Serer Version Eglise luthérienne du Sénégal (Non-Drama)

NQAARIIT NE ROOG

<div class="version vid3751 iso6393srr" data-vid="3751" data-iso6393="srr">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s1">Gon le Abram a supte Abraham</div><div class="p"> 1Ye Abram a jegna xa kiid qar&#595;een &#595;etuu nahik fo xa kiid &#595;etaa nahaq, o Yaal oxe a fee&#241;ooxaan, a layin ee:</div><div class="p">&#171;Mi refu Roog o Cegu katil oxe. &#209;aa&#436;ti o cofel mbaambir es boog! 2Xam dalin ngi&#595;oor ndeer es fa wo, too xam may&#429;and xa taan of.&#187;</div><div class="p"> 3Abram a dalfooxa o gung a lanq, soo Roog a layin ee:</div><div class="p"> 4&#171;Keeke refu ngi&#595;oor ne um dalinkaa ndeer es fa wo: Xan o ref o taan qeet mayu. 5Ne&#8217;kataandee Abram, ndaa xan o ne&#8217;el Abraham, yaam xan o ref o taan no qeet mayu.#Rom 4:17 6Xam ci&#8217;ong xa taan xa mayu, qeet mayu a mbaqaqoor na wo, soo maad a sutoor na wo. 7Xam dam ngi&#595;oor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngi&#595;oor naa na refkaa boo faw, naa um refkaa Roog of fo Roog na xa taan of.#Lik 1:55 8Xam ci&#8217;ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.&#187;#Pi 7:5</div><div class="p"> 9Roog a laya a Abraham ee:</div><div class="p">&#171;Fat o gay ngi&#595;oor ne mi, wo fo suk nuu refna na xa taan of. 10Neeke nu ngayitkaa ngi&#595;oor ne a ndeer es fa nuun fo xa taan of: Oxuu refna o koor a ndeer nuun, fat a xucoox.#Pi 7:8; Rom 4:11 11Nquc ne na refkaa o anddiloor ole a ndeer es fa nuun. 12No suk nuu refna, oxuu rimeena na nuun too a ref o koor, fat a xucel yaa bes um a dakooxiidna, ta ref oxaa rimeena no mbind of mbaat oxaa jikteena xaaliis mbaat o gataakoon olaa fogeerna na xa taan of. 13Oxe rimeena no mbind of a ware o xuc, ten fo xe jiktoona xaaliis of. O anddiloor ole no ngi&#595;oor ne na refkaa boo faw no cer nuun a refkaa. 14O koor oxuu xucooxeerna fat a sutel xeet fee. Oxeene koor kaa &#599;eg ngi&#595;oor es.&#187;</div><div class="p"> 15Roog a laya a Abraham ee:</div><div class="p">&#171;Saarayi fee o teef ne&#8217;kataand Saarayi ndaa Saara#17:15 Saara kaa tekit &#171;o &#421;iy o ndew no maad&#187;. a ne&#8217;kateel. 16Xam barke&#8217;in, too xam ci&#8217;ong fo ten o &#421;iy itam. Xam barke&#8217;in too xan a rim qeet mayu, maad no qeet mayu a ngat no ten.&#187;</div><div class="p"> 17Abraham a gunga a lanq, a jal, soo a lay taa no yiif um ee: &#171;Mam o &#421;iy a reefkaa o cegu xa kiid teemeed? Mee ndax Saara fa xoox um, oxe na xa kiid qar&#595;een &#595;etuu nahik! Ndax xan a &#241;ootat?&#187; 18Cinj kaaga, Abraham a laya a Roog ee:</div><div class="p">&#171;Ey! Yaasam Isma&#8217;el a &#241;oow mbaambir of!&#187;</div><div class="p"> 19Roog a doonaan ee:</div><div class="p">&#171;Ha&#8217;aa! Xan Saara fee o teef a rimanong o &#421;iy o ngoor too fat o ne&#8217;in Isaak.#17:19 Isaak kaa tekit no &#599;elem hebre &#171;oxe jalooxaa&#187;. Xam dam ngi&#595;oor es fo ten, damin itam ndeer es fo xaa faqaqoorna no ten. Xan a ref ngi&#595;oor naa na refkaa boo faw ndeer es fo xa taan um. 20No kaa farna na Isma&#8217;el koy, nanaaxoong, xam barke&#8217;in, ci&#8217;in xa taan xa mayu. Xan gelwaar xar&#595;axay fo gelwaar &#599;ik a ngat no ten, too xam fi no ten xeet fa maak. 21Kaa koy, no ke farna no ngi&#595;oor es xam damin fa Isaak fee o jegkaa fa Saara na waxtu feeke mbaan.&#187;</div><div class="p"> 22Yaa Roog a layna fa Abraham boo a &#436;ut, a yo&#599;ooxa took. 23Abraham a janga a Isma&#8217;el fee o &#421;eem, fop we ndimteena no mbind um fo we ta jikit&#8217;ina xaaliis um, goor we no mbind um fop daal, a xuc a den no &#241;aal leng kut ne Roog a heblit&#8217;uuna o ten. 24Ye Abraham a xucooxna a so&#421;&#8217;a ta jeg xa kiid qar&#595;een &#595;etuu nahik fo xa kiid &#595;etaa nahaq. 25Isma&#8217;el fee o &#421;eem a jeg&#8217;a xa kiid xar&#595;axay fo xa kiid xa tadaq ye ta xucooxna. 26No &#241;aal leng kut naaga Abraham a xucooxu, ten fa Isma&#8217;el fee o &#421;eem. 27Neene, goor we no mbind um fop ndimeena maaga mbaat fa&#599; we ndimteena maaga mbaat we njikteena xaaliis no saax jan a nqucooxandoora fo ten.</div>
 </div>
 </div>
</div>

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee:
«Mi refu Roog o Cegu katil oxe. Ñaaƴti o cofel mbaambir es boog! Xam dalin ngiɓoor ndeer es fa wo, too xam mayƭand xa taan of.»
Abram a dalfooxa o gung a lanq, soo Roog a layin ee:
«Keeke refu ngiɓoor ne um dalinkaa ndeer es fa wo: Xan o ref o taan qeet mayu. Ne’kataandee Abram, ndaa xan o ne’el Abraham, yaam xan o ref o taan no qeet mayu. Xam ci’ong xa taan xa mayu, qeet mayu a mbaqaqoor na wo, soo maad a sutoor na wo. Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of. Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»
Roog a laya a Abraham ee:
«Fat o gay ngiɓoor ne mi, wo fo suk nuu refna na xa taan of. Neeke nu ngayitkaa ngiɓoor ne a ndeer es fa nuun fo xa taan of: Oxuu refna o koor a ndeer nuun, fat a xucoox. Nquc ne na refkaa o anddiloor ole a ndeer es fa nuun. No suk nuu refna, oxuu rimeena na nuun too a ref o koor, fat a xucel yaa bes um a dakooxiidna, ta ref oxaa rimeena no mbind of mbaat oxaa jikteena xaaliis mbaat o gataakoon olaa fogeerna na xa taan of. Oxe rimeena no mbind of a ware o xuc, ten fo xe jiktoona xaaliis of. O anddiloor ole no ngiɓoor ne na refkaa boo faw no cer nuun a refkaa. O koor oxuu xucooxeerna fat a sutel xeet fee. Oxeene koor kaa ɗeg ngiɓoor es.»
Roog a laya a Abraham ee:
«Saarayi fee o teef ne’kataand Saarayi ndaa Saara a ne’kateel. Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»
Abraham a gunga a lanq, a jal, soo a lay taa no yiif um ee: «Mam o ƥiy a reefkaa o cegu xa kiid teemeed? Mee ndax Saara fa xoox um, oxe na xa kiid qarɓeen ɓetuu nahik! Ndax xan a ñootat?» Cinj kaaga, Abraham a laya a Roog ee:
«Ey! Yaasam Isma’el a ñoow mbaambir of!»
Roog a doonaan ee:
«Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um. No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak. Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»
Yaa Roog a layna fa Abraham boo a ƴut, a yoɗooxa took. Abraham a janga a Isma’el fee o ƥeem, fop we ndimteena no mbind um fo we ta jikit’ina xaaliis um, goor we no mbind um fop daal, a xuc a den no ñaal leng kut ne Roog a heblit’uuna o ten. Ye Abraham a xucooxna a soƥ’a ta jeg xa kiid qarɓeen ɓetuu nahik fo xa kiid ɓetaa nahaq. Isma’el fee o ƥeem a jeg’a xa kiid xarɓaxay fo xa kiid xa tadaq ye ta xucooxna. No ñaal leng kut naaga Abraham a xucooxu, ten fa Isma’el fee o ƥeem. Neene, goor we no mbind um fop ndimeena maaga mbaat faɗ we ndimteena maaga mbaat we njikteena xaaliis no saax jan a nqucooxandoora fo ten.

Listen to Mberaand 17