Buli - 1995 Edition (Drama NT)

<div class="version vid2176 iso6393bwu" data-vid="2176" data-iso6393="bwu">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="p"> 1Ku &#331;aa&#331;nyi&#331; ate Yeezu yaa nyiem gilim a che&#331; t&#603;&#331; kpie&#331;sa ale t&#603;&#331; fiisa a mooli ale a sak nuruba wama&#331;sa&#331;a wie a magsi chaab ale Wen naamu. Wa &#331;aa&#331;viir&#596;ma pi ale bayewa a jam maa bo ale wa kama. 2Nipooba gela m&#603; baai ate wa jam yiak chichirik baata ba zuima po a basi ale ba gela m&#603; baai ate wa jam tebi ba tueta la a jam maa va wa kama. Nipooma de jam ale M&#603;&#603;ri ate ba a wi ayen Magdalene ate Yeezu yiak chichirik baata tiyop&#596;i wa zukku po a basi la ale 3Chuuza ale jam ka Naawa Ayerod tomteer&#596;ma kpagi la, powa Joana ale Suzana ale nipooba ba chaab nna yegayega. Nyaba de meena ale jam pai badek &#331;anta a nya Yeezu ale wa &#331;aa&#331;viir&#596;ma zuk.</div><div class="p"> 4Nuru boari a yaa nyini t&#603;&#331;sa t&#596;gat&#596;ga a jam wa jigi ase wa ale va si po a taam la. Ba ale jan jam wa jigi a piisi nna yegayega la wa yaa piilim sakka ale wamagsini ayen, 5&lt;&lt;Nuru wanyi ale jam nyini a che&#331; wa yuk &#331;anbie, bie&#331;a gela a yaa lo suiku ni&#331; ate nuruba a yaa tabi &#331;a zuk taam ate nuinsa a deri jam pisi &#331;a meena. 6&#330;a gela m&#603; a l&#596; tintana po. &#330;a yaa nyini nna nwuli, dii nyi&#331;la tanta&#331;a an jam soa diiya dula jigini ate nyiam a duagi. 7&#330;a gela m&#603; a lo munsa po a yaa nyini a geri &#331;a. 8&#330;a gela m&#603; a lo t&#603;&#331; nalu&#331; po a nyini a chim biak a b&#603; bie kook dinyi dinyi nyi&#331;.&gt;&gt; Yeezu yaa weeni ba ayen, &lt;&lt;Waai ale ta tue a wom la, a wom mi nalimnyiini.&gt;&gt;</div><div class="p"> 9Wa &#331;aa&#331;viir&#596;ma ale bek wa wamagsini de kiri la, 10wa yaa tulisi ba ayen, &lt;&lt;Wen basi kama ate nama seba wa naamu wasusu&#331;&#331;a alege nuruba gela jigi, &#331;a chim ka wamagsima, ate ba a nya ale a nya alege ba kan mi&#331;, ba a wom ale a wom alege ba kan mi&#331; &#331;a.&gt;&gt;#8:10 Azaya 6:9 11Wamagsini kiri ale nna: Bie&#331;a ka Wen wie&#331;a. 12Be &#331;aai ale lo suiku po la ka nuru baai ale wom Wen wie&#331;a la, ate jabiok a yaa jam jo ba suiniima&#331;a po a pai &#331;a ta nyini ate ba kan nya suik a siak a te &#331;a a nya varibasika. 13Be &#331;aai m&#603; ale lo tintana&#331;a po la, a nye se ka baai ale wom &#331;a ate ba sue peenti alege &#331;a kan jo ba suiniima&#331;a po nalimnyiini la. Ba yaa va &#331;a maga dega, alege nyenyaka a dan jam ba jigi Wen wie&#331;a vaka nyi&#331;, ba nyiem deri pai &#331;a vaka a basi. 14Be &#331;aai ale lo munsa&#331;a po la, a nye ase ka baai ale wom &#331;a alege t&#603;&#331;ka po wie&#331;a popola&#331;a ale ba ligra yaalika yegayega ale ba &#331;anyaalika, &#331;ala meena a d&#603; ka Wen wie&#331;a ate wama&#331; an baga nyini &#331;a po a nyini. 15Be &#331;aai ale lo t&#603;&#331; nalu&#331;ku po la, a nye ase ka baai ale wom &#331;a ale ta &#331;a ba suiniima po a va &#331;a nalimnyiini ale a zuli wa ale a tom tuima&#331;sa la.</div><div class="p"> 16&lt;&lt;Nuru karo a toati wa bolim zeu&#331; ale &#331;man pai jaab a lik ku yaase wa pai ku a zaani gaduok t&#603;&#331;&#331;a. Alege wa dan toati, wa a pai ku a zaani ka jaab zuk ate ku a nya, ate baai ale a jo d&#596;kku po la a nya bolimu. 17Wari karo a suk ate di kan nyini peelim ate nuruba a nya, yaase wari karo a chim wasusugi ate di kan nyini peelim ate waai meena a seba. 18Kpesi fidek ale fi ale a wom diila, waai ale ta &#331;anta yega la ale nya &#331;anta a gum du, alege waai ale kan ta la, wa ale a poli ayen wa ta jabuui la, wa le j&#596;k jabula.&gt;&gt;</div><div class="p"> 19Yeezu mawa ale wa suata&#331;a a yaa jam wa jigi. Alege ba an baga a nya wa dii nyi&#331;la, nuruma a jam piisi kama. 20Nuruma yaa weeni Yeezu ayen, &lt;&lt;Fi mawa ale fi suata&#331;a a za peelim a yaali ayen ba nya fu.&gt;&gt; 21Yeezu yaa weeni nuruma ayen, &lt;&lt;Mi ma ale mi suata ale baai ale a wom Wen wanni ale a nye di ni a weeni diila.&gt;&gt;</div><div class="p"> 22Dai ye&#331; ate Yeezu ale wa &#331;aa&#331;viir&#596;ma a yaa jo &#331;aaru&#331; po ate wa weeni ba ayen, &lt;&lt;Ni te ti taam nyakpiemu kauk kunkula.&gt;&gt; Ba yaa siak ate ba a taam. 23Ba ale bo nyiamu po a che&#331; la, goom yaa deri yik Yeezu. Va kpio&#331; a yaa yiti ale ba diem bo nyiamu po. Ba &#331;aaru&#331;ku a yaa jam sueri ale nyiam ate ba poli ayen ba bo ka kum po. 24Ba yaa nak Yeezu a yiri a weeni wa ayen, &lt;&lt;Ti Kpagi yaa, ti Kpagi yaa, ti boro a kpi kama.&gt;&gt; Yeezu yaa yiti a weeni vioku ayen ku basi abe nyiamu a nye balaa. Vioku a yaa deri basi ate nyiamu m&#603; a bali&#331;. 25Yeezu yaa bek wa &#331;aa&#331;viir&#596;ma ayen, &lt;&lt;Ni siaka a bo ka b&#603;?&gt;&gt; Ku yaa cha ba ate ba kpaziim a nak ate ba yaa weeni chaab ayen, &lt;&lt;Nuruwa de, ka wana ate wa baga a biisi ale vioku ale nyiamu ate ba a wom wa n&#596;iya?&gt;&gt;</div><div class="p"> 26Ba yaa jam paari Gerasa t&#603;&#331;ka. Kaai ale tuk Galili t&#603;&#331;ka la. 27Wa ale ga nyini &#331;aaru&#331;ku po a si&#331; t&#603;&#331; la, Gerasa den&#596; ate chichirik baata a jam bo wa zuk po a yaa jam Yeezu jigi. Ku jam beni ka nna yegayega, wa an jam a jo gatta, wa abe ka yeri po, wa jam bo ka boosuta po. 28Wa ale nya Yeezu la, wa yaa lo t&#603;&#331; wa ni&#331; a kaari ate ku jueli ayen, &lt;&lt;Fi a yaali ka boa m jigiya, fi Yeezu Wen Dii Ale Bo Wen&#331;mazuk La Nidoabinni? Mi a saalim, kan namsi mu.&gt;&gt; 29Dii nyi&#331;la, Yeezu a na chichirik bioku kama ayen ku nyini wa zukku po a nyini. Wa jam ka chichirik biok kuui ale kasim a daani wa nna yegayega la. Ba jam yik wa kama a pai ch&#596;rima a bobi wa nisa ale wa na&#331;sa alege wa nyiem diem gebi &#331;a alege ate chichirik bioku a ta wa che&#331; ga bo sagni po. 30Yeezu yaa bek wa ayen, &lt;&lt;Fi yuei ale boa?&gt;&gt; Wa yaa weeni ayen, &lt;&lt;Anuruboari,&gt;&gt; dii nyi&#331;la, chichirik baata&#331;a a jam piisi kama a jo wa. 31Chichirik baata&#331;a a yaa saalim Yeezu ayen wa kan na ti ate ti che&#331; ninam jigiya.</div><div class="p"> 32Die ale jam piisi a za guuk zuk dula jigini a d&#603;. Chichirik baata&#331;a yaa saalim Yeezu ayen wa basi ate ti nyini a ga jo die&#331;a po, ate wa te &#331;a suik. 33Chichirik baata&#331;a yaa nyini nuruwa po a ga jo die&#331;a, ate &#331;a meena chali si&#331; nyakpiemu po a kpi.</div><div class="p"> 34Ase baai ale jam a nya die&#331;a zuk la ale nya dii ale nye la, ba yaa chali che&#331; t&#603;&#331; kpie&#331;ka ale t&#603;&#331; kpa&#331;sa&#331;a po, a weeni sak ba. 35Nuruma yaa nyini che&#331; Yeezu jigi ayen ba nya dii ale nye la. Ba yaa nya nuru waai ate chichirik baata&#331;a a poom ta wa la ale wa kala Yeezu t&#603;&#331; a jo gatta. Wa an &#331;man a yesimu. Ate y&#596;gsum yik ba. 36Baai ale nya dii meena ale nye la, a yaa weeni sak nuruba ba chaab ayen nuru waai ate chichirik baata&#331;a a jam ta wa la a yaa ta ka nyi&#331;y&#596;gsa. 37Gerasa demma meena yaa weeni Yeezu ayen wa nyini ba t&#603;&#331;ka po a nyini, dii nyi&#331;la y&#596;gsum nna yegayega ale jam yik ba. Yeezu yaa che&#331; ga jo &#331;aaru&#331;ku po a pilim &#331;mani. 38Nuru waai ate chichirik baata&#331;a ta wa la, a yaa saalim Yeezu ayen wa basi ate wa maa va wa a che&#331;. 39&lt;&lt;Pilim kuli fi yenni a ga weeni sak waai meena Wen ale nye wakpiema &#331;aai a te fu la.&gt;&gt; Nuruwa yaa che&#331; ga jo t&#603;&#331;ka meena po a weeni Yeezu ale tom dii a te wa la.</div><div class="p"> 40Yeezu ale pilim &#331;mani la, nuru boari yaa te wa tia, dii nyi&#331;la, ba kasim jam a limisi wa kama. 41Nuru wanyi yaa deri jam lo Yeezu na&#331;sa t&#603;&#331; a saalim wa ayen wa maa va wa ate ba kuli wa yenni. Nuruwa yuei jam ale Jairus. Wa jam ka ba tuka diina&#331;a kunyi kpagi. 42Wa jam ta ka wa lie ye&#331; ate wa a yuak a moata kum. Nipokbinni a jam ka bena pi ale &#331;aye. Yeezu ale jam siak ate ba che&#331; la, nuruma jam piisi ka nna yegayega a yaa jam a tusi wa.</div><div class="p"> 43Nipok ale jam maa bo ba po a yuak ate ku paari bena pi ale &#331;aye. Wa jam a lo ka chiak. Nuru a jam karo a baga a tebi wa. 44Nuruma ale jam gilim Yeezu dila la, wa yaa va Yeezu &#331;aa&#331;nyi&#331; a tiri wa garukku n&#596;nni. Wa ale tiri la, wa chiaka loka yaa deri basi wa. 45Yeezu yaa bek ayen, &lt;&lt;Ka wana ale tiri mi la?&gt;&gt; Ba meena yaa pagsi ayen daa ba. Piita yaa weeni ayen, &lt;&lt;M Kpagi yaa, ka nuru boanni ale gilim fu la ale tusi fu.&gt;&gt; 46Alege Yeezu tulisi wa ayen, &lt;&lt;Ka nuru ale tiri mu dii nyi&#331;la, m seba kama ayen pagrim ale nyini m jigi a nyini.&gt;&gt; 47Nipowa ale mi&#331; ayen Yeezu mi&#331; kama la, wa yaa nyini ate wa nyi&#331;ka a g&#596;k a lo Yeezu ni&#331; a weeni ate waai meena wom dii nyi&#331; ale soa ate wa tiri Yeezu a deri nya nyi&#331;y&#596;gsa la. 48Yeezu yaa weeni wa ayen, &lt;&lt;M lie, fi siaka a basi kama ate fi nya nyi&#331;y&#596;gsa, be che&#331; ale suiy&#596;gni.&gt;&gt;</div><div class="p"> 49Yeezu ale diem jam boro a biisi la, nidoa wanyi a yaa nyini Jairus yenni a jam weeni Jairus ayen, &lt;&lt;Fi liewa kpi kama, kan &#331;man daani sagr&#596;wa.&gt;&gt; 50Yeezu ale wom nna la, wa yaa weeni Jairus ayen, &lt;&lt;Kan chali y&#596;gsum, ta siaka nyiini ale wa le nya nyi&#331;y&#596;gsa.&gt;&gt; 51Yeezu ale paari Jairus yenni la, wa an siak ate nuruba a maa va wa jo ya, ka Piita ale J&#596;&#596;n ale Jeemsi ale biika kowa ale wa mawa ale jam maa va jo. 52Nuruma jam a kum kama ale a kaari, Yeezu yaa weeni ba ayen, &lt;&lt;Ni kaa kum, wa an kpiya, wa a goa kama.&gt;&gt; 53Ba yaa a la wa alege seba chak ayen nipokbinni kpi kama. 54Alege Yeezu yaa zak nipokbinni nisa ale weeni wa ayen, &lt;&lt;Biiga, yiri &#331;mai.&gt;&gt; 55Nipokbinni chiika yaa pilim jam ate wa deri yiri bunyi dekki. Yeezu yaa weeni ba ayen ba nye &#331;andiinta a te wa ate wa d&#603;. 56Ku yaa cha wa nyama alege Yeezu yaa kaam ba ayen ba kan weeni a sak waai ya dii meena ale nye la.</div>
 </div>
 </div>
</div>

Ku ŋaaŋnyiŋ ate Yeezu yaa nyiem gilim a cheŋ tɛŋ kpieŋsa ale tɛŋ fiisa a mooli ale a sak nuruba wamaŋsaŋa wie a magsi chaab ale Wen naamu. Wa ŋaaŋviirɔma pi ale bayewa a jam maa bo ale wa kama. Nipooba gela mɛ baai ate wa jam yiak chichirik baata ba zuima po a basi ale ba gela mɛ baai ate wa jam tebi ba tueta la a jam maa va wa kama. Nipooma de jam ale Mɛɛri ate ba a wi ayen Magdalene ate Yeezu yiak chichirik baata tiyopɔi wa zukku po a basi la ale Chuuza ale jam ka Naawa Ayerod tomteerɔma kpagi la, powa Joana ale Suzana ale nipooba ba chaab nna yegayega. Nyaba de meena ale jam pai badek ŋanta a nya Yeezu ale wa ŋaaŋviirɔma zuk.
Nuru boari a yaa nyini tɛŋsa tɔgatɔga a jam wa jigi ase wa ale va si po a taam la. Ba ale jan jam wa jigi a piisi nna yegayega la wa yaa piilim sakka ale wamagsini ayen, <<Nuru wanyi ale jam nyini a cheŋ wa yuk ŋanbie, bieŋa gela a yaa lo suiku niŋ ate nuruba a yaa tabi ŋa zuk taam ate nuinsa a deri jam pisi ŋa meena. Ŋa gela mɛ a lɔ tintana po. Ŋa yaa nyini nna nwuli, dii nyiŋla tantaŋa an jam soa diiya dula jigini ate nyiam a duagi. Ŋa gela mɛ a lo munsa po a yaa nyini a geri ŋa. Ŋa gela mɛ a lo tɛŋ naluŋ po a nyini a chim biak a bɛ bie kook dinyi dinyi nyiŋ.>> Yeezu yaa weeni ba ayen, <<Waai ale ta tue a wom la, a wom mi nalimnyiini.>>
Wa ŋaaŋviirɔma ale bek wa wamagsini de kiri la, wa yaa tulisi ba ayen, <<Wen basi kama ate nama seba wa naamu wasusuŋŋa alege nuruba gela jigi, ŋa chim ka wamagsima, ate ba a nya ale a nya alege ba kan miŋ, ba a wom ale a wom alege ba kan miŋ ŋa.>> Wamagsini kiri ale nna: Bieŋa ka Wen wieŋa. Be ŋaai ale lo suiku po la ka nuru baai ale wom Wen wieŋa la, ate jabiok a yaa jam jo ba suiniimaŋa po a pai ŋa ta nyini ate ba kan nya suik a siak a te ŋa a nya varibasika. Be ŋaai mɛ ale lo tintanaŋa po la, a nye se ka baai ale wom ŋa ate ba sue peenti alege ŋa kan jo ba suiniimaŋa po nalimnyiini la. Ba yaa va ŋa maga dega, alege nyenyaka a dan jam ba jigi Wen wieŋa vaka nyiŋ, ba nyiem deri pai ŋa vaka a basi. Be ŋaai ale lo munsaŋa po la, a nye ase ka baai ale wom ŋa alege tɛŋka po wieŋa popolaŋa ale ba ligra yaalika yegayega ale ba ŋanyaalika, ŋala meena a dɛ ka Wen wieŋa ate wamaŋ an baga nyini ŋa po a nyini. Be ŋaai ale lo tɛŋ naluŋku po la, a nye ase ka baai ale wom ŋa ale ta ŋa ba suiniima po a va ŋa nalimnyiini ale a zuli wa ale a tom tuimaŋsa la.
<<Nuru karo a toati wa bolim zeuŋ ale ŋman pai jaab a lik ku yaase wa pai ku a zaani gaduok tɛŋŋa. Alege wa dan toati, wa a pai ku a zaani ka jaab zuk ate ku a nya, ate baai ale a jo dɔkku po la a nya bolimu. Wari karo a suk ate di kan nyini peelim ate nuruba a nya, yaase wari karo a chim wasusugi ate di kan nyini peelim ate waai meena a seba. Kpesi fidek ale fi ale a wom diila, waai ale ta ŋanta yega la ale nya ŋanta a gum du, alege waai ale kan ta la, wa ale a poli ayen wa ta jabuui la, wa le jɔk jabula.>>
Yeezu mawa ale wa suataŋa a yaa jam wa jigi. Alege ba an baga a nya wa dii nyiŋla, nuruma a jam piisi kama. Nuruma yaa weeni Yeezu ayen, <<Fi mawa ale fi suataŋa a za peelim a yaali ayen ba nya fu.>> Yeezu yaa weeni nuruma ayen, <<Mi ma ale mi suata ale baai ale a wom Wen wanni ale a nye di ni a weeni diila.>>
Dai yeŋ ate Yeezu ale wa ŋaaŋviirɔma a yaa jo ŋaaruŋ po ate wa weeni ba ayen, <<Ni te ti taam nyakpiemu kauk kunkula.>> Ba yaa siak ate ba a taam. Ba ale bo nyiamu po a cheŋ la, goom yaa deri yik Yeezu. Va kpioŋ a yaa yiti ale ba diem bo nyiamu po. Ba ŋaaruŋku a yaa jam sueri ale nyiam ate ba poli ayen ba bo ka kum po. Ba yaa nak Yeezu a yiri a weeni wa ayen, <<Ti Kpagi yaa, ti Kpagi yaa, ti boro a kpi kama.>> Yeezu yaa yiti a weeni vioku ayen ku basi abe nyiamu a nye balaa. Vioku a yaa deri basi ate nyiamu mɛ a baliŋ. Yeezu yaa bek wa ŋaaŋviirɔma ayen, <<Ni siaka a bo ka bɛ?>> Ku yaa cha ba ate ba kpaziim a nak ate ba yaa weeni chaab ayen, <<Nuruwa de, ka wana ate wa baga a biisi ale vioku ale nyiamu ate ba a wom wa nɔiya?>>
Ba yaa jam paari Gerasa tɛŋka. Kaai ale tuk Galili tɛŋka la. Wa ale ga nyini ŋaaruŋku po a siŋ tɛŋ la, Gerasa denɔ ate chichirik baata a jam bo wa zuk po a yaa jam Yeezu jigi. Ku jam beni ka nna yegayega, wa an jam a jo gatta, wa abe ka yeri po, wa jam bo ka boosuta po. Wa ale nya Yeezu la, wa yaa lo tɛŋ wa niŋ a kaari ate ku jueli ayen, <<Fi a yaali ka boa m jigiya, fi Yeezu Wen Dii Ale Bo Wenŋmazuk La Nidoabinni? Mi a saalim, kan namsi mu.>> Dii nyiŋla, Yeezu a na chichirik bioku kama ayen ku nyini wa zukku po a nyini. Wa jam ka chichirik biok kuui ale kasim a daani wa nna yegayega la. Ba jam yik wa kama a pai chɔrima a bobi wa nisa ale wa naŋsa alege wa nyiem diem gebi ŋa alege ate chichirik bioku a ta wa cheŋ ga bo sagni po. Yeezu yaa bek wa ayen, <<Fi yuei ale boa?>> Wa yaa weeni ayen, <<Anuruboari,>> dii nyiŋla, chichirik baataŋa a jam piisi kama a jo wa. Chichirik baataŋa a yaa saalim Yeezu ayen wa kan na ti ate ti cheŋ ninam jigiya.
Die ale jam piisi a za guuk zuk dula jigini a dɛ. Chichirik baataŋa yaa saalim Yeezu ayen wa basi ate ti nyini a ga jo dieŋa po, ate wa te ŋa suik. Chichirik baataŋa yaa nyini nuruwa po a ga jo dieŋa, ate ŋa meena chali siŋ nyakpiemu po a kpi.
Ase baai ale jam a nya dieŋa zuk la ale nya dii ale nye la, ba yaa chali cheŋ tɛŋ kpieŋka ale tɛŋ kpaŋsaŋa po, a weeni sak ba. Nuruma yaa nyini cheŋ Yeezu jigi ayen ba nya dii ale nye la. Ba yaa nya nuru waai ate chichirik baataŋa a poom ta wa la ale wa kala Yeezu tɛŋ a jo gatta. Wa an ŋman a yesimu. Ate yɔgsum yik ba. Baai ale nya dii meena ale nye la, a yaa weeni sak nuruba ba chaab ayen nuru waai ate chichirik baataŋa a jam ta wa la a yaa ta ka nyiŋyɔgsa. Gerasa demma meena yaa weeni Yeezu ayen wa nyini ba tɛŋka po a nyini, dii nyiŋla yɔgsum nna yegayega ale jam yik ba. Yeezu yaa cheŋ ga jo ŋaaruŋku po a pilim ŋmani. Nuru waai ate chichirik baataŋa ta wa la, a yaa saalim Yeezu ayen wa basi ate wa maa va wa a cheŋ. <<Pilim kuli fi yenni a ga weeni sak waai meena Wen ale nye wakpiema ŋaai a te fu la.>> Nuruwa yaa cheŋ ga jo tɛŋka meena po a weeni Yeezu ale tom dii a te wa la.
Yeezu ale pilim ŋmani la, nuru boari yaa te wa tia, dii nyiŋla, ba kasim jam a limisi wa kama. Nuru wanyi yaa deri jam lo Yeezu naŋsa tɛŋ a saalim wa ayen wa maa va wa ate ba kuli wa yenni. Nuruwa yuei jam ale Jairus. Wa jam ka ba tuka diinaŋa kunyi kpagi. Wa jam ta ka wa lie yeŋ ate wa a yuak a moata kum. Nipokbinni a jam ka bena pi ale ŋaye. Yeezu ale jam siak ate ba cheŋ la, nuruma jam piisi ka nna yegayega a yaa jam a tusi wa.
Nipok ale jam maa bo ba po a yuak ate ku paari bena pi ale ŋaye. Wa jam a lo ka chiak. Nuru a jam karo a baga a tebi wa. Nuruma ale jam gilim Yeezu dila la, wa yaa va Yeezu ŋaaŋnyiŋ a tiri wa garukku nɔnni. Wa ale tiri la, wa chiaka loka yaa deri basi wa. Yeezu yaa bek ayen, <<Ka wana ale tiri mi la?>> Ba meena yaa pagsi ayen daa ba. Piita yaa weeni ayen, <<M Kpagi yaa, ka nuru boanni ale gilim fu la ale tusi fu.>> Alege Yeezu tulisi wa ayen, <<Ka nuru ale tiri mu dii nyiŋla, m seba kama ayen pagrim ale nyini m jigi a nyini.>> Nipowa ale miŋ ayen Yeezu miŋ kama la, wa yaa nyini ate wa nyiŋka a gɔk a lo Yeezu niŋ a weeni ate waai meena wom dii nyiŋ ale soa ate wa tiri Yeezu a deri nya nyiŋyɔgsa la. Yeezu yaa weeni wa ayen, <<M lie, fi siaka a basi kama ate fi nya nyiŋyɔgsa, be cheŋ ale suiyɔgni.>>
Yeezu ale diem jam boro a biisi la, nidoa wanyi a yaa nyini Jairus yenni a jam weeni Jairus ayen, <<Fi liewa kpi kama, kan ŋman daani sagrɔwa.>> Yeezu ale wom nna la, wa yaa weeni Jairus ayen, <<Kan chali yɔgsum, ta siaka nyiini ale wa le nya nyiŋyɔgsa.>> Yeezu ale paari Jairus yenni la, wa an siak ate nuruba a maa va wa jo ya, ka Piita ale Jɔɔn ale Jeemsi ale biika kowa ale wa mawa ale jam maa va jo. Nuruma jam a kum kama ale a kaari, Yeezu yaa weeni ba ayen, <<Ni kaa kum, wa an kpiya, wa a goa kama.>> Ba yaa a la wa alege seba chak ayen nipokbinni kpi kama. Alege Yeezu yaa zak nipokbinni nisa ale weeni wa ayen, <<Biiga, yiri ŋmai.>> Nipokbinni chiika yaa pilim jam ate wa deri yiri bunyi dekki. Yeezu yaa weeni ba ayen ba nye ŋandiinta a te wa ate wa dɛ. Ku yaa cha wa nyama alege Yeezu yaa kaam ba ayen ba kan weeni a sak waai ya dii meena ale nye la.

Listen to Luuk 8