Ngochang - 2004 UBS (NT) Non Drama

<div class="version vid373 iso6393acn" data-vid="373" data-iso6393="acn">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s1">Gyingshang Dyos Jweh</div><div class="p"> 1Pentekoti buisnyeis jweh lyis, nyamoq dvnganhmoq yah dvkhyiq thaq dvgeh huom toh.#Lew 23.15-21; Lyi 16.9-11 2Hauh uhlyis maukhung masyah uklyeis los teh, nyetlos nyettant nyings thuq los thwe ka, nyamoq tsung toh dah yvpkhau mas dyingh los. 3Nyilhyam teh zis eq thuq los las, nyamoq nyang yuk nyang toeu dah thoq mas lyih no joq. 4nyamoq dvnganh eq Gyingshang Dyos dyingh las, Dyos yah jyuonh zis yah dvyhangteh, gohtoeu nyingh yah tsain taiq los.</div><div class="p"> 5Hauh uhlyis maukhung o mas nyeis ya nyeis dah dius nyau khanghmuh mas nyeis las, lomsjingh cho mas wontang dah Yuda jens gas, Yerusalem wugungs mas nyeis. 6Hau nyings dah thwe xauhgyo lyis, somci moqmuh gas zain los zis yah nyamoq yuk khanghmuh changlo jens taiq dah dang lyis vsainnyang nyingh yah xauhgyo yvmvyah tsain mauh dvn nyeis. 7Nyamoq mauh dvn las taiq zis gas, Yoeuh aq, gvshih hai taiq nyeis bang dvnganh gas, Galile dius kyingh ma tsain nghuot lhyeh? 8Housoeh lyis yang yuk khanghmuh vsainnyang choq thyet mau mas dah nyingh pheh yah yoh gyo yoeus zis gas khasoeh au lhyeh? 9Yang gas Parthi, Mede, Elam mau mas bang yahge Mesopotamia mau, Yuda mau yahge Kapadokia mau, Pontu yahge Asia, 10Phrigia yahge Pamphilia, Egutu yahge Kureni wuxom mas nyeis dah Libya mau mas bang, Roma masyah los dah boenghwus, Yuda dius jens yahge Yuda phung mas wvng bang, 11Kreti yahge Arabia mau mas bang, yang dvnganh gas Mangso dah mauhphoh muhzoh cho, nyamoq taiq kyoh dang lyis nyang yuk nyang toeu nyingh pheh yah xauhgyo goeus, ge. 12Housoeh nyamoq dvnganhmoq yah mauh khamkhvv las, Heisoeh ge zis gas cha nghuot au lhyeh, ge nyang changh nyang taiq goh.</div><div class="p"> 13Nghuot laus eq dvyhamh gas, nyamoq lyis jwangh zis yah taiq zis gas, Haih bang gas zvbiq saiq shuk yet, ge.</div><div class="s1">Petru dah Loeus</div><div class="p"> 14Hauh uhlyis Petru gas, lvgyo dvci dvyuk moq yah dvgeh toq yap las thwe than yah taiq zis gas, Yuda mau mas bang yahge Yerusalem mas nyeis bang eh, namoq haih cho seqgyo bas jungh, ngah dang lyis eq gyo yoeus geh. 15Namoq nghamh yhangteh haih bang zvbiq yet zis ma nghuot: Khasoeh ge lyis gvshih gau shishenh dvnghuot shih. 16Haih cho ka lvpe Yoel taiq toh dang nghuot. Houka,</div><div class="q1"> 17Mangso heisoeh ge, Thang thank buisnyeis lyis#Yol 2.28-32 (LXX)</div><div class="q2">ngah Dyos, Dius dvnganhmoq thoq mas huot khyoq las,</div><div class="q2">namoq dah loloeu lonyi jens lvpe pe das;</div><div class="q2">namoq dah wotyamh jens nyoqnyvng nyvng las,</div><div class="q2">namoq dah lokhoq jens yhetmoq moq das.</div><div class="q1"> 18Nghuot goeus, hauh buisnyeis lyis</div><div class="q2">Ngah jyeidwis phoq, jyeidwis nyhiq jens thoq mas</div><div class="q2">Ngah Dyos huot khyoq las, Nyamoq lvpe pe das.</div><div class="q1"> 19Ngos gas maukhung thoq mas mauh loqmuh,</div><div class="q2">nyeisjvng mas vlho vja ja,</div><div class="q2">Suih, nyi, nyikhauh soq lyis chixoeuq das.</div><div class="q1"> 20Kuhxing duk bvng ge dah hauh Yhensain dah buisnyeis ma jweh shih lyis,</div><div class="q2">Buis gas mauchuotdwang bweh tyamp das,</div><div class="q2">Lhamhmuh gas suih teh bweh das.</div><div class="q1"> 21Hauh uhlyis Yhensain nyah nyings lyis lui soeu khanghmuh</div><div class="q2">khyuot yoeus zis xauh das,</div><div class="m">ge.</div><div class="p"> 22Israel dius jens eh, haih dang gyo yoeus geh: Mangso ka Nazaret phoq ge dah Yesu loq masyah namoq mas yomsoq muh, mauh loqmuh yahge vlho kuot xoeuq yvmvyah, nyang gas Mangso khyen toeuq toh soeu nghuot yvlyis chixoeuq zis gas namoq seq. 23Haih soeu ka Mangso nghamh toh goeus joeui yah xiq toh zis yah dvyhangteh, namoq gas lyi ma chi bang dah loq mas kyauh tyamp las, nyang lyis tapzains mas taplhangh sat.#Mat 27.35; Mak 15.24; Luk 23.33; Yoh 19.18 24Nghuot laus eq shei, nos dah shohjyen zis lyis Mangso khyuot tyamp dyei las, nyang lyis dwis toq los nhang. Khasoeh ge lyis hau shei zis gas, nyang lyis yoh zwi kyamp toh zis ma nghuot.#Mat 28.5-6; Mak 16.6; Luk 24.5 25Khasoeh ge lyis, hauh soeu yah sen las Dawi taiq zis gas,#Chd 16.8-11 (LXX)</div><div class="q2">Yhensain lhyi nah xikkhonh mas vjangh nyvng goeus;</div><div class="q2">Ngos ma lop ma loeh bas jungh ge Nyang ngah loqyos shot pheh nyeis.</div><div class="q1"> 26Housoeh las ngah nhaiqlom gauslaus nyeis zis yahge,</div><div class="q2">Ngah lhyo gauslaus nyeis.</div><div class="q2">Ngah gungsshoh eq nghamhloms nyeis das.</div><div class="q1"> 27Khasoeh ge lyis nvng ngah dyos lyis shei mau mas ma toh tyamp;</div><div class="q2">Nvng nah Gyingshang Soeu dyoqbis xauh das zis ma gyo.</div><div class="q1"> 28Kang dwis cho nvng ngos lyis seq nhang.</div><div class="q2">Nah xikkhonh mas nvng ngos lyis gausyis zis yah tyink dyei das,</div><div class="m">ge.</div><div class="p"> 29Boekyis eh, yah phauh thyeih Dawi gas shei las nyhop zis xauh goeus, nyah lop gas khvnyhik jweh shoq yang yah dvgeh joq zis lyis, ngos namoq lyis womh womh taiq bah. 30Nyang gas lvpe nghuot zis yahge, nyah nyei nyet mas zis dvyuk gas nyah hwankti tank mas tsung nhang das ge Mangso nyang lyis maukhi lha dangthoengh toh yvlyis seq yvmvyah,#Chd 132.11; 2Sa 7.12-13 31Khristu dah dwis toq los cho nyang uhlhomh nyvng las,</div><div class="q1">nyah dyos lyis shei mau mas ma toh tyamp das zis yahge,</div><div class="q2">nyah gungsshoh dyoqbis ma xauh das cho taiq toh.</div><div class="p"> 32Yesu haih yuk lyis nyang Mangso dwis toq nhang goeus; Ngamoq dvnganh eq haih cho dah kanghjyoeng nghuot. 33Nyang gas nyah Uwus Mangso dah loqyos shot pheh toqh yoeus zis xauh goeus zis yahge Mangso nyang lyis dangthoengh toh zis yah dvyhangteh nyah jyank masyah Gyingshang Dyos lyis xauh lhom yoeus goeus. Gvshih namoq nyvng las xauhgyo zis gas, ngamoq thoq mas nyang huot khyoq dah jyungshuk nghuot. 34Khasoeh ge lyis Dawi gas maukhung mha toqh kat zis ma xauh laus eq nyang nyang heisoeh ge:#Chd 110.1</div><div class="q2">Hauh Yhensain ngah Yhensain lhyi taiq zis gas,</div><div class="q1"> 35Ngos nah jeswus lyis nah nangte kuot shoq,</div><div class="q2">Nvng ngah loqyos shot pheh tsung toh aq,</div><div class="m">ge.</div><div class="p"> 36Housoeh yvmvyah namoq tapzains mas taplhangh sat goeus dah Yesu lyis Mangso ka Yhensain yahge Khristu bweh nhang zis gas, Israel yhenbang dvnganh top seq yoeus geh, ge. 37Hauh zis tsain xauhgyo lyis nyamoq ehnyet mas zangh las, nyamoq gas Petru yahge gohtoeu lvgyo jens lyis taiq zis gas, Boekyis eh, ngamoq khasoeh kuot das lah, ge.</div><div class="p"> 38Petru nyamoq lyis taiq zis gas, Namoq dah yaunos khyuot dyei das xiklyis namoq yuk khanghmuh nhaiqlom thaiq las, Yesu Khristu dah nyings mas jeisnyhop kham geh. Housoeh lyis Gyingshang Dyos ge dah jyungshuk gas namoq xauh yoeus das. 39Khasoeh ge lyis hauh dangthoengh gas namoq yahge namoq dah lo jens xiklyis nghuot las, we we mas nyeis bang dvnganh yahge Yhensain Mangso khi yoeus dah bang dvnganh xiklyis nghuot, ge.</div><div class="p"> 40Dang gohtoeu nyoshoq yah eq nyang nyamoq lyis taiq kyingh yomdyei taiq zis gas, Vsainnyang gungs lyis hai ung lhung dah vcaiq masyah lhuiq yoeus geh, ge. 41Housoeh nyah dang lyis lhom yoeus bang lyis jeisnyhop dyei las, hauh nyeihyo dius somh khyoengh ko lung los. 42Hauh bang gas lvgyo jens dah jyauh cho, dvgeh zomh cho, ohlhyoq khyiq gvm cho yahge shvmanh dung cho mha wontang tsain chank.</div><div class="s1">Lomsjingh Bang</div><div class="p"> 43Lvgyo jens masyah eq mauh loqmuh yahge vlho nyoshoq kuot xoeuq las, dius jens dvnganh gyukwoms los. 44Lomsjingh bang dvnganhmoq gas dvjoq mas dvgeh huom lha, nyamoq yoh dah vyhang dvnganh xonh yhung.#Lgy 4.32-35 45Nyamoq gas vsainnyang dah kyahsoe zisyos lyis eq ungh las, dvnganh lyis nyamoq chah zis yah dvyhangteh gvm dyei. 46nyamoq gas nyeih yau nyeih yhenmuh mas zophuom lha, nyamoq dah yhen mas gaus gaus yis yis dyei mes ehnyet yah chomp zo shuk. 47Housoeh nyamoq gas Mangso lhyi chunghtoq zis yah dius dvnganh dah chungh cho lhyi xauh lhom yoeus. Nyeih khanghmuh Yhensain gas khyuot yoeus xauh bang lyis nyamoq phung mas je los nhang.</div>
 </div>
 </div>
</div>

Ngochang Common Language Bible © Bible Society of Myanmar, 2010.

Pentekoti buisnyeis jweh lyis, nyamoq dvnganhmoq yah dvkhyiq thaq dvgeh huom toh. Hauh uhlyis maukhung masyah uklyeis los teh, nyetlos nyettant nyings thuq los thwe ka, nyamoq tsung toh dah yvpkhau mas dyingh los. Nyilhyam teh zis eq thuq los las, nyamoq nyang yuk nyang toeu dah thoq mas lyih no joq. nyamoq dvnganh eq Gyingshang Dyos dyingh las, Dyos yah jyuonh zis yah dvyhangteh, gohtoeu nyingh yah tsain taiq los.
Hauh uhlyis maukhung o mas nyeis ya nyeis dah dius nyau khanghmuh mas nyeis las, lomsjingh cho mas wontang dah Yuda jens gas, Yerusalem wugungs mas nyeis. Hau nyings dah thwe xauhgyo lyis, somci moqmuh gas zain los zis yah nyamoq yuk khanghmuh changlo jens taiq dah dang lyis vsainnyang nyingh yah xauhgyo yvmvyah tsain mauh dvn nyeis. Nyamoq mauh dvn las taiq zis gas, Yoeuh aq, gvshih hai taiq nyeis bang dvnganh gas, Galile dius kyingh ma tsain nghuot lhyeh? Housoeh lyis yang yuk khanghmuh vsainnyang choq thyet mau mas dah nyingh pheh yah yoh gyo yoeus zis gas khasoeh au lhyeh? Yang gas Parthi, Mede, Elam mau mas bang yahge Mesopotamia mau, Yuda mau yahge Kapadokia mau, Pontu yahge Asia, Phrigia yahge Pamphilia, Egutu yahge Kureni wuxom mas nyeis dah Libya mau mas bang, Roma masyah los dah boenghwus, Yuda dius jens yahge Yuda phung mas wvng bang, Kreti yahge Arabia mau mas bang, yang dvnganh gas Mangso dah mauhphoh muhzoh cho, nyamoq taiq kyoh dang lyis nyang yuk nyang toeu nyingh pheh yah xauhgyo goeus, ge. Housoeh nyamoq dvnganhmoq yah mauh khamkhvv las, Heisoeh ge zis gas cha nghuot au lhyeh, ge nyang changh nyang taiq goh.
Nghuot laus eq dvyhamh gas, nyamoq lyis jwangh zis yah taiq zis gas, Haih bang gas zvbiq saiq shuk yet, ge.

Hauh uhlyis Petru gas, lvgyo dvci dvyuk moq yah dvgeh toq yap las thwe than yah taiq zis gas, Yuda mau mas bang yahge Yerusalem mas nyeis bang eh, namoq haih cho seqgyo bas jungh, ngah dang lyis eq gyo yoeus geh. Namoq nghamh yhangteh haih bang zvbiq yet zis ma nghuot: Khasoeh ge lyis gvshih gau shishenh dvnghuot shih. Haih cho ka lvpe Yoel taiq toh dang nghuot. Houka,
Mangso heisoeh ge, Thang thank buisnyeis lyis
ngah Dyos, Dius dvnganhmoq thoq mas huot khyoq las,
namoq dah loloeu lonyi jens lvpe pe das;
namoq dah wotyamh jens nyoqnyvng nyvng las,
namoq dah lokhoq jens yhetmoq moq das.
Nghuot goeus, hauh buisnyeis lyis
Ngah jyeidwis phoq, jyeidwis nyhiq jens thoq mas
Ngah Dyos huot khyoq las, Nyamoq lvpe pe das.
Ngos gas maukhung thoq mas mauh loqmuh,
nyeisjvng mas vlho vja ja,
Suih, nyi, nyikhauh soq lyis chixoeuq das.
Kuhxing duk bvng ge dah hauh Yhensain dah buisnyeis ma jweh shih lyis,
Buis gas mauchuotdwang bweh tyamp das,
Lhamhmuh gas suih teh bweh das.
Hauh uhlyis Yhensain nyah nyings lyis lui soeu khanghmuh
khyuot yoeus zis xauh das,
ge.
Israel dius jens eh, haih dang gyo yoeus geh: Mangso ka Nazaret phoq ge dah Yesu loq masyah namoq mas yomsoq muh, mauh loqmuh yahge vlho kuot xoeuq yvmvyah, nyang gas Mangso khyen toeuq toh soeu nghuot yvlyis chixoeuq zis gas namoq seq. Haih soeu ka Mangso nghamh toh goeus joeui yah xiq toh zis yah dvyhangteh, namoq gas lyi ma chi bang dah loq mas kyauh tyamp las, nyang lyis tapzains mas taplhangh sat. Nghuot laus eq shei, nos dah shohjyen zis lyis Mangso khyuot tyamp dyei las, nyang lyis dwis toq los nhang. Khasoeh ge lyis hau shei zis gas, nyang lyis yoh zwi kyamp toh zis ma nghuot. Khasoeh ge lyis, hauh soeu yah sen las Dawi taiq zis gas,
Yhensain lhyi nah xikkhonh mas vjangh nyvng goeus;
Ngos ma lop ma loeh bas jungh ge Nyang ngah loqyos shot pheh nyeis.
Housoeh las ngah nhaiqlom gauslaus nyeis zis yahge,
Ngah lhyo gauslaus nyeis.
Ngah gungsshoh eq nghamhloms nyeis das.
Khasoeh ge lyis nvng ngah dyos lyis shei mau mas ma toh tyamp;
Nvng nah Gyingshang Soeu dyoqbis xauh das zis ma gyo.
Kang dwis cho nvng ngos lyis seq nhang.
Nah xikkhonh mas nvng ngos lyis gausyis zis yah tyink dyei das,
ge.
Boekyis eh, yah phauh thyeih Dawi gas shei las nyhop zis xauh goeus, nyah lop gas khvnyhik jweh shoq yang yah dvgeh joq zis lyis, ngos namoq lyis womh womh taiq bah. Nyang gas lvpe nghuot zis yahge, nyah nyei nyet mas zis dvyuk gas nyah hwankti tank mas tsung nhang das ge Mangso nyang lyis maukhi lha dangthoengh toh yvlyis seq yvmvyah, Khristu dah dwis toq los cho nyang uhlhomh nyvng las,
nyah dyos lyis shei mau mas ma toh tyamp das zis yahge,
nyah gungsshoh dyoqbis ma xauh das cho taiq toh.
Yesu haih yuk lyis nyang Mangso dwis toq nhang goeus; Ngamoq dvnganh eq haih cho dah kanghjyoeng nghuot. Nyang gas nyah Uwus Mangso dah loqyos shot pheh toqh yoeus zis xauh goeus zis yahge Mangso nyang lyis dangthoengh toh zis yah dvyhangteh nyah jyank masyah Gyingshang Dyos lyis xauh lhom yoeus goeus. Gvshih namoq nyvng las xauhgyo zis gas, ngamoq thoq mas nyang huot khyoq dah jyungshuk nghuot. Khasoeh ge lyis Dawi gas maukhung mha toqh kat zis ma xauh laus eq nyang nyang heisoeh ge:
Hauh Yhensain ngah Yhensain lhyi taiq zis gas,
Ngos nah jeswus lyis nah nangte kuot shoq,
Nvng ngah loqyos shot pheh tsung toh aq,
ge.
Housoeh yvmvyah namoq tapzains mas taplhangh sat goeus dah Yesu lyis Mangso ka Yhensain yahge Khristu bweh nhang zis gas, Israel yhenbang dvnganh top seq yoeus geh, ge. Hauh zis tsain xauhgyo lyis nyamoq ehnyet mas zangh las, nyamoq gas Petru yahge gohtoeu lvgyo jens lyis taiq zis gas, Boekyis eh, ngamoq khasoeh kuot das lah, ge.
Petru nyamoq lyis taiq zis gas, Namoq dah yaunos khyuot dyei das xiklyis namoq yuk khanghmuh nhaiqlom thaiq las, Yesu Khristu dah nyings mas jeisnyhop kham geh. Housoeh lyis Gyingshang Dyos ge dah jyungshuk gas namoq xauh yoeus das. Khasoeh ge lyis hauh dangthoengh gas namoq yahge namoq dah lo jens xiklyis nghuot las, we we mas nyeis bang dvnganh yahge Yhensain Mangso khi yoeus dah bang dvnganh xiklyis nghuot, ge.
Dang gohtoeu nyoshoq yah eq nyang nyamoq lyis taiq kyingh yomdyei taiq zis gas, Vsainnyang gungs lyis hai ung lhung dah vcaiq masyah lhuiq yoeus geh, ge. Housoeh nyah dang lyis lhom yoeus bang lyis jeisnyhop dyei las, hauh nyeihyo dius somh khyoengh ko lung los. Hauh bang gas lvgyo jens dah jyauh cho, dvgeh zomh cho, ohlhyoq khyiq gvm cho yahge shvmanh dung cho mha wontang tsain chank.

Lvgyo jens masyah eq mauh loqmuh yahge vlho nyoshoq kuot xoeuq las, dius jens dvnganh gyukwoms los. Lomsjingh bang dvnganhmoq gas dvjoq mas dvgeh huom lha, nyamoq yoh dah vyhang dvnganh xonh yhung. Nyamoq gas vsainnyang dah kyahsoe zisyos lyis eq ungh las, dvnganh lyis nyamoq chah zis yah dvyhangteh gvm dyei. nyamoq gas nyeih yau nyeih yhenmuh mas zophuom lha, nyamoq dah yhen mas gaus gaus yis yis dyei mes ehnyet yah chomp zo shuk. Housoeh nyamoq gas Mangso lhyi chunghtoq zis yah dius dvnganh dah chungh cho lhyi xauh lhom yoeus. Nyeih khanghmuh Yhensain gas khyuot yoeus xauh bang lyis nyamoq phung mas je los nhang.

Listen to LVGYO 2