Abibilia Ngakiro Naajokak

<div class="version vid2657 iso6393tuv" data-vid="2657" data-iso6393="tuv">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Ngakitadapet a apuserut ka ekatubon ngakiro</div><div class="p"> 1Sodi tolimok Yesu kesi ngakiro a ngakitadapet esaki akitatam kesi atamar ejoikinit ilipete Akuj jiik nyeesak akisur ngitai. 2Tolim tama, &#8220;Ayei ekatubon ngakiro a ere eche lo peakerit Akuj kori peamisit ngesi tani ngitunga. 3Ayei apuserut lore ngolo na abuneene nikeng esaki kainakin ibore keng tama, &#8216;Totub akiroit na kitiaki ayong ka itwaan nikititar!&#8217; 4Nakaneni torubak ekatubon ngakiro ngolo nikooyen akitiak kesi, nakaneni ani ekisidi dio tama, &#8216;Tani pekakerit ayong Akuj kori pekemisit ngitunga, 5nakaneni kona kechanea ayong apuserut naga, atubi ayong ekies eriyan kainyo ani pekekok neni, ebuneene ngesi jiik akichan ayong ketubur!&#8217; &#8221;</div><div class="p"> 6Sodi torubak Ekapolon, iruoro tama, &#8220;Kiirasi na alimuni ekatubon ngakiro loaronon. 7Ani bo Akuj, nyepedori ngesi asubakinea niajokon ngiseuna keng lu igoronokinete ngesi apaaran ka akwaar esakete akingarakino a? Etinenikini ngesi akingarakin kesi a? 8Kalimokinit ayong esi atamar, einakini ngesi kesi ibore ni esakete atipei. Nakaneni eriamuni Lokookeng a Itwaan ngitunga a akwap enupito na ebunio ngesi a?&#8221;</div><div class="s">Ngakitadapet a Ngiparisayo ka eketubukon echur</div><div class="p"> 9Kisisau Yesu ngakitadapet nugu kotere ngitunga lu ebaasi kijokak kesi, kimenyarito ngitunga luche daang: 10&#8220;Aloose kolong ngikiliok ngiarei kai a Akuj akilip, arai epei Eparisayot, tarai loche eketubukon echur. 11Towo Eparisayot a akeng kilip tama, &#8216;Kabuakinit iyong Akuj alakara kainyo meere ayong itwaan nikamonan, kori ekademan, kori ekaloman kona a ngitunga aluche kadaang. Kepuruunit ayong iyong kainyo nyikikwaan ayong ka eketubukon echur ngol. 12Aroneene ngaronet ngaarei alorwa alukan-kaarei, nabo kalemanakini iyong alemunet apei anatomon a ibore kadaang ani aanyuununi ayong.&#8217; 13Towo eketubukon echur anialonan nyirereero ngesi tani kidiama nadis, nakaneni abu ngesi taramarama erarum keng, tolim tama, &#8216;Ee Akuj, kisienoi ayong ekasechan!&#8217; 14#Mat 23:12; Luk 14:11 Kalimokinit esi atamar, eketubukon echur ngolo ngesi alot nawi keng imarakinitae atamar etenoono alongaren Akuj, meere Eparisayot, kainyo itwaan daang ni itopolouno, itiditeunio, ani ni itiditeuna, itopolounio.&#8221;</div><div class="s">Apiari Yesu ngide luuchik</div><div class="r">(Matayo 19:13-15; Mariko 10:13-16)</div><div class="p"> 15Torikut ngitunga ngiche ngide kech nia Yesu esakete ngesi kidokok ngakan kidiama ngakies kech. Nakaneni kikilakis ngirukitos keng ngitunga na engolikineta eyaunito ngide, 16sodi tanyarau Yesu ngide nikeng tolim tama, &#8220;Kimiekisi ngide luuchik pot nikang! Nyiiratakis kesi kainyo erai Apolou a Akuj aka ngulu ikote lu. 17Kalimokinit ngakiro na iteni atamar, itwaan cha daang ni nyechamuni Apolou a Akuj loger lo echamunitor ikoku niichi, nyelomari jik Napolou ngina.&#8221;</div><div class="s">Ekabaran</div><div class="r">(Matayo 19:16-30; Mariko 10:17-31)</div><div class="p"> 18Kingit ekapolon eche a Ngiyaudi Yesu tama, &#8220;Eketataman loajokon, ekokini ayong abili aanyun akiyar na nyedaun ai?&#8221;</div><div class="p"> 19Kingit Yesu ngesi tama, &#8220;Nyo kinyaritor iyong ayong ekajokon? Emam niajokon pearai Akuj bon. 20#Apud 20:12-16; Etal 5:16-20 Iyeni iyong ngitalio lu ebaasi: &#8216;Nyiiar, nyiilom, nyiikoko, nyiiruor ngakiro na eraakasi alioko, toker apakon ka itiokon.&#8217; &#8221;</div><div class="p"> 21Tolimok itwaan ngini tama, &#8220;Eketataman, napei kolong a ekiditeu kang, erichunit ayong ngitalio lu daang.&#8221;</div><div class="p"> 22Na eirarea Yesu ngakiro nguna, tolimok ngesi tama, &#8220;Eroko iyong ibore ipei bon. Kape togiela ibore daang ni itingit iyong, sodi tokoranak ngikebootok ngaropiyae sodi min ebarit kon nadis. Ani erumor, bu kiwapak ayong.&#8221; 23Na eirarea ngesi ngakiro nguna, torotok esiliyorit kainyo abarit ngesi noi.</div><div class="p"> 24Taanyunga Yesu ngesi kesiliyo tolim tama, &#8220;Egogong noi ngikabarak alomar Napolou a Akuj! 25Ebeben ekaal akitor napedot a emutu idwangit eger lo elomarea ekabaran Napolou a Akuj.&#8221;</div><div class="p"> 26Apot ngitunga lu eirarete nguna kingita ngesi tamasi, &#8220;Ngae tokona epedori ayuun?&#8221;</div><div class="p"> 27Tatachak Yesu kesi tama, &#8220;Na nyepedorosi alotunga, epedorosi ani a Akuj!&#8221;</div><div class="p"> 28Tolimok Petero ngesi tama, &#8220;Tokona! Abe kiisik bo kolong sua ibore daang kiwapak iyong.&#8221;</div><div class="p"> 29Tolim Yesu tama, &#8220;Kalimokinit ngakiro na iteni dir atamar, itwaan daang ni eisikini awi, kori aberu, kori ngikaitotoi, kori ngikauriak, kori ngide kotere akisak Apolou a Akuj, 30einakinio ngainakinet nakaalak ngirwa lu tokona lu ani ngirwa lu a esal, eanyuni akiyar na nyedaun.&#8221;</div><div class="s">Akiruoret a Yesu na a ngauni ngakiro a akitu keng</div><div class="r">(Matayo 20:17-19; Mariko 10:32-34)</div><div class="p"> 31Toriko Yesu ngirukitos keng lutomon ka ngiarei tachada tolimok kesi tama, &#8220;Topupokisi! Kilosi tokona ngoni Yerusalem, nabo ngakiro daang na egirete ngikadwarak a Akuj ani a Lokookeng a Itwaan, iyookinosi. 32Erikorio ngesi nia ngibukui alu nyerai Ngiyaudi, tokienatar ngesi, kibungata nabo kimaanakis ngesi ngakimul. 33Nabo kideta a ngamunyororoi, sodi taara, nakaneni ani enangi akolongit na a ngauni kiteyarunae ngesi toyar.&#8221;</div><div class="p"> 34Nakaneni nyitamuna ngirukitos keng ngakiro na eruoro ngesi tani ekidioko, edaitae eger a ngakiro kanguna anikech peayenete atamar anukiro eruoro Yesu.</div><div class="s">Etangalekini Yesu emuduk lo elipanar ngaropiyae</div><div class="r">(Matayo 20:29-34; Mariko 10:46-52)</div><div class="p"> 35Na abunio Yesu tanangu diyete Yeriko, ebooyi itwaan nimuduk alodiyete erot ilipanar. 36Na eirarea ngesi asepich a ngitunga itorunete diye, kingis tama, &#8220;Nyoni en?&#8221;</div><div class="p"> 37Tolimokinae ngesi tamarae, &#8220;Yesu lo a Nasaret ngesi itorunit diye ne.&#8221;</div><div class="p"> 38Sodi kirema ngesi tama, &#8220;Yesu! Lokookeng a Daudi! Kisienoi kare ayong!&#8221;</div><div class="p"> 39Ngitunga lu engarenete kisuburakis ngesi tamasi, &#8220;Kililing iyong.&#8221; Nakaneni abu ngesi kirema lokojokon tama, &#8220;Lokookeng a Daudi! Kisienoi kare ayong!&#8221;</div><div class="p"> 40Towo Yesu tama, &#8220;Tanyarautu itwaan nimuduk ngini torikutu nikang.&#8221; Na apuunea diyete keng, kingit Yesu ngesi tama, 41&#8220;Nyoni isaki iyong ayong katosubakinea iyong?&#8221;</div><div class="p">Tatachak tama, &#8220;Ekapolon, asaki tojoketa ngakonyen engolik akwap.&#8221;</div><div class="p"> 42Tolimok Yesu ngesi tama, &#8220;Kingolik akwap! Kitojok iyong anupit kon.&#8221;</div><div class="p"> 43Kingolik ngesi akwap atipei kiwapak Yesu, ebuakinit Akuj alakara. Na engolikinea asepich a ngitunga ngina, kipuruu Akuj.</div>
 </div>
 </div>
</div>

Sodi tolimok Yesu kesi ngakiro a ngakitadapet esaki akitatam kesi atamar ejoikinit ilipete Akuj jiik nyeesak akisur ngitai. Tolim tama, “Ayei ekatubon ngakiro a ere eche lo peakerit Akuj kori peamisit ngesi tani ngitunga. Ayei apuserut lore ngolo na abuneene nikeng esaki kainakin ibore keng tama, ‘Totub akiroit na kitiaki ayong ka itwaan nikititar!’ Nakaneni torubak ekatubon ngakiro ngolo nikooyen akitiak kesi, nakaneni ani ekisidi dio tama, ‘Tani pekakerit ayong Akuj kori pekemisit ngitunga, nakaneni kona kechanea ayong apuserut naga, atubi ayong ekies eriyan kainyo ani pekekok neni, ebuneene ngesi jiik akichan ayong ketubur!’ ”
Sodi torubak Ekapolon, iruoro tama, “Kiirasi na alimuni ekatubon ngakiro loaronon. Ani bo Akuj, nyepedori ngesi asubakinea niajokon ngiseuna keng lu igoronokinete ngesi apaaran ka akwaar esakete akingarakino a? Etinenikini ngesi akingarakin kesi a? Kalimokinit ayong esi atamar, einakini ngesi kesi ibore ni esakete atipei. Nakaneni eriamuni Lokookeng a Itwaan ngitunga a akwap enupito na ebunio ngesi a?”

Kisisau Yesu ngakitadapet nugu kotere ngitunga lu ebaasi kijokak kesi, kimenyarito ngitunga luche daang: “Aloose kolong ngikiliok ngiarei kai a Akuj akilip, arai epei Eparisayot, tarai loche eketubukon echur. Towo Eparisayot a akeng kilip tama, ‘Kabuakinit iyong Akuj alakara kainyo meere ayong itwaan nikamonan, kori ekademan, kori ekaloman kona a ngitunga aluche kadaang. Kepuruunit ayong iyong kainyo nyikikwaan ayong ka eketubukon echur ngol. Aroneene ngaronet ngaarei alorwa alukan-kaarei, nabo kalemanakini iyong alemunet apei anatomon a ibore kadaang ani aanyuununi ayong.’ Towo eketubukon echur anialonan nyirereero ngesi tani kidiama nadis, nakaneni abu ngesi taramarama erarum keng, tolim tama, ‘Ee Akuj, kisienoi ayong ekasechan!’ Kalimokinit esi atamar, eketubukon echur ngolo ngesi alot nawi keng imarakinitae atamar etenoono alongaren Akuj, meere Eparisayot, kainyo itwaan daang ni itopolouno, itiditeunio, ani ni itiditeuna, itopolounio.”


Torikut ngitunga ngiche ngide kech nia Yesu esakete ngesi kidokok ngakan kidiama ngakies kech. Nakaneni kikilakis ngirukitos keng ngitunga na engolikineta eyaunito ngide, sodi tanyarau Yesu ngide nikeng tolim tama, “Kimiekisi ngide luuchik pot nikang! Nyiiratakis kesi kainyo erai Apolou a Akuj aka ngulu ikote lu. Kalimokinit ngakiro na iteni atamar, itwaan cha daang ni nyechamuni Apolou a Akuj loger lo echamunitor ikoku niichi, nyelomari jik Napolou ngina.”


Kingit ekapolon eche a Ngiyaudi Yesu tama, “Eketataman loajokon, ekokini ayong abili aanyun akiyar na nyedaun ai?”
Kingit Yesu ngesi tama, “Nyo kinyaritor iyong ayong ekajokon? Emam niajokon pearai Akuj bon. Iyeni iyong ngitalio lu ebaasi: ‘Nyiiar, nyiilom, nyiikoko, nyiiruor ngakiro na eraakasi alioko, toker apakon ka itiokon.’ ”
Tolimok itwaan ngini tama, “Eketataman, napei kolong a ekiditeu kang, erichunit ayong ngitalio lu daang.”
Na eirarea Yesu ngakiro nguna, tolimok ngesi tama, “Eroko iyong ibore ipei bon. Kape togiela ibore daang ni itingit iyong, sodi tokoranak ngikebootok ngaropiyae sodi min ebarit kon nadis. Ani erumor, bu kiwapak ayong.” Na eirarea ngesi ngakiro nguna, torotok esiliyorit kainyo abarit ngesi noi.
Taanyunga Yesu ngesi kesiliyo tolim tama, “Egogong noi ngikabarak alomar Napolou a Akuj! Ebeben ekaal akitor napedot a emutu idwangit eger lo elomarea ekabaran Napolou a Akuj.”
Apot ngitunga lu eirarete nguna kingita ngesi tamasi, “Ngae tokona epedori ayuun?”
Tatachak Yesu kesi tama, “Na nyepedorosi alotunga, epedorosi ani a Akuj!”
Tolimok Petero ngesi tama, “Tokona! Abe kiisik bo kolong sua ibore daang kiwapak iyong.”
Tolim Yesu tama, “Kalimokinit ngakiro na iteni dir atamar, itwaan daang ni eisikini awi, kori aberu, kori ngikaitotoi, kori ngikauriak, kori ngide kotere akisak Apolou a Akuj, einakinio ngainakinet nakaalak ngirwa lu tokona lu ani ngirwa lu a esal, eanyuni akiyar na nyedaun.”


Toriko Yesu ngirukitos keng lutomon ka ngiarei tachada tolimok kesi tama, “Topupokisi! Kilosi tokona ngoni Yerusalem, nabo ngakiro daang na egirete ngikadwarak a Akuj ani a Lokookeng a Itwaan, iyookinosi. Erikorio ngesi nia ngibukui alu nyerai Ngiyaudi, tokienatar ngesi, kibungata nabo kimaanakis ngesi ngakimul. Nabo kideta a ngamunyororoi, sodi taara, nakaneni ani enangi akolongit na a ngauni kiteyarunae ngesi toyar.”
Nakaneni nyitamuna ngirukitos keng ngakiro na eruoro ngesi tani ekidioko, edaitae eger a ngakiro kanguna anikech peayenete atamar anukiro eruoro Yesu.


Na abunio Yesu tanangu diyete Yeriko, ebooyi itwaan nimuduk alodiyete erot ilipanar. Na eirarea ngesi asepich a ngitunga itorunete diye, kingis tama, “Nyoni en?”
Tolimokinae ngesi tamarae, “Yesu lo a Nasaret ngesi itorunit diye ne.”
Sodi kirema ngesi tama, “Yesu! Lokookeng a Daudi! Kisienoi kare ayong!”
Ngitunga lu engarenete kisuburakis ngesi tamasi, “Kililing iyong.” Nakaneni abu ngesi kirema lokojokon tama, “Lokookeng a Daudi! Kisienoi kare ayong!”
Towo Yesu tama, “Tanyarautu itwaan nimuduk ngini torikutu nikang.” Na apuunea diyete keng, kingit Yesu ngesi tama, “Nyoni isaki iyong ayong katosubakinea iyong?”
Tatachak tama, “Ekapolon, asaki tojoketa ngakonyen engolik akwap.”
Tolimok Yesu ngesi tama, “Kingolik akwap! Kitojok iyong anupit kon.”
Kingolik ngesi akwap atipei kiwapak Yesu, ebuakinit Akuj alakara. Na engolikinea asepich a ngitunga ngina, kipuruu Akuj.

Listen to Luka 18