If you would like a copy of this version please contact info@davaraudiobibles.org

Guinea-Bissau Creole New Testament

<div class="version vid3461 iso6393pov" data-vid="3461" data-iso6393="pov">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s">Jesus nsina si disipulus ora</div><div class="r">(Mat 6.9-15)</div><div class="p"> 1Jesus staba na un lugar, i na ora. Oca ki kaba, un di si disipulus falal: &#8220;Si&#241;or, nsinanu ora, suma tambi ku Jon nsina si disipulus.&#8221;</div><div class="p"> 2I fala elis: &#8220;Ora ku bo na ora, bo fala:</div><div class="q1">&#8216;Pape,#Is 63.16 no misti pa bu nomi rispitadu,</div><div class="q1">pa bu renu bin.</div><div class="q1"> 3Patinu kumida ku no pirsisa del kada dia.</div><div class="q1"> 4Purdanu no pekadus,</div><div class="q1">pabia anos tambi no ta purda#Kap 17.3-4; Mat 18.35; Ef 4.32 kilis ku fasinu mal.</div><div class="q1">Ka bu lebanu na probason,</div><div class="q1">ma libranu di ki algin malvadu.&#8217; &#8221;</div><div class="s">Komparason di amigu sekenti</div><div class="p"> 5Jesus fala elis mas: &#8220;Talves un di bos pudi bai pa kasa di un amigu me-noti, i falal: &#8216;Amigu, pistan tris pon, 6pabia &#241;a amigu sta na bias, i ciga na &#241;a kasa, N ka tene nada di pui si dianti.&#8217; 7Kil di dentru i pudi falal: &#8216;Ka bu nkomodan, pabia porta fica ja; N sta na kama ku &#241;a fijus. N ka pudi lanta pa dau el.&#8217; 8N na fala bos kuma, nin ki ka lanta pa dal pabia i si amigu, ma suma el i#Kap 18.1,5-8 sekenti, i na lanta, i dal tudu ki misti.</div><div class="p"> 9&#8220;Asin N fala bos: Bo pidi,#Mat 7.7-12; 21.22; Jon 15.7; Tia 1.5-6; 1 Jon 3.22; 5.14-15 bo ta dadu; bo buska, bo ta oja; bo bati porta, i ta yabridu pa bos. 10Tudu kil ku pidi i ta risibi; kin ku buska i ta oja; kil ku bati porta, i ta yabridu el. 11Kal pape na bo metadi ku si fiju pidil [pon, i ta dal pedra? O si i pidil] pis, i ta dal kobra? 12O si i pidil ovu, i na dal lakaran? 13Si abos ku sedu mau bo sibi da bon kusas pa bo fijus, ku fadi bo Pape ku sta na seu i ten ku da Spiritu Santu pa kilis ku pidil.&#8221;</div><div class="s">Jesus ku Beelzebu</div><div class="r">(Mat 12.22-32; Mar 3.20-30)</div><div class="p"> 14Jesus na tiraba dimoniu mudu#Mat 9.32-34 na un omi. Oca ku dimoniu sai, omi papia. Ki multidon di jinti dimira, 15ma utrus na se metadi fala kuma, i ta serka dimonius ku puder di Beelzebu, &#349;ef di dimonius.</div><div class="p"> 16Utrus na spurmental, e pidil#Mat 16.1 un sinal di seu. 17Jesus sibi#Jon 2.25 ke ke na kuda, i fala elis: &#8220;Tudu renu#1 Kor 1.10 ku ten divison dentru del i ta danadu. Suma familia tambi ku dividi entri elis, i ta pajiga. 18Si Satanas tambi na geria kontra si kabesa, kuma ku si renu pudi firma? Bo fala kuma N ta serka dimonius ku puder di Beelzebu. 19Si N ta serka dimonius ku puder di Beelzebu, bo fijus, ku puder di kin ke ta serka elis? Elis propi ku na sedu bo juisis. 20Ma si i ku dedu di Deus#Sai 8.18-19 ku N ta serka dimonius, bo pudi sibi sertu kuma renu#Mat 4.17 di Deus ciga pa bos.</div><div class="p"> 21&#8220;Si un omi forti, yarmadu, na guarda si kasa, tudu ki tene ta sta suguru, 22ma si i bin utru mas forti di ki el, ku nga&#241;al, i na tiral tudu si armadura#Kol 2.15 ki fiansaba nel, i ta bai rapati kusas ki furta.</div><div class="p"> 23&#8220;Kin ku ka sta ku mi, i kontra mi; kin ku ka na judan junta kusa, i na pajigal.</div><div class="s">Spiritu mau ta riba pa si kasa</div><div class="r">(Mat 12.43-45)</div><div class="p"> 24&#8220;Ora ku spiritu mau sai na un algin, i ta fika i na yanda na lugar seku, i na buska kau di sinta. Si i ka ojal, i ta fala: &#8216;N na riba pa &#241;a kasa ku N sai nel.&#8217; 25Ora ki ciga, i ojal baridu, ben rumadu, 26i ta bai, i bai buska mas seti spiritu pior#Jon 5.14; Eb 6.4-6; 10.26; 2 Ped 2.20 di ki el; e ta yentra, e mora la. Na kabantada, vida di ki algin ta sedu pior di ki na kumsada.&#8221;</div><div class="s">Sorti di bardadi</div><div class="p"> 27Oca i na fala inda e kusas, un minjer na metadi di multidon i yalsa f&#225;la, i falal: &#8220;Minjer#Kap 1.28,48 ku padiu, i mamantau, i sortiadu.&#8221; 28Jesus ruspundil: &#8220;Mas sortiadu i kilis ku ta obi palabra#Kap 6.47 di Deus, e ta fasi suma ki fala.&#8221;</div><div class="s">Sinal di Jonas</div><div class="r">(Mat 12.38-42)</div><div class="p"> 29Suma ku jinti na junta na roda di Jesus, i kumsa na fala elis: &#8220;Jinti di aos e mau; e ta pidi son sinal, ma nin un sinal e ka na dadu, si i ka kil di anunsiadur Jonas. 30Suma ku Jonas#Jona 3.3-5 seduba sinal pa jinti di Ninive, Fiju di omi tambi i na sedu pa jinti di aos. 31Rai&#241;a di sul#1 Re 10.1 na lanta na juisu ku jinti di aos, i na kondena elis, pabia i sai la lunju na si tera pa bin obi jiresa di Salomon. Ali un algin li ki mas#Is 9.6-7; Fil 2.10 Salomon. 32Jinti di Ninive na lanta na dia di juisu ku jinti di aos, e na kondena elis, pabia e ripindi ku palabra di Jonas. Ali un algin li ki mas Jonas.</div><div class="s">Kanderu di kurpu</div><div class="r">(Mat 5.15; 6.22-23)</div><div class="p"> 33&#8220;Ningin ka ta peganda kanderu#Kap 8.16; Mar 4.21 pa pul na un lugar sukundidu o bas di ka&#349;oti, ma i ta pul na kau altu, pa kilis ku na yentra pudi oja lus. 34Kanderu di kurpu i uju. Ora ku bu uju sedu bon, tudu bu kurpu ta numia, ma si i sedu mau, bu kurpu tambi ta sta na sukuru. 35Toma sintidu ku lus ku bu tene pa ka i sedu sukuru. 36Asin si tudu bu kurpu tene lus, nin un parti ka sta na sukuru, tudu bu kurpu ta numia, suma ora ku lus di kanderu na numiau.&#8221;</div><div class="s">Jesus raprindi fariseus ku pursoris di lei</div><div class="r">(Mat 23.1-36; Mar 12.38-40; Luk 20.45-47)</div><div class="p"> 37Oca ku Jesus kaba papia, un fariseu kumbidal pa i bai kume ku el. I yentra, i toma si lugar na mesa. 38Ki fariseu fika dimiradu suma ki oja Jesus ka fasi sirmonia di kustumu di laba#Mar 7.2-3 antis di kume. 39Si&#241;or falal: &#8220;Abos fariseus, bo ta limpa fora di kopu ku pratu, ma bo ta disa dentru inci kubisa ku maldadi. 40Tulus, nta kil ku fasi di fora, i ka fasi tambi di dentru? 41Bo pati#Kap 12.33; Is 58.6-7; Dan 4.27 kil ku bo tene pa pobris; asin tudu kusas ta sedu limpu pa bos.</div><div class="p"> 42&#8220;Koitadi di bos fariseus! Bo ta da Deus desimu parti di ortalon, ku bagic, ku tudu ortalisa, ma bo ka ta mporta ku amor di Deus nin pa fasi#1 Sam 15.22; Os 6.6 kusa justu. I es ku bo dibi di fasi, ma ka bo disa ki utru tambi.</div><div class="p"> 43&#8220;Koitadi di bos fariseus! Bo gosta di sinta na lugar di rispitu na kasas di juntamentu; bo misti tambi pa bo faladu mante&#241;a na prasa.</div><div class="p"> 44&#8220;Koitadi di bos, pabia bo sta suma koba#Sal 5.9 di difuntu ku ka markadu. Jinti ta yanda riba del sin sibi.&#8221;</div><div class="p"> 45Un di duturis di lei ruspundi i falal: &#8220;Mestre, ora ku bu na fala asin, bu na ofindinu tambi.&#8221;</div><div class="p"> 46Jesus ruspundi: &#8220;Koitadi di bos tambi, duturis di lei. Bo ta karganta omis kargu kansadu pa karga. Abos propi, nin ku un dedu bo ka ta toka na ki kargu. 47Koitadi di bos, pabia bo ta kumpu simiterius di anunsiaduris ku bo papes mata. 48Asin bo ta mostra kuma bo seta tarbaju di bo papes, pabia i elis ku mata#At 7.51-52; 1 Tes 2.15 ki anunsiaduris, abos bo ta kumpu se simiterius. 49E ku manda Deus fala na si jiresa: &#8216;N na manda elis anunsiaduris ku apostolus; e na mata utrus, e na pirsigi utrus.&#8217; 50De manera li Deus na pidi jinti di aos konta di sangi di tudu anunsiaduris ku matadu disna di kumsada di mundu, 51desdi sangi di Abel#Kum 4.8; 2 Kron 24.20-21 te sangi di Zakarias ku matadu na metadi di altar ku lugar sagradu. Sin, N na konta bos kuma, i jinti di aos ku na da konta de kusas.</div><div class="p"> 52&#8220;Koitadi di bos duturis di lei! Bo toma cabi di ku&#241;isimentu; bo ka yentra, bo tuji kilis ku na yentraba.&#8221;</div><div class="p"> 53Oca ku Jesus sai di la, pursoris di lei ku fariseus e kumsa na kritikal ku forsa, e na puntal manga di kusa. 54E na buska manera di pa&#241;al#Kap 20.19-20 na kualker kusa ki na fala.</div>
 </div>
 </div>
</div>

Jesus staba na un lugar, i na ora. Oca ki kaba, un di si disipulus falal: “Siñor, nsinanu ora, suma tambi ku Jon nsina si disipulus.”
I fala elis: “Ora ku bo na ora, bo fala:
‘Pape, no misti pa bu nomi rispitadu,
pa bu renu bin.
Patinu kumida ku no pirsisa del kada dia.
Purdanu no pekadus,
pabia anos tambi no ta purda kilis ku fasinu mal.
Ka bu lebanu na probason,
ma libranu di ki algin malvadu.’ ”

Jesus fala elis mas: “Talves un di bos pudi bai pa kasa di un amigu me-noti, i falal: ‘Amigu, pistan tris pon, pabia ña amigu sta na bias, i ciga na ña kasa, N ka tene nada di pui si dianti.’ Kil di dentru i pudi falal: ‘Ka bu nkomodan, pabia porta fica ja; N sta na kama ku ña fijus. N ka pudi lanta pa dau el.’ N na fala bos kuma, nin ki ka lanta pa dal pabia i si amigu, ma suma el i sekenti, i na lanta, i dal tudu ki misti.
“Asin N fala bos: Bo pidi, bo ta dadu; bo buska, bo ta oja; bo bati porta, i ta yabridu pa bos. Tudu kil ku pidi i ta risibi; kin ku buska i ta oja; kil ku bati porta, i ta yabridu el. Kal pape na bo metadi ku si fiju pidil [pon, i ta dal pedra? O si i pidil] pis, i ta dal kobra? O si i pidil ovu, i na dal lakaran? Si abos ku sedu mau bo sibi da bon kusas pa bo fijus, ku fadi bo Pape ku sta na seu i ten ku da Spiritu Santu pa kilis ku pidil.”


Jesus na tiraba dimoniu mudu na un omi. Oca ku dimoniu sai, omi papia. Ki multidon di jinti dimira, ma utrus na se metadi fala kuma, i ta serka dimonius ku puder di Beelzebu, ŝef di dimonius.
Utrus na spurmental, e pidil un sinal di seu. Jesus sibi ke ke na kuda, i fala elis: “Tudu renu ku ten divison dentru del i ta danadu. Suma familia tambi ku dividi entri elis, i ta pajiga. Si Satanas tambi na geria kontra si kabesa, kuma ku si renu pudi firma? Bo fala kuma N ta serka dimonius ku puder di Beelzebu. Si N ta serka dimonius ku puder di Beelzebu, bo fijus, ku puder di kin ke ta serka elis? Elis propi ku na sedu bo juisis. Ma si i ku dedu di Deus ku N ta serka dimonius, bo pudi sibi sertu kuma renu di Deus ciga pa bos.
“Si un omi forti, yarmadu, na guarda si kasa, tudu ki tene ta sta suguru, ma si i bin utru mas forti di ki el, ku ngañal, i na tiral tudu si armadura ki fiansaba nel, i ta bai rapati kusas ki furta.
“Kin ku ka sta ku mi, i kontra mi; kin ku ka na judan junta kusa, i na pajigal.


“Ora ku spiritu mau sai na un algin, i ta fika i na yanda na lugar seku, i na buska kau di sinta. Si i ka ojal, i ta fala: ‘N na riba pa ña kasa ku N sai nel.’ Ora ki ciga, i ojal baridu, ben rumadu, i ta bai, i bai buska mas seti spiritu pior di ki el; e ta yentra, e mora la. Na kabantada, vida di ki algin ta sedu pior di ki na kumsada.”

Oca i na fala inda e kusas, un minjer na metadi di multidon i yalsa fála, i falal: “Minjer ku padiu, i mamantau, i sortiadu.” Jesus ruspundil: “Mas sortiadu i kilis ku ta obi palabra di Deus, e ta fasi suma ki fala.”


Suma ku jinti na junta na roda di Jesus, i kumsa na fala elis: “Jinti di aos e mau; e ta pidi son sinal, ma nin un sinal e ka na dadu, si i ka kil di anunsiadur Jonas. Suma ku Jonas seduba sinal pa jinti di Ninive, Fiju di omi tambi i na sedu pa jinti di aos. Raiña di sul na lanta na juisu ku jinti di aos, i na kondena elis, pabia i sai la lunju na si tera pa bin obi jiresa di Salomon. Ali un algin li ki mas Salomon. Jinti di Ninive na lanta na dia di juisu ku jinti di aos, e na kondena elis, pabia e ripindi ku palabra di Jonas. Ali un algin li ki mas Jonas.


“Ningin ka ta peganda kanderu pa pul na un lugar sukundidu o bas di kaŝoti, ma i ta pul na kau altu, pa kilis ku na yentra pudi oja lus. Kanderu di kurpu i uju. Ora ku bu uju sedu bon, tudu bu kurpu ta numia, ma si i sedu mau, bu kurpu tambi ta sta na sukuru. Toma sintidu ku lus ku bu tene pa ka i sedu sukuru. Asin si tudu bu kurpu tene lus, nin un parti ka sta na sukuru, tudu bu kurpu ta numia, suma ora ku lus di kanderu na numiau.”


Oca ku Jesus kaba papia, un fariseu kumbidal pa i bai kume ku el. I yentra, i toma si lugar na mesa. Ki fariseu fika dimiradu suma ki oja Jesus ka fasi sirmonia di kustumu di laba antis di kume. Siñor falal: “Abos fariseus, bo ta limpa fora di kopu ku pratu, ma bo ta disa dentru inci kubisa ku maldadi. Tulus, nta kil ku fasi di fora, i ka fasi tambi di dentru? Bo pati kil ku bo tene pa pobris; asin tudu kusas ta sedu limpu pa bos.
“Koitadi di bos fariseus! Bo ta da Deus desimu parti di ortalon, ku bagic, ku tudu ortalisa, ma bo ka ta mporta ku amor di Deus nin pa fasi kusa justu. I es ku bo dibi di fasi, ma ka bo disa ki utru tambi.
“Koitadi di bos fariseus! Bo gosta di sinta na lugar di rispitu na kasas di juntamentu; bo misti tambi pa bo faladu manteña na prasa.
“Koitadi di bos, pabia bo sta suma koba di difuntu ku ka markadu. Jinti ta yanda riba del sin sibi.”
Un di duturis di lei ruspundi i falal: “Mestre, ora ku bu na fala asin, bu na ofindinu tambi.”
Jesus ruspundi: “Koitadi di bos tambi, duturis di lei. Bo ta karganta omis kargu kansadu pa karga. Abos propi, nin ku un dedu bo ka ta toka na ki kargu. Koitadi di bos, pabia bo ta kumpu simiterius di anunsiaduris ku bo papes mata. Asin bo ta mostra kuma bo seta tarbaju di bo papes, pabia i elis ku mata ki anunsiaduris, abos bo ta kumpu se simiterius. E ku manda Deus fala na si jiresa: ‘N na manda elis anunsiaduris ku apostolus; e na mata utrus, e na pirsigi utrus.’ De manera li Deus na pidi jinti di aos konta di sangi di tudu anunsiaduris ku matadu disna di kumsada di mundu, desdi sangi di Abel te sangi di Zakarias ku matadu na metadi di altar ku lugar sagradu. Sin, N na konta bos kuma, i jinti di aos ku na da konta de kusas.
“Koitadi di bos duturis di lei! Bo toma cabi di kuñisimentu; bo ka yentra, bo tuji kilis ku na yentraba.”
Oca ku Jesus sai di la, pursoris di lei ku fariseus e kumsa na kritikal ku forsa, e na puntal manga di kusa. E na buska manera di pañal na kualker kusa ki na fala.

Listen to Lukas 11