If you have would like a copy of this version please contact info@davarpartners.org

The Datooga Old Testament

<div class="version vid3050 iso6393tcc" data-vid="3050" data-iso6393="tcc">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Abramu ghaweat Lutu</div><div class="p"> 1Aba damanda Amrafeli was sugoocheanda Shinari, ea Ariyoki was sugoocheanda Elasa, ea Gedorlaomeri was sugoocheanda Elamu, ea Didali was sugoocheanda Goimu, 2iimuchu gang'uchi sugoodisu sea sugoocheanda Sodoma siguura Bera, nea sugoocheanda siguura Birsha bea ng'eanyiida Gomora, ea Shinabi bea ng'eanyiida Adma, ea Shemeba bea ng'eanyiida Seboimu, ea sugoocheanda Bela (was Seari). 3Hean googuuyi sugoodisu shirikareeda nyaawa aba moangoachiyda Sidimu (nea, balang'da). 4Goobiida jeeda gheambalmeeda Gedorlaoma gweanyeew damaniyeenya, hita gweaydeaba damasamwagu geaheawa eesisa mureeda. 5Hita gweaydeaba damanang'wan ghwahidu Gedorlaoma sea maseawdaanyi ea lugweega nyaawa ak ghwajoar fuga Refayimu aba Ashterot-garnaimu, ea fuga Susi aba Hamu, ea fuga Emi aba Shawe-giryataimu, 6ea fuga Hori aba giijeega Seiri ea ghwahita El-parani mida ghuuta dareapcheeda; 7iidu gwayamu geat ea ghwahidu Enmishpati (nea Gadeshi), ak ghwajoar darooraka sean bea Maleki, ak eara fuga Amori abiita Hasason-tamari. 8Ng'ata gageanda shirikareanyaawa sugoodiga Sodoma, ea dea Gomora, ea sugoocheanda Adma, ea sugoocheanda Seboimu, ea sugoocheanda Bela (nea Seari), hean gaweay eara saawa ng'ucheeda aba moangoachiyda Sidimu 9ea Gedorlaoma gil was sugoocheanda Elamu, Didali was sugoocheanda Goimu, Amrafeli Elasa, sugoodi ang'wan ng'uchi muut. 10Abeeda moangoachiyda Sidimu ghwanyiit shoomeanga hideeda; iimuchu nea nimng'aw sugoodiga Sodoma ea Gomora, gang'adeesa mwaatkwa shoomeanga, nea gamng'awsa suurja uhuuda giijeega. 11Hean ghwahidu lugooda ak gageanda haleanjeeda sean bea Sodoma ea Gomora, ea hamichoojiga nyaawa sean, ak gaweay heechea gaweay; 12iidu ghwaat eara Lutu was orjeeda geenyea Abramu, abiita ng'eanyiida Sodoma ea haleanjeadaanyi ak gawa.</div><div class="p"> 13Ng'ata ghwahidu siyagi heeta mang'aw, ak gwayeesha Abramu was siida Ebraniya, abiita murdeeda sabiida Mamre was siida Amori, was orjeeda geenyea Eshkoli ea dea Ana; fiisu suh bareanda Abramu. 14Iimuchu nea ghwayiiy Abramu gideaba siing'waay buweacheandaanyi, hean goosheedeawa fugaaschi siikearniit muuchi, was fuga sijiilsa gheanyi, fih bughalaji samwagu ea sis, ak gaweay ghwaat geeshta ea ghwahita Dani. 15Ng'ata ghabwaashaada geenga eawa ak ghwanung' gaweay gang'uchi nea goodeayi niny sea soomjoagaaschi, ak ghwajoar ak gamaseaw ea ghwahita Hoba, mida gayeewda Dameski. 16Hit ghoaghuumu haleanjeeda sean, ak goodeelu eara buweacheandaanyi was Lutu ea haleanjeadaanyi, ea gadeemga ea fuga siing'waay.</div><div class="s">Melkisedeki ghoadaw Abramu ghawooda</div><div class="p"> 17Iidu nea gabiikna joorda Gedorlaoma sea sugoodiga mideawa, gawa sugoocheanda Sodoma roonyeeda aba mooheeda Shawe (nea, Mooheeda sugoocheanda). 18Ng'ata gweadu Melkisedeki was sugoocheanda Salemu mukaate ea difaayi; abeeda niny ashoohoocheanda ASEETA Hawi. 19Ak ghoadaw ghawooda nea gwayeesha,</div><div class="q1">&#8220;Gagasa ghoadaw ASEETA haw bea humng'eeda Abramu ghawooda,</div><div class="q2">dea ghayi sin humng'eeda ea ng'eanyiida;</div><div class="q1"> 20gagasa eakghaambiit ASEETA haw bea humng'eeda,</div><div class="q2">iin weajoodigaagu geatingaagu!&#8221;</div><div class="m">Ak ghoadaw Abramu niny gilagi aba gilatamanamughuush. 21Ak gwayeesha sugoocheanda Sodoma Abramu, &#8220;Goonean buuneeda, ak gigeandi haleanjeeda ang'iing'i.&#8221; 22Ng'ata gwayeesha Abramu sugoocheanda Sodoma, &#8220;Aniini neayeaksi habeawooda NG'UTAMIIDA was ASEETA haw bea humng'eeda, ghayi sin humng'eeda ea ng'eanyiida, 23gideaba maydageanda gulbeeda ghana deandooda geeweeda ghana gida wassean was daang'u, ak abeeda ea miyeeni, &#8216;Naanung' gabaruur Abramu&#8217;. 24Maydageanda gil geaghus haleanjeeda lach gheareemanga, ea gisiguuyeesi sea fuga eadeayeewi; gagasa ghwanyas bareandeanyu was Ana, ea Eshkoli, ea Mamre gidageatinda nyaawa.&#8221;</div>
 </div>
 </div>
</div>

The Bible in Datooga © Bible Society of Tanzania, 2015.

Aba damanda Amrafeli was sugoocheanda Shinari, ea Ariyoki was sugoocheanda Elasa, ea Gedorlaomeri was sugoocheanda Elamu, ea Didali was sugoocheanda Goimu, iimuchu gang'uchi sugoodisu sea sugoocheanda Sodoma siguura Bera, nea sugoocheanda siguura Birsha bea ng'eanyiida Gomora, ea Shinabi bea ng'eanyiida Adma, ea Shemeba bea ng'eanyiida Seboimu, ea sugoocheanda Bela (was Seari). Hean googuuyi sugoodisu shirikareeda nyaawa aba moangoachiyda Sidimu (nea, balang'da). Goobiida jeeda gheambalmeeda Gedorlaoma gweanyeew damaniyeenya, hita gweaydeaba damasamwagu geaheawa eesisa mureeda. Hita gweaydeaba damanang'wan ghwahidu Gedorlaoma sea maseawdaanyi ea lugweega nyaawa ak ghwajoar fuga Refayimu aba Ashterot-garnaimu, ea fuga Susi aba Hamu, ea fuga Emi aba Shawe-giryataimu, ea fuga Hori aba giijeega Seiri ea ghwahita El-parani mida ghuuta dareapcheeda; iidu gwayamu geat ea ghwahidu Enmishpati (nea Gadeshi), ak ghwajoar darooraka sean bea Maleki, ak eara fuga Amori abiita Hasason-tamari. Ng'ata gageanda shirikareanyaawa sugoodiga Sodoma, ea dea Gomora, ea sugoocheanda Adma, ea sugoocheanda Seboimu, ea sugoocheanda Bela (nea Seari), hean gaweay eara saawa ng'ucheeda aba moangoachiyda Sidimu ea Gedorlaoma gil was sugoocheanda Elamu, Didali was sugoocheanda Goimu, Amrafeli Elasa, sugoodi ang'wan ng'uchi muut. Abeeda moangoachiyda Sidimu ghwanyiit shoomeanga hideeda; iimuchu nea nimng'aw sugoodiga Sodoma ea Gomora, gang'adeesa mwaatkwa shoomeanga, nea gamng'awsa suurja uhuuda giijeega. Hean ghwahidu lugooda ak gageanda haleanjeeda sean bea Sodoma ea Gomora, ea hamichoojiga nyaawa sean, ak gaweay heechea gaweay; iidu ghwaat eara Lutu was orjeeda geenyea Abramu, abiita ng'eanyiida Sodoma ea haleanjeadaanyi ak gawa.
Ng'ata ghwahidu siyagi heeta mang'aw, ak gwayeesha Abramu was siida Ebraniya, abiita murdeeda sabiida Mamre was siida Amori, was orjeeda geenyea Eshkoli ea dea Ana; fiisu suh bareanda Abramu. Iimuchu nea ghwayiiy Abramu gideaba siing'waay buweacheandaanyi, hean goosheedeawa fugaaschi siikearniit muuchi, was fuga sijiilsa gheanyi, fih bughalaji samwagu ea sis, ak gaweay ghwaat geeshta ea ghwahita Dani. Ng'ata ghabwaashaada geenga eawa ak ghwanung' gaweay gang'uchi nea goodeayi niny sea soomjoagaaschi, ak ghwajoar ak gamaseaw ea ghwahita Hoba, mida gayeewda Dameski. Hit ghoaghuumu haleanjeeda sean, ak goodeelu eara buweacheandaanyi was Lutu ea haleanjeadaanyi, ea gadeemga ea fuga siing'waay.

Iidu nea gabiikna joorda Gedorlaoma sea sugoodiga mideawa, gawa sugoocheanda Sodoma roonyeeda aba mooheeda Shawe (nea, Mooheeda sugoocheanda). Ng'ata gweadu Melkisedeki was sugoocheanda Salemu mukaate ea difaayi; abeeda niny ashoohoocheanda ASEETA Hawi. Ak ghoadaw ghawooda nea gwayeesha,
“Gagasa ghoadaw ASEETA haw bea humng'eeda Abramu ghawooda,
dea ghayi sin humng'eeda ea ng'eanyiida;
gagasa eakghaambiit ASEETA haw bea humng'eeda,
iin weajoodigaagu geatingaagu!”
Ak ghoadaw Abramu niny gilagi aba gilatamanamughuush. Ak gwayeesha sugoocheanda Sodoma Abramu, “Goonean buuneeda, ak gigeandi haleanjeeda ang'iing'i.” Ng'ata gwayeesha Abramu sugoocheanda Sodoma, “Aniini neayeaksi habeawooda NG'UTAMIIDA was ASEETA haw bea humng'eeda, ghayi sin humng'eeda ea ng'eanyiida, gideaba maydageanda gulbeeda ghana deandooda geeweeda ghana gida wassean was daang'u, ak abeeda ea miyeeni, ‘Naanung' gabaruur Abramu’. Maydageanda gil geaghus haleanjeeda lach gheareemanga, ea gisiguuyeesi sea fuga eadeayeewi; gagasa ghwanyas bareandeanyu was Ana, ea Eshkoli, ea Mamre gidageatinda nyaawa.”

Listen to GIING'EETA 14