitamok, kispin wēkimākatahk wāskāhikan ki kiskēyitahk tānānima tipaikan okimotiska kē takosiniyit, o kā ki assawāpi, mina namawiya o ka ki nakatē wiki kita pikonikatēyik. kistawāw māka kwayaci ayak: cikēmā anima tipaikan ita ēkā ē itēyitamēk, iyiniwikosisān kita takosin.
ēkosi pitar ki itēw, tēpēyihcikēyan, niyanān ci kā wihtamawiyāhk oma āwēcikan, awēkā ci kahkiyaw? ēkosi kā tipēyihcikēt ki itwēw, awēna māka ana kā ayākwāmisit mina kā iyinisit okanawiwāskāikanēw, ē ki itahikot okimāma kita miyimāt ētasiyit, ot atoskēyākaniyiwa tahtwāw wēticipayiyiki o miciwiniyiw? miyo itakimāw ēwako atoskēyākan, kispin ispi okimāma takosiniyici miskakoci ēkosi ē itotahk. tāpwē kit itināwāw, kita tipēyitamoēw kahkiyaw kā ayāt. māka kispin ēwakwāna atoskēyākan itwēci otēihk, nit okimām nama mayaw wi takosin; mina māci pakamawāci nāpēw atoskēyākana mina iskwēw atoskēyākana, ēkosi micisoci, mina minikwēci mina kiskwēpēci; ot okimāma ēwakwāna atoskēyākān kita takosiniyiwa anima kisikāw ispi ēkā asawāpamāci, mina tipaikan ita ēkā ē itēyitahk, ēkosi kita kiskataok, mina kita pakitinik kita wicēwāt otānwētamowa. ana māka atoskēyākan kā kiskēyitamwāt ot okimāma o natawēyitamowiniyiw, ēkā māka ē wawēyit, mina ēkā ē totamwāt ē isi natawēyitamiyit, kita pakamawāw mihcēt pasastēowina ohci; māka ana ēkā kā kiskēyitahk, mina kā ki totahk kēkwaya kita ki ohci pasastēoht, kita pakamawāw cakawasis pasastēowina ohci, mina ana mistahi kā kanawēyitamoiht, mistahi kita natawēyitamawāw: ayis anihi mistahi kā pakitinamawācik, ēwakwani awasimē kē natawēyitamawācik.
ni pē itohtān iskotē kita isiwēpinamān askihk; tānisi māka kē totamān kispin sāsay kā saskaikātēkwē? māka nit ayān pāptaisiwiwin kita ohci pāptaisiwiikawiyān; tāniyikohk ēsi ihkēyitamān iyikohk kita tipipayik! kit itēyitēnāwāw ci ē pē itohtēyān kita mēkiyān pēyatakēyimowin askihk? ki wihtamātināwāw, namawiya; māka yayaw paskēwiyitowin; cikēmā anohc ohci niyānan kita ayāwak wāskāhikanihk ē māyiwicētocik, nisto ē māyiwicēwācik anihi kotaka niso, mina niso ē mayiwicēwacik anihi kotaka nisto. kita māyiwicētowak otāwimāw okosisa mina okosisimāw otāwiya; okāwimāw otānisa, mina otānisimāw okāawiya; osikosimāw ostima, mina ostimimāw osikosa.
ēkosi mina ki itēw ayisiyiniwa, ispi wiyāpahtamēko wasko ē pahkisimok itēkē ē pē ohcipayik, sēmāk kit itwānāwāw, pē kimiwan; ēkosi tāpwē ihkin. mina ē sāwaniyotihk, kit itwānāwāw, kita kisitēw; ēkosi tāpwē ispayiw. kiyawāw otitwāsowak, ki kiskēyitēnāwāw kita nisitawinamēk kisik mina aski: tānēki māka ēkā kā kiskēyitamēk kita nisitawinamēk anohc oma kā ikihk. tānēki mina ahpo kiyawāw kēhciwāk ohci ēkā kā nisitawinamēk anima kā kwayaskwahk?
ispi wicēaci ana kā itotaisk oyasowēwiyiniw ita ē ayāt, mēkwāc ē ati itotēyēk ākamēyimo kita paspiyan; ēkā kita itotaik kihci oyasowēwiyinihk, ēkosi māka kihci oyasowēwiyiniw kita pakitinisk simākanisihk, ēkosi simākanis kipahotowikamikohk kita isi wēpinis. ki wihtamātin, namawiya ēkota ki ka ohci wayawin, patimā mitoni iskwāyāc piāpiskos kisitipaikēyani.

Listen to sēnt lok 12