Bible translation: Taita © Bible Society of Kenya, 1997 Recording of the New Testament ℗ Hosanna, 2019

Taita-1997 KENBS (NT) Drama

<div class="version vid2138 iso6393dav" data-vid="2138" data-iso6393="dav">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Sighenyi kaung'a renyu msechefwa</div><div class="p"> 1Ngelo ija cheni, korekoghe na wandu wamu weremghorieghe Jesu malagho gha Wagalilaya werebwaghiloghe ni Pilato; iji werekoghe wikibwagha nyamandu ra vizongona vawo. 2Nao ukawitumbulia, &#8220;Muaghesha awo Wagalilaya wedeeka wakaung'a wichumbie Wagalilaya wose angu wipatiro ni agho matiriro? 3Namzera si huwo kungi; ela hata inyo ngera mseheagha, mchatota wokoni mmbose. 4Angu, awo ikumi na wunyanya wereghuloghe ni mnara aja Siloamu ghukawibwagha, muaghesha wedeeka wawiwi kuchumba wandu wazima wose werekaieghe Jerusalemu? 5Namzera si huwo kungi; ela hata na inyo ngera mseheagha, mchatota wokoni mmbose.&#8221;</div><div class="s">Mfwano ghwa mtini ghusevagha</div><div class="p"> 6Nao Jesu ukawighoria mfwano ughu; &#8220;Mndumu orewaeghe mtini ghwake mbuwenyi ya mizabibu, ukacha ukilola matunda ghangi aighu yaro ukaghisowa. 7Ukamzera uja mlimi, &#8216;Zighana miaka ihi idadu naawuyacha ngilola matunda aighu ya ughu mtini, ngadaghisowa. Idana kughudeme, kwaki ghunonagha ndoe duu?&#8217; 8Ela uja mlimi ukamtumbulia, &#8216;Bwana, ghusighe nighuchimbie mbai-mbai, na ughu mwaka wori nighudungie mbolea. 9Ghukava matunda mwaka ghuchagha ni nicha, ela ghukalemwa ni kuva, niko aho kughudeme.&#8217;&#8221;</div><div class="s">Jesu kuboisa muka umu ukelemere ituku ja Sabato</div><div class="p"> 10Ituku jimu ja Sabato, Jesu orekoghe ukifundisha andenyi ya sunagogi imu. 11Na aho korekoghe na muka umu uko na pepo ya wunyonge miaka ikumi na wunyanya, ikamkomesha hata nderedimieghe kughoroka anduangi. 12Nao iji Jesu wammbona, ukammbanga, ukamzera, &#8220;Muka, kwafungulwa wunyonge ghwako.&#8221; 13Ukammbikiria mikonu yake, na shwa wori ukaghoroka na kumkasa Mlungu. 14Ela uja m'baa wa sunagogi ukajokwa ni machu angu Jesu oreboisireghe ituku ja Sabato ukawizera wandu, &#8220;Gheko matuku arandadu ghebonya kazi; choonyi m'boiso agho matuku, ela ituku ja Sabato mbai.&#8221;#Kuf. 20.9-10; Wuk. 5.13-14 15Nao Bwana ukamzera, &#8220;Inyo waji-kuwi, huwo ungi onyu aha ndefunguagha ng'ombe angu punda wake ughende machinyi ituku ja Sabato? 16Na muka uhu nao ni wa kivalwa cha Abrahamu, Shetani umfungie miaka ikumi na wunyanya, ndeifwaneghe ufungulo ituku ja Sabato anguwada?&#8221; 17Uendaghora huwo, wamaiza wake wose wikafushwa waya, na wandu wose wikaboilwa kwa wundu ghwa iro maza ndicha rose Jesu oreribonyereghe.</div><div class="s">Mfwano ghwa mbeu ya haradali</div><div class="r">(Mat. 13.31-32; Mk. 4.30-32)</div><div class="p"> 18Kwa huwu Jesu ukaghamba, &#8220;Wuzuri ghwa Mlungu ghwafanane naki? Nagho nighukatanisha naki? 19Ghwafwanana na mbeu ya haradali, mundu oreiwaeghe mbuwenyi kwake, nayo ikabuka na kuzoghua mudi m'baa, hata nyonyi rikaagha vijungu vawo mbashunyi kwaro.&#8221;</div><div class="s">Mfwano ghwa chachu</div><div class="r">(Mat. 13.33)</div><div class="p"> 20Nao Jesu ukaghamba sena, &#8220;Nighukatanisha naki Wuzuri ghwa Mlungu? 21Ghwafwanana na chachu, muka oreidungieghe andenyi ya vipimo vidadu va mufu, nagho ghukawurushwa ghose.&#8221;</div><div class="s">Mnyango msuse</div><div class="r">(Mat. 7.13-14, 21-23)</div><div class="p"> 22Nao Jesu ukaghenda chia yake, ukaida aghadi ya mizi mibaa na mitini, ukifundisha na kuchuria kughenda cha Jerusalemu. 23Mndumu ukamzera, Bwana, ni watini awa wikiagha anguwada? 24Ukawizera, &#8220;Fungenyi ndighi kungia kwa mnyango msuse, angu namghoria, wengi wichakunda kungia, ela ndewichaadima anduangi. 25Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, &#8216;Bwana dirughuye.&#8217; Nao uchamtumbulia, &#8216;Simmanyire andu mfumagha anduangi.&#8217; 26Niko mchazoya kughora, &#8216;Derejieghe dikanywa chiaimweri na oho, sena kukafundisha mizinyi mzedu.&#8217; 27Ela uo uchamtumbulia, &#8216;Namzera simwichi andu mfumagha anduangi, fumenyi kwapo inyo wabonyi wuwiwi!&#8217;#Zab. 6.8 28Aho mchalila na kuja maghegho ghenyu, iji mchaammbona Abrahamu, Isaaka, na Jakobo, na walodi wose andenyi ya wuzuri ghwa Mlungu, na inyo mmbeni mwadeghwa shighadi.#Mat. 22.13; 25.30#Mat. 8.11-12 29Sena wandu wichacha kufuma mashariki na magharibi, kaskazinyi, nawo wichasea kidombo mezenyi kwa wuzuri ghwa Mlungu. 30Nao ola wamu weko wa kutua wichaakaia wa imbiri na wamu weko wa imbiri wichaakaia wa kutua.&#8221;#Mat. 19.30; 20.16; Mk. 10.31</div><div class="s">Lukundo lwa Jesu kwa Jerusalemu</div><div class="r">(Mat. 23.37-39)</div><div class="p"> 31Ngelo iyo cheni, Mafarisayo wamu weremchieghe Jesu wikamzera, &#8220;Fuma aha kughende, angu Herode ookunda kukubwagha.&#8221; 32Nao ukawizera, &#8220;Ghendenyi mughuzere ghuja mzozo, &#8216;Ola idime na kesho niawinga pepo na kuboisa wakongo, na ituku ja kadadu, niameria kazi yapo. 33Elaima sena, yanifwana kughenda chia yapo idime, na kesho, na lawuke; angu ndeimfwane mlodi ubwagho shighadi ya Jerusalemu anduangi.&#8217;&#8221; 34&#8220;Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha! 35Ola kwasighilwa nyumba yako. Nani namghoria loli, ndemchaaniwona, hata ituku jija mchaaghamba, &#8216;Warasimilwa uo uchagha kwa irina ja Bwana.&#8217;&#8221;#Zab. 118.26; Jer. 22.5</div>
 </div>
 </div>
</div>

Ngelo ija cheni, korekoghe na wandu wamu weremghorieghe Jesu malagho gha Wagalilaya werebwaghiloghe ni Pilato; iji werekoghe wikibwagha nyamandu ra vizongona vawo. Nao ukawitumbulia, “Muaghesha awo Wagalilaya wedeeka wakaung'a wichumbie Wagalilaya wose angu wipatiro ni agho matiriro? Namzera si huwo kungi; ela hata inyo ngera mseheagha, mchatota wokoni mmbose. Angu, awo ikumi na wunyanya wereghuloghe ni mnara aja Siloamu ghukawibwagha, muaghesha wedeeka wawiwi kuchumba wandu wazima wose werekaieghe Jerusalemu? Namzera si huwo kungi; ela hata na inyo ngera mseheagha, mchatota wokoni mmbose.”

Nao Jesu ukawighoria mfwano ughu; “Mndumu orewaeghe mtini ghwake mbuwenyi ya mizabibu, ukacha ukilola matunda ghangi aighu yaro ukaghisowa. Ukamzera uja mlimi, ‘Zighana miaka ihi idadu naawuyacha ngilola matunda aighu ya ughu mtini, ngadaghisowa. Idana kughudeme, kwaki ghunonagha ndoe duu?’ Ela uja mlimi ukamtumbulia, ‘Bwana, ghusighe nighuchimbie mbai-mbai, na ughu mwaka wori nighudungie mbolea. Ghukava matunda mwaka ghuchagha ni nicha, ela ghukalemwa ni kuva, niko aho kughudeme.’”

Ituku jimu ja Sabato, Jesu orekoghe ukifundisha andenyi ya sunagogi imu. Na aho korekoghe na muka umu uko na pepo ya wunyonge miaka ikumi na wunyanya, ikamkomesha hata nderedimieghe kughoroka anduangi. Nao iji Jesu wammbona, ukammbanga, ukamzera, “Muka, kwafungulwa wunyonge ghwako.” Ukammbikiria mikonu yake, na shwa wori ukaghoroka na kumkasa Mlungu. Ela uja m'baa wa sunagogi ukajokwa ni machu angu Jesu oreboisireghe ituku ja Sabato ukawizera wandu, “Gheko matuku arandadu ghebonya kazi; choonyi m'boiso agho matuku, ela ituku ja Sabato mbai.” Nao Bwana ukamzera, “Inyo waji-kuwi, huwo ungi onyu aha ndefunguagha ng'ombe angu punda wake ughende machinyi ituku ja Sabato? Na muka uhu nao ni wa kivalwa cha Abrahamu, Shetani umfungie miaka ikumi na wunyanya, ndeifwaneghe ufungulo ituku ja Sabato anguwada?” Uendaghora huwo, wamaiza wake wose wikafushwa waya, na wandu wose wikaboilwa kwa wundu ghwa iro maza ndicha rose Jesu oreribonyereghe.


Kwa huwu Jesu ukaghamba, “Wuzuri ghwa Mlungu ghwafanane naki? Nagho nighukatanisha naki? Ghwafwanana na mbeu ya haradali, mundu oreiwaeghe mbuwenyi kwake, nayo ikabuka na kuzoghua mudi m'baa, hata nyonyi rikaagha vijungu vawo mbashunyi kwaro.”


Nao Jesu ukaghamba sena, “Nighukatanisha naki Wuzuri ghwa Mlungu? Ghwafwanana na chachu, muka oreidungieghe andenyi ya vipimo vidadu va mufu, nagho ghukawurushwa ghose.”


Nao Jesu ukaghenda chia yake, ukaida aghadi ya mizi mibaa na mitini, ukifundisha na kuchuria kughenda cha Jerusalemu. Mndumu ukamzera, Bwana, ni watini awa wikiagha anguwada? Ukawizera, “Fungenyi ndighi kungia kwa mnyango msuse, angu namghoria, wengi wichakunda kungia, ela ndewichaadima anduangi. Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, ‘Bwana dirughuye.’ Nao uchamtumbulia, ‘Simmanyire andu mfumagha anduangi.’ Niko mchazoya kughora, ‘Derejieghe dikanywa chiaimweri na oho, sena kukafundisha mizinyi mzedu.’ Ela uo uchamtumbulia, ‘Namzera simwichi andu mfumagha anduangi, fumenyi kwapo inyo wabonyi wuwiwi!’ Aho mchalila na kuja maghegho ghenyu, iji mchaammbona Abrahamu, Isaaka, na Jakobo, na walodi wose andenyi ya wuzuri ghwa Mlungu, na inyo mmbeni mwadeghwa shighadi. Sena wandu wichacha kufuma mashariki na magharibi, kaskazinyi, nawo wichasea kidombo mezenyi kwa wuzuri ghwa Mlungu. Nao ola wamu weko wa kutua wichaakaia wa imbiri na wamu weko wa imbiri wichaakaia wa kutua.”


Ngelo iyo cheni, Mafarisayo wamu weremchieghe Jesu wikamzera, “Fuma aha kughende, angu Herode ookunda kukubwagha.” Nao ukawizera, “Ghendenyi mughuzere ghuja mzozo, ‘Ola idime na kesho niawinga pepo na kuboisa wakongo, na ituku ja kadadu, niameria kazi yapo. Elaima sena, yanifwana kughenda chia yapo idime, na kesho, na lawuke; angu ndeimfwane mlodi ubwagho shighadi ya Jerusalemu anduangi.’” “Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha! Ola kwasighilwa nyumba yako. Nani namghoria loli, ndemchaaniwona, hata ituku jija mchaaghamba, ‘Warasimilwa uo uchagha kwa irina ja Bwana.’”

Listen to LUKA 13