If you have would like a copy of this version please contact info@davarpartners.org

Ekegusii Revised Bible

<div class="version vid2925 iso6393guz" data-vid="2925" data-iso6393="guz">
 <div class="book bkLUK">
 <div class="chapter ch5" data-usfm="LUK.5">
 <div class="label">5</div><div class="s1">Yeso okorangeria aborokigwa baye b&#8217;eritang&#8217;ani</div><div class="r">(Mat 4:18-22; Mar 1:16-20)</div><div class="p"> 1 # 
 Mat 13:1,2; Mar 3:9,10; 4:1 Ekaba abanto nkomomiga baare, erinde baigwe ring&#8217;ana ria Nyasae, agatenena ase engegu y&#8217;enyancha ya Genesareti, 2Akarora amaato abere ateneine engegu y&#8217;enyancha, na abarubi basokire korwa aroro, ngosibia bare ebionga biabo. 3Akariina obwato obomo obwarenge bwa Simioni akamobooria abotigerie are ake korwa ase engegu. Agaikaransa, akorokereria omoganda korwa ase obwato. 4Goika agachia gokoora ogokwana kwaye, agateebia Simioni, &#8220;Sukia obwato goika endiba, moikie ebionga biaino ase okoruba.&#8221;</div><div class="p"> 5 # 
 Yoh 21:3
 Simioni akamoiraneria, &#8220;Omonene, nabo twakorire emeremo obotuko obogima, titonyoreti gento, korende ase ring&#8217;ana riao natoikie ebionga.&#8221;</div><div class="p"> 6 # 
 Yoh 21:6
 Kobakorire iga, bakanyora chinswe chinyinge mono, na ekero ebionga biabo biachaaka gotandoka, 7bagasuma abagisangio babo, abarenge ase obwato bwa kabere, bache kobakonya. Bagacha, bagaichoria amaato onsi abere, goika agachaaka korimera. 8Korende Simioni Petero, agachia korora aya, akagwa ase amaru a Yeso, akabora, &#8220;Omonene, karue ase &#8217;nde, ekiagera inche nomonto omonyene ebibe!&#8221;</div><div class="p"> 9Naki igo akumetie, ere na bonsi abarenge amo nere, ase oborubi bwe chinswe barubete; 10naboigo Yakobo na Yohana, abana ba Zebedi, abarenge ababwatani ba Simioni. Yeso agateebia Simioni, &#8220;Toiroka; korwa bono nobe omorubi bw&#8217;abaanto.&#8221;</div><div class="p"> 11Naende kobarentire amaato abo gochia engegu, bagatiga bionsi, bakamotunyana.</div><div class="s1">Yeso Okogwenia omonto orenge noborwaire bwa ukoma</div><div class="r">(Mat 8:1-4; Mar 1:40-45)</div><div class="p"> 12Ekero arenge ase omochie oyomo, rora, narengeo omonto omosacha oichire noborwaire bwa ukoma. Ere agachia korora Yeso, akagwa maumama, akamosorora, okomoteebia, &#8220;Omonene, onye ngwancha, nonyare gonsibia.&#8221;</div><div class="p"> 13Yeso akarambora okoboko kwaye, akamokuna, akamoteebia, &#8220;Nanchire; sibeka.&#8221;</div><div class="p">Erio agwo oborwaire bwaye bwa ukoma bokamorua. 14#Abal 14:1-32Akamoteebia, &#8220;Toteebia monto onde ing&#8217;ana, korende genda, bweorokie ase Omokuani, orue ekeng&#8217;wanso ase ogosibeka kwao buna Musa achiigete, kebe kirori ase abanto.&#8221; 15Korende chinkuma chiaye chikamenteka gokuma. Emeganda emenge egasangererekana gocha komoigwa, na kogwenigwa amarwaire abo. 16Korende ere akerusanania, akagenda aase atari nabaanto, agasaba.</div><div class="s1">Yeso okogwenia omonto orenge rigata</div><div class="r">(Mat 9:1-8; Mar 2:1-12)</div><div class="p"> 17Rituko erimo ri&#8217;amatuko aria ekero arenge kworokereria, Abafarisai na aborokia b&#8217;amachiiko barenge aroro baikaransete. Abwo baruete ase kera omochie o Galili na Boyahudi, na korwa Yerusalemu. Na okobua kw&#8217;Omonene nigo kwarenge amo nere anyare kogwenia. 18Na rigereria, abanto mbabogoretie noborere omonto orenge rigata, bakarigia komoira nyomba ime na komobeka ase obosio bwaye. 19Ekiagera batanyorete ribaga ri&#8217;okomoira ime ase engencho y&#8217;omoganda oria bw&#8217;abaanto, bakariina kerama igoro, bakamoikia korwa kerama noborere bwaye goika gati&#8208;gati ase obosio bwa Yeso. 20Agachia korora okwegena kwabo, akamoteebia, &#8220;Mosani, ebibe biao biabeirwe.&#8221;</div><div class="p"> 21Aborokia baria b&#8217;amariiko na Abafarisai bagachaaka korengereria, bakobora, &#8220;Ning&#8217;o oyo ogokwana okorama? Ning&#8217;o oranyare kwabera ebibe, otatiga oyomo, nere Nyasae?&#8221;</div><div class="p"> 22Yeso akamanya ebirengererio biabo, akairaneria, &#8220;Naki mokorengereria ase chinkoro chiaino? 23Ndiriri rire eriango, goteeba: Ebibe biao biabeirwe, gose goteeba: Imoka, ogende? 24Korende monyare komanya ng&#8217;a Omwana&#8208;o&#8208;Mwanyabaanto nare nokobua ase ense gw&#8217;okwabera ebibe.&#8221; Erio agwo agateebia oria rigata, &#8220;Nagoteebirie: Imoka, bwetweke oborere bwao, ogende bwoo.&#8221;</div><div class="p"> 25Erio kegima agatenena ase obosio bwabo, akabogoria ekeraarero kiaye arenge koraarera, akagenda bwoye, ogotogia Nyasae. 26Ogokumia gokabwata bonsi, bagatogia Nyasae; bagaichorwa nokoiroka, bakaboora, &#8220;Twarorire amakumia reero.&#8221;</div><div class="s1">Yeso okorangeria Lawi</div><div class="r">(Mat 9:9-13; Mar 2:13-17)</div><div class="p"> 27Magega ase aya akaimoka, akarora omorusia ebango, erieta riaye Lawi, oikaransete aase bakoruseria ebango, akamoteebia, &#8220;Ntunyana!&#8221; 28Agatiga bionsi, akaimoka, akamotunyana.</div><div class="p"> 29Nere Lawi akamokorera omoyega omonene nyomba mwaye, naende mbarengeo omoganda bw&#8217;abarusia ebango na abanto bande baikaransete amo nabarabwo ase endagera. 30#Luk 15:1,2Abafarisai na aborokia b&#8217;amariiko babo bakemurunganeria aborokigwa baye, bakaboora, &#8220;Nase ki mokoria na konywa amo nabarusia ebango na abanyene ebibe?&#8221;</div><div class="p"> 31Yeso akabairaneria, &#8220;Abare buya tibari korigia omogwenia, otatiga abarwarete. 32Tincheti korangeria ababoronge korende abanyene ebibe baonchoke.&#8221;</div><div class="s1">Riborio igoro y&#8217;okweng&#8217;ata</div><div class="r">(Mat 9:14-17; Mar 2:18-22)</div><div class="p"> 33Bakamoteebia, &#8220;Aborokigwa ba Yohana nigo bakweng&#8217;ata ebiro ebinge na gosaba, na aborokigwa b&#8217;Abafarisai nabo bagokora, korende abao nigo bakoria na konywa.&#8221;</div><div class="p"> 34Yeso akabateebia, &#8220;Inee! Inamonyare gotiga abachire ase enyangi beng&#8217;ate ekero omonywomi are amo nabarabwo? 35Korende amatuko nache, barache kourwa omonywomi, erio nario barache kweng&#8217;ata ase amatuko aria.&#8221; 36Akabateebia omoreng&#8217;anio: &#8220;Onde tari ogotandora ekeraka ki&#8217;eanga enyia na gokebeeka ase eanga engotu; aise gokora bo, natandore eria enyia, na ekeraka keria ki&#8217;eanga enyia tigekobwatana neanga eria engotu. 37Gose onde tari okobeeka edivai enyia ase ebirandi ebigotu biroisirie korwa ase amasankwa, gose edivai eria enyia nayaate ebirandi biria; edivai enyene eiteke, na ebirandi bitandoke. 38Korende edivai enyia negwenerete ebeekwe ase ebirandi ebiya. 39Gose omonto tari onyure edivai yaroisetigwe kare, naende arigie edivai enyia, ekiagera nigo agoteeba: Eria ya kare nengiya kobua.&#8221;</div>
 </div>
 </div>
</div>

Ekaba abanto nkomomiga baare, erinde baigwe ring’ana ria Nyasae, agatenena ase engegu y’enyancha ya Genesareti, Akarora amaato abere ateneine engegu y’enyancha, na abarubi basokire korwa aroro, ngosibia bare ebionga biabo. Akariina obwato obomo obwarenge bwa Simioni akamobooria abotigerie are ake korwa ase engegu. Agaikaransa, akorokereria omoganda korwa ase obwato. Goika agachia gokoora ogokwana kwaye, agateebia Simioni, “Sukia obwato goika endiba, moikie ebionga biaino ase okoruba.”
Simioni akamoiraneria, “Omonene, nabo twakorire emeremo obotuko obogima, titonyoreti gento, korende ase ring’ana riao natoikie ebionga.”
Kobakorire iga, bakanyora chinswe chinyinge mono, na ekero ebionga biabo biachaaka gotandoka, bagasuma abagisangio babo, abarenge ase obwato bwa kabere, bache kobakonya. Bagacha, bagaichoria amaato onsi abere, goika agachaaka korimera. Korende Simioni Petero, agachia korora aya, akagwa ase amaru a Yeso, akabora, “Omonene, karue ase ’nde, ekiagera inche nomonto omonyene ebibe!”
Naki igo akumetie, ere na bonsi abarenge amo nere, ase oborubi bwe chinswe barubete; naboigo Yakobo na Yohana, abana ba Zebedi, abarenge ababwatani ba Simioni. Yeso agateebia Simioni, “Toiroka; korwa bono nobe omorubi bw’abaanto.”
Naende kobarentire amaato abo gochia engegu, bagatiga bionsi, bakamotunyana.


Ekero arenge ase omochie oyomo, rora, narengeo omonto omosacha oichire noborwaire bwa ukoma. Ere agachia korora Yeso, akagwa maumama, akamosorora, okomoteebia, “Omonene, onye ngwancha, nonyare gonsibia.”
Yeso akarambora okoboko kwaye, akamokuna, akamoteebia, “Nanchire; sibeka.”
Erio agwo oborwaire bwaye bwa ukoma bokamorua. Akamoteebia, “Toteebia monto onde ing’ana, korende genda, bweorokie ase Omokuani, orue ekeng’wanso ase ogosibeka kwao buna Musa achiigete, kebe kirori ase abanto.” Korende chinkuma chiaye chikamenteka gokuma. Emeganda emenge egasangererekana gocha komoigwa, na kogwenigwa amarwaire abo. Korende ere akerusanania, akagenda aase atari nabaanto, agasaba.


Rituko erimo ri’amatuko aria ekero arenge kworokereria, Abafarisai na aborokia b’amachiiko barenge aroro baikaransete. Abwo baruete ase kera omochie o Galili na Boyahudi, na korwa Yerusalemu. Na okobua kw’Omonene nigo kwarenge amo nere anyare kogwenia. Na rigereria, abanto mbabogoretie noborere omonto orenge rigata, bakarigia komoira nyomba ime na komobeka ase obosio bwaye. Ekiagera batanyorete ribaga ri’okomoira ime ase engencho y’omoganda oria bw’abaanto, bakariina kerama igoro, bakamoikia korwa kerama noborere bwaye goika gati‐gati ase obosio bwa Yeso. Agachia korora okwegena kwabo, akamoteebia, “Mosani, ebibe biao biabeirwe.”
Aborokia baria b’amariiko na Abafarisai bagachaaka korengereria, bakobora, “Ning’o oyo ogokwana okorama? Ning’o oranyare kwabera ebibe, otatiga oyomo, nere Nyasae?”
Yeso akamanya ebirengererio biabo, akairaneria, “Naki mokorengereria ase chinkoro chiaino? Ndiriri rire eriango, goteeba: Ebibe biao biabeirwe, gose goteeba: Imoka, ogende? Korende monyare komanya ng’a Omwana‐o‐Mwanyabaanto nare nokobua ase ense gw’okwabera ebibe.” Erio agwo agateebia oria rigata, “Nagoteebirie: Imoka, bwetweke oborere bwao, ogende bwoo.”
Erio kegima agatenena ase obosio bwabo, akabogoria ekeraarero kiaye arenge koraarera, akagenda bwoye, ogotogia Nyasae. Ogokumia gokabwata bonsi, bagatogia Nyasae; bagaichorwa nokoiroka, bakaboora, “Twarorire amakumia reero.”


Magega ase aya akaimoka, akarora omorusia ebango, erieta riaye Lawi, oikaransete aase bakoruseria ebango, akamoteebia, “Ntunyana!” Agatiga bionsi, akaimoka, akamotunyana.
Nere Lawi akamokorera omoyega omonene nyomba mwaye, naende mbarengeo omoganda bw’abarusia ebango na abanto bande baikaransete amo nabarabwo ase endagera. Abafarisai na aborokia b’amariiko babo bakemurunganeria aborokigwa baye, bakaboora, “Nase ki mokoria na konywa amo nabarusia ebango na abanyene ebibe?”
Yeso akabairaneria, “Abare buya tibari korigia omogwenia, otatiga abarwarete. Tincheti korangeria ababoronge korende abanyene ebibe baonchoke.”


Bakamoteebia, “Aborokigwa ba Yohana nigo bakweng’ata ebiro ebinge na gosaba, na aborokigwa b’Abafarisai nabo bagokora, korende abao nigo bakoria na konywa.”
Yeso akabateebia, “Inee! Inamonyare gotiga abachire ase enyangi beng’ate ekero omonywomi are amo nabarabwo? Korende amatuko nache, barache kourwa omonywomi, erio nario barache kweng’ata ase amatuko aria.” Akabateebia omoreng’anio: “Onde tari ogotandora ekeraka ki’eanga enyia na gokebeeka ase eanga engotu; aise gokora bo, natandore eria enyia, na ekeraka keria ki’eanga enyia tigekobwatana neanga eria engotu. Gose onde tari okobeeka edivai enyia ase ebirandi ebigotu biroisirie korwa ase amasankwa, gose edivai eria enyia nayaate ebirandi biria; edivai enyene eiteke, na ebirandi bitandoke. Korende edivai enyia negwenerete ebeekwe ase ebirandi ebiya. Gose omonto tari onyure edivai yaroisetigwe kare, naende arigie edivai enyia, ekiagera nigo agoteeba: Eria ya kare nengiya kobua.”

Listen to Luka 5