Maya, Yucatan - 1992 Edition (NT)

<div class="version vid324 iso6393yua" data-vid="324" data-iso6393="yua">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">U queet t'aanil u c&#250;uhcil tu'ux cu ka'ala'al j tamano'ob</div><div class="p"> 1Tu jaajil, tu jaajil, quin wa'alic ti' te'ex, le m&#225;ax ma' tu yocol tu jool najil tu'ux cu ka'alal j tamano'obe', ba'ale' cu yocol t&#225;anxel tu'uxe', jun t&#250;ul j ocol y&#233;etel loolob m&#225;ac. 2Ba'ale' le m&#225;ax cu yocol tu jool najile' leti' le m&#225;ax canantic le j tamano'obo'. 3Le j canan jool najo' cu je'ic le jool naj ti'o' u ti'al ca ococ, bey xan le j tamano'obo' cu kaj &#243;oltico'ob u t'aan. Cu t'anic u j tamano'ob y&#233;etel u kaaba'ob u ti'al u j&#243;okesico'ob. 4Cu dzo'ocol u j&#243;okesic tul&#225;acal u j tamano'obe' cu x&#237;imbal t&#225;anil ti'ob; le j tamano'obo' cu bino'ob tu paach tumen u kaj &#243;olo'ob u t'aan. 5Ba'ale' ma' tu bino'ob tu paach jun t&#250;ul m&#225;ac ma' u kaj &#243;olo'obi'; ba'ax cu beetico'obe' cu p&#250;udzulo'ob ti', tumen ma' u kaj &#243;olo'ob u t'aan yaanal m&#225;aqui'. 6Jesuse' tu ya'alaj ti'ob le queet t'aana', ba'ale' leti'obe' ma' tu na'atajo'ob ba'ax tu jo'oltaj u ya'ali'.</div><div class="s1">Jes&#250;s le ma'alob aj canan tamano'</div><div class="p"> 7Jesuse' tu ca'a a'alaj ti'ob t&#250;un: Tu jaajil, tu jaajil quin wa'alic ti' te'ex: Teen le jool naj tu'ux cu yocol le j tamano'obo'. 8tul&#225;acal le j taalo'ob t&#225;anil ti' tene' j oocolo'ob y&#233;etel loolob m&#225;aco'ob, ba'ale' ma' u'uya'ab u t'aano'ob tumen le j tamano'obo'. 9Teen le jool najo'; le m&#225;ax cu yocol ti' tene' b&#237;in to'ococ, y&#233;etel b&#237;in b&#233;eychajac je'el bix jun t&#250;ul j taman cu yocol y&#233;etel cu j&#243;okol u ti'al u caxtic u janal.</div><div class="p"> 10Le j oocolo' ch&#233;en cu taal u ti'al oocol, quiimsaj y&#233;etel xu'ulsaj, ba'ale' tene' taalaja'anen u ti'al ca yanac cuxtal ti'ob, cuxtal ca jach ya'abac ti'ob. 11Teen le ma'alob aj canan tamano'. Le ma'alob aj canan tamano' cu dz&#225;ic u cuxtal tu yo'olal u j tamano'ob. 12Ba'ale' le m&#225;ax cu meyaj ch&#233;en tu yo'olal le bo'olalo', le qu&#233;en u yil u taal le kaakas ba'alche'o' cu p'atic le j tamano'obo' u ti'al u p&#250;udzul, tumen ma' leti' le aj canan tamano' y&#233;etel le j tamano'obo' ma' u ti'ali'. Bey t&#250;uno' le kaakas ba'alche'o' cu j&#225;anpaytic y&#233;etel cu t'i'it'besic le j tamano'obo'. 13Le m&#225;aca' cu p&#250;udzul tumen ch&#233;en cu meyaj tu yo'olal le bo'olalo', u ti'al leti'e' mixba'al le j tamano'obo'.</div><div class="p"> 14Teen le ma'alob aj canan tamano'. In kaj &#243;ol in tamano'ob, le in ti'alo'obo' u kaj &#243;oleno'ob xan, 15je'el bix in Taata u kaj &#243;oleno', y&#233;etel in kaj &#243;ol in Taatao'. Tene' quin dz&#225;ic in cuxtal tu yo'olal le j tamano'obo'. 16Yaan teen xan u l&#225;ak j tamano'ob mina'ano'ob ti' le c&#250;uchila': yaan in taasico'ob xan. Leti'obe' yaan u yu'ubico'ob in t'aan, yaan u yantal jun p'&#233;elili' u m&#250;uch'ul j tamano'ob y&#233;etel jun t&#250;ulili' aj canan taman.</div><div class="p"> 17Le Taatao' u yaamaen tumen quin dz&#225;ic in cuxtal u ti'al in kamic tu ca'a t&#233;en. 18Mix m&#225;ac cu lukesic in cuxtal ba'ale' teen dz&#225;ic tu juunal in w&#243;olal. Yaan teen p&#225;ajtalil in dz&#225;ic bey xan yaan teen p&#225;ajtalil u ti'al in kamic tu ca'a t&#233;en. Bey tu ya'aljilac teen in Taata.</div><div class="p"> 19Le jud&#237;obo' le ca tu yu'ubajo'ob le t'aano'oba' tu jatzuba'ob tu ca'a t&#233;en. 20Ya'ab ichilo'obe' tu ya'alajo'ob: Yaan jun t&#250;ul kaakas pixan ti' y&#233;etel choco u pool. &#191;Ba'axten ca wu'uyique'ex u t'aan?</div><div class="p"> 21Ba'ale' u l&#225;ako'obe' tu ya'alajo'ob: Mix m&#225;ac ca yanac jun t&#250;ul kaakas pixan ti' cu p&#225;ajtal u t'aan beya'. &#191;Cu p&#225;ajtal wa jun t&#250;ul kaakas pixan u dz&#225;ic u paacat le ch'&#243;opo'obo'?</div><div class="s1">Le jud&#237;obo' cu c&#250;ulpaachcuntico'ob Jes&#250;s</div><div class="p"> 22U kiinilo'ob que'elil, t&#225;an t&#250;un u kiinbesa'al Jerusalene' u kiinil c&#225;ajic u kulta'al Yuum Ku te j kulnajo'. 23T&#225;an u x&#237;imbal Jes&#250;s te j kulnajo' ti' u Portalil Salom&#243;n 24ca bakpachta'ab tumen le jud&#237;obo' ca tu k&#225;at chi'ito'ob ti': &#191;Tac ba'ax kiin can a p'ato'on y&#233;etel ca'a p'&#233;el &#243;olal? Wa teech le Cristoo' a'al to'on tu jaajil a w&#243;ol jun puli'.</div><div class="p"> 25Jesuse' tu n&#250;ucaj ti'ob: Dzo'oc in wa'alic ti' te'ex, ba'ale' ma' ta wocsaj &#243;olte'exi'. Le meyajo'ob quin beetic tu yo'olal u p&#225;ajtalil in Taatae' jach s&#225;asil u t'aano'ob tin wo'olal.</div><div class="p"> 26Ba'ale' te'exe' ma' ta wocsaj &#243;olale'ex tumen ma' in j tamane'exi', je'el bix tin wa'alaj te'exo'. 27In tamano'obe' cu kaj &#243;oltico'ob in t'aan, tene' in kaj &#243;olo'ob y&#233;etel cu taalo'ob tin paach. 28Teen dz&#225;ic cuxtal mina'an u xuul ti'ob, mix bikin b&#237;in qu&#237;imico'ob, y&#233;etel ma' b&#237;in j&#225;anpayta'aco'ob tin kab tumen mix m&#225;aqui'. 29Dza'ano'ob ti' teen tumen in Taata, leti'e' mas nojoch ti' tul&#225;acal, mix m&#225;ac cu p&#225;ajtal u j&#225;anpaytico'ob tu kab leti'. 30Teen y&#233;etel le Taatao' jun t&#250;ulili'on.</div><div class="p"> 31Le jud&#237;obo' tu ch'a'ajo'ob tuunich tu ca'a t&#233;en u ti'al u muruxtuntico'ob Jes&#250;s. 32Jesuse' tu ya'alaj t&#250;un ti'ob: Dzo'oc in beetic ya'ab ba'alo'ob ma'alobtac ta t&#225;ane'ex y&#233;etel u p&#225;ajtalil in Taata. &#191;Tu yo'olal m&#225;acalm&#225;ac ti' le ba'alo'ob can a muruxtuntene'exo'?</div><div class="p"> 33Le jud&#237;obo' tu n&#250;ucajo'ob ti': Ma' t&#225;an c muruxtuntiquech tu yo'olal mix jun p'&#233;el ma'alob ba'al a beetmaj, ba'ale' tumen dzo'oc a wa'alic ba'al ti' Yuum Ku. Teche' ch&#233;en jun t&#250;ul m&#225;aquech, ba'ale' t&#225;an a beetcab&#225;a Kuil.</div><div class="p"> 34Jesuse' tu ya'alaj t&#250;un ti'ob: Ti' a wa'almaj t'aane'exe' dz&#237;iba'ane' Kue' tu ya'alaj: Te'exe' kue'ex. 35C ojel ma' tu p&#225;ajtal u mixba'alcunta'al ba'ax cu ya'alic le Quili'ich Dz&#237;ibo'obo'; Kue' tu ya'alaj kuo'ob le m&#225;axo'ob tu kamajo'ob u t'aano'. 36Wa Ku tu jun p&#225;aycunten ca tu t&#250;uxtajen y&#243;okolcaabe', &#191;bix je'el u p&#225;ajtal a wa'alique'ex t&#225;an in wa'alic ba'al ti' Ku tumen tin wa'alaj: Tene' u Paalen Ku? 37Wa ma' tin beetic le ba'alo'ob cu beetic in Taatae' ma' a wocsaj &#243;oltiquene'ex. 38Ba'ale' wa t&#225;an in beetique', quex ma' a wocsaj &#243;oltiquene'exe' ocsaj &#243;olte'ex le ba'alo'ob quin beetico', u ti'al ca a woj&#233;elte'ex jun puli'e' le Taatao' ti' yaan ti' tene', y&#233;etel tene' ti' yanen ti' le Taatao'.</div><div class="p"> 39Tu y&#243;oltajo'ob tu ca'a t&#233;en u mach u biso'ob, ba'ale' Jesuse' p&#250;udz ti'ob.</div><div class="p"> 40Jesuse' j suunaj t&#250;un tu lakin u &#225;alcab ja'il Jord&#225;n ca j p'at te'elo', ti' le c&#250;uchil tu'ux dza'ab ocja' tumen Juano'. 41Ya'abcach m&#225;aco'ob bin ilic ca tu ya'alajo'ob: Tu jaajile' quex Juan ma' tu beetaj mix jun p'&#233;el nojoch ch&#237;iculale', jaaj tul&#225;acal ba'ax tu ya'alaj tu yo'olal le m&#225;aca'. 42Ya'ab m&#225;aco'ob tu yocsaj &#243;olto'ob Jes&#250;s ti' le c&#250;uchilo'.</div>
 </div>
 </div>
</div>

Texto Maya © Sociedades Bíblicas Unidas, 1992

Tu jaajil, tu jaajil, quin wa'alic ti' te'ex, le máax ma' tu yocol tu jool najil tu'ux cu ka'alal j tamano'obe', ba'ale' cu yocol táanxel tu'uxe', jun túul j ocol yéetel loolob máac. Ba'ale' le máax cu yocol tu jool najile' leti' le máax canantic le j tamano'obo'. Le j canan jool najo' cu je'ic le jool naj ti'o' u ti'al ca ococ, bey xan le j tamano'obo' cu kaj óoltico'ob u t'aan. Cu t'anic u j tamano'ob yéetel u kaaba'ob u ti'al u jóokesico'ob. Cu dzo'ocol u jóokesic tuláacal u j tamano'obe' cu xíimbal táanil ti'ob; le j tamano'obo' cu bino'ob tu paach tumen u kaj óolo'ob u t'aan. Ba'ale' ma' tu bino'ob tu paach jun túul máac ma' u kaj óolo'obi'; ba'ax cu beetico'obe' cu púudzulo'ob ti', tumen ma' u kaj óolo'ob u t'aan yaanal máaqui'. Jesuse' tu ya'alaj ti'ob le queet t'aana', ba'ale' leti'obe' ma' tu na'atajo'ob ba'ax tu jo'oltaj u ya'ali'.

Jesuse' tu ca'a a'alaj ti'ob túun: Tu jaajil, tu jaajil quin wa'alic ti' te'ex: Teen le jool naj tu'ux cu yocol le j tamano'obo'. tuláacal le j taalo'ob táanil ti' tene' j oocolo'ob yéetel loolob máaco'ob, ba'ale' ma' u'uya'ab u t'aano'ob tumen le j tamano'obo'. Teen le jool najo'; le máax cu yocol ti' tene' bíin to'ococ, yéetel bíin béeychajac je'el bix jun túul j taman cu yocol yéetel cu jóokol u ti'al u caxtic u janal.
Le j oocolo' chéen cu taal u ti'al oocol, quiimsaj yéetel xu'ulsaj, ba'ale' tene' taalaja'anen u ti'al ca yanac cuxtal ti'ob, cuxtal ca jach ya'abac ti'ob. Teen le ma'alob aj canan tamano'. Le ma'alob aj canan tamano' cu dzáic u cuxtal tu yo'olal u j tamano'ob. Ba'ale' le máax cu meyaj chéen tu yo'olal le bo'olalo', le quéen u yil u taal le kaakas ba'alche'o' cu p'atic le j tamano'obo' u ti'al u púudzul, tumen ma' leti' le aj canan tamano' yéetel le j tamano'obo' ma' u ti'ali'. Bey túuno' le kaakas ba'alche'o' cu jáanpaytic yéetel cu t'i'it'besic le j tamano'obo'. Le máaca' cu púudzul tumen chéen cu meyaj tu yo'olal le bo'olalo', u ti'al leti'e' mixba'al le j tamano'obo'.
Teen le ma'alob aj canan tamano'. In kaj óol in tamano'ob, le in ti'alo'obo' u kaj óoleno'ob xan, je'el bix in Taata u kaj óoleno', yéetel in kaj óol in Taatao'. Tene' quin dzáic in cuxtal tu yo'olal le j tamano'obo'. Yaan teen xan u láak j tamano'ob mina'ano'ob ti' le cúuchila': yaan in taasico'ob xan. Leti'obe' yaan u yu'ubico'ob in t'aan, yaan u yantal jun p'éelili' u múuch'ul j tamano'ob yéetel jun túulili' aj canan taman.
Le Taatao' u yaamaen tumen quin dzáic in cuxtal u ti'al in kamic tu ca'a téen. Mix máac cu lukesic in cuxtal ba'ale' teen dzáic tu juunal in wóolal. Yaan teen páajtalil in dzáic bey xan yaan teen páajtalil u ti'al in kamic tu ca'a téen. Bey tu ya'aljilac teen in Taata.
Le judíobo' le ca tu yu'ubajo'ob le t'aano'oba' tu jatzuba'ob tu ca'a téen. Ya'ab ichilo'obe' tu ya'alajo'ob: Yaan jun túul kaakas pixan ti' yéetel choco u pool. ¿Ba'axten ca wu'uyique'ex u t'aan?
Ba'ale' u láako'obe' tu ya'alajo'ob: Mix máac ca yanac jun túul kaakas pixan ti' cu páajtal u t'aan beya'. ¿Cu páajtal wa jun túul kaakas pixan u dzáic u paacat le ch'óopo'obo'?

U kiinilo'ob que'elil, táan túun u kiinbesa'al Jerusalene' u kiinil cáajic u kulta'al Yuum Ku te j kulnajo'. Táan u xíimbal Jesús te j kulnajo' ti' u Portalil Salomón ca bakpachta'ab tumen le judíobo' ca tu káat chi'ito'ob ti': ¿Tac ba'ax kiin can a p'ato'on yéetel ca'a p'éel óolal? Wa teech le Cristoo' a'al to'on tu jaajil a wóol jun puli'.
Jesuse' tu núucaj ti'ob: Dzo'oc in wa'alic ti' te'ex, ba'ale' ma' ta wocsaj óolte'exi'. Le meyajo'ob quin beetic tu yo'olal u páajtalil in Taatae' jach sáasil u t'aano'ob tin wo'olal.
Ba'ale' te'exe' ma' ta wocsaj óolale'ex tumen ma' in j tamane'exi', je'el bix tin wa'alaj te'exo'. In tamano'obe' cu kaj óoltico'ob in t'aan, tene' in kaj óolo'ob yéetel cu taalo'ob tin paach. Teen dzáic cuxtal mina'an u xuul ti'ob, mix bikin bíin quíimico'ob, yéetel ma' bíin jáanpayta'aco'ob tin kab tumen mix máaqui'. Dza'ano'ob ti' teen tumen in Taata, leti'e' mas nojoch ti' tuláacal, mix máac cu páajtal u jáanpaytico'ob tu kab leti'. Teen yéetel le Taatao' jun túulili'on.
Le judíobo' tu ch'a'ajo'ob tuunich tu ca'a téen u ti'al u muruxtuntico'ob Jesús. Jesuse' tu ya'alaj túun ti'ob: Dzo'oc in beetic ya'ab ba'alo'ob ma'alobtac ta táane'ex yéetel u páajtalil in Taata. ¿Tu yo'olal máacalmáac ti' le ba'alo'ob can a muruxtuntene'exo'?
Le judíobo' tu núucajo'ob ti': Ma' táan c muruxtuntiquech tu yo'olal mix jun p'éel ma'alob ba'al a beetmaj, ba'ale' tumen dzo'oc a wa'alic ba'al ti' Yuum Ku. Teche' chéen jun túul máaquech, ba'ale' táan a beetcabáa Kuil.
Jesuse' tu ya'alaj túun ti'ob: Ti' a wa'almaj t'aane'exe' dzíiba'ane' Kue' tu ya'alaj: Te'exe' kue'ex. C ojel ma' tu páajtal u mixba'alcunta'al ba'ax cu ya'alic le Quili'ich Dzíibo'obo'; Kue' tu ya'alaj kuo'ob le máaxo'ob tu kamajo'ob u t'aano'. Wa Ku tu jun páaycunten ca tu túuxtajen yóokolcaabe', ¿bix je'el u páajtal a wa'alique'ex táan in wa'alic ba'al ti' Ku tumen tin wa'alaj: Tene' u Paalen Ku? Wa ma' tin beetic le ba'alo'ob cu beetic in Taatae' ma' a wocsaj óoltiquene'ex. Ba'ale' wa táan in beetique', quex ma' a wocsaj óoltiquene'exe' ocsaj óolte'ex le ba'alo'ob quin beetico', u ti'al ca a wojéelte'ex jun puli'e' le Taatao' ti' yaan ti' tene', yéetel tene' ti' yanen ti' le Taatao'.
Tu yóoltajo'ob tu ca'a téen u mach u biso'ob, ba'ale' Jesuse' púudz ti'ob.
Jesuse' j suunaj túun tu lakin u áalcab ja'il Jordán ca j p'at te'elo', ti' le cúuchil tu'ux dza'ab ocja' tumen Juano'. Ya'abcach máaco'ob bin ilic ca tu ya'alajo'ob: Tu jaajile' quex Juan ma' tu beetaj mix jun p'éel nojoch chíiculale', jaaj tuláacal ba'ax tu ya'alaj tu yo'olal le máaca'. Ya'ab máaco'ob tu yocsaj óolto'ob Jesús ti' le cúuchilo'.

Listen to San Juan 10