Kinyaturu - 2010 BST (NT) Drama

<div class="version vid301 iso6393rim" data-vid="301" data-iso6393="rim">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Yesu ugumuforya munya ighandi</div><div class="r">(Mrk 2:1-12; Luk 5:17-26)</div><div class="p"> 1Yesu aganat&#235;a masua, aganank&#235;a irambo na agafika umuji wakwe. 2Faafo antu v&#235;gamwetea muntu umwe naa mw&#235;&#235;r&#235; ukure ighandi, ureechiwe gunto a g&#235;tanda. Yesu n&#235;naa wawoona uhuv&#235;i wawe, agamw&#235;&#235;ra muntu wasuu n&#235;naa ukure ighandi, &#8220;Khomya nkhoo mwanan&#235;! Warekewaa mahutuye ako.&#8221; 3Mukhat&#235; a aand&#235;ki va seria v&#235;gaandya us&#235;ghan&#235;ya, &#8220;Muntu uyuu ugumujuma Muungu!&#8221; 4Yesu agamanya mas&#235;gho awe, agahanya, &#8220;Gusokok&#235; mughema n&#235; mab&#235; munkhoo yanyu? 5Uu r&#235;&#235;fe n&#235; ryoro nanguu uhanya, &#8216;Warekewa mahutye ako,&#8217; namba uhanya, &#8216;Im&#235;ka, weendeende?&#8217; 6Uvii, ngufenja mumanye mwino Mwaamuntu ukweti udaho wa uvarekea antu mahutye mu ur&#235;mi.&#8221; Faafo agamw&#235;&#235;ra muntu wasuu n&#235;naa ukure ighandi, &#8220;Wuka, hora g&#235;tanda gako, wende ukhaako.&#8221; 7Muntu wasuu n&#235;naa ukure ighandi agawuka, agenda ukhaakwe. 8Antu voong'e mu wirundo wasuu n&#235;naa voona asaa v&#235;gataka na ghooghofa, v&#235;gamuk&#252;rya Muungu n&#235;waafee antu udaho n&#235; mwino wasuu.</div><div class="s">Matayo ugutaanwa</div><div class="r">(Mrk 2:13-17; Luk 5:27-32)</div><div class="p"> 9Yesu agahegha faafo, na n&#235;naa ugutunguya agamwoona muntu umwe ugutaanwaa Matayo wikhee mu nyumba a ukhomboisya kooti. Uvii, Yesu agamukhan&#235;a, &#8220;Ng'onga.&#8221; Matayo noo agavuka, agamuhonga.</div><div class="p"> 10Yesu n&#235;naa w&#235;&#235;munyumba wikhee ugula mal&#235;wa anya ukhomboisya kooti ving&#235; naanyamahutye v&#235;gaja v&#235;gikhaa itamb&#235;&#235;mwe na mweeso nan&#235; as&#235;ywi vakwe. 11Afarisayo n&#235;naa voona asaa, v&#235;gav&#235;&#235;ra as&#235;ywi vakwe, &#8220;Asik&#235; mus&#235;yi wanyu ugula itamb&#235;&#235;mwe na anya ukhomboisya kooti nan&#235; anya mahutye?&#8221; 12Yesu n&#235;naa wategheeya agahanya, &#8220;N&#235;v&#235;umufenja mughanga uu n&#235; vasaa n&#235; v&#235;rue ti n&#235; afanga. 13Uvii, mwis&#235;ye riana ra nkhani iyii: &#8216;Inoneye goonewa uvavi, na ti makumb&#235;ko?&#8217; Ntinajaa uvataana antu n&#235;aja, &#235;gweeso anya mahutye.&#8221;</div><div class="s">Ihanyo ra ufunga</div><div class="r">(Mrk 2:18-22; Luk 5:33-39)</div><div class="p"> 14As&#235;ywi vamwa Yohana Mubadisi v&#235;gamwendea Yesu, v&#235;uhanya, &#8220;See na Afarisayo nguufungaa m&#235;h&#235;njo ming&#235;, asik&#235; as&#235;ywi vako v&#235;tiufungaa?&#8221; 15Yesu agavasucha, &#8220;Wur&#235;, n&#235;v&#235;reekiwe guuvire v&#235;udaha uhongeeya itungo n&#235; mukumw&#235;&#235;ma w&#235;&#235; itamb&#235;&#235;mwe inaaawena? Ti uvii! &#203;gweeso itungo r&#235;ufika n&#235; mukumw&#235;&#235;ma ujie uheywa kun&#235; veeso, itungo ras&#235;&#235; faafo uuv&#235;jieufunga. 16Antu v&#235;tiutendeaa ntaho a isaa n&#235;ifya mu isaa n&#235;rakhee. Gusoko ntaho as&#235;&#235; &#235;uhafuanga isaa ras&#235;&#235; n&#235; rakhee, na faafo fana naa guhafukie guuhafuk&#235;&#235;ra. 17Na mbesa antu v&#235;tiuv&#235;kaa divai n&#235;mpya muvihongoo n&#235; vyakhee. N&#235;vatenda uvii, vihongoo viutam&#252;ka na divai &#235;guhunuka, vihongoo noo viuruv&#235;ka. Ti uvii, &#235;gweeso, antu v&#235;uv&#235;kaa divai n&#235;mpya muvihongoo n&#235; vifya, na vyong'e viv&#235;&#235;, vihongoo nan&#235; divai viughondan&#235;&#235;ywa vija.&#8221;</div><div class="s">Muncha wamwa m&#252;k&#252;&#252; umwe nan&#235; mukhema umwe v&#235;uforiwa</div><div class="r">(Mrk 5:21-43; Luk 8:40-56)</div><div class="p"> 18Yesu n&#235;naa ugur&#235;gh&#235;tya asaa m&#252;k&#252;&#252; umwe Muyahudi agafika agamwinam&#235;a na uhanya, &#8220;Munchaan&#235; wakuyaa itungwee r&#235;&#235;r&#235;. Gweeso, nguguromba njuu umutendeye mukhono wako mweesonoo ugutenda mufanga.&#8221; 19Yesu agatunguya itamb&#235;&#235;mwe na as&#235;ywi vakwe, agamuhonga. 20Mukhema umwe murue uguk&#235;ngaa saghami gwa m&#235;akha ikumi na &#235;v&#235;&#235; agamuhonga Yesu unyuma, agatenia &#235;f&#235;ndo ra isaa rakwe.</div><div class="p"> 21Agatenda uvii, gusoko agas&#235;ghan&#235;ya munkhoo: &#8220;N&#235;natenia gutufu isaa rakwe, ngufora.&#8221; 22Uvii, Yesu agikengeeya agamwoona, agamw&#235;&#235;ra, &#8220;Muncha, khomya nkhoo! Uhuv&#235;i wako waguforyaa.&#8221; Mukhema wasuu agafora itungo &#235;r&#235;&#235;ro &#235;r&#235;&#235;ro. 23Faafo Yesu aging&#235;a ukhaya amwa m&#252;k&#252;&#252; wasuu. Na n&#235;naa wavoona akhuva filimb&#235; mwirundo na wina yaghagha, 24agahanya, &#8220;Heghi afaa! Mung'inya ag&#235;khema uyuu inakuya, uree gutufu.&#8221; Veesonoo v&#235;gamuheka. 25Uvii, misanga a antu n&#235;naa aheywa, Yesu agingea ukhat&#235;, agamukwata muncha wasuu mukhono mweesonoo agim&#235;ka. 26Sayu &#235;s&#235;&#235; &#235;gamanyika ino mung'e &#235;s&#235;&#235; oong'e.</div><div class="s">Afoku vav&#235; v&#235;uforiwa</div><div class="p"> 27Yesu agahegha faafo na n&#235;naa utungwiiye afoku vav&#235;&#235; v&#235;gamuhonga v&#235;kuriye mukindo, &#8220;Mwana amwa Daudi, goon&#235;e uvavi!&#8221; 28Yesu n&#235;naa wing&#235;a ukhaya afoku vav&#235;&#235; vasaa v&#235;gamuhanga, mweesonoo agavaw&#235;&#235;ya, &#8220;Wur&#235;, muhuv&#235;e mwino ngudaha utenda intu r&#235;s&#235;&#235;na?&#8221; Veesonoo v&#235;gamusucha, &#8220;Nhaa, M&#252;k&#252;&#252;.&#8221; 29Faafo Yesu agatenia miho awe, agahanya, &#8220;Na &#235;tendeke uvii kun&#235; nyee mwino muhuv&#235;e.&#8221; 30Miho awe &#235;garangua. Yesu noo agav&#235;&#235;ra gwa ukhar&#235;: &#8220;Mutamukhan&#235;e muntu mbanduv&#235; intu &#235;r&#235;&#235;.&#8221; 31&#203;gweeso veeso v&#235;gatunguya v&#235;gatanantya sayu wamwa Yesu mung'&#235; &#235;s&#235;&#235; oong'e.</div><div class="s">Yesu ugumuforya munya g&#235;mumu</div><div class="p"> 32Antu n&#235;naa v&#235;tungwiye kun&#235; vinj&#235;, vang&#235;ja v&#235;gamweetea Yesu muntu umwe n&#235;naa munyag&#235;mumu wa g&#235;nyonyinyonyi. 33Muu g&#235;nyafaafo gutufu n&#235;naa g&#235;nyonyinyonyi gas&#235;&#235; gad&#235;&#235;ywa muntu wasuu n&#235;naa wina g&#235;mumu agandya ur&#235;gh&#235;tya kang&#235;. Antu v&#235;gataka go na uhanya, &#8220;Intu n&#235; mwino &#235;r&#235;&#235; rinadw&#235;&#235;raa mbanduv&#235; mu Isiraeli!&#8221; 34&#203;gweeso Afarisayo v&#235;gahanya, &#8220;Uguviduya vinyonyinyonyi gwa nguu ya m&#252;k&#252;&#252; wa vinyonyinyonyi n&#235; vib&#235;.&#8221;</div><div class="s">Yesu uguvoonea antu uvavi</div><div class="p"> 35Yesu agafika u miji oong'e na vijiji, agas&#235;ya mumasinagogi awe ugutanantya Sayu Njija a Utemi wa Muungu na uforya marue oong'e na muug&#235;legheka hiya hiya. 36Uvii, n&#235;naa wavoona antu, mirundo gwa mirundo, agavoonea uvavi gusoko naa vakhataa na naa vabughe vatendeka mwino nkhoo n&#235; itina mud&#235;mi. 37Faafo agav&#235;&#235;ra as&#235;ywi vakwe, &#8220;Mb&#235;&#235;sya nying&#235;, &#235;gweeso anya ut&#235;nanga akeevuu. 38Uvii, murombi Munya muunda atum&#235; anya ut&#235;nanga mu muunda wakwe.&#8221;</div>
 </div>
 </div>
</div>

 Kirimi New Testament © Bible Society of Tanzania, 2008.

Yesu aganatëa masua, aganankëa irambo na agafika umuji wakwe. Faafo antu vëgamwetea muntu umwe naa mwëërë ukure ighandi, ureechiwe gunto a gëtanda. Yesu nënaa wawoona uhuvëi wawe, agamwëëra muntu wasuu nënaa ukure ighandi, “Khomya nkhoo mwananë! Warekewaa mahutuye ako.” Mukhatë a aandëki va seria vëgaandya usëghanëya, “Muntu uyuu ugumujuma Muungu!” Yesu agamanya masëgho awe, agahanya, “Gusokokë mughema në mabë munkhoo yanyu? Uu rëëfe në ryoro nanguu uhanya, ‘Warekewa mahutye ako,’ namba uhanya, ‘Imëka, weendeende?’ Uvii, ngufenja mumanye mwino Mwaamuntu ukweti udaho wa uvarekea antu mahutye mu urëmi.” Faafo agamwëëra muntu wasuu nënaa ukure ighandi, “Wuka, hora gëtanda gako, wende ukhaako.” Muntu wasuu nënaa ukure ighandi agawuka, agenda ukhaakwe. Antu voong'e mu wirundo wasuu nënaa voona asaa vëgataka na ghooghofa, vëgamukürya Muungu nëwaafee antu udaho në mwino wasuu.


Yesu agahegha faafo, na nënaa ugutunguya agamwoona muntu umwe ugutaanwaa Matayo wikhee mu nyumba a ukhomboisya kooti. Uvii, Yesu agamukhanëa, “Ng'onga.” Matayo noo agavuka, agamuhonga.
Yesu nënaa wëëmunyumba wikhee ugula malëwa anya ukhomboisya kooti vingë naanyamahutye vëgaja vëgikhaa itambëëmwe na mweeso nanë asëywi vakwe. Afarisayo nënaa voona asaa, vëgavëëra asëywi vakwe, “Asikë musëyi wanyu ugula itambëëmwe na anya ukhomboisya kooti nanë anya mahutye?” Yesu nënaa wategheeya agahanya, “Nëvëumufenja mughanga uu në vasaa në vërue ti në afanga. Uvii, mwisëye riana ra nkhani iyii: ‘Inoneye goonewa uvavi, na ti makumbëko?’ Ntinajaa uvataana antu nëaja, ëgweeso anya mahutye.”


Asëywi vamwa Yohana Mubadisi vëgamwendea Yesu, vëuhanya, “See na Afarisayo nguufungaa mëhënjo mingë, asikë asëywi vako vëtiufungaa?” Yesu agavasucha, “Wurë, nëvëreekiwe guuvire vëudaha uhongeeya itungo në mukumwëëma wëë itambëëmwe inaaawena? Ti uvii! Ëgweeso itungo rëufika në mukumwëëma ujie uheywa kunë veeso, itungo rasëë faafo uuvëjieufunga. Antu vëtiutendeaa ntaho a isaa nëifya mu isaa nërakhee. Gusoko ntaho asëë ëuhafuanga isaa rasëë në rakhee, na faafo fana naa guhafukie guuhafukëëra. Na mbesa antu vëtiuvëkaa divai nëmpya muvihongoo në vyakhee. Nëvatenda uvii, vihongoo viutamüka na divai ëguhunuka, vihongoo noo viuruvëka. Ti uvii, ëgweeso, antu vëuvëkaa divai nëmpya muvihongoo në vifya, na vyong'e vivëë, vihongoo nanë divai viughondanëëywa vija.”


Yesu nënaa ugurëghëtya asaa müküü umwe Muyahudi agafika agamwinamëa na uhanya, “Munchaanë wakuyaa itungwee rëërë. Gweeso, nguguromba njuu umutendeye mukhono wako mweesonoo ugutenda mufanga.” Yesu agatunguya itambëëmwe na asëywi vakwe, agamuhonga. Mukhema umwe murue ugukëngaa saghami gwa mëakha ikumi na ëvëë agamuhonga Yesu unyuma, agatenia ëfëndo ra isaa rakwe.
Agatenda uvii, gusoko agasëghanëya munkhoo: “Nënatenia gutufu isaa rakwe, ngufora.” Uvii, Yesu agikengeeya agamwoona, agamwëëra, “Muncha, khomya nkhoo! Uhuvëi wako waguforyaa.” Mukhema wasuu agafora itungo ërëëro ërëëro. Faafo Yesu agingëa ukhaya amwa müküü wasuu. Na nënaa wavoona akhuva filimbë mwirundo na wina yaghagha, agahanya, “Heghi afaa! Mung'inya agëkhema uyuu inakuya, uree gutufu.” Veesonoo vëgamuheka. Uvii, misanga a antu nënaa aheywa, Yesu agingea ukhatë, agamukwata muncha wasuu mukhono mweesonoo agimëka. Sayu ësëë ëgamanyika ino mung'e ësëë oong'e.

Yesu agahegha faafo na nënaa utungwiiye afoku vavëë vëgamuhonga vëkuriye mukindo, “Mwana amwa Daudi, goonëe uvavi!” Yesu nënaa wingëa ukhaya afoku vavëë vasaa vëgamuhanga, mweesonoo agavawëëya, “Wurë, muhuvëe mwino ngudaha utenda intu rësëëna?” Veesonoo vëgamusucha, “Nhaa, Müküü.” Faafo Yesu agatenia miho awe, agahanya, “Na ëtendeke uvii kunë nyee mwino muhuvëe.” Miho awe ëgarangua. Yesu noo agavëëra gwa ukharë: “Mutamukhanëe muntu mbanduvë intu ërëë.” Ëgweeso veeso vëgatunguya vëgatanantya sayu wamwa Yesu mung'ë ësëë oong'e.

Antu nënaa vëtungwiye kunë vinjë, vangëja vëgamweetea Yesu muntu umwe nënaa munyagëmumu wa gënyonyinyonyi. Muu gënyafaafo gutufu nënaa gënyonyinyonyi gasëë gadëëywa muntu wasuu nënaa wina gëmumu agandya urëghëtya kangë. Antu vëgataka go na uhanya, “Intu në mwino ërëë rinadwëëraa mbanduvë mu Isiraeli!” Ëgweeso Afarisayo vëgahanya, “Uguviduya vinyonyinyonyi gwa nguu ya müküü wa vinyonyinyonyi në vibë.”

Yesu agafika u miji oong'e na vijiji, agasëya mumasinagogi awe ugutanantya Sayu Njija a Utemi wa Muungu na uforya marue oong'e na muugëlegheka hiya hiya. Uvii, nënaa wavoona antu, mirundo gwa mirundo, agavoonea uvavi gusoko naa vakhataa na naa vabughe vatendeka mwino nkhoo në itina mudëmi. Faafo agavëëra asëywi vakwe, “Mbëësya nyingë, ëgweeso anya utënanga akeevuu. Uvii, murombi Munya muunda atumë anya utënanga mu muunda wakwe.”

Listen to Matayo 9