Sisaala, Tumulung - 1984 Edition (Drama NT)

Sisaala, Tumulung Old Testament

<div class="version vid2553 iso6393sil" data-vid="2553" data-iso6393="sil">
 <div class="book bkGEN">
 <div class="chapter ch34" data-usfm="GEN.34">
 <div class="label">34</div><div class="s">Daana ar&#617; S&#603;k&#603;m t&#617;&#331;&#331;aa</div><div class="p"> 1Tap&#651;l&#617;&#617; k&#651;bala Daana s&#617; &#331;aa Jek&#596;b ar&#617; Liya tolo l&#617;&#617; d&#617; &#651; g&#596;ll&#596; ch&#651;&#596;l&#603; K&#603;na&#331; t&#617;&#331;&#331;aa haalaa. 2&#330;&#617;&#617; n&#603; Ham&#596; nan&#651;ala S&#603;k&#603;m na&#651; a gurigu. &#434; fa &#331;aa Hivi t&#617;&#617;na n&#603; a &#331;aa ta&#331;-la kuoro. 3S&#603;k&#603;m jo&#331; &#651; d&#617;ma kala da&#331; &#651; l&#603; a b&#651;l w&#651;s&#617;&#331;&#331;aa tolo-la tee&#331;. 4&#330;&#617;&#617; n&#603; S&#603;k&#603;m b&#651;la p&#617; &#651; ny&#617;mma Ham&#596;, &#8220;Jaa tolo dee&#331; p&#617;m&#603;.&#8221;</div><div class="p"> 5Jek&#596;b s&#617; n&#617;a ar&#617; ba gurigi &#651; tolo Daana, b&#651;a-la l&#603; d&#617; &#651; hambolibiisi&#331; h&#603; k&#651;daal&#617;&#331; l&#603;, &#651; t&#596;r&#603; &#651; nii&#331;, ba l&#617;&#617; k&#651;daal&#617;&#331; k&#596;.</div><div class="p"> 6&#330;&#617;&#617; n&#603; S&#603;k&#603;m ny&#617;mma Ham&#596; sii m&#651; Jek&#596;b tee&#331; d&#617; ba b&#651;l w&#617;&#617;-la h&#603; d&#596;&#331;&#596; l&#603;. 7B&#651;a dee&#331; l&#603; d&#617; Jek&#596;b hambolibiisi&#331; l&#617;&#617; baga k&#651;k&#596; a n&#617;&#617; w&#617;&#617;-la. Ba t&#651;&#596;&#331; chei, ba na baan&#617;&#331; woru&#331; S&#603;k&#603;m s&#617; &#331;aa w&#617;&#617;-la. &#434; h&#603; Iziral tintee&#331; kala h&#617;&#617;s&#617;&#331; n&#603; a t&#617;&#331; &#651; s&#617; k&#603;&#331; tolo-la p&#617;&#331;. &#434; b&#617; maga d&#617; &#651; &#331;aa &#331;&#617;&#617;.</div><div class="p"> 8Ama Ham&#596; b&#651;la p&#617;ba, &#8220;M&#617; nan&#651;ala S&#603;k&#603;m d&#617;ma da&#331; ma tolo nyu&#331; n&#603;. M&#617;&#617; s&#651;lma, m&#225; jo&#331;o p&#651; d&#617; &#651; jaa. 9M&#225; le&#331; d&#617; la j&#617;jaa d&#596;&#331;&#596;ba toloo, d&#617; maa jaa la toloo, d&#617; la ma j&#617;jaa ma toloo. 10Ma ja&#331; wuo h&#596;&#331; la tintee&#331; l&#603; lee na-kala ma s&#617;&#617; ch&#603;. Wombii&#331; h&#603; n&#617;m&#603;. Ma ja&#331; wuo y&#617;yall&#603; k&#617;aa a k&#603;&#331; d&#651;a.&#8221;</div><div class="p"> 11&#330;&#617;&#617; n&#603; S&#603;k&#603;m ma b&#651;la p&#617; Daana ny&#617;mma ar&#617; &#651; naambiiri&#331;, &#8220;M&#225; &#331;aa w&#617;&#617;-la m&#617; s&#617;&#617; ch&#603; a p&#617;m&#603;, m&#617; ja&#331; p&#617;ma k&#651;&#331; na-kala ma s&#617;&#617; ch&#603;. 12Ma-na jo&#331; tolo-la p&#617;m&#603;, a dag&#603; jaar&#617;&#331; s&#617; mag&#603; &#331;&#617;&#617; ar&#617; k&#651;&#331;kala ma s&#617;&#617; ch&#603;, m&#617; ja&#331; p&#617;ma.&#8221;</div><div class="p"> 13A t&#617;&#331; S&#603;k&#603;m s&#617; gurigi ba d&#617;haala Daana w&#617;aa, Jek&#596;b hambolibiisi&#331; ny&#617;s&#603; S&#603;k&#603;m ar&#617; &#651; ny&#617;mma Ham&#596;. 14Ba b&#651;la p&#617;ba, &#8220;&#434; &#331;aa la k&#617;s&#617;&#331; n&#603;, la s&#617; ja&#331; jo&#331; la d&#617;haala p&#617; n&#617;&#617;-la s&#617; b&#617; &#651; peni&#331; kere. &#434; ja&#331; &#331;aa h&#617;&#617;s&#603; a p&#617;la. 15W&#651;bala d&#651;nd&#651;&#331; n&#603; la ja&#331; cho d&#617; ma &#331;aa ka d&#617; la-na jo&#331; la d&#617;haala a p&#617;ma, d&#617; ma n&#603; ja&#331; keri ma baalaa kala penee a nag&#603;la. 16&#330;&#617;&#617; n&#603; ma ja&#331; wuo j&#617;jaa la toloo, d&#617; la ma j&#617;jaa ma toloo. La d&#617; ma ja&#331; h&#596;&#331; a &#331;aa k&#651;bala. 17Ama d&#617; ma n&#603; b&#617; ja&#331; s&#603;&#617; a keri ma penee, la ja&#331; laa la tolo a m&#651;.&#8221;</div><div class="p"> 18Ba w&#651;b&#651;l&#617;&#617;-la s&#617;ma p&#617; Ham&#596; ar&#617; &#651; nan&#651;ala S&#603;k&#603;m. 19Bap&#651;&#596;s&#617;-bie dee&#331; n&#603; ba fa zizil woru&#331; a k&#617;&#617; n&#651;&#651;kala &#651; ny&#617;mma d&#617;a n&#617;aa t&#651;&#596;&#331;. &#434;-na b&#617; diene a&#331; &#331;aa w&#617;al&#617;&#331; kala ba s&#617; b&#651;la d&#617; ba &#331;aa a t&#617;&#331; &#651; s&#617; cho Jek&#596;b tolo w&#617;aa. 20Ham&#596; ar&#617; &#651; nan&#651;ala S&#603;k&#603;m m&#651; ba tabal-la n&#617;aa d&#617;-hilimi&#331; a b&#651;la p&#617; ba ta&#331;-la n&#617;aa, 21&#8220;N&#617;aa deemba &#331;aa n&#617;z&#596;m&#596; n&#603; la t&#651;&#596;&#331;. M&#225; le&#331; d&#617; ba h&#596;&#331; la tintee&#331; l&#603; aa yall&#603; k&#617;aa, tintee-la jal&#617;a n&#603;. La ja&#331; wuo jaa ba toloo d&#617; ba ma j&#617;jaa la toloo. 22Ama w&#651;bala d&#651;nd&#651;&#331; n&#617;al&#617;&#331; s&#617;&#617; ch&#603; d&#617; la &#331;aa a &#331;aa k&#651;bala n&#603;, d&#617; la baal na-kala s&#603;&#617; a keri &#651; peni&#331; ar&#617; ba s&#617; keri ba penee &#331;&#617;&#617;. 23D&#617; la n&#603; s&#603;y&#603; d&#617; la &#331;aa k&#651;bala, ba p&#651;s&#651;&#331; ar&#617; ba d&#651;a kala b&#617; ja&#331; &#331;aa la k&#617;aa? M&#225; le&#331; d&#617; la s&#603;&#617; ba k&#651;a, d&#617; ba h&#596;&#331; la tee&#331;.&#8221;</div><div class="p"> 24N&#617;al&#617;&#331; kala s&#617; m&#651; ba tabal-la d&#617;-hilimii-la, ba kala s&#603;&#617; w&#617;&#617;-la Ham&#596; ar&#617; &#651; nan&#651;ala S&#603;k&#603;m s&#617; b&#651;la. Baal kala s&#617; h&#603; ta&#331;-la l&#603; keri &#651; peni&#331;.</div><div class="p"> 25Ba s&#617; keri ba penee tap&#651;laa batori ch&#603;&#603;&#331;, d&#617; ba penee ha b&#617; f&#617;&#603;la. &#330;&#617;&#617; n&#603; Jek&#596;b hambolibiisi&#331; bal&#617;a, Simio&#331; ar&#617; Levi, Daana d&#617;baalaa, ba sii paa tokobiee a j&#651;&#651; ta&#331;-la t&#651;&#596;&#331; n&#651;&#651;kala s&#617; b&#617; y&#617;&#603;la a kp&#651; baal na-kala s&#617; h&#603; n&#617;m&#603;. 26Ba kp&#651; Ham&#596; ar&#617; &#651; bie S&#603;k&#603;m a&#331; k&#603;&#331; Daana l&#617;&#617; S&#603;k&#603;m d&#617;a l&#603; a kaa m&#651; ba d&#617;a. 27Jek&#596;b biiri&#331; to s&#651;&#651;n&#651;-la t&#651;&#596;&#331; a paa tabal-la k&#617;aa kala a t&#617;&#331; ba s&#617; gurigi ba d&#617;haala w&#617;aa. 28Ba k&#603;s&#603; ba piesee, n&#603;s&#617;&#331; ar&#617; kakusu&#331; ar&#617; k&#651;&#331;kala ba s&#617; k&#603;n&#603; ba d&#617;&#617;s&#617;&#331; ar&#617; ba bag&#617;s&#617;&#331; l&#603;. 29Ba paa ba d&#651;a kala, a k&#603;s&#603; ba haalaa ar&#617; ba biiri&#331; a paa ba k&#651;&#331;kala s&#617; h&#603; ba d&#617;&#617;s&#617;&#331; l&#603; a kaa viiri.</div><div class="p"> 30&#330;&#617;&#617; n&#603; Jek&#596;b b&#651;la p&#617; Simio&#331; ar&#617; Levi, &#8220;M&#225; l&#596;g&#603; w&#617;aa n&#603; a h&#603; m&#617; l&#603; &#331;&#617;&#617;. Ma jo&#331; d&#651;nd&#596;nn&#651; h&#603; la d&#617; K&#603;na&#331; t&#617;&#331;&#331;aa ar&#617; P&#603;r&#603;s t&#617;&#331;&#331;aa p&#603;g&#603; n&#603;. La b&#617; y&#651;g&#603;, d&#617; n&#617;aa deemba n&#603; p&#603; d&#596;&#331;&#596; l&#603; d&#617; ba yuomi, ba ja&#331; kp&#651; m&#617; d&#617; m&#617; d&#617;a n&#617;aa kala.&#8221;</div><div class="p"> 31&#330;&#617;&#617; n&#603; ba p&#617;&#603;s&#603;, &#8220;&#434; maga d&#617; &#651; jo&#331; la d&#617;haala ar&#617; &#651; &#331;aa hach&#596;r&#651;&#331; n&#603;&#603;?&#8221;</div>
 </div>
 </div>
</div>

©Ghana Institute of Linguistics Literacy and Bible Translation 1984, 2014

Tapʋlɩɩ kʋbala Daana sɩ ŋaa Jekɔb arɩ Liya tolo lɩɩ dɩ ʋ gɔllɔ chʋɔlɛ Kɛnaŋ tɩŋŋaa haalaa. Ŋɩɩ nɛ Hamɔ nanʋala Sɛkɛm naʋ a gurigu. Ʋ fa ŋaa Hivi tɩɩna nɛ a ŋaa taŋ-la kuoro. Sɛkɛm joŋ ʋ dɩma kala daŋ ʋ lɛ a bʋl wʋsɩŋŋaa tolo-la teeŋ. Ŋɩɩ nɛ Sɛkɛm bʋla pɩ ʋ nyɩmma Hamɔ, “Jaa tolo deeŋ pɩmɛ.”
Jekɔb sɩ nɩa arɩ ba gurigi ʋ tolo Daana, bʋa-la lɛ dɩ ʋ hambolibiisiŋ hɛ kʋdaalɩŋ lɛ, ʋ tɔrɛ ʋ niiŋ, ba lɩɩ kʋdaalɩŋ kɔ.
Ŋɩɩ nɛ Sɛkɛm nyɩmma Hamɔ sii mʋ Jekɔb teeŋ dɩ ba bʋl wɩɩ-la hɛ dɔŋɔ lɛ. Bʋa deeŋ lɛ dɩ Jekɔb hambolibiisiŋ lɩɩ baga kʋkɔ a nɩɩ wɩɩ-la. Ba tʋɔŋ chei, ba na baanɩŋ woruŋ Sɛkɛm sɩ ŋaa wɩɩ-la. Ʋ hɛ Iziral tinteeŋ kala hɩɩsɩŋ nɛ a tɩŋ ʋ sɩ kɛŋ tolo-la pɩŋ. Ʋ bɩ maga dɩ ʋ ŋaa ŋɩɩ.
Ama Hamɔ bʋla pɩba, “Mɩ nanʋala Sɛkɛm dɩma daŋ ma tolo nyuŋ nɛ. Mɩɩ sʋlma, má joŋo pʋ dɩ ʋ jaa. Má leŋ dɩ la jɩjaa dɔŋɔba toloo, dɩ maa jaa la toloo, dɩ la ma jɩjaa ma toloo. Ma jaŋ wuo hɔŋ la tinteeŋ lɛ lee na-kala ma sɩɩ chɛ. Wombiiŋ hɛ nɩmɛ. Ma jaŋ wuo yɩyallɛ kɩaa a kɛŋ dʋa.”
Ŋɩɩ nɛ Sɛkɛm ma bʋla pɩ Daana nyɩmma arɩ ʋ naambiiriŋ, “Má ŋaa wɩɩ-la mɩ sɩɩ chɛ a pɩmɛ, mɩ jaŋ pɩma kʋŋ na-kala ma sɩɩ chɛ. Ma-na joŋ tolo-la pɩmɛ, a dagɛ jaarɩŋ sɩ magɛ ŋɩɩ arɩ kʋŋkala ma sɩɩ chɛ, mɩ jaŋ pɩma.”
A tɩŋ Sɛkɛm sɩ gurigi ba dɩhaala Daana wɩaa, Jekɔb hambolibiisiŋ nyɩsɛ Sɛkɛm arɩ ʋ nyɩmma Hamɔ. Ba bʋla pɩba, “Ʋ ŋaa la kɩsɩŋ nɛ, la sɩ jaŋ joŋ la dɩhaala pɩ nɩɩ-la sɩ bɩ ʋ peniŋ kere. Ʋ jaŋ ŋaa hɩɩsɛ a pɩla. Wʋbala dʋndʋŋ nɛ la jaŋ cho dɩ ma ŋaa ka dɩ la-na joŋ la dɩhaala a pɩma, dɩ ma nɛ jaŋ keri ma baalaa kala penee a nagɛla. Ŋɩɩ nɛ ma jaŋ wuo jɩjaa la toloo, dɩ la ma jɩjaa ma toloo. La dɩ ma jaŋ hɔŋ a ŋaa kʋbala. Ama dɩ ma nɛ bɩ jaŋ sɛɩ a keri ma penee, la jaŋ laa la tolo a mʋ.”
Ba wʋbʋlɩɩ-la sɩma pɩ Hamɔ arɩ ʋ nanʋala Sɛkɛm. Bapʋɔsɩ-bie deeŋ nɛ ba fa zizil woruŋ a kɩɩ nʋʋkala ʋ nyɩmma dɩa nɩaa tʋɔŋ. Ʋ-na bɩ diene aŋ ŋaa wɩalɩŋ kala ba sɩ bʋla dɩ ba ŋaa a tɩŋ ʋ sɩ cho Jekɔb tolo wɩaa. Hamɔ arɩ ʋ nanʋala Sɛkɛm mʋ ba tabal-la nɩaa dɩ-hilimiŋ a bʋla pɩ ba taŋ-la nɩaa, “Nɩaa deemba ŋaa nɩzɔmɔ nɛ la tʋɔŋ. Má leŋ dɩ ba hɔŋ la tinteeŋ lɛ aa yallɛ kɩaa, tintee-la jalɩa nɛ. La jaŋ wuo jaa ba toloo dɩ ba ma jɩjaa la toloo. Ama wʋbala dʋndʋŋ nɩalɩŋ sɩɩ chɛ dɩ la ŋaa a ŋaa kʋbala nɛ, dɩ la baal na-kala sɛɩ a keri ʋ peniŋ arɩ ba sɩ keri ba penee ŋɩɩ. Dɩ la nɛ sɛyɛ dɩ la ŋaa kʋbala, ba pʋsʋŋ arɩ ba dʋa kala bɩ jaŋ ŋaa la kɩaa? Má leŋ dɩ la sɛɩ ba kʋa, dɩ ba hɔŋ la teeŋ.”
Nɩalɩŋ kala sɩ mʋ ba tabal-la dɩ-hilimii-la, ba kala sɛɩ wɩɩ-la Hamɔ arɩ ʋ nanʋala Sɛkɛm sɩ bʋla. Baal kala sɩ hɛ taŋ-la lɛ keri ʋ peniŋ.
Ba sɩ keri ba penee tapʋlaa batori chɛɛŋ, dɩ ba penee ha bɩ fɩɛla. Ŋɩɩ nɛ Jekɔb hambolibiisiŋ balɩa, Simioŋ arɩ Levi, Daana dɩbaalaa, ba sii paa tokobiee a jʋʋ taŋ-la tʋɔŋ nʋʋkala sɩ bɩ yɩɛla a kpʋ baal na-kala sɩ hɛ nɩmɛ. Ba kpʋ Hamɔ arɩ ʋ bie Sɛkɛm aŋ kɛŋ Daana lɩɩ Sɛkɛm dɩa lɛ a kaa mʋ ba dɩa. Jekɔb biiriŋ to sʋʋnʋ-la tʋɔŋ a paa tabal-la kɩaa kala a tɩŋ ba sɩ gurigi ba dɩhaala wɩaa. Ba kɛsɛ ba piesee, nɛsɩŋ arɩ kakusuŋ arɩ kʋŋkala ba sɩ kɛnɛ ba dɩɩsɩŋ arɩ ba bagɩsɩŋ lɛ. Ba paa ba dʋa kala, a kɛsɛ ba haalaa arɩ ba biiriŋ a paa ba kʋŋkala sɩ hɛ ba dɩɩsɩŋ lɛ a kaa viiri.
Ŋɩɩ nɛ Jekɔb bʋla pɩ Simioŋ arɩ Levi, “Má lɔgɛ wɩaa nɛ a hɛ mɩ lɛ ŋɩɩ. Ma joŋ dʋndɔnnʋ hɛ la dɩ Kɛnaŋ tɩŋŋaa arɩ Pɛrɛs tɩŋŋaa pɛgɛ nɛ. La bɩ yʋgɛ, dɩ nɩaa deemba nɛ pɛ dɔŋɔ lɛ dɩ ba yuomi, ba jaŋ kpʋ mɩ dɩ mɩ dɩa nɩaa kala.”
Ŋɩɩ nɛ ba pɩɛsɛ, “Ʋ maga dɩ ʋ joŋ la dɩhaala arɩ ʋ ŋaa hachɔrʋŋ nɛɛ?”

Listen to WƖAA DƖ-SUOMUŊ 34