 If you would like a copy of this version please contact info@davaraudiobibles.org

Text: Afar Bible © Bible Society of Ethiopia. Audio: Afar Audio Bible ℗ 2023, Davar Partners International.

Afar Bible

<div class="version vid3170 iso6393aar" data-vid="3170" data-iso6393="aar">
 <div class="book bkJDG">
 <div class="chapter ch3" data-usfm="JDG.3">
 <div class="label">3</div><div class="s">TOO BAAXOL ELLE RAAQE MARA</div><div class="p"> 1YALLI makkook, Israayil mari baaxo akak qeebit yibbixe mara, keenik yibbixen baaxol elle raaqise. Toh akah abemii, Kanqaan rasut Israayil mari baaxo yabbixe'gidih abe gaadut, woo saaku suge wee maray Israayilih yoobokehiyya yaqiyyire'gidih abe. 2Ken akah yaqiyyireemik sabab macaay itteenikii, Israayilik-gamaddi-adoy qeebi able waytehiyya qeebi baritta'gidih abe. 3Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Sayd&#226; mara kee, tonnah kaadu, Ciiwih yooboke marak ten. Ciiw&#238; mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten. 4Israayil mari, YALLI Muusal oobise xintoy Muusa a saaku tan adoh kaxxa abbobtik kataata iyyehiyya, YALLI elle iyye innal, kataataanam kee cinaanam keenik yable'gidih, Yalli a mari ken addal yanay iyye. 5Sarrak, Israayil mari, Kanqaan-maraay Ciit&#226;-maraay Amoor&#226;-maraay Feriid&#226;-maraay Ciiw&#238;-mara kee Yabuus&#226;-mara lih ken baaxol dabqih gacen. 6Say xaylo rihimih keenik abiteeniih, isinni xaylo kaadu rihimih keenih yeceen. Tohuk kalah, oson aqbuduk sugen duyyeeya ken lih yuqbuden.</div><div class="s">QOTNIYEL DEQSITA MAKAABANTU</div><div class="p"> 7Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte. 8Tohuk gexxaamah, YALLIH bagcarra keenil obteeh, Kusan-Risqatayim akak iyyan malikiy Mesbotaamiyal dardaarehiyya qeebih keenik iysissa heeh reedah amol keenik hee. Israayil mari bacra sanat kay gubat gace. 9Sarrak Israayil mari weeqah YALLAL hayya heen. YALLI too waqdi ta malikih gabak currih ken yayyaaqu waa num keenih ruube. Tohumuu, Qotniyel deqsita numuk ten. Qotniyel Kanad baxak ten. Kanad, Kaalibik qunxa toobokoytak ten. 10YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh. 11Tohuk lakal morootom sanatih gide woo baaxol amaan gace. Sarrak Qotniyelil Yallih amri yemeete.</div><div class="s">EEHUD DEQSITA MAKAABANTU</div><div class="p"> 12Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise. 13Qeglon, Qammon-mara kee Qamaalek-mara isi mara lih hayya heeh, gaaduh keenih yemeeteeh, too gaadul Yeriko deqsitta magaalay bagul le migaaqah Nakiila le Magaala deqsitak sugte keenik yibbixe. 14Ta malik taban kee bacra sanatah Israayil isi milkih abbaxuk suge.</div><div class="p"> 15Takkay immay YALLAL weeqah hayya heen waqdi, YALLI ahak currih ken yayyaaqu waa num keenih hee. Tohuu, Benyaamah yooboke Ger&#225;-Eehud deqsita guralik yen num yen. Israayil mari gabal kaak gabbara hayya heenih malik fanah kaa ruuben. 16Eehud inki cusulih gide takke namma-af leh tan gile bicissa heeh luk gexe. Too gile migdi tattabak bagul isik uxuyya heeh, amol saro akak heeh gexe. 17Too gabbara gabat hayya heeh malik fan yemeete. Malik Qeglon kaxxa gabul luk yen. 18Eehud a gabbaray baahehiyya kaah yeceek lakal a gabbara quukah baahe marak, &#171;Isin ahaysa gabbara wadbisseenik isinni baaxo uduura&#187; iyye. 19Toh inxicca 'yeh isih Gilgal deqsita aracih garil tan oren-xaak gufeh sugek wadir malik fanah yuduureeh, malikik iyyeemih, &#171;Malikow, koh warsam faxa sirri liyo&#187; iyye.</div><div class="p">Too waqdi malik isi marak, &#171;Ahaysa akke dibuk neh caba hay&#187; iyye. Too waqdi too mari inkih afah yewqe.</div><div class="p"> 20Too waqdi malik isi qari amol xisen xabca le qarik addal yen. Eehud malik fan xayyowwa 'yeeh, &#171;Yallak koh temeete farmo koh abbixe&#187; iyye. Toh yoobbe waqdi malik solla 'ye. 21Migdal tikiyat luk suge gile guri gabah siibba heeh, taaxige malikik bagut culussa hee. 22Too gile bagut daab&#225;h kaak amma 'teeh, buucusuk kaak tewqe. Gile baguk kaak mayyaaqinnay edde cabeeh; too waqdi malikik bagi-xayti taaxige giley daab&#225;h kaat cultehiyyak bagul uduurra 'ye. 23Sarrak qarik yewqeh xabca le qari maftacat aliffa heeh isih gexe. 24Malik taamat yan mari yemeete waqdi, qari irok maftacat alifih keenih suge. Takkay immay malik qari addal bagi daacot udurrutem yekkelen. 25Sarrak afal kaa qambaalak udurruteenih immay qari fake weem yublen waqdi, maftac bahha heenih faken. Faken waqdi ken malik qari-baaxak-bagul qangalayluh radeh yaniih, rabeh keenih suge.</div><div class="p"> 26Eehud too waqdi, oson qari afal kaa qambaalaanah gide direh suge. Oren-xaak tabba 'yeh, Seeqira deqsita arac gufeh yen. 27Qaleela le Efrayim rasu gufe waqdi Israayil marah *baanta yoogoreeh, &#171;Ummatey carbih uguta&#187; iyye. Too mari yemeete waqdi, qaleel&#226; baguy dabaqah elle sugeenik foocat gacca 'yeh ken bee. 28Keenik iyyeemih, &#171;YALLI Mooyab marak qeebil sin yaysiisu waah yani'mmay yoo kataya&#187; iyye. Kaa katayeeniih, Mooyab mari Ordon weeqaytuuk gacca 'yeenih akak tabe raaren arac keenik yibbixen. Tokkel suggu 'yeenih num keenik tabe kalen. 29Too ayro Mooyab-qaskaray carbil nagay timixxigehiyyak tabna alfih num qiden. Inki num asillimi keenik mahannon. 30Too ayro Mooyab-marak qeebil yeyseeniih; baaxo tohuk wadir bacra-tabanih sanatah amaan tekke.</div><div class="s">SAMGAR DEQSITA MAKAABANTU</div><div class="p"> 31Eehud lakal Israayil mara cattem, Qan&#225;t-Samgar deqsita numuk ten. Usuk Filistiin marak laca boolih num, laa edde dacrisan af le birtat qide.</div>
 </div>
 </div>
</div>

YALLI makkook, Israayil mari baaxo akak qeebit yibbixe mara, keenik yibbixen baaxol elle raaqise. Toh akah abemii, Kanqaan rasut Israayil mari baaxo yabbixe'gidih abe gaadut, woo saaku suge wee maray Israayilih yoobokehiyya yaqiyyire'gidih abe. Ken akah yaqiyyireemik sabab macaay itteenikii, Israayilik-gamaddi-adoy qeebi able waytehiyya qeebi baritta'gidih abe. Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten. Israayil mari, YALLI Muusal oobise xintoy Muusa a saaku tan adoh kaxxa abbobtik kataata iyyehiyya, YALLI elle iyye innal, kataataanam kee cinaanam keenik yable'gidih, Yalli a mari ken addal yanay iyye. Sarrak, Israayil mari, Kanqaan-maraay Ciitâ-maraay Amoorâ-maraay Feriidâ-maraay Ciiwî-mara kee Yabuusâ-mara lih ken baaxol dabqih gacen. Say xaylo rihimih keenik abiteeniih, isinni xaylo kaadu rihimih keenih yeceen. Tohuk kalah, oson aqbuduk sugen duyyeeya ken lih yuqbuden.

Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte. Tohuk gexxaamah, YALLIH bagcarra keenil obteeh, Kusan-Risqatayim akak iyyan malikiy Mesbotaamiyal dardaarehiyya qeebih keenik iysissa heeh reedah amol keenik hee. Israayil mari bacra sanat kay gubat gace. Sarrak Israayil mari weeqah YALLAL hayya heen. YALLI too waqdi ta malikih gabak currih ken yayyaaqu waa num keenih ruube. Tohumuu, Qotniyel deqsita numuk ten. Qotniyel Kanad baxak ten. Kanad, Kaalibik qunxa toobokoytak ten. YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh. Tohuk lakal morootom sanatih gide woo baaxol amaan gace. Sarrak Qotniyelil Yallih amri yemeete.

Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise. Qeglon, Qammon-mara kee Qamaalek-mara isi mara lih hayya heeh, gaaduh keenih yemeeteeh, too gaadul Yeriko deqsitta magaalay bagul le migaaqah Nakiila le Magaala deqsitak sugte keenik yibbixe. Ta malik taban kee bacra sanatah Israayil isi milkih abbaxuk suge.
Takkay immay YALLAL weeqah hayya heen waqdi, YALLI ahak currih ken yayyaaqu waa num keenih hee. Tohuu, Benyaamah yooboke Gerá-Eehud deqsita guralik yen num yen. Israayil mari gabal kaak gabbara hayya heenih malik fanah kaa ruuben. Eehud inki cusulih gide takke namma-af leh tan gile bicissa heeh luk gexe. Too gile migdi tattabak bagul isik uxuyya heeh, amol saro akak heeh gexe. Too gabbara gabat hayya heeh malik fan yemeete. Malik Qeglon kaxxa gabul luk yen. Eehud a gabbaray baahehiyya kaah yeceek lakal a gabbara quukah baahe marak, «Isin ahaysa gabbara wadbisseenik isinni baaxo uduura» iyye. Toh inxicca 'yeh isih Gilgal deqsita aracih garil tan oren-xaak gufeh sugek wadir malik fanah yuduureeh, malikik iyyeemih, «Malikow, koh warsam faxa sirri liyo» iyye.
Too waqdi malik isi marak, «Ahaysa akke dibuk neh caba hay» iyye. Too waqdi too mari inkih afah yewqe.
Too waqdi malik isi qari amol xisen xabca le qarik addal yen. Eehud malik fan xayyowwa 'yeeh, «Yallak koh temeete farmo koh abbixe» iyye. Toh yoobbe waqdi malik solla 'ye. Migdal tikiyat luk suge gile guri gabah siibba heeh, taaxige malikik bagut culussa hee. Too gile bagut daabáh kaak amma 'teeh, buucusuk kaak tewqe. Gile baguk kaak mayyaaqinnay edde cabeeh; too waqdi malikik bagi-xayti taaxige giley daabáh kaat cultehiyyak bagul uduurra 'ye. Sarrak qarik yewqeh xabca le qari maftacat aliffa heeh isih gexe. Malik taamat yan mari yemeete waqdi, qari irok maftacat alifih keenih suge. Takkay immay malik qari addal bagi daacot udurrutem yekkelen. Sarrak afal kaa qambaalak udurruteenih immay qari fake weem yublen waqdi, maftac bahha heenih faken. Faken waqdi ken malik qari-baaxak-bagul qangalayluh radeh yaniih, rabeh keenih suge.
Eehud too waqdi, oson qari afal kaa qambaalaanah gide direh suge. Oren-xaak tabba 'yeh, Seeqira deqsita arac gufeh yen. Qaleela le Efrayim rasu gufe waqdi Israayil marah *baanta yoogoreeh, «Ummatey carbih uguta» iyye. Too mari yemeete waqdi, qaleelâ baguy dabaqah elle sugeenik foocat gacca 'yeh ken bee. Keenik iyyeemih, «YALLI Mooyab marak qeebil sin yaysiisu waah yani'mmay yoo kataya» iyye. Kaa katayeeniih, Mooyab mari Ordon weeqaytuuk gacca 'yeenih akak tabe raaren arac keenik yibbixen. Tokkel suggu 'yeenih num keenik tabe kalen. Too ayro Mooyab-qaskaray carbil nagay timixxigehiyyak tabna alfih num qiden. Inki num asillimi keenik mahannon. Too ayro Mooyab-marak qeebil yeyseeniih; baaxo tohuk wadir bacra-tabanih sanatah amaan tekke.

Eehud lakal Israayil mara cattem, Qanát-Samgar deqsita numuk ten. Usuk Filistiin marak laca boolih num, laa edde dacrisan af le birtat qide.

Listen to Makaabon 3