Romblomanon: Bag-o nga Kasugtanan (New Testament)

Bag-o nga Kasugtanan

<div class="version vid2244 iso6393rol" data-vid="2244" data-iso6393="rol">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Si Hesus kag si Juan nga Miyugbawtismo</div><div class="r"> Lucas 7:18-35</div><div class="p"> 1Pagkatapos tugon ni Hesus sa iya dose nga disipulo, nagkadto siya sa palibot nga mga banwa para magtudl&#242; kag magwali sa mga tawo didto.</div><div class="p"> 2Nang yadto pa si Juan nga Miyugbawtismo sa prisuhan, nabatian niya ang parti sa mga ginahuman ni Kristo. Ngan&#236; gingpakadto niya kay Kristo ang iya mga disipulo para mangutana. 3Kag nagpangutana sinda kay Hesus, &#8220;Balitai kami, ikaw ba ang amon ginapaabot o mahuyat pa kami sa iban?&#8221;</div><div class="p"> 4Nagsabat si Hesus, &#8220;Magbalik kamo kay Juan kag balitai siya ng indo nakit&#224; kag nabatian. 5Hambaya nindo siya nga ang mga buta nakakit&#224;, ang mga pak&#236; nakapanaw, ang mga may sakit nga kitong nag-ayo, ang mga bungoy nakabat&#236;, ang mga patay nabanhaw kag ang Maayong Balit&#224; ginawali sa mga pobre.#Isaias 35:5-6, 61:1 6Bulahan ang mga tawo nga way&#224; nagaduha-duha sa akon.&#8221;</div><div class="p"> 7Nang nagpanaw na ang mga disipulo ni Juan, nagpangutana si Hesus sa mga tawo, &#8220;Sa indo pagkadto kay Juan sa tiway nga lugar, ano ang indo ginaasahan nga makit&#224;? Nagkadto ba kamo didto para makit&#224; ang tawo nga pareho sa kugon nga ginahapay-hapay pag ginahuyop ng hangin? 8O para makit&#224; nindo ang tawo nga nakasuksok ning mamahayon nga bar&#242;? Pero ang nagasuksok ning mamahayon nagaistar sa mga palasyo. 9Abi isipon nindo, bas&#236; nagkadto kamo didto? D&#236; ba para makit&#224; ang propeta? Huo kag ginahambay ko sa indo, mas sobra pa gid siya kaysa sa propeta. 10Kay siya imaw ang ginahambay ng Dios sa Kasulatan, &#8216;Ipapadaya ko ang akon mensahero nga mauna sa imo para magpreparar ng dayan bago ang imo pag-abot.&#8217; &#8221;#Malakias 3:1 11Naghambay pa gid si Hesus, &#8220;Sa matuod lang ginahambay ko sa indo, way&#224; ning aber sin-o nga natawo sa kalibutan nga mas labaw pa kaysa kay Juan nga Miyugbawtismo. Pero ang tawo nga pinakamabab&#224; sa gingharian ng Dios hay mas labaw pa kaysa kay Juan. 12Tun&#224; nang pagwali ni Juan hasta niyan, nagapamilit ang mga tawo nga magpasakop sinda sa paghahar&#236; ng Dios. 13Kay nang way&#224; pa nag-abot si Juan, gingtudl&#242; ng tanan nga mga propeta kag ng Kasuguan ang parti sa paghahar&#236; ng Dios.#Lucas 16:16 14Kag kung patihan nindo ang inda mga mensahe, si Juan imaw si Elias nga gingpropesiya nga magaabot.#Malakias 4:5; Mateo 17:10-13; Marcos 9:11-13 15Kamo nga nagapamat&#236;, dapat intindihon gid nindo maayo ang indo nababatian.</div><div class="p"> 16&#8220;Niyan, sa diin ko baya ikumpara ang mga tawo sa ini nga henerasyon? Pareho kamo sa mga ung&#224; nga nagapungk&#242; sa plasa kag nagahambay sa isa kag isa,</div><div class="q1"> 17&#8216;Nagpasunata kami para sa kasay pero way&#224; kamo nagsaot;</div><div class="q2">nagkanta kami para sa lamay ng patay pero way&#224; kamo nagtangis.&#8217;</div><div class="m"> 18Kamo nga mga tawo sa ini nga henerasyon hay pareho da sa inda, kay nang pag-abot ni Juan, nakit&#224; nindo nga nagapuasa siya kag way&#224; nagainom ning ilimnon, ngan&#236; nagahambay kamo nga ginasapian siya ng demonyo. 19Nag-abot ako nga Ung&#224; ng Tawo, nakit&#224; nindo nga nagakaon kag nagainom ngan&#236; nagahambay kamo, &#8216;Hala, sirua ang tawo nga ini! Makagod siya kag buratso kag amigo ng mga miyugsukot ning buhis kag iban pa nga makasasal&#224;.&#8217; Pero pabay-i lang, ang kabubut-on ng Dios hay ginapamatuuran sa kabuh&#236; ng tawo nga nagabaton sa iya ginapanudl&#242; paagi sa amon.&#8221;</div><div class="s">Ang mga Tawo nga Nagsikway kay Hesus</div><div class="r"> Lucas 10:13-15</div><div class="p"> 20Tapos naghambay si Hesus kontra sa mga nagaistar sa mga banwa kung sa diin naghuman siya ning kadam&#242; nga milagro, tungod way&#224; sinda nagtalikod sa inda mga sal&#224;. 21Naghambay siya, &#8220;Makaluluoy kamo, mga taga-Corazin! Imaw da kamo, mga taga-Betsaida! Kay kung ang mga milagro nga akon ginghuman sa indo, ginghuman ko sa mga tawo sa Tyre kag Sidon, kadugay na kunt&#224; sinda nagsuksok ning kustal#11:21 Ini nga kustal hay him&#242; sa tela nga masapya halin sa buyboy ng kambing o kamelyo. Ginasuksok ninda ini kung nagalamay sa patay o kung nagahinuysoy sa mga sal&#224;. kag nagbutang ning abo sa inda mga uyo para ipakit&#224; nga nagatalikod na sinda sa inda mga sal&#224;.#Isaias 23:1-18; Ezekiel 26:1-28:26; Joel 3:4-8; Amos 1:9-10; Zacarias 9:2-4 22Pero matuod ang akon hambay sa indo nga sa adlaw ng paghusga, ang parusa nga para sa indo sobra pa sa parusa nga para sa mga taga-Tyre kag taga-Sidon. 23Kamo mga taga-Capernaum! Ang kalaom ba nindo pagadayawon gid kamo? Ihuhuyog gid kamo sa impyerno! Kadam&#242; ang mga milagro nga akon ginghuman sa indo banwa, pero way&#224; kamo naghinuysoy. Kung sa Sodom ginghuman ko ini nga mga milagro, hay naghinuysoy na sinda kag yari pa kunt&#224; sinda hasta niyan! 24Ngan&#236; matuod ang akon hambay sa indo nga sa adlaw ng paghusga ng Dios, ang parusa nga indo mababaton hay mas sobra pa kaysa sa parusa nga para sa mga taga-Sodom.&#8221;#Mateo 10:15; Lucas 10:12</div><div class="s">Ang Kapahuwayan halin kay Hesus</div><div class="r"> Lucas 10:21-22</div><div class="p"> 25Adto nga oras, nagpangamuy&#242; si Hesus, &#8220;Amay nga Ginoo ng langit kag dut&#224;, ginadayaw ko ikaw kay ang kamatuuran hay imo gingtag&#242; sa mga tawo nga ang kalaom ninda hay kamayad sinda kag may tinun-an; kag imo ini gingpasayod sa mga mapainubuson pareho ng ung&#224; nga kaisot. 26Amay, dayawon ka, kay imaw ini ang ginakalipay mo.&#8221;</div><div class="p"> 27Pagkatapos adto, naghambay si Hesus sa mga tawo didto, &#8220;Gingtao na ang tanan sa akon ng akon Amay. Way&#224; ning may nakakakilaya sa akon nga iya Ung&#224; kund&#236; ang Amay; kag way&#224; ning may nakakakilaya sa Amay kund&#236; ang iya Ung&#224; kag ang mga tawo nga gingpil&#236; ng Ung&#224; nga maipakilaya ang Amay.#Juan 1:18, 3:35, 10:15</div><div class="p"> 28&#8220;Magpalapit kamo tanan sa akon, kamo nga ginabudlayan kag ginabug-atan kag papahuwayon ko kamo. 29Magtuman kamo sa akon mga sug&#242; kag magpatudl&#242; sa akon kay mabuot ako kag mapinaubuson. Magakaigwa kamo ning matawhay nga hunahun&#224;,#Jeremias 6:16 30kay ang akon mga sug&#242; hay bukon mahug&#224; nga sunuron kag ang akon ginapahuman hay bukon gid mabug-at.&#8221;</div>
 </div>
 </div>
</div>

Pagkatapos tugon ni Hesus sa iya dose nga disipulo, nagkadto siya sa palibot nga mga banwa para magtudlò kag magwali sa mga tawo didto.
Nang yadto pa si Juan nga Miyugbawtismo sa prisuhan, nabatian niya ang parti sa mga ginahuman ni Kristo. Nganì gingpakadto niya kay Kristo ang iya mga disipulo para mangutana. Kag nagpangutana sinda kay Hesus, “Balitai kami, ikaw ba ang amon ginapaabot o mahuyat pa kami sa iban?”
Nagsabat si Hesus, “Magbalik kamo kay Juan kag balitai siya ng indo nakità kag nabatian. Hambaya nindo siya nga ang mga buta nakakità, ang mga pakì nakapanaw, ang mga may sakit nga kitong nag-ayo, ang mga bungoy nakabatì, ang mga patay nabanhaw kag ang Maayong Balità ginawali sa mga pobre. Bulahan ang mga tawo nga wayà nagaduha-duha sa akon.”
Nang nagpanaw na ang mga disipulo ni Juan, nagpangutana si Hesus sa mga tawo, “Sa indo pagkadto kay Juan sa tiway nga lugar, ano ang indo ginaasahan nga makità? Nagkadto ba kamo didto para makità ang tawo nga pareho sa kugon nga ginahapay-hapay pag ginahuyop ng hangin? O para makità nindo ang tawo nga nakasuksok ning mamahayon nga barò? Pero ang nagasuksok ning mamahayon nagaistar sa mga palasyo. Abi isipon nindo, basì nagkadto kamo didto? Dì ba para makità ang propeta? Huo kag ginahambay ko sa indo, mas sobra pa gid siya kaysa sa propeta. Kay siya imaw ang ginahambay ng Dios sa Kasulatan, ‘Ipapadaya ko ang akon mensahero nga mauna sa imo para magpreparar ng dayan bago ang imo pag-abot.’ ” Naghambay pa gid si Hesus, “Sa matuod lang ginahambay ko sa indo, wayà ning aber sin-o nga natawo sa kalibutan nga mas labaw pa kaysa kay Juan nga Miyugbawtismo. Pero ang tawo nga pinakamababà sa gingharian ng Dios hay mas labaw pa kaysa kay Juan. Tunà nang pagwali ni Juan hasta niyan, nagapamilit ang mga tawo nga magpasakop sinda sa paghaharì ng Dios. Kay nang wayà pa nag-abot si Juan, gingtudlò ng tanan nga mga propeta kag ng Kasuguan ang parti sa paghaharì ng Dios. Kag kung patihan nindo ang inda mga mensahe, si Juan imaw si Elias nga gingpropesiya nga magaabot. Kamo nga nagapamatì, dapat intindihon gid nindo maayo ang indo nababatian.
“Niyan, sa diin ko baya ikumpara ang mga tawo sa ini nga henerasyon? Pareho kamo sa mga ungà nga nagapungkò sa plasa kag nagahambay sa isa kag isa,
‘Nagpasunata kami para sa kasay pero wayà kamo nagsaot;
nagkanta kami para sa lamay ng patay pero wayà kamo nagtangis.’
Kamo nga mga tawo sa ini nga henerasyon hay pareho da sa inda, kay nang pag-abot ni Juan, nakità nindo nga nagapuasa siya kag wayà nagainom ning ilimnon, nganì nagahambay kamo nga ginasapian siya ng demonyo. Nag-abot ako nga Ungà ng Tawo, nakità nindo nga nagakaon kag nagainom nganì nagahambay kamo, ‘Hala, sirua ang tawo nga ini! Makagod siya kag buratso kag amigo ng mga miyugsukot ning buhis kag iban pa nga makasasalà.’ Pero pabay-i lang, ang kabubut-on ng Dios hay ginapamatuuran sa kabuhì ng tawo nga nagabaton sa iya ginapanudlò paagi sa amon.”


Tapos naghambay si Hesus kontra sa mga nagaistar sa mga banwa kung sa diin naghuman siya ning kadamò nga milagro, tungod wayà sinda nagtalikod sa inda mga salà. Naghambay siya, “Makaluluoy kamo, mga taga-Corazin! Imaw da kamo, mga taga-Betsaida! Kay kung ang mga milagro nga akon ginghuman sa indo, ginghuman ko sa mga tawo sa Tyre kag Sidon, kadugay na kuntà sinda nagsuksok ning kustal kag nagbutang ning abo sa inda mga uyo para ipakità nga nagatalikod na sinda sa inda mga salà. Pero matuod ang akon hambay sa indo nga sa adlaw ng paghusga, ang parusa nga para sa indo sobra pa sa parusa nga para sa mga taga-Tyre kag taga-Sidon. Kamo mga taga-Capernaum! Ang kalaom ba nindo pagadayawon gid kamo? Ihuhuyog gid kamo sa impyerno! Kadamò ang mga milagro nga akon ginghuman sa indo banwa, pero wayà kamo naghinuysoy. Kung sa Sodom ginghuman ko ini nga mga milagro, hay naghinuysoy na sinda kag yari pa kuntà sinda hasta niyan! Nganì matuod ang akon hambay sa indo nga sa adlaw ng paghusga ng Dios, ang parusa nga indo mababaton hay mas sobra pa kaysa sa parusa nga para sa mga taga-Sodom.”


Adto nga oras, nagpangamuyò si Hesus, “Amay nga Ginoo ng langit kag dutà, ginadayaw ko ikaw kay ang kamatuuran hay imo gingtagò sa mga tawo nga ang kalaom ninda hay kamayad sinda kag may tinun-an; kag imo ini gingpasayod sa mga mapainubuson pareho ng ungà nga kaisot. Amay, dayawon ka, kay imaw ini ang ginakalipay mo.”
Pagkatapos adto, naghambay si Hesus sa mga tawo didto, “Gingtao na ang tanan sa akon ng akon Amay. Wayà ning may nakakakilaya sa akon nga iya Ungà kundì ang Amay; kag wayà ning may nakakakilaya sa Amay kundì ang iya Ungà kag ang mga tawo nga gingpilì ng Ungà nga maipakilaya ang Amay.
“Magpalapit kamo tanan sa akon, kamo nga ginabudlayan kag ginabug-atan kag papahuwayon ko kamo. Magtuman kamo sa akon mga sugò kag magpatudlò sa akon kay mabuot ako kag mapinaubuson. Magakaigwa kamo ning matawhay nga hunahunà, kay ang akon mga sugò hay bukon mahugà nga sunuron kag ang akon ginapahuman hay bukon gid mabug-at.”

Listen to Mateo 11