Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s">Yesuusi akkima orxayta a motolaqa dinshe</div><div class="r"> Maati 8:5-13</div><div class="p"> 1Yesuusi ete se piisa samayta haasawade ka dikkishe kammaayye, Qifirnahoomipa aane. 2Motolaqa takkan a piita Roomi ka eeyye ca; orxaytaadi a jaalanno ka paaqini ka toota qara kaye. 3Motolaqittase, ete qoota Yesuusi desa dakayeeyye, qimaya a Yihuta'e erkade ka ishootta kide, &#8220;Atara aana ka, akka de'o ka orxaytiyyo ana dinsho'e; Yesuusi ana naappada.&#8221; 4Ishootta ka Yesuusi kapopa aanen ka a kuttati isha naappaden ka kidene, &#8220;namoose ke qara sede teyeeta isha parpaaccisni. 5Isha harmo'e samaytinno jaalanni ka tika qinseeta kuli isha'ew ino qupe.&#8221;</div><div class="p"> 6Semmalla Yesuusi ka ishootta olli aane. Ete tikaadi kapa dehaadeeyye, motoloqittase moottadaadi Yesuusi turopa erke ka kide, &#8220;Poqallaay, atti akka tikiyyopa kullitto'e, ana parpaaccisni in kittooy. Tikiyyo opa deena'e pora an yaalan. 7Anti mattiyyo ke kapopa deena mina an qanne. Semmalla atti eeyye'ew tawe ka qaaleta takkaaw kide; orxaytiyyo idinaay. 8Anti mattiyyo'e, ukkumampaya in ajajammi, xela oranna an ajajino ka ana kela caaw. Semmalla oton takka kiino &#8216;Aane&#8217; i'anni; ka oton takka kiinoow &#8216;Xooye&#8217; ideeni; oton orxaytiyyo kiino &#8216;Sede kode&#8217; ikooniiy.&#8221;</div><div class="p"> 9Yesuusi ete sede dakayeeyye, oppe qawwaawe ka orrase isha kamma anno opa desa tiitaawe ka kide, &#8220;In ishina kiini, anti piita Isira'eeli mikka karaayye, amanteeta asse pahato an akkine.&#8221; 10Orrase erkame ete tikase a motolaqaseneti opa tiitaweeyye, orxayta a dine akken.</div><div class="s">Yesuusi akkima inna hiyyetteeta takka tootoppa Xaashe</div><div class="p"> 11Parraytaadiiyyi, Yesuusi katama takkan Naayni kidamma opa aane. Tamaarewwaadi isho samayta kuttayta ka isha olli aane. 12Yesuusi ete xarra katamaseneti kapa kayeeyye, tin orra a pukka haano katamasene kara sookni. namoose to'e nefo, aayyaasso isha takkaaw qapta. Aayyaasso nefo, hiyyetteeta a diirtaadi qara in kinnin. Katamasene kara orra lekayta ka isheetta kamma anni.</div><div class="p"> 13Poqalla ete ishetta akkeeyye, ishetta suraysade ka isheetta kide, &#8220;In pooyan.&#8221; 14Se kammaayye, Yesuusi itturan desa lalaabbe ka shaabbasene quda qappade. Orrase haano ka qa'ade. Yesuusi ka kide, &#8220;Xayyoolayto, in ke kiini xa'e!&#8221; 15Isase to'e ka ela xa'e, ka kute'e, ka haasawatta paayye. Sekkammaayye Yesuusi ka aayyaassoti kide &#8220;Tin innaati&#8221; Ka isheetta daashe.</div><div class="p"> 16Ikka piisani fuuraan qapamen ka Waaqa kalataysaden ka kidene; &#8220;Ha xuumampayta kutta otantinno oppa xa'e! Waaqa ka samaytaadin pahatta de'e.&#8221;</div><div class="p"> 17Kurra Yesuusi ka piita Yihuta isho piita a kapan desa kitto pisa oppa dakaade.</div><div class="s">Orra Yohaannisise pishaan orra jaqno kapaayye Yesuusi kapopa erkame</div><div class="r"> Maati 11:2-19</div><div class="p"> 18Tamaarewwa Yohaannisi ka qoota wossen piisati desa Yohaannisi torren. 19Yohaannisi ka tamaarewwaadi oppaayye lakki hale ka Poqalla Yesuusi kapopa erke ka kide, &#8220;Isha kaassada ka kida, &#8216;Hela kiristoosise kiinaane &#8220;ide'a&#8221; kem, mon a pila'en asanna?&#8217;&#8221;</div><div class="p"> 20Ishootta ka Yesuusi kapopa aanen ka ishi kidene, &#8220;Yohaannisise pishaan orra jaqno ke kapopa ino erke ka kiini, &#8216;isha kaassada ka kida, Kiristoosise kiinaane ide'a hela kem mon a pila'en asannaa?&#8217;&#8221;</div><div class="p"> 21Yesuusi saatese oppaayyeew paaqa isho deesa ika lekayta kela orra dinnshe; ka hapurra nenneeqa sookshe. Ka orra ildaan qapnin lekayta akka paata akka'o kode. 22Ka orrase ishopa erkame kide, &#8220;Tiitaawa ka aana ka wossen a akkitene ka dakaytene Yohaannisi lela: Tin orra ilda in qapnin ipaata akkini, totoonnaya ka jib kiini ka anni; qoosholaya idinni, orra dakkaawe ipaata dakayni, orra le'e tootoppa i'aani, otootase a fayya ka teekolaya torraammi. #Issa 35:5-6; 61:1 23Nama ana dukaysatta malaalli in kinnin, i'eppisame.&#8221;</div><div class="p"> 24Ete orrase Yohaannisi kapa erkame tawe kammaayye, Yesuusi qoota Yohaannisi desa samaytaseti haasawatta paayye ka kide, &#8220;Ata maana tooyya'e koommaytoppopa ollopa sookten? Hela xaashasene a xayxayta lellehinna tooyya'e ollopa sooktene?</div><div class="p"> 25&#8220;Moon maana tooyya'e ollopa sookten? Hela nama ohaata paxaara uuwwisade tooyya'e ollopa sooktene? A ohawwa paxaara uwwisanna ka naalaan kallaanna tikka nuqussa kara caan. 26Mon maana tooyya'e ollopa sookten? Hela xuumampayta tooyya'e? Aa, in ishina kiini, laadi a xuumampayta kuli qara qapo tooyya'e ollopa sookten. 27Ha isha isase a qootaadi desa taafamte ka kiinitto, &#8216;Tin erkampattootiiyyo ake tura desa anto ka ke tura pora harrmisson erka.&#8217; #Mil 3:1 28Orra piita qara delade oppaayye, nama Yohaannisi qara qapo takka nefo in co. Mankisteeta moontatiiyyi xoori, a nama piisa kelopa xata shakka isha qara jaalli.&#8221;</div><div class="p"> 29Samaytase piisa isho orra qarata qaratno ete sede dakayeneeyye qoota turan harka Yohaannisippa jaqamen malla, akka koda Waaqa likkeetoppa co upnaaden. #Maati 21:32; Luqa 3:12 30Feresaata isho kollissampaya a seera xoori, qoota kidene harka Yohaannisippa an jaqammo malla, fiqaata Waaqa'e tiiten.</div><div class="p"> 31Kamma desa Yesuusi ikide, &#8220;Ka kuli xeltoose maana kapa'en isheetta ekkaysha? ikka maana pahata? 32Isheetta hellaa mooraappa qa'e ka kahanna'e pahata. Helloosen i'oli haleeni ka olli kiini, &#8216;Luuttotan ishina dawne, umma ishina a kirpine; annka saara pooyta ishina saarinne, umma ishina a pooyne.&#8217; 33Akkimoose mina'ew Yohaannisise pishaan orra jaqno, ete unta dameeta ka taadeta wayneeta ikeeta mali de'eyye, i'ishi kiitene, &#8216;Orritta qapa.&#8217; 34Inna a nama'ew, ete deenooyye idammi ka ikkni; akka ishi kiitene &#8216;Tin ini karittoolayta a damta isho taadeta wayneeta jaalanno ka mootta juppoolaya isho a orra qarata qaratinooti&#8217; 35Ma xoori ookuma akkima dukaata qara co, hellaadi qara'ew akkaanni.&#8221;</div><div class="s">Iskatteeta takka akkima loqqa Yesuusi shittootan daatite</div><div class="p"> 36Feresaatoppa nama takka Yesuusi piifa hale. Yesuusi ka tikase a Feresitta opa kulle ka piifa piifatta kuti'e. 37Katamoosen karaayye juppolayteeta takka a iskatteeta'e ca; ka ete akkima Yesuusi tika a Feresitta opa piifa halaame dakayteeyye, shuubba takkan daka Alpaastiroosi oppa kodame karaayye, shittoota immakkootan deete. #Maati 26:7; Maari 14:3; Yoha 12:3 38Ka loqqa Yesuusi kapa qa'atte ka pooyni ka ilmaamaan loqqa Yesuusi japinni ka nyirfa a mattaaditin haqni ka loqqasene diddinkiniiw ka shittootan quda daatini. 39Feresittase piifa Yesuusi hale ete sede akkeeyye, isi karan xata dikade ka kide, &#8220;namoose katin keeton xuumampayta kiiteeyye, iskatteetose asse isha quda shohonitto ayno akkima koddite ka juppoolayteeta a atta pahato koddite, upnaanni heene.&#8221;</div><div class="p"> 40Yesuusi ka ishi kide, &#8220;Simooni, waan ke lela takkanen qapa.&#8221;</div><div class="p">Isha ka ishi oorshe ka kide, &#8220;Owwe, kollissampayto ana' lelin ka.&#8221;</div><div class="p"> 41Yesuusi ka haasaadi kammaaw caade ka ishi kide, &#8220;Nama lakki leqeessampayta takka qara kaaja leqessade ca; takka pirreeta dippa keni leqeessade, takka ka kunda ken leqeessade. 42Ishootta piisantiiyyi qoota aappasiti wa oorshane dapen malla, aappoose leqasene piisa ishootta diishe ka kuli ishootta lakki oppaayye, leqeessampaytase a xaame a kuttati jaalanni ke pahata?&#8221; 43Simooni ka ishi oorshe ka kide, &#8220;namoose a ishi kaaja kutta diishe, isha a kuttati jaalanni ana pahata.&#8221;</div><div class="p">Yesuusi ka isha kide, &#8220;Dukaata lelte.&#8221;</div><div class="p"> 44Sekkammayye Yesuusi iskatteetase opa desa tiitawe ka Simooni kide, &#8220;Iskatteese are kitto i'akkini? Eten tikaaytipa kullinooyye, atti pisha loqqa nefo ana'e a daanne. Ishetta xoori ilmaamaadinni loqqaayyo jaqte ka nyirfaadi a mattatin quda haaqte. 45Atti ete ana teyyannittooyye, ana a dinkine; ishetta xoori hakan tikaaytipa kulle paayyiteeyye loqqaayyo dinkitta qudaaw kitta. 46Atti daata nefo mattoppa ana'e a daatine, isheetta xoori shittootanne loqqaayyo daatite. 47Semmalla in ke kiini, isheetta qoota a kuttati jaalatte malla, juppootase xaadi koopte i'ishi haste. Ma xoori nama a juppoota shakkayteetaaw ishi diisamte, jaalalaadi nefo asseew shakki.&#8221;</div><div class="p"> 48Se kammaayye Yesuusi iskatteetaseti kide, &#8220;Juppootaayti ike haste.&#8221;</div><div class="p"> 49Orrase isha olliiyyi damta qara co ka isi karanxata dikatta paayye ka kiini, &#8220;Ini juppoota kuli nama diinno ayno?&#8221;</div><div class="p"> 50Yesuusi xoori i'iskattaseti kide, &#8220;Amanteetaayti ke dinsheey, nakaytan kale.&#8221;</div>
 </div>
 </div>
</div>

Yesuusi ete se piisa samayta haasawade ka dikkishe kammaayye, Qifirnahoomipa aane. Motolaqa takkan a piita Roomi ka eeyye ca; orxaytaadi a jaalanno ka paaqini ka toota qara kaye. Motolaqittase, ete qoota Yesuusi desa dakayeeyye, qimaya a Yihuta'e erkade ka ishootta kide, “Atara aana ka, akka de'o ka orxaytiyyo ana dinsho'e; Yesuusi ana naappada.” Ishootta ka Yesuusi kapopa aanen ka a kuttati isha naappaden ka kidene, “namoose ke qara sede teyeeta isha parpaaccisni. Isha harmo'e samaytinno jaalanni ka tika qinseeta kuli isha'ew ino qupe.”
Semmalla Yesuusi ka ishootta olli aane. Ete tikaadi kapa dehaadeeyye, motoloqittase moottadaadi Yesuusi turopa erke ka kide, “Poqallaay, atti akka tikiyyopa kullitto'e, ana parpaaccisni in kittooy. Tikiyyo opa deena'e pora an yaalan. Anti mattiyyo ke kapopa deena mina an qanne. Semmalla atti eeyye'ew tawe ka qaaleta takkaaw kide; orxaytiyyo idinaay. Anti mattiyyo'e, ukkumampaya in ajajammi, xela oranna an ajajino ka ana kela caaw. Semmalla oton takka kiino ‘Aane’ i'anni; ka oton takka kiinoow ‘Xooye’ ideeni; oton orxaytiyyo kiino ‘Sede kode’ ikooniiy.”
Yesuusi ete sede dakayeeyye, oppe qawwaawe ka orrase isha kamma anno opa desa tiitaawe ka kide, “In ishina kiini, anti piita Isira'eeli mikka karaayye, amanteeta asse pahato an akkine.” Orrase erkame ete tikase a motolaqaseneti opa tiitaweeyye, orxayta a dine akken.

Parraytaadiiyyi, Yesuusi katama takkan Naayni kidamma opa aane. Tamaarewwaadi isho samayta kuttayta ka isha olli aane. Yesuusi ete xarra katamaseneti kapa kayeeyye, tin orra a pukka haano katamasene kara sookni. namoose to'e nefo, aayyaasso isha takkaaw qapta. Aayyaasso nefo, hiyyetteeta a diirtaadi qara in kinnin. Katamasene kara orra lekayta ka isheetta kamma anni.
Poqalla ete ishetta akkeeyye, ishetta suraysade ka isheetta kide, “In pooyan.” Se kammaayye, Yesuusi itturan desa lalaabbe ka shaabbasene quda qappade. Orrase haano ka qa'ade. Yesuusi ka kide, “Xayyoolayto, in ke kiini xa'e!” Isase to'e ka ela xa'e, ka kute'e, ka haasawatta paayye. Sekkammaayye Yesuusi ka aayyaassoti kide “Tin innaati” Ka isheetta daashe.
Ikka piisani fuuraan qapamen ka Waaqa kalataysaden ka kidene; “Ha xuumampayta kutta otantinno oppa xa'e! Waaqa ka samaytaadin pahatta de'e.”
Kurra Yesuusi ka piita Yihuta isho piita a kapan desa kitto pisa oppa dakaade.


Tamaarewwa Yohaannisi ka qoota wossen piisati desa Yohaannisi torren. Yohaannisi ka tamaarewwaadi oppaayye lakki hale ka Poqalla Yesuusi kapopa erke ka kide, “Isha kaassada ka kida, ‘Hela kiristoosise kiinaane “ide'a” kem, mon a pila'en asanna?’”
Ishootta ka Yesuusi kapopa aanen ka ishi kidene, “Yohaannisise pishaan orra jaqno ke kapopa ino erke ka kiini, ‘isha kaassada ka kida, Kiristoosise kiinaane ide'a hela kem mon a pila'en asannaa?’”
Yesuusi saatese oppaayyeew paaqa isho deesa ika lekayta kela orra dinnshe; ka hapurra nenneeqa sookshe. Ka orra ildaan qapnin lekayta akka paata akka'o kode. Ka orrase ishopa erkame kide, “Tiitaawa ka aana ka wossen a akkitene ka dakaytene Yohaannisi lela: Tin orra ilda in qapnin ipaata akkini, totoonnaya ka jib kiini ka anni; qoosholaya idinni, orra dakkaawe ipaata dakayni, orra le'e tootoppa i'aani, otootase a fayya ka teekolaya torraammi. Nama ana dukaysatta malaalli in kinnin, i'eppisame.”
Ete orrase Yohaannisi kapa erkame tawe kammaayye, Yesuusi qoota Yohaannisi desa samaytaseti haasawatta paayye ka kide, “Ata maana tooyya'e koommaytoppopa ollopa sookten? Hela xaashasene a xayxayta lellehinna tooyya'e ollopa sooktene?
“Moon maana tooyya'e ollopa sookten? Hela nama ohaata paxaara uuwwisade tooyya'e ollopa sooktene? A ohawwa paxaara uwwisanna ka naalaan kallaanna tikka nuqussa kara caan. Mon maana tooyya'e ollopa sookten? Hela xuumampayta tooyya'e? Aa, in ishina kiini, laadi a xuumampayta kuli qara qapo tooyya'e ollopa sookten. Ha isha isase a qootaadi desa taafamte ka kiinitto, ‘Tin erkampattootiiyyo ake tura desa anto ka ke tura pora harrmisson erka.’ Orra piita qara delade oppaayye, nama Yohaannisi qara qapo takka nefo in co. Mankisteeta moontatiiyyi xoori, a nama piisa kelopa xata shakka isha qara jaalli.”
Samaytase piisa isho orra qarata qaratno ete sede dakayeneeyye qoota turan harka Yohaannisippa jaqamen malla, akka koda Waaqa likkeetoppa co upnaaden. Feresaata isho kollissampaya a seera xoori, qoota kidene harka Yohaannisippa an jaqammo malla, fiqaata Waaqa'e tiiten.
Kamma desa Yesuusi ikide, “Ka kuli xeltoose maana kapa'en isheetta ekkaysha? ikka maana pahata? Isheetta hellaa mooraappa qa'e ka kahanna'e pahata. Helloosen i'oli haleeni ka olli kiini, ‘Luuttotan ishina dawne, umma ishina a kirpine; annka saara pooyta ishina saarinne, umma ishina a pooyne.’ Akkimoose mina'ew Yohaannisise pishaan orra jaqno, ete unta dameeta ka taadeta wayneeta ikeeta mali de'eyye, i'ishi kiitene, ‘Orritta qapa.’ Inna a nama'ew, ete deenooyye idammi ka ikkni; akka ishi kiitene ‘Tin ini karittoolayta a damta isho taadeta wayneeta jaalanno ka mootta juppoolaya isho a orra qarata qaratinooti’ Ma xoori ookuma akkima dukaata qara co, hellaadi qara'ew akkaanni.”

Feresaatoppa nama takka Yesuusi piifa hale. Yesuusi ka tikase a Feresitta opa kulle ka piifa piifatta kuti'e. Katamoosen karaayye juppolayteeta takka a iskatteeta'e ca; ka ete akkima Yesuusi tika a Feresitta opa piifa halaame dakayteeyye, shuubba takkan daka Alpaastiroosi oppa kodame karaayye, shittoota immakkootan deete. Ka loqqa Yesuusi kapa qa'atte ka pooyni ka ilmaamaan loqqa Yesuusi japinni ka nyirfa a mattaaditin haqni ka loqqasene diddinkiniiw ka shittootan quda daatini. Feresittase piifa Yesuusi hale ete sede akkeeyye, isi karan xata dikade ka kide, “namoose katin keeton xuumampayta kiiteeyye, iskatteetose asse isha quda shohonitto ayno akkima koddite ka juppoolayteeta a atta pahato koddite, upnaanni heene.”
Yesuusi ka ishi kide, “Simooni, waan ke lela takkanen qapa.”
Isha ka ishi oorshe ka kide, “Owwe, kollissampayto ana' lelin ka.”
Yesuusi ka haasaadi kammaaw caade ka ishi kide, “Nama lakki leqeessampayta takka qara kaaja leqessade ca; takka pirreeta dippa keni leqeessade, takka ka kunda ken leqeessade. Ishootta piisantiiyyi qoota aappasiti wa oorshane dapen malla, aappoose leqasene piisa ishootta diishe ka kuli ishootta lakki oppaayye, leqeessampaytase a xaame a kuttati jaalanni ke pahata?” Simooni ka ishi oorshe ka kide, “namoose a ishi kaaja kutta diishe, isha a kuttati jaalanni ana pahata.”
Yesuusi ka isha kide, “Dukaata lelte.”
Sekkammayye Yesuusi iskatteetase opa desa tiitawe ka Simooni kide, “Iskatteese are kitto i'akkini? Eten tikaaytipa kullinooyye, atti pisha loqqa nefo ana'e a daanne. Ishetta xoori ilmaamaadinni loqqaayyo jaqte ka nyirfaadi a mattatin quda haaqte. Atti ete ana teyyannittooyye, ana a dinkine; ishetta xoori hakan tikaaytipa kulle paayyiteeyye loqqaayyo dinkitta qudaaw kitta. Atti daata nefo mattoppa ana'e a daatine, isheetta xoori shittootanne loqqaayyo daatite. Semmalla in ke kiini, isheetta qoota a kuttati jaalatte malla, juppootase xaadi koopte i'ishi haste. Ma xoori nama a juppoota shakkayteetaaw ishi diisamte, jaalalaadi nefo asseew shakki.”
Se kammaayye Yesuusi iskatteetaseti kide, “Juppootaayti ike haste.”
Orrase isha olliiyyi damta qara co ka isi karanxata dikatta paayye ka kiini, “Ini juppoota kuli nama diinno ayno?”
Yesuusi xoori i'iskattaseti kide, “Amanteetaayti ke dinsheey, nakaytan kale.”

Listen to Luqaasi 7