If you have would like a copy of this version please contact info@davaraudiobibles.org

Rote Old Testament

<div class="version vid2903 iso6393twu" data-vid="2903" data-iso6393="twu">
 <div class="book bkEXO">
 <div class="chapter ch12" data-usfm="EXO.12">
 <div class="label">12</div><div class="s">Feta Paskah</div><div class="p"> 1 # 
 Im. 23:5; Bil. 9:1-5, 28:16; Ul. 16:1-2 Manetualain, kokolak no Musa ma Harun nai dae Masir-ra nae, 2&#8220;Tunga teuk soona, bulak ia da'di bula makasososak ba'eneu emi kalua meme Masir mai. 3Manduku-malosak paleta ia neu basa hataholi Israel-la lala'en-na mae: Nai bulak ia fain sanahulu soona, touk esan-na, muse ana helen-na bi'ilopoana esa, fo ela no uma isin-nala la'a. 4Metema, uma isi ndia lumanak, fo dodoo-nana, ta la'a basa bi'ilopoana esa paan-na fa, soona uma isi ndia, nafa'da uma titia-tatain manadeka noon-nana, fo bole la'a sama-sama bi'ilopoana ndia paan-na. Muse baba'e bi'ilopo ana ndia paan-na, nandaa no hataholi manana'ak-kala dede'un-nala. 5Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa. 6Emi muse pa'a mahelen losa bulak-ka fain sanahulu haa. Nai faik ndia le'donoso-na soona, basa hataholi Israel-la lala'e-na, muse do'do bi'ilopoana ndia. 7Muse lose daan faaanak neu uma fo sila la'a bi'ilopoana paan-na ndia, dii lelesun duas, ma netes manai lelesu-a lain. 8Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa. 9Muse dala la'iesak bi'ilopoana ndia no langan-na, ein-nala ma tei-aten. La'a paa nanadala basak ndia, boso la'a matak do nasu paa ndia nggelok. 10Boso ela faaanak boen losa fafaik; metema bei ela soona, muse hotu henin. 11Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo Manetualain.</div><div class="p"> 12Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain. 13Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa. 14#Kel. 23:15, 34:18; Im. 23:6-8; Bil. 28:17-25; Ul. 16:3-8 Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.&#8221;</div><div class="s">Feta Loti fo Ta Pake Laluteik</div><div class="p"> 15 Manetualain, nafa'da nae, &#8220;Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on. 16Nai faik makasososan-na, ma fai ka hitun-na boe, emi muse makabubua, fo tao makaluku-makatele. Nai faik ndia dalen-na, emi ta bole tao tatao-nono'ik hata esa boen, ta'da fe'e emi paluu beek, soaneu do'de-nasu emi nana'a-nininum. 17Nai faik ndia, Au o la'iesak o leoinam-ma, kalua leme Masir mai. Hu ndia de, tunga teun, emi muse tao faik ndia da'di faik nasanene'dak, da'di neu fai malole, losa dodoon-na. 18-20Nai hataholi Yahudi-la bula ka esan-na, mulai fain sanahulu haa le'odaen-na, losa fain duahulu esa le'odaen-na, emi ta bole mi'a loti fo kamen pake laluteik fa. Nai faik hitu dalen-na ndia, emi muse kalua heni basa laluteik-kala leme emi umam dale mai. Hataholi Israel, do hataholi nusadea, nai lelek fai malole ndia la'ok, metema na'a loti fo kamen pake laluteik soona, hataholi ndia ta da'di Au anang so'on.&#8221;</div><div class="s">Paskah makasososak-ka</div><div class="p"> 21Musa naloo basa maneleo Israel-la de nafa'das nae, &#8220;Meu leon-na, fo ho'u-ma bi'ilopoana esa soaneu emi uma isim-ma, ma soaneu feta Paskah. 22Ho'i-ma na'u hisop puputuk esa, fo dopen leo bokol fo bi'ilopo ndia daa-na nai dalek-ka, fo losen neu emi umam-ma lelesun-na diin duas, ma neu netes manai lelesu-a lain. Ta bole emi hataholim esa boen, la'oela uman-na, losa fafaik fa. 23#Ibr. 11:28 Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa. 24Emi ma emi anam-mala, muse tunga paleta ia losa dodoon-na. 25Metema emi masok nusak fo Manetualain helu basan neu emi soona, emi muse tao feta ia. 26Metema emi anam-mala latane lae, &#8216;Feta ia sosoa-ndandaan hata?&#8217; 27Soona emi muse mataa mae, &#8216;Ia tutunu-hohotu Paskah, soaneu fe ha'da-holomata neu Manetualain, nana Ana la'ok seli hataholi Israel-la uman-na nai Masir, nai lelek Ana taonisa hataholi Masir-ra anatou ulun-nala, de Ana fe ita taso'da!&#8217; &#8221;</div><div class="p">Boema hataholi Israel-la senek, ma lakaluku-lakatele. 28Boema ala la'o, de ala tao tunga Manetualain, paletan neu Musa ma Harun.</div><div class="s">Ana uluk-kala nanataonisak</div><div class="p"> 29 # 
 Kel. 4:22-31
 Fatila'dak ndia, Manetualain taonisa basa leoina Masir-ra, anatou ulun-nala, mulai neme manek-ka anan-na, losa hataholi manai bui dale-la anan-nala. Basa bana-manu ana ulun-nala boeo, nanataonisak. 30Le'odaek ndia, basa manek-ka manapaletan-nala, ma basa hataholi Masir-rala fo'a. Nai basa nusa Masir-ra lala'e-na, hala kikii-makaleleu matuaina nananamanenek, nanahu ta hapu uma esa boen, fo ta mate anatoun-na fa. 31Le'odaek ndia boe, manek-ka naloo Musa ma Harun, de nafa'das nae, &#8220;Emi basa-basam-mala, la'o meme ia mai! La'oela au nusang-nga! Meu leona, fo sene-do'ok neu emi Manetualaim-ma, sama leo emi nonokem-ma. 32Meni la'iesak emi sapi, bi'ilopom ma bi'ihiim-mala, fo la'o leona! Moke fe au baba'e-papalak boe!&#8221;</div><div class="p"> 33Hataholi Masir-ra lakaseti hataholi Israel-la, fo no lai-laik ala la'oela nusak ndia. Lafa'da lae, &#8220;Metema emi ta la'o fa soona, neukose mate la'iesak ami!&#8221; 34Boema hataholi Israel-la ho'i-la ha'desopu nanakamek te ta pake laluteik manai sila bokol-nala dalek-ka, boema ala popotis nenik temak de ala lu'an boema ala la'o leona. 35#Kel. 3:21-22 Ala tao basa hata fo Musa nafa'dak-kala boe, fo nde loke lilopilas ma lilofulak, boema bua papakek neme hataholi Masir-rala mai. 36Manetualain, taon-na hataholi Masir-rala ladale malole neu hataholi Israel-la, nalosa ala fe basa hata fo hataholi Israel-la loken. No enok ndia, hataholi Israel-la ho'i leni hataholi Masir-rala su'i-beten, kalua leme nusak ndia dalek mai.</div><div class="s">Hataholi Israel-la la'oela dae Masir-ra</div><div class="p"> 37Hataholi Israel-la la'o, de ala la'o eik leme kota Raamses-sa leo kota Sukot-ta leu. Dede'un-nala, hataholi 600.000 ta leke inak-kala, ma ni'iana-la fa. 38Leni sapi, bi'ilopo ma bi'ihiik makadotok. Hataholi manamai makadotok, ala tunga boe. 39Ala tunu loti fo kamen ta pake laluteik fa, fo leni ha'desopu nanakamek ndia neme Masir mai. Nana ala usi henis no kaiboik leme nusak ndia mai, nalosa ala ta hapu loak tao tua-lepa fa.</div><div class="p"> 40 # 
 Kej. 15:13; Gal. 3:17 Leoina Israel-la, leo leme Masir teuk 430 dalen-na. 41Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra. 42Le'odaek ndia, Manetualain, nanea nakandoo, fo nos kalua leme Masir mai. Ma le'odaek ndia boe, nde le'odaek fo ala fen neu Manetualain, losa dodoon-na, fo da'di leo leo'daek nasanene'dak. Nai le'odaek ndia, hataholi Israel-la muse lanea.</div><div class="s">Ito-atok la'eneu feta Paskah</div><div class="p"> 43 Manetualain nafa'da Musa ma Harun nae, &#8220;Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa. 44Tehu, emi asa-ma ata-la, metema nanasunat basak soona, bole la'a. 45Hataholi manamai, do hataholi mana'a ngga'di-la, ta bole la'a fa. 46#Bil. 9:12; Yoh. 19:36 Muse na'a bi'ilopo ndia paan-na lala'en-na, nai uma dale, ta bole menin leo deak neu fa. Ta bole tao la'di duin esa boen. 47Basa hataholi Israel-la lala'en-na, muse tunga feta ndia. 48Hataholi nanasunat bei taak-kala, ta bole la'a nana'a feta ndia fa. Metema hataholi nusa dea esa leo nahele so, de nai lelek emi hii tao feta Paskah soaneu fe ha'da-holomata neu Au fo Manetualain soona, muse sunat nakahuluk basa touk manai teidalen-na dalek. Basa ndia soona, sipok-kasa da'di leo hataholi Israel isik, fo ala bole tunga feta Paskah. 49Ito-atok matak esa, la'e hataholi Israel isik-kala, ma hataholi nusa dea fo manaleo lahele loo emi-a.&#8221; 50Basa hataholi Israel-la tunga, de ala tao tunga basa hata fo Manetualain paletan neu Musa ma Harun. 51Nai faik ndia, Manetualain no basa hataholi Israel-la lala'en-na, kalua leme Masir mai.</div>
 </div>
 </div>
</div>

MANETUALAIN, kokolak no Musa ma Harun nai dae Masir-ra nae, “Tunga teuk soona, bulak ia da'di bula makasososak ba'eneu emi kalua meme Masir mai. Manduku-malosak paleta ia neu basa hataholi Israel-la lala'en-na mae: Nai bulak ia fain sanahulu soona, touk esan-na, muse ana helen-na bi'ilopoana esa, fo ela no uma isin-nala la'a. Metema, uma isi ndia lumanak, fo dodoo-nana, ta la'a basa bi'ilopoana esa paan-na fa, soona uma isi ndia, nafa'da uma titia-tatain manadeka noon-nana, fo bole la'a sama-sama bi'ilopoana ndia paan-na. Muse baba'e bi'ilopo ana ndia paan-na, nandaa no hataholi manana'ak-kala dede'un-nala. Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa. Emi muse pa'a mahelen losa bulak-ka fain sanahulu haa. Nai faik ndia le'donoso-na soona, basa hataholi Israel-la lala'e-na, muse do'do bi'ilopoana ndia. Muse lose daan faaanak neu uma fo sila la'a bi'ilopoana paan-na ndia, dii lelesun duas, ma netes manai lelesu-a lain. Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa. Muse dala la'iesak bi'ilopoana ndia no langan-na, ein-nala ma tei-aten. La'a paa nanadala basak ndia, boso la'a matak do nasu paa ndia nggelok. Boso ela faaanak boen losa fafaik; metema bei ela soona, muse hotu henin. Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo MANETUALAIN.
Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde MANETUALAIN. Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa. Emi muse tao faik ndia, da'di faik nasanene'dak, da'di leo fai malole ba'eneu MANETUALAIN. Tunga teuk, emi muse tao faik ndia da'di fai malole, neme bobongik leo bobongik neu.”

MANETUALAIN, nafa'da nae, “Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on. Nai faik makasososan-na, ma fai ka hitun-na boe, emi muse makabubua, fo tao makaluku-makatele. Nai faik ndia dalen-na, emi ta bole tao tatao-nono'ik hata esa boen, ta'da fe'e emi paluu beek, soaneu do'de-nasu emi nana'a-nininum. Nai faik ndia, Au o la'iesak o leoinam-ma, kalua leme Masir mai. Hu ndia de, tunga teun, emi muse tao faik ndia da'di faik nasanene'dak, da'di neu fai malole, losa dodoon-na. Nai hataholi Yahudi-la bula ka esan-na, mulai fain sanahulu haa le'odaen-na, losa fain duahulu esa le'odaen-na, emi ta bole mi'a loti fo kamen pake laluteik fa. Nai faik hitu dalen-na ndia, emi muse kalua heni basa laluteik-kala leme emi umam dale mai. Hataholi Israel, do hataholi nusadea, nai lelek fai malole ndia la'ok, metema na'a loti fo kamen pake laluteik soona, hataholi ndia ta da'di Au anang so'on.”

Musa naloo basa maneleo Israel-la de nafa'das nae, “Meu leon-na, fo ho'u-ma bi'ilopoana esa soaneu emi uma isim-ma, ma soaneu feta Paskah. Ho'i-ma na'u hisop puputuk esa, fo dopen leo bokol fo bi'ilopo ndia daa-na nai dalek-ka, fo losen neu emi umam-ma lelesun-na diin duas, ma neu netes manai lelesu-a lain. Ta bole emi hataholim esa boen, la'oela uman-na, losa fafaik fa. Nai lelek MANETUALAIN, la'ok okofeo nusak ia, fo Ana taonisa hataholi Masir-ra, neukose MANETUALAIN nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa. Emi ma emi anam-mala, muse tunga paleta ia losa dodoon-na. Metema emi masok nusak fo MANETUALAIN helu basan neu emi soona, emi muse tao feta ia. Metema emi anam-mala latane lae, ‘Feta ia sosoa-ndandaan hata?’ Soona emi muse mataa mae, ‘Ia tutunu-hohotu Paskah, soaneu fe ha'da-holomata neu MANETUALAIN, nana Ana la'ok seli hataholi Israel-la uman-na nai Masir, nai lelek Ana taonisa hataholi Masir-ra anatou ulun-nala, de Ana fe ita taso'da!’ ”
Boema hataholi Israel-la senek, ma lakaluku-lakatele. Boema ala la'o, de ala tao tunga MANETUALAIN, paletan neu Musa ma Harun.

Fatila'dak ndia, MANETUALAIN taonisa basa leoina Masir-ra, anatou ulun-nala, mulai neme manek-ka anan-na, losa hataholi manai bui dale-la anan-nala. Basa bana-manu ana ulun-nala boeo, nanataonisak. Le'odaek ndia, basa manek-ka manapaletan-nala, ma basa hataholi Masir-rala fo'a. Nai basa nusa Masir-ra lala'e-na, hala kikii-makaleleu matuaina nananamanenek, nanahu ta hapu uma esa boen, fo ta mate anatoun-na fa. Le'odaek ndia boe, manek-ka naloo Musa ma Harun, de nafa'das nae, “Emi basa-basam-mala, la'o meme ia mai! La'oela au nusang-nga! Meu leona, fo sene-do'ok neu emi Manetualaim-ma, sama leo emi nonokem-ma. Meni la'iesak emi sapi, bi'ilopom ma bi'ihiim-mala, fo la'o leona! Moke fe au baba'e-papalak boe!”
Hataholi Masir-ra lakaseti hataholi Israel-la, fo no lai-laik ala la'oela nusak ndia. Lafa'da lae, “Metema emi ta la'o fa soona, neukose mate la'iesak ami!” Boema hataholi Israel-la ho'i-la ha'desopu nanakamek te ta pake laluteik manai sila bokol-nala dalek-ka, boema ala popotis nenik temak de ala lu'an boema ala la'o leona. Ala tao basa hata fo Musa nafa'dak-kala boe, fo nde loke lilopilas ma lilofulak, boema bua papakek neme hataholi Masir-rala mai. MANETUALAIN, taon-na hataholi Masir-rala ladale malole neu hataholi Israel-la, nalosa ala fe basa hata fo hataholi Israel-la loken. No enok ndia, hataholi Israel-la ho'i leni hataholi Masir-rala su'i-beten, kalua leme nusak ndia dalek mai.

Hataholi Israel-la la'o, de ala la'o eik leme kota Raamses-sa leo kota Sukot-ta leu. Dede'un-nala, hataholi 600.000 ta leke inak-kala, ma ni'iana-la fa. Leni sapi, bi'ilopo ma bi'ihiik makadotok. Hataholi manamai makadotok, ala tunga boe. Ala tunu loti fo kamen ta pake laluteik fa, fo leni ha'desopu nanakamek ndia neme Masir mai. Nana ala usi henis no kaiboik leme nusak ndia mai, nalosa ala ta hapu loak tao tua-lepa fa.
Leoina Israel-la, leo leme Masir teuk 430 dalen-na. Nai teuk ka 430-a, fai mate'en ndia, nde basa MANETUALAIN anan-nala lala'en-na, la'oela dae Masir-ra. Le'odaek ndia, MANETUALAIN, nanea nakandoo, fo nos kalua leme Masir mai. Ma le'odaek ndia boe, nde le'odaek fo ala fen neu MANETUALAIN, losa dodoon-na, fo da'di leo leo'daek nasanene'dak. Nai le'odaek ndia, hataholi Israel-la muse lanea.

MANETUALAIN nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa. Tehu, emi asa-ma ata-la, metema nanasunat basak soona, bole la'a. Hataholi manamai, do hataholi mana'a ngga'di-la, ta bole la'a fa. Muse na'a bi'ilopo ndia paan-na lala'en-na, nai uma dale, ta bole menin leo deak neu fa. Ta bole tao la'di duin esa boen. Basa hataholi Israel-la lala'en-na, muse tunga feta ndia. Hataholi nanasunat bei taak-kala, ta bole la'a nana'a feta ndia fa. Metema hataholi nusa dea esa leo nahele so, de nai lelek emi hii tao feta Paskah soaneu fe ha'da-holomata neu Au fo MANETUALAIN soona, muse sunat nakahuluk basa touk manai teidalen-na dalek. Basa ndia soona, sipok-kasa da'di leo hataholi Israel isik, fo ala bole tunga feta Paskah. Ito-atok matak esa, la'e hataholi Israel isik-kala, ma hataholi nusa dea fo manaleo lahele loo emi-a.” Basa hataholi Israel-la tunga, de ala tao tunga basa hata fo MANETUALAIN paletan neu Musa ma Harun. Nai faik ndia, MANETUALAIN no basa hataholi Israel-la lala'en-na, kalua leme Masir mai.

Listen to KELUARAN 12