Logooli - 2008 KENBS (NT) Drama

<div class="version vid2888 iso6393rag" data-vid="2888" data-iso6393="rag">
 <div class="book bkACT">
 <div class="chapter ch12" data-usfm="ACT.12">
 <div class="label">12</div><div class="p"> 1Yaali ahimbi ing'inga yene yeyo, Mwami Herodi yaatanga kudambiza avalala ku Avakristayo. 2Yita Yakobo amwavo Yohana ni kivavi. 3Lwa yalora kekolwa yiki kiyaanzizi Avayuda, yazia kandi, kugumira Petero. Yaga gekolekaa mu madiku gi Lisavo lie Migadi jitaveeye mu na mamera. 4Lwa yamala kugumira Petero, yamuvika muvuhambe, namuviika mu vulindi vudinyu vwi viduma vine via avasikari vane mu vuli kiduma. Herodi yalohiza kumuleeta mu kiyaalo imbiri wavandu inyima wi lisavo lie Lipasaka. 5Kunangwa lwa Petero yaali muvuhambe likanisa liamusaalira Nyasaye ni zinguru ziosi.</div><div class="s">Engelosi yaatuliza Petero muvuhambe</div><div class="p"> 6Vudiku yivwo, Herodi nakikiri kutuliza Petero muvuhambe amuleete mu kiyaalo aduuki kuyaalizwa, Petero yaali naagoni hagati ha avasikari vaviri. Yaali navoheywi ni minyororo giviri, kandi avalindi vaali nivalindi vulahi kiliango chu muvuhambe. 7Nonoho, engelosi wu Mwami yasingira ahimbi naye, nu vulavu vwang'ereng'ana muvuhambe mwosi. Engelosi yaabama Petero ku mavega naamusungusa kumuvuukiza, namuvolera, &#8220;Singira vwangu!&#8221; Nohoho minyororo jatonya kutura kumakono geege. 8Engelosi yamuvolera, &#8220;Yiviiki zinguvu ni vilato vivio.&#8221; Naye yakola ndio. Engelosi yamuvolera kandi, &#8220;Wiviki likoti liilio, ononde.&#8221; 9Petero yamulonda ichova, navuzwa siyamanya lule engelosi yakola yaga gaali agiligali mba. Yaganagana alootaa. 10Lwa vaali nivakaviita vasikari vukutanga na avakaviri, vaduuka ku kirivwa chi kivia chu kwingira mu lidaala. Kirivwa yicho chigulika ichene; navo vazia ichova. Vaali nivagenda kunzira ndala, nonoho, engelosi yaleka Petero yenyine.</div><div class="p"> 11Maku Petero yamanyiriza gaali nigekoleki kuye navoora, &#8220;Kalunu manyi ligali ndi Mwami utumi engelosi weve kombonyia kutura mu zinguru zia Herodi nu kutura mu makuva goosi aga vandu va Isiraeli vaganagana galekoleka.&#8221;</div><div class="p"> 12Lwa yamanyiriza ndio, yazia kuduuka hango ha Maria, mama wa Yohana walangwa lieta lindi Mariko. Avandu vanyingi vaali nivavugani ho nivasaara. 13Petero yigulihiza, nu mutumikiri mulala mukaana walangwa Roda, yazia ha kiliango kumanya nivwaha wigulihizaa. 14Lwu mukaana oyo yamanyiriza mwoyo gwa Petero, yayanza ligali, kali mu vogono vwu kwigura kiliango, yanyagula niyirana munyumba kuvavoolera ndi Petero usingiyi ichova wi kiliango.</div><div class="p"> 15Vavoolera mukaana oyo, &#8220;Woneki mutwi!&#8221; Navuzwa yaazizagilira kovora, nagiligali. Navo vamuvolera, &#8220;Kuduuka oyo ave engelosi weve.&#8221;</div><div class="p"> 16Navuzwa Petero yaazizagilira kwigulihiza. Inyima lwa viguula kiliango nivamulola, vagenya ligali. 17Petero yavamanyia nu mukono vakiring'ane, yavavolera kuli Mwami yamutuliza muvuhambe. Maku navavoolera, &#8220;Vooleri Yakobo amakuva yaga na avasuuviri vandi vosi.&#8221; Naye yatura nazia havundu handi.</div><div class="p"> 18Lwa vwacha avasikari vaali ni lihenda mwoyo linene ligali ku agekoleka ku Petero. 19Herodi yaatuliza lilago liu kumwenya, navuzwa sivamunyoola mba. Kigira yaga yaatuliza lilago avalindi vateevwe, kandi nalaga viitwi.</div><div class="p">Maku Herodi yatura Ivuyuda nazia Kaisaria komenya yo madiku makekeeke.</div><div class="s">Likuza lia Herodi</div><div class="p"> 20Herodi yaali nuvutima vonene ligali ku avandu va Tiro na Sidoni. Kunangwa vazia kuye nu muganda nivenya komoloma naye. Mulitanga vagoonya Bulasito mundu wasingilira inyumba yu mwami avakonye. Maku vazia ku Herodi nivamuteeva murembe gove hagati haavo kigira kivala chavo chanyoola viukulia kutura mu kivala chu mwami Herodi.</div><div class="p"> 21Kunangwa ku lidiku lilala lia Herodi yatovola, yiviika ziganza zizie ziu vwami, niyikara kondeve yi kiyaalo, namoloma ku avandu yavo. 22Avandu yavo vamuhanzukira nu vuyanzi nivavoora, &#8220;Yigu nu mwoyo gwu munyasaye gomolomaa, sigoveeye gwu mundu mba.&#8221; 23Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.</div><div class="p"> 24Ing'inga yene yeyo likuva lia Nyasaye lia zizagilira, kulanda nukuviruka.</div><div class="p"> 25Lwa Baranaba na Saolo vamala uvutumiki vwu vwilwazi vwavo, virana Andiokia kutura Jerusalemi, harara na Yohana walangwa lieta lindi Mariko.</div><div class="s">Livugana lia Andiokia liatuma Baranaba na Saolo</div>
 </div>
 </div>
</div>

Yaali ahimbi ing'inga yene yeyo, Mwami Herodi yaatanga kudambiza avalala ku Avakristayo. Yita Yakobo amwavo Yohana ni kivavi. Lwa yalora kekolwa yiki kiyaanzizi Avayuda, yazia kandi, kugumira Petero. Yaga gekolekaa mu madiku gi Lisavo lie Migadi jitaveeye mu na mamera. Lwa yamala kugumira Petero, yamuvika muvuhambe, namuviika mu vulindi vudinyu vwi viduma vine via avasikari vane mu vuli kiduma. Herodi yalohiza kumuleeta mu kiyaalo imbiri wavandu inyima wi lisavo lie Lipasaka. Kunangwa lwa Petero yaali muvuhambe likanisa liamusaalira Nyasaye ni zinguru ziosi.

Vudiku yivwo, Herodi nakikiri kutuliza Petero muvuhambe amuleete mu kiyaalo aduuki kuyaalizwa, Petero yaali naagoni hagati ha avasikari vaviri. Yaali navoheywi ni minyororo giviri, kandi avalindi vaali nivalindi vulahi kiliango chu muvuhambe. Nonoho, engelosi wu Mwami yasingira ahimbi naye, nu vulavu vwang'ereng'ana muvuhambe mwosi. Engelosi yaabama Petero ku mavega naamusungusa kumuvuukiza, namuvolera, “Singira vwangu!” Nohoho minyororo jatonya kutura kumakono geege. Engelosi yamuvolera, “Yiviiki zinguvu ni vilato vivio.” Naye yakola ndio. Engelosi yamuvolera kandi, “Wiviki likoti liilio, ononde.” Petero yamulonda ichova, navuzwa siyamanya lule engelosi yakola yaga gaali agiligali mba. Yaganagana alootaa. Lwa vaali nivakaviita vasikari vukutanga na avakaviri, vaduuka ku kirivwa chi kivia chu kwingira mu lidaala. Kirivwa yicho chigulika ichene; navo vazia ichova. Vaali nivagenda kunzira ndala, nonoho, engelosi yaleka Petero yenyine.
Maku Petero yamanyiriza gaali nigekoleki kuye navoora, “Kalunu manyi ligali ndi Mwami utumi engelosi weve kombonyia kutura mu zinguru zia Herodi nu kutura mu makuva goosi aga vandu va Isiraeli vaganagana galekoleka.”
Lwa yamanyiriza ndio, yazia kuduuka hango ha Maria, mama wa Yohana walangwa lieta lindi Mariko. Avandu vanyingi vaali nivavugani ho nivasaara. Petero yigulihiza, nu mutumikiri mulala mukaana walangwa Roda, yazia ha kiliango kumanya nivwaha wigulihizaa. Lwu mukaana oyo yamanyiriza mwoyo gwa Petero, yayanza ligali, kali mu vogono vwu kwigura kiliango, yanyagula niyirana munyumba kuvavoolera ndi Petero usingiyi ichova wi kiliango.
Vavoolera mukaana oyo, “Woneki mutwi!” Navuzwa yaazizagilira kovora, nagiligali. Navo vamuvolera, “Kuduuka oyo ave engelosi weve.”
Navuzwa Petero yaazizagilira kwigulihiza. Inyima lwa viguula kiliango nivamulola, vagenya ligali. Petero yavamanyia nu mukono vakiring'ane, yavavolera kuli Mwami yamutuliza muvuhambe. Maku navavoolera, “Vooleri Yakobo amakuva yaga na avasuuviri vandi vosi.” Naye yatura nazia havundu handi.
Lwa vwacha avasikari vaali ni lihenda mwoyo linene ligali ku agekoleka ku Petero. Herodi yaatuliza lilago liu kumwenya, navuzwa sivamunyoola mba. Kigira yaga yaatuliza lilago avalindi vateevwe, kandi nalaga viitwi.
Maku Herodi yatura Ivuyuda nazia Kaisaria komenya yo madiku makekeeke.

Herodi yaali nuvutima vonene ligali ku avandu va Tiro na Sidoni. Kunangwa vazia kuye nu muganda nivenya komoloma naye. Mulitanga vagoonya Bulasito mundu wasingilira inyumba yu mwami avakonye. Maku vazia ku Herodi nivamuteeva murembe gove hagati haavo kigira kivala chavo chanyoola viukulia kutura mu kivala chu mwami Herodi.
Kunangwa ku lidiku lilala lia Herodi yatovola, yiviika ziganza zizie ziu vwami, niyikara kondeve yi kiyaalo, namoloma ku avandu yavo. Avandu yavo vamuhanzukira nu vuyanzi nivavoora, “Yigu nu mwoyo gwu munyasaye gomolomaa, sigoveeye gwu mundu mba.” Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.
Ing'inga yene yeyo likuva lia Nyasaye lia zizagilira, kulanda nukuviruka.
Lwa Baranaba na Saolo vamala uvutumiki vwu vwilwazi vwavo, virana Andiokia kutura Jerusalemi, harara na Yohana walangwa lieta lindi Mariko.

Listen to VATUMWA 12