<div class="version vid2676 iso6393kdi" data-vid="2676" data-iso6393="kdi">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt"><span class="content">KOP KAME NYUTO</span></div><div class="ip"><span class="content">Itabu me Tice me Joor ropo wi ejiri kame Luka owandiko. Kowandiko en twatwal mere pi tatamo epone kame Tipo Kacil bin otelo kede jo me agege kame bin ogeo lubo Yesu, di kiko sarakino Kop Aber i kom Yesu &#8220;i Yerusalem, i Yudea dedede kede i Samaria, kede kiton tuno i ajikini me lobo&#8221;. (1.8) En ebedo itatam kame mako ekodet me jokirisito, kite kame egere kede i diere me Iyudayan, di eko meede eko doko yei me piny lung. Ngaiwandik doko da oudo paro twatwal pi medo niango jo kame somo itabu mere be, likame oudo jokirisito obedo jo kame totolo kede kame kelo lworo ne apugan me Roma, kede da be, yei me jokirisito oudo obedo gikame mio edini me Iyudayan cobere.</span></div><div class="ip"><span class="content">Koromo poko itabu me Tice me Joor i adulion adek kame pirgi tek, kame nyuto kabedo kame meede ameda nyai, kame bin kotuco iye Kop Aber i kom Yesu, di oko gero iye ekodet me jokirisito: (1) Gere me ekodet me jokirisito i Yerusalem ingei Yesu ot malo; (2) Nyai me yei me jokirisito i Palestain; (3) Meede me nyai mere i piny me Mediterania kiton tuno Roma.</span></div><div class="ip"><span class="content">Gikame pire tek i itabu noni en tic me Tipo Kacil, ngat kame obino kede twer i kom jo koyei Kirisito i Yerusalem i ceng me Pentekoti, doko pwodi en emeede telo kede mino twer, but ekodet me jokirisito kede jotel mege i gi dedede kotimere, kame kotatamo i itabu noni. Kop kame owok kibut jokirisito me agege koketo i pwony atot atota i yore acegocego, doko gikame otimere kame kowandiko i itabu me Tice me Joor nyuto twer kame kop noni tie kede i kuo me jo koyei Kirisito kede i nywak me ekodet me jokirisito.</span></div><div class="iot"><span class="content">Wi Kope kame Tie i Itabu noni</span></div><div class="io1"><span class="content">Iikere pi mino ijura 1.1-26</span></div><div class="io2"><span class="content">a. Cik me ajikini kame Yesu omio kede cikere mere 1.1-14</span></div><div class="io2"><span class="content">b. Ngaluny ka Yuda 1.15-26</span></div><div class="io1"><span class="content">Ijura kame komio i Yerusalem 2.1&#8212;8.3</span></div><div class="io1"><span class="content">Ijura kame komio i Yudea kede i Samaria 8.4&#8212;12.25</span></div><div class="io1"><span class="content">Tic ka Paulo 13.1&#8212;28.31</span></div><div class="io2"><span class="content">a. Sapali me agege me tero ejiri 13.1&#8212;14.28</span></div><div class="io2"><span class="content">b. Cokere adwong kame obedo Yerusalem 15.1-35</span></div><div class="io2"><span class="content">c. Sapali me are me tero ejiri 15.36&#8212;18.22</span></div><div class="io2"><span class="content">d. Sapali me adek me tero ejiri 18.23&#8212;21.16</span></div><div class="io2"><span class="content">e. Kotweo Paulo i otkol i Yerusalem, i Sisiria kede i Roma 21.17&#8212;28.31</span></div>
      </div>
   </div>
</div>

Baibuli I Leb Kumam © Bible Society of Uganda, 2013.

KOP KAME NYUTO
Itabu me Tice me Joor ropo wi ejiri kame Luka owandiko. Kowandiko en twatwal mere pi tatamo epone kame Tipo Kacil bin otelo kede jo me agege kame bin ogeo lubo Yesu, di kiko sarakino Kop Aber i kom Yesu “i Yerusalem, i Yudea dedede kede i Samaria, kede kiton tuno i ajikini me lobo”. (1.8) En ebedo itatam kame mako ekodet me jokirisito, kite kame egere kede i diere me Iyudayan, di eko meede eko doko yei me piny lung. Ngaiwandik doko da oudo paro twatwal pi medo niango jo kame somo itabu mere be, likame oudo jokirisito obedo jo kame totolo kede kame kelo lworo ne apugan me Roma, kede da be, yei me jokirisito oudo obedo gikame mio edini me Iyudayan cobere.
Koromo poko itabu me Tice me Joor i adulion adek kame pirgi tek, kame nyuto kabedo kame meede ameda nyai, kame bin kotuco iye Kop Aber i kom Yesu, di oko gero iye ekodet me jokirisito: (1) Gere me ekodet me jokirisito i Yerusalem ingei Yesu ot malo; (2) Nyai me yei me jokirisito i Palestain; (3) Meede me nyai mere i piny me Mediterania kiton tuno Roma.
Gikame pire tek i itabu noni en tic me Tipo Kacil, ngat kame obino kede twer i kom jo koyei Kirisito i Yerusalem i ceng me Pentekoti, doko pwodi en emeede telo kede mino twer, but ekodet me jokirisito kede jotel mege i gi dedede kotimere, kame kotatamo i itabu noni. Kop kame owok kibut jokirisito me agege koketo i pwony atot atota i yore acegocego, doko gikame otimere kame kowandiko i itabu me Tice me Joor nyuto twer kame kop noni tie kede i kuo me jo koyei Kirisito kede i nywak me ekodet me jokirisito.
Wi Kope kame Tie i Itabu noni
Iikere pi mino ijura 1.1-26
a. Cik me ajikini kame Yesu omio kede cikere mere 1.1-14
b. Ngaluny ka Yuda 1.15-26
Ijura kame komio i Yerusalem 2.1—8.3
Ijura kame komio i Yudea kede i Samaria 8.4—12.25
Tic ka Paulo 13.1—28.31
a. Sapali me agege me tero ejiri 13.1—14.28
b. Cokere adwong kame obedo Yerusalem 15.1-35
c. Sapali me are me tero ejiri 15.36—18.22
d. Sapali me adek me tero ejiri 18.23—21.16
e. Kotweo Paulo i otkol i Yerusalem, i Sisiria kede i Roma 21.17—28.31

Listen to Tice KOP KAME NYUTO