If you have would like a copy of this version please contact info@davarpartners.org

The Datooga Old Testament

<div class="version vid3050 iso6393tcc" data-vid="3050" data-iso6393="tcc">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s">Jeata Isaka</div><div class="p"> 1Iimuchu gabareasa NG'UTAMIIDA Sara gawuurji gidaghayi rukuteayda, ak gwasissa NG'UTAMIIDA Sara gidaghayi heeleesa. 2Ng'ata gagweayiit Sara, ak gwajiilsa Abrahamu orjeeda aba jeeda woosindaanyi aba damanda ghayi abaloola ASEETA niny. 3Gaguura Abrahamu orjeedaanyi jih Sara Isaka. 4Ak ghwaat Abrahamu orjeedaanyi was Isaka ghasmeahooda nea gaba eawooji sis, gawuurji gidaghayi rukusiinda ASEETA. 5Abeeda Abrahamu gaba gweanyeew bughala damanda jiila orjeedaanyi was Isaka. 6Ak gwayi Sara, &#8220;ASEETA ninung' daak reari; nea siida wassean iiy ng'asheanji gaygabareewean reari.&#8221; 7Ak gwayeesha, &#8220;Gajea niyeesha ng'eaha Abrahamu gideaba Sara gaygooreer diibiga? Ak earapeadi niwaasiidiin ea neajiilsi baleanda.&#8221;</div><div class="p"> 8Ak gwahisa heeda baleanda ak geeshuukghu; ak gwasin Abrahamu ghweelmeeda haw aba eaweeda sishuukghuuna Isaka.</div><div class="s">Hajiri sea Shumwaheeli geeruuta gaweay</div><div class="p"> 9Ng'ata ghwadaah Sara orjeeda Hajiriyda eemeeda Misri, ghayi jiilsheesa Abrahamu, nea ghwadanghan sea Isaka. 10Hean gwayeesha Abrahamu, &#8220;Hoana gatmooni was soomjeandean sea orjeedaanyi; aba gideaba baleandeaba gatmooni was soomjeandean maygwahearaniischi sea orjeedeanyu was Isaka.&#8221; 11Iidu gwasawan ng'asheanji muuchi Abrahamu aba badayda orjeedaanyi. 12Ng'ata gwayeesha ASEETA Abrahamu, &#8220;Adisawani aba badayda orjeeda ea dea gatmoadaang'u was soomjeanda; ng'asheanda wassean rukuneey Sara, sinda gidarukuneey, aba gideaba aba badayda Isaka gajeeguushteawa jeacheangaagu. 13Ak eara orjeeda gatmooda was soomjeanda gaydaadaw diibiga saang'a, ak ghoah eemeeda. Aba gideaba eara niny orjeedang'u.&#8221; 14Muchu ghang'eat Abrahamu sakteayda duw, ak gageanu mukaate ea ghadeeda mida beega, ak ghoadaw Hajiri, ak ghwayiin hamarjeadaanyi, ea baleanda, ak ghwanung' gawa. Ak ghang'eat gawa, ak gwaneayeewa jeeda dareapcheeda Beer-sheba.</div><div class="p"> 15Iimuchu nea niisha beega aba jeeda shearooda, gwajaksa baleanda guumda geeta. 16Hean ghang'eat gawa, ak goopteada aba heeda meaji ea dildeaweat ayang'da jakteayda geacheeda; aba gideaba gwayi, &#8220;Adeang'ulayi gichea ghameawda baleanda.&#8221; Hean apteada nea gang'ula, ghwanya ghuuta baleanda ak gooyeawda. 17Ng'ata ghwayiiy ASEETA ghuuta baleanda ayeawda; ak gaguursa malaykajeanda ASEETA Hajiri aba humng'eeda, ak gwayeesha, &#8220;Goodeawiinyi naaha Hajiri? Adibeali; aba gideaba niyiiy ASEETA ghuuta baleanda aba heeda mida. 18Ng'eada, ak gigeandi baleanda ak giing'waanyi; aba gideaba gaydanung' ghoah eemeeda saang'a.&#8221; 19Iidu ghwajaat ASEETA gheanyangaaschi, ak ghwadaah healadeeda beega; ak gawa ak ghoanyiit ghadeeda beega ak ghoadaw baleanda ghwali. 20Ak ghoahaaghwa ASEETA baleanda, ak gwahisa heeda; ak goobiida dareapcheeda ak ghoah shageadoocheanda ghuweang'da bea huumwa. 21Goobiida dareapcheeda Barani; ak gageesheesa ghaamwat gatmooda leabu ng'eanyiida Misri.</div><div class="s">Neajeeda Abrahamu sea Abimeleki</div><div class="p"> 22Iimuchu Abimeleki sea Fikoliheeda was shirikarajeanda haweewa shirikareadaanyi gwayeesha Abrahamu, &#8220;Gaymideawana ASEETA aba gili wassean jea sina; 23asi ghamneawa aga habeawooda aba hiji aba madeeda ASEETA gideaba mayreenganean ghana diibigeasu ghana jeacheengeasu, aba gideajusu eagoondaneey mureeda, sinnean aniini ea ng'eanyiida uwoosi rabascheanda.&#8221; 24Hean ghwalamda Abrahamu ak gwayeesha, &#8220;Gaydaak habeawooda.&#8221;</div><div class="p"> 25Iidu gwanda ng'asheanda sawan Abrahamu aba heeda Abimeleki was healadeeda geanda soomjooga Abimeleki, 26Ghwalamda Abimeleki ak gwayeesha, &#8220;Aniini mwaanali siida sin ng'asheanji; ang'iing'i mii rukunean, ak ea miidayiiy ea ghoah ghamneawa.&#8221; 27Ng'ata gageanu Abrahamu gisilga ea heewga ak ghoadaw Abimeleki, ak gwasin fiisu asiyeenyean neajeeda. 28Gageanu Abrahamu ak gagwalu ichkwi ispwa bea gisilga aba jeeda noagaaschi. 29Ng'ata gwayeesha Abimeleki Abrahamu, &#8220;Gideabeedeaba ichkweesu bea gisilga asispwa isajiin naaha?&#8221; 30Hean ghwasha Abrahamu nea gwayeesha, &#8220;Gageanda ichkweesu asispwa bea gisilgean aba heedeanyu, ak abeeda gihuuwi muushoocheandeanyu bea gideaba healadeani ghaaghurghurji aniini.&#8221; 31Amadu geeguura gheawungeaba ng'eanyiita Beer-sheba; aba gideaba hoowa gweaksa duwaawi habeawooda. 32Ng'ata gwasin neajeeda aba ng'eanyiida Beer-sheba. Hean ghang'eatng'eat Abimeleki sea shirikarajeandaanyi haw was Fikoli ak gabiikta ng'eanyiida Filisti. 33Muchu ghang'aapta Abrahamu geeta was ghuyeanda aba Beer-sheba, ak ghabwat Abrahamu NG'UTAMIIDA was ASEETA Manda Muudeanooda. 34Hean goobiida Abrahamu ng'eanyiida Filisti nea rabascheanda gil ea ghwasaang'ayiit gweanyeeka.</div>
 </div>
 </div>
</div>

The Bible in Datooga © Bible Society of Tanzania, 2015.

Iimuchu gabareasa NG'UTAMIIDA Sara gawuurji gidaghayi rukuteayda, ak gwasissa NG'UTAMIIDA Sara gidaghayi heeleesa. Ng'ata gagweayiit Sara, ak gwajiilsa Abrahamu orjeeda aba jeeda woosindaanyi aba damanda ghayi abaloola ASEETA niny. Gaguura Abrahamu orjeedaanyi jih Sara Isaka. Ak ghwaat Abrahamu orjeedaanyi was Isaka ghasmeahooda nea gaba eawooji sis, gawuurji gidaghayi rukusiinda ASEETA. Abeeda Abrahamu gaba gweanyeew bughala damanda jiila orjeedaanyi was Isaka. Ak gwayi Sara, “ASEETA ninung' daak reari; nea siida wassean iiy ng'asheanji gaygabareewean reari.” Ak gwayeesha, “Gajea niyeesha ng'eaha Abrahamu gideaba Sara gaygooreer diibiga? Ak earapeadi niwaasiidiin ea neajiilsi baleanda.”
Ak gwahisa heeda baleanda ak geeshuukghu; ak gwasin Abrahamu ghweelmeeda haw aba eaweeda sishuukghuuna Isaka.

Ng'ata ghwadaah Sara orjeeda Hajiriyda eemeeda Misri, ghayi jiilsheesa Abrahamu, nea ghwadanghan sea Isaka. Hean gwayeesha Abrahamu, “Hoana gatmooni was soomjeandean sea orjeedaanyi; aba gideaba baleandeaba gatmooni was soomjeandean maygwahearaniischi sea orjeedeanyu was Isaka.” Iidu gwasawan ng'asheanji muuchi Abrahamu aba badayda orjeedaanyi. Ng'ata gwayeesha ASEETA Abrahamu, “Adisawani aba badayda orjeeda ea dea gatmoadaang'u was soomjeanda; ng'asheanda wassean rukuneey Sara, sinda gidarukuneey, aba gideaba aba badayda Isaka gajeeguushteawa jeacheangaagu. Ak eara orjeeda gatmooda was soomjeanda gaydaadaw diibiga saang'a, ak ghoah eemeeda. Aba gideaba eara niny orjeedang'u.” Muchu ghang'eat Abrahamu sakteayda duw, ak gageanu mukaate ea ghadeeda mida beega, ak ghoadaw Hajiri, ak ghwayiin hamarjeadaanyi, ea baleanda, ak ghwanung' gawa. Ak ghang'eat gawa, ak gwaneayeewa jeeda dareapcheeda Beer-sheba.
Iimuchu nea niisha beega aba jeeda shearooda, gwajaksa baleanda guumda geeta. Hean ghang'eat gawa, ak goopteada aba heeda meaji ea dildeaweat ayang'da jakteayda geacheeda; aba gideaba gwayi, “Adeang'ulayi gichea ghameawda baleanda.” Hean apteada nea gang'ula, ghwanya ghuuta baleanda ak gooyeawda. Ng'ata ghwayiiy ASEETA ghuuta baleanda ayeawda; ak gaguursa malaykajeanda ASEETA Hajiri aba humng'eeda, ak gwayeesha, “Goodeawiinyi naaha Hajiri? Adibeali; aba gideaba niyiiy ASEETA ghuuta baleanda aba heeda mida. Ng'eada, ak gigeandi baleanda ak giing'waanyi; aba gideaba gaydanung' ghoah eemeeda saang'a.” Iidu ghwajaat ASEETA gheanyangaaschi, ak ghwadaah healadeeda beega; ak gawa ak ghoanyiit ghadeeda beega ak ghoadaw baleanda ghwali. Ak ghoahaaghwa ASEETA baleanda, ak gwahisa heeda; ak goobiida dareapcheeda ak ghoah shageadoocheanda ghuweang'da bea huumwa. Goobiida dareapcheeda Barani; ak gageesheesa ghaamwat gatmooda leabu ng'eanyiida Misri.

Iimuchu Abimeleki sea Fikoliheeda was shirikarajeanda haweewa shirikareadaanyi gwayeesha Abrahamu, “Gaymideawana ASEETA aba gili wassean jea sina; asi ghamneawa aga habeawooda aba hiji aba madeeda ASEETA gideaba mayreenganean ghana diibigeasu ghana jeacheengeasu, aba gideajusu eagoondaneey mureeda, sinnean aniini ea ng'eanyiida uwoosi rabascheanda.” Hean ghwalamda Abrahamu ak gwayeesha, “Gaydaak habeawooda.”
Iidu gwanda ng'asheanda sawan Abrahamu aba heeda Abimeleki was healadeeda geanda soomjooga Abimeleki, Ghwalamda Abimeleki ak gwayeesha, “Aniini mwaanali siida sin ng'asheanji; ang'iing'i mii rukunean, ak ea miidayiiy ea ghoah ghamneawa.” Ng'ata gageanu Abrahamu gisilga ea heewga ak ghoadaw Abimeleki, ak gwasin fiisu asiyeenyean neajeeda. Gageanu Abrahamu ak gagwalu ichkwi ispwa bea gisilga aba jeeda noagaaschi. Ng'ata gwayeesha Abimeleki Abrahamu, “Gideabeedeaba ichkweesu bea gisilga asispwa isajiin naaha?” Hean ghwasha Abrahamu nea gwayeesha, “Gageanda ichkweesu asispwa bea gisilgean aba heedeanyu, ak abeeda gihuuwi muushoocheandeanyu bea gideaba healadeani ghaaghurghurji aniini.” Amadu geeguura gheawungeaba ng'eanyiita Beer-sheba; aba gideaba hoowa gweaksa duwaawi habeawooda. Ng'ata gwasin neajeeda aba ng'eanyiida Beer-sheba. Hean ghang'eatng'eat Abimeleki sea shirikarajeandaanyi haw was Fikoli ak gabiikta ng'eanyiida Filisti. Muchu ghang'aapta Abrahamu geeta was ghuyeanda aba Beer-sheba, ak ghabwat Abrahamu NG'UTAMIIDA was ASEETA Manda Muudeanooda. Hean goobiida Abrahamu ng'eanyiida Filisti nea rabascheanda gil ea ghwasaang'ayiit gweanyeeka.

Listen to GIING'EETA 21