Quichua Cañar Highland - 2016 Edition (NT) Non-Drama

Traducción bíblica: Quichua Cañar Highland © Sociedades Bíblicas Unidas de Ecuador 2010 Grabación de la Biblia Quichua Cañar Highland: ℗ 2016 Hosanna

Quichua Cañar Highland - 2016 Edition (Non-Drama NT)

Quichua Cañar Highland - 2016 Edition (Drama NT)

<div class="version vid261 iso6393qxr" data-vid="261" data-iso6393="qxr">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Jes&#250;s causarishcamanta</div><div class="r">(Mt 28.1-10; Mr 16.1-8; Jn 20.1-10)</div><div class="p"> 1Semana callari punzha, manarac alli achicyacpimi, chai huarmicunaca &#241;aupaman allichishca mishquilla ashnacucta apashpa, Jesusta maipi enterrashcaman rirca. 2Paicuna chayashpaca, sepulturata huichcashca rumi anchuchishcatami ricurca. 3Ucuman yaicushpaca Apunchic Jesuspac cuerpota mana tarircachu. 4Paicuna chaita ricushpa, manchaihuan shayacucpimi, jagan nicuc yuranlla churashca ishcai runacuna paicunapac &#241;aupapi ricurirca. 5Paicuna manchaihuan pambacaman cumuricpimi, chai runacunaca:</div><div class="p">&#8212;&#191;Ima nishpatac causarishcataca, hua&#241;ushcacunapurapi mashcacunguichic? 6Mana caipichu, &#241;ami causarirca. Pai Galilea llactapirac cashpa, ima nishcataca yuyarichic. 7Paica: &#8220;Runa Tucungapac shamushca &#241;ucataca, juchayuc runacuna japishpa hua&#241;uchingacunami. Hua&#241;uchicpipish, quimsa punzhapica causarishami&#8221; nircami&#8212; nirca.</div><div class="p"> 8Chashna nicpimi, chai huarmicunaca Jes&#250;s chashna nishcataca yuyarirca. 9Chunga shuc yachacuccunamanpish, caishuc caticcunamanpishmi tucui ima tucushcata huillarca. 10Apostolcunaman huillagriccunaca, Magdala pueblomanta Mariapish, Juanapish, Jacobopac mama Mariapish, shuc huarmicunapishmi carca. 11Ashtahuanpish huarmicuna huillashcaca, apostolcunamanca yanga shinallami carca. Chaimantami mana crirca.</div><div class="p"> 12Chashna mana cricushpapish Pedroca jatarishcahuanmi, sepulturapi ricungapac callparca. Chaiman chayashpa, ucuta ricushpaca, pillushca pa&#241;olla siricuctami ricurca. Chashna ricushpaca, yallita mancharishpami, huasiman cutimurca.</div><div class="s1">Ishcai yachacuccuna Jes&#250;s ricurishcamanta</div><div class="r">(Mr 16.12-13)</div><div class="p"> 13Chai punzhallatacmi, Jesusta ishcai caticcunaca Ema&#250;s puebloman ricurca. Chai puebloca Jerusalenmanta chunga shuc kil&#243;metro shinapimi carca. 14Paicunaca chai punzhacunapi tucui ima tucushcatami parlanacushpa ricurca. 15Paicuna caishuc chaishuc parlanacushpa ricucpimi, Jesusca paicunahuan tandarishpa ri callarirca. 16Ashtahuanpish paicunapac &#241;ahui pacashca shina cacpimi, Jesustaca mana ricsirca. 17Jesusca paicunataca:</div><div class="p">&#8212;&#191;Imamantatac parlanacushpa ricunguichic?&#8212; nishpa tapurca.</div><div class="p">Chaimantami paicunaca llaquilla tucushpa shayarirca. 18Paicunapuramanta Cleofas runaca:</div><div class="p">&#8212;Jerusal&#233;n pueblopi cai punzhacuna ima tucushcataca, tucuimi yachan. Canllami mana yachashcangui&#8212; nirca.</div><div class="p"> 19Shina nicpimi Jesusca:</div><div class="p">&#8212;&#191;Imatac tucushcayari?&#8212; nirca.</div><div class="p">Chashna nicpimi paicunaca:</div><div class="p">&#8212;Nazaret pueblomanta Jesusmantami parlanacucunchic. Paica Dios ima nishcata huillac, Diospac &#241;aupapipish, gentecunapac &#241;aupapipish allita yachachic, allita ruhuacmi carca. 20Paitami curacunata mandac curacunapish, llactata mandaccunapish juchanchishpa, cruzpi chacatashpa hua&#241;uchirca. 21&#209;ucanchicca: &#8216;Paimi israelcunataca quishpichinga&#8217; nishpami yuyacurcanchic. Shina cacpipish, paita hua&#241;uchishcaca &#241;ami quimsa punzha tucun. 22Ashtahuanpish manarac pacaricpi, &#241;ucanchicpuramanta maijan huarmicuna maipi enterrashcapi ricumushpaca, ashtahuanmi manchachirca. 23Paicuna Jesuspac cuerpota mana tarishpa, huasiman cutimushpaca: &#8220;Angelcuna ricurishpa: &#8216;Jesusca &#241;ami causarin&#8217; nishpami huillan&#8221; nircami. 24&#209;ucanchicpuramanta maijan sepulturapi ricungapac rishpapish, huarmicuna nishca shinallatacmi ricurca. Ashtahuanpish Jesustaca mana tarircacunachu&#8212; nirca.</div><div class="p"> 25Chashna nicpimi Jesusca:</div><div class="p">&#8212;&#161;Cancunaca yuyai illac upacuna cashpami, Dios ima nishcata huillaccuna &#241;ucamanta huillashcataca mana utca cringuichic! 26&#191;Manachu Cristoca jahua pachapi Dios alli nishca cangapacca, llaquitarac apana carca?&#8212; nirca.</div><div class="p"> 27Chashna nishpami, Mois&#233;s quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.</div><div class="p"> 28Jesusca Ema&#250;s puebloman chayacushpaca, pasaric shinami tucurca. 29Chaimantami paicunaca mana cachashun nishpa:</div><div class="p">&#8212;&#209;ami chishi, shinallatac tutayacun. Caillapi &#241;ucanchic-huan saquiri&#8212; nirca.</div><div class="p">Chaimantami Jesusca paicunahuan saquirishpa, samaringapac yaicurca. 30Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca. 31Chai rato &#241;ahuicuna pascaricpimi, Jesusta ricsircacuna. Chashna ricsicpica, Jesusca chingarircami. 32Chaimantami paicunapura rimanacushpaca:</div><div class="p">&#8212;&#191;Manachu Dios quillcachishcata &#241;anpi pai huillacucpica, &#241;ucanchic shungu rupacyarca?&#8212; ninacurca.</div><div class="p"> 33Chashna ninacushpaca chai ratollatacmi Jerusalenman cutimurca. Paicuna chayashpaca, Jesuspac chunga shuc yachacuccuna caishuc caticcunahuan tandanacushcahuanmi tuparcacuna. 34Chaipi caccunaca:</div><div class="p">&#8212;Apunchic Jes&#250;s causarishcatami Simonca ricushca&#8212; nishpami huillarca.</div><div class="p"> 35Shina nicpimi, chai ishcai caticcunaca &#241;anpi ima tucushcatapish, Jes&#250;s tandata chaupicucpi paita ricsishcatapish parlarca.</div><div class="s1">Jes&#250;s yachacuccunaman ricurishcamanta</div><div class="r">(Mt 28.16-20; Mr 16.14-18; Jn 20.19-23)</div><div class="p"> 36Jesusta ricushcata parlanacucucpi, Jes&#250;s &#241;apish paicunapac chaupipi ricurishpaca:</div><div class="p">&#8212;&#161;Dios cushichichun!&#8212; nirca.</div><div class="p"> 37Chashna ricuricpi, paicunaca: &#8220;&#161;Almatami ricunchic!&#8221; nishpa, yallita mancharirca. 38Chaimantami Jesusca:</div><div class="p">&#8212;&#191;Ima nishpatac mancharicunguichic? &#191;Ima nishpatac cancunapac shungupi caita chaita yuyacunguichic? 39&#209;uca maquitapish, chaquitapish japirishpa ricuichic. &#209;ucallatacmi cani. &#161;Maitatac almaca, aichata, tulluta charingayari! Cancuna ricucuc &#241;ucaca aichayuc, tulluyucmi cani&#8212; nirca.</div><div class="p"> 40Shina nishpami maquitapish, chaquitapish ricuchirca. 41Ashtahuanpish, paicuna yallita cushicuihuan cashpa, pai cashcata manarac cricpimi, Jesusca:</div><div class="p">&#8212;&#191;Manachu micunata caipi charinguichic?&#8212; nirca.</div><div class="p"> 42Chaimantami asha challua cusashcahuan, asha abeja mishquihuan curcacuna. 43Chaita japishpami, paicunapac &#241;aupallapitacmi micurca. 44Micushca quipaca, Jesusca:</div><div class="p">&#8212;&#209;ucaca cancunahuan cashparacmi, Mois&#233;s mandashcacunapipish, Dios ima nishcata huillaccuna quillcashcacunapipish, Salmocunapipish &#241;ucamanta huillashcacuna pactachunmi, chashnaca tucurca&#8212; nishpa huillarca.</div><div class="p"> 45Chai ratomi paicunapac yuyaita cushpa, Dios quillcachishcata alli entendichirca. 46Chashna entendichishpaca:</div><div class="p">&#8212;Dios quillcachishcapica chashnami nicun. Shinaca Cristoca hua&#241;unami carca. Hua&#241;ushpapish quimsa punzhapica hua&#241;ushcacunapuramanta causarinami carca. 47Chai shinami, Jerusal&#233;n pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can. 48Cai tucui imalla tucushcata ricuccunami canguichic. 49&#209;uca Taita cachasha nishca Espirituta cancunapacmanca cachashami. Jahua pachamanta poderta cachangacaman cai Jerusal&#233;n pueblollapitac shuyanguichic&#8212; nirca.</div><div class="s1">Jes&#250;s jahua pachaman rishcamanta</div><div class="r">(Mr 16.19-20)</div><div class="p"> 50Chai quipaca Jesusca Betania pueblo cuchuman paicunataca pushashpami paicunapac jahuapi maquicunata alzashpa, Dios bendiciachun nishpa ma&#241;arca. 51Chashna ma&#241;ashpa paicunamanta anchurishpaca, jahua pachaman Dios apacpimi chingarircalla. 52Paicunaca Jesusta &#8220;sumacmari cangui&#8221; nishca quipaca, yallita cushicushpami Jerusalenman cutircacuna. 53Chashna cutimushpaca, paicunaca Diosta ma&#241;ana huasipimi punzhanta Diosta &#8220;allimari cangui&#8221; nicurca.</div>
 </div>
 </div>
</div>

Semana callari punzha, manarac alli achicyacpimi, chai huarmicunaca ñaupaman allichishca mishquilla ashnacucta apashpa, Jesusta maipi enterrashcaman rirca. Paicuna chayashpaca, sepulturata huichcashca rumi anchuchishcatami ricurca. Ucuman yaicushpaca Apunchic Jesuspac cuerpota mana tarircachu. Paicuna chaita ricushpa, manchaihuan shayacucpimi, jagan nicuc yuranlla churashca ishcai runacuna paicunapac ñaupapi ricurirca. Paicuna manchaihuan pambacaman cumuricpimi, chai runacunaca:
—¿Ima nishpatac causarishcataca, huañushcacunapurapi mashcacunguichic? Mana caipichu, ñami causarirca. Pai Galilea llactapirac cashpa, ima nishcataca yuyarichic. Paica: “Runa Tucungapac shamushca ñucataca, juchayuc runacuna japishpa huañuchingacunami. Huañuchicpipish, quimsa punzhapica causarishami” nircami— nirca.
Chashna nicpimi, chai huarmicunaca Jesús chashna nishcataca yuyarirca. Chunga shuc yachacuccunamanpish, caishuc caticcunamanpishmi tucui ima tucushcata huillarca. Apostolcunaman huillagriccunaca, Magdala pueblomanta Mariapish, Juanapish, Jacobopac mama Mariapish, shuc huarmicunapishmi carca. Ashtahuanpish huarmicuna huillashcaca, apostolcunamanca yanga shinallami carca. Chaimantami mana crirca.
Chashna mana cricushpapish Pedroca jatarishcahuanmi, sepulturapi ricungapac callparca. Chaiman chayashpa, ucuta ricushpaca, pillushca pañolla siricuctami ricurca. Chashna ricushpaca, yallita mancharishpami, huasiman cutimurca.


Chai punzhallatacmi, Jesusta ishcai caticcunaca Emaús puebloman ricurca. Chai puebloca Jerusalenmanta chunga shuc kilómetro shinapimi carca. Paicunaca chai punzhacunapi tucui ima tucushcatami parlanacushpa ricurca. Paicuna caishuc chaishuc parlanacushpa ricucpimi, Jesusca paicunahuan tandarishpa ri callarirca. Ashtahuanpish paicunapac ñahui pacashca shina cacpimi, Jesustaca mana ricsirca. Jesusca paicunataca:
—¿Imamantatac parlanacushpa ricunguichic?— nishpa tapurca.
Chaimantami paicunaca llaquilla tucushpa shayarirca. Paicunapuramanta Cleofas runaca:
—Jerusalén pueblopi cai punzhacuna ima tucushcataca, tucuimi yachan. Canllami mana yachashcangui— nirca.
Shina nicpimi Jesusca:
—¿Imatac tucushcayari?— nirca.
Chashna nicpimi paicunaca:
—Nazaret pueblomanta Jesusmantami parlanacucunchic. Paica Dios ima nishcata huillac, Diospac ñaupapipish, gentecunapac ñaupapipish allita yachachic, allita ruhuacmi carca. Paitami curacunata mandac curacunapish, llactata mandaccunapish juchanchishpa, cruzpi chacatashpa huañuchirca. Ñucanchicca: ‘Paimi israelcunataca quishpichinga’ nishpami yuyacurcanchic. Shina cacpipish, paita huañuchishcaca ñami quimsa punzha tucun. Ashtahuanpish manarac pacaricpi, ñucanchicpuramanta maijan huarmicuna maipi enterrashcapi ricumushpaca, ashtahuanmi manchachirca. Paicuna Jesuspac cuerpota mana tarishpa, huasiman cutimushpaca: “Angelcuna ricurishpa: ‘Jesusca ñami causarin’ nishpami huillan” nircami. Ñucanchicpuramanta maijan sepulturapi ricungapac rishpapish, huarmicuna nishca shinallatacmi ricurca. Ashtahuanpish Jesustaca mana tarircacunachu— nirca.
Chashna nicpimi Jesusca:
—¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic! ¿Manachu Cristoca jahua pachapi Dios alli nishca cangapacca, llaquitarac apana carca?— nirca.
Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.
Jesusca Emaús puebloman chayacushpaca, pasaric shinami tucurca. Chaimantami paicunaca mana cachashun nishpa:
—Ñami chishi, shinallatac tutayacun. Caillapi ñucanchic-huan saquiri— nirca.
Chaimantami Jesusca paicunahuan saquirishpa, samaringapac yaicurca. Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca. Chai rato ñahuicuna pascaricpimi, Jesusta ricsircacuna. Chashna ricsicpica, Jesusca chingarircami. Chaimantami paicunapura rimanacushpaca:
—¿Manachu Dios quillcachishcata ñanpi pai huillacucpica, ñucanchic shungu rupacyarca?— ninacurca.
Chashna ninacushpaca chai ratollatacmi Jerusalenman cutimurca. Paicuna chayashpaca, Jesuspac chunga shuc yachacuccuna caishuc caticcunahuan tandanacushcahuanmi tuparcacuna. Chaipi caccunaca:
—Apunchic Jesús causarishcatami Simonca ricushca— nishpami huillarca.
Shina nicpimi, chai ishcai caticcunaca ñanpi ima tucushcatapish, Jesús tandata chaupicucpi paita ricsishcatapish parlarca.


Jesusta ricushcata parlanacucucpi, Jesús ñapish paicunapac chaupipi ricurishpaca:
—¡Dios cushichichun!— nirca.
Chashna ricuricpi, paicunaca: “¡Almatami ricunchic!” nishpa, yallita mancharirca. Chaimantami Jesusca:
—¿Ima nishpatac mancharicunguichic? ¿Ima nishpatac cancunapac shungupi caita chaita yuyacunguichic? Ñuca maquitapish, chaquitapish japirishpa ricuichic. Ñucallatacmi cani. ¡Maitatac almaca, aichata, tulluta charingayari! Cancuna ricucuc ñucaca aichayuc, tulluyucmi cani— nirca.
Shina nishpami maquitapish, chaquitapish ricuchirca. Ashtahuanpish, paicuna yallita cushicuihuan cashpa, pai cashcata manarac cricpimi, Jesusca:
—¿Manachu micunata caipi charinguichic?— nirca.
Chaimantami asha challua cusashcahuan, asha abeja mishquihuan curcacuna. Chaita japishpami, paicunapac ñaupallapitacmi micurca. Micushca quipaca, Jesusca:
—Ñucaca cancunahuan cashparacmi, Moisés mandashcacunapipish, Dios ima nishcata huillaccuna quillcashcacunapipish, Salmocunapipish ñucamanta huillashcacuna pactachunmi, chashnaca tucurca— nishpa huillarca.
Chai ratomi paicunapac yuyaita cushpa, Dios quillcachishcata alli entendichirca. Chashna entendichishpaca:
—Dios quillcachishcapica chashnami nicun. Shinaca Cristoca huañunami carca. Huañushpapish quimsa punzhapica huañushcacunapuramanta causarinami carca. Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can. Cai tucui imalla tucushcata ricuccunami canguichic. Ñuca Taita cachasha nishca Espirituta cancunapacmanca cachashami. Jahua pachamanta poderta cachangacaman cai Jerusalén pueblollapitac shuyanguichic— nirca.


Chai quipaca Jesusca Betania pueblo cuchuman paicunataca pushashpami paicunapac jahuapi maquicunata alzashpa, Dios bendiciachun nishpa mañarca. Chashna mañashpa paicunamanta anchurishpaca, jahua pachaman Dios apacpimi chingarircalla. Paicunaca Jesusta “sumacmari cangui” nishca quipaca, yallita cushicushpami Jerusalenman cutircacuna. Chashna cutimushpaca, paicunaca Diosta mañana huasipimi punzhanta Diosta “allimari cangui” nicurca.

Listen to LUCAS 24