If you have would like a copy of this version please contact info@davarpartners.org

The Datooga Old Testament

<div class="version vid3050 iso6393tcc" data-vid="3050" data-iso6393="tcc">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s">Abramu gwaheeli sea Lutu</div><div class="p"> 1Iimuchu ghabeawa ng'eanyiida Misri, niny ea gatmoadaanyi, ea haleanjeadaanyi sean mideawa, sea Lutu ea ghwahita Negebu.</div><div class="p"> 2Abeeda Abramu nibaruur aba dugwa, ea lapiya, ea dahaabu. 3Ghabeawa Negebu ea ghwahita Beteli, heeda ghayi mida maheemajeandaanyi, mida aba mwadi dageascheeda Beteli ea Ayi, 4ea ghwahita heeda ghayi sissa heeda wagiida aba mwadi; hean aba hoowa ghabwat Abramu gheawunga NG'UTAMIIDA. 5Eara Lutuheeda adeayi sea Abramu eara niny gwandeawa hawanda ea dugwa ea maheemajeega, 6ak ea moahiida ng'eanyiita duwaawi aba giibinda; aba gideaba dugwa nyaawa aasaang'a ak ea mayghoamu gwandeayeesa hijagi, 7hean gwardu jaliida aba dageascheeda jeagiischoodiga dugwa Abramu ea jeagiischoodiga dugwa Lutu. Aba damandida goobiita ng'eanyiita fuga Ganaani ea fuga Beresi.</div><div class="p"> 8Hean gwayeesha Abramu Lutu, &#8220;Ada gwanda jaliida dageascheedeanya aniini ea ang'iing'i, ea dageascheeda jeagiischoodigaagu ea jeagiischoodigeasu; aba gideaba geewooschi buweadeega. 9Neada ng'eanyiisean ea miibwara aba madeadaang'u? Eeheeleena ang'iing'i ea aniini. Iigali geatinda ghaadaam, gaydagal geatinda dugwa; ama iigali geatinda dugwa, gaydagal aniini geatinda ghaadaam.&#8221; 10Ng'ata gwadiiw Lutu uhuudaanyi ak ghoang'wearda ak ghwadaah mooheeda Yordani ghwanyiit beega ng'eanyiisean gawuurji boostaaneeda NG'UTAMIIDA, gawuurji sea ng'eanyiida Misri, gal Seari; damani abeeda mii gwanyarja NG'UTAMIIDA ng'eanyiida Sodoma ea Gomora. 11Iidu ghwaloat Lutu mooheesean bea Yordani, hean gawa Lutu nea ghoadoas; hean ghwadarda ak gwaheeli. 12Goobiida Abramu ng'eanyiida Ganaani, nea goobiida Lutu dageascheeda mujiinajeega mida mooheeda ak gwasissa maheemajeandaanyi riiksiinda Sodoma. 13Abeeda fuga Sodoma ea munyas, ak gaba riing'a muuchi aba madeeda NG'UTAMIIDA.</div><div class="s">Abramu gawa Hebroni</div><div class="p"> 14Muchu gwayeesha NG'UTAMIIDA Abramu, iinukwa Lutu niheeleeweey, &#8220;Jakta gheanyangaagu, ak giing'weardi aba hiji indiini, wiilooda ng'eanyiida ghayeawa ea wiilooda ng'eanyiida biyeara ea heeda ghayeawa ea heeda biyeara; 15ng'eanyiini sean idaahiin gaydagoonyi ang'iing'i ea jeacheengaagu damanda manda muudeanooda. 16Gaydanung' gwadeena jeacheengaagu sigeeda ng'eanyiida; ama mida siida ammu gwayiida sigeeda ng'eanyiida, abeeda eara jeacheengaagu gajeamu eeyiida. 17Asi ng'eada, ak guwi daaha geawunda ea baraknata ng'eanyiida, aba gideaba gaydagoonyi.&#8221; 18Muchu goobaleak Abramu maheemajeandaanyi, ak gawa goobiida murdeeda saloojiiga Mamre, mida ng'eanyiida Hebroni; hean gwasissa NG'UTAMIIDA heeda wagiida aba hoowa.</div>
 </div>
 </div>
</div>

The Bible in Datooga © Bible Society of Tanzania, 2015.

Iimuchu ghabeawa ng'eanyiida Misri, niny ea gatmoadaanyi, ea haleanjeadaanyi sean mideawa, sea Lutu ea ghwahita Negebu.
Abeeda Abramu nibaruur aba dugwa, ea lapiya, ea dahaabu. Ghabeawa Negebu ea ghwahita Beteli, heeda ghayi mida maheemajeandaanyi, mida aba mwadi dageascheeda Beteli ea Ayi, ea ghwahita heeda ghayi sissa heeda wagiida aba mwadi; hean aba hoowa ghabwat Abramu gheawunga NG'UTAMIIDA. Eara Lutuheeda adeayi sea Abramu eara niny gwandeawa hawanda ea dugwa ea maheemajeega, ak ea moahiida ng'eanyiita duwaawi aba giibinda; aba gideaba dugwa nyaawa aasaang'a ak ea mayghoamu gwandeayeesa hijagi, hean gwardu jaliida aba dageascheeda jeagiischoodiga dugwa Abramu ea jeagiischoodiga dugwa Lutu. Aba damandida goobiita ng'eanyiita fuga Ganaani ea fuga Beresi.
Hean gwayeesha Abramu Lutu, “Ada gwanda jaliida dageascheedeanya aniini ea ang'iing'i, ea dageascheeda jeagiischoodigaagu ea jeagiischoodigeasu; aba gideaba geewooschi buweadeega. Neada ng'eanyiisean ea miibwara aba madeadaang'u? Eeheeleena ang'iing'i ea aniini. Iigali geatinda ghaadaam, gaydagal geatinda dugwa; ama iigali geatinda dugwa, gaydagal aniini geatinda ghaadaam.” Ng'ata gwadiiw Lutu uhuudaanyi ak ghoang'wearda ak ghwadaah mooheeda Yordani ghwanyiit beega ng'eanyiisean gawuurji boostaaneeda NG'UTAMIIDA, gawuurji sea ng'eanyiida Misri, gal Seari; damani abeeda mii gwanyarja NG'UTAMIIDA ng'eanyiida Sodoma ea Gomora. Iidu ghwaloat Lutu mooheesean bea Yordani, hean gawa Lutu nea ghoadoas; hean ghwadarda ak gwaheeli. Goobiida Abramu ng'eanyiida Ganaani, nea goobiida Lutu dageascheeda mujiinajeega mida mooheeda ak gwasissa maheemajeandaanyi riiksiinda Sodoma. Abeeda fuga Sodoma ea munyas, ak gaba riing'a muuchi aba madeeda NG'UTAMIIDA.

Muchu gwayeesha NG'UTAMIIDA Abramu, iinukwa Lutu niheeleeweey, “Jakta gheanyangaagu, ak giing'weardi aba hiji indiini, wiilooda ng'eanyiida ghayeawa ea wiilooda ng'eanyiida biyeara ea heeda ghayeawa ea heeda biyeara; ng'eanyiini sean idaahiin gaydagoonyi ang'iing'i ea jeacheengaagu damanda manda muudeanooda. Gaydanung' gwadeena jeacheengaagu sigeeda ng'eanyiida; ama mida siida ammu gwayiida sigeeda ng'eanyiida, abeeda eara jeacheengaagu gajeamu eeyiida. Asi ng'eada, ak guwi daaha geawunda ea baraknata ng'eanyiida, aba gideaba gaydagoonyi.” Muchu goobaleak Abramu maheemajeandaanyi, ak gawa goobiida murdeeda saloojiiga Mamre, mida ng'eanyiida Hebroni; hean gwasissa NG'UTAMIIDA heeda wagiida aba hoowa.

Listen to GIING'EETA 13