If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s">Abakikulu aba bambombelaga Yesu</div><div class="p"> 1Panyuma pali sisisi, po Yesu alinkusyungutila ntwaya utukulumba na ntwaya utunandi, alinkulumbilila nukufumusya Inongwa Inunu isya butwa bwa Kyala; bope nabakalongo na babili balinkuya nagwe, 2#Mat 27.55-56; Mar 15.40-41; Luk 23.49nabakikulu bamo aba babumbulusigwe imbepo inyali nindamwa: Maria uyu ikubilikiligwa Magadalena, uyu syasokilemo imbepo inyali ihano na ibili, 3na Yohana unka Kuza undindilili gwa Herodi, na Susana, nabangi ba bingi, aba bababombelaga nikyuma kyabo.</div><div class="s">Ikifwanikisyo kya nsopambeyu</div><div class="r">(Mat 13.19; Mar 4.19)</div><div class="p"> 4Lelo bo ikilundilo ikikulumba kibungene, nabandu aba bafumile nkaya bo bisile kumyake, popapo Yesu alinkubabulila nkifwanikisyo alinkuti, 5&#8220;Isiku limo unsopambeyu alinkubuka kukusopa imbeyu yake. Lelo bo ikusopa, yimo yilinkwakugwa munjila; abandu balinkuyikanya namalundi, ninjumi sya kumwanya silinkusala silinkumala. 6Iyingi yilinkwakugwa pa lwalabwe, bo yimelile yilinkuma, papo ububundafu bukalipo. 7Iyingi yilinkwakugwa mmifwa, imifwa gilinkukula pamopene nayo, gilinkwenda nukuyigoga. 8Iyingi yo yilinkwakugwa pakisu ikinunu, yilinkumela, yilinkupa iseke mia yumo (100).&#8221; Bo Yesu ayobile sisisi, alinkukolela alinkuti, &#8220;Uyu linga ali nasyo imbulukutu sya kupilikila, yo alipilikaga.&#8221;</div><div class="s">Imbombo ya fifwanikisyo</div><div class="r">(Mat 13.10-23; Mar 4.10-20)</div><div class="p"> 9Popapo abafundigwa bake balinkundalusya balinkuti, &#8220;Ikifwanikisyo iki ko kuti fiki?&#8221; 10#Yes 6.9-10Umwene alinkubabula alinkuti, &#8220;Umwe mupegigwe ukusyagania isya mbutitu isya butwa bwa Kyala; abangi loli bapegigwe mfifwanikisyo, ukuti napa linga bikuketa bangasibonaga, napa linga bikupilika, bangasyaganiaga.</div><div class="s">Yesu ikulingania ikifwanikisyo kya nsopambeyu</div><div class="r">(Mat 13.18-23; Mar 4.13-20)</div><div class="p"> 11&#8220;Ikyene loli ikifwanikisyo kyo iki: Imbeyu lyo isyu lya Kyala. 12Iya munjila, bo aba bikupilika, kunyuma umohesi ikwisa ikunyaka ilisyu mundumbula syabo, ukuti bangitikaga nukupokigwa. 13Iyene iya palwalabwe, bo aba bikugelela bapilike, bikulyambilila ilisyu nulusekelo; loli bakaya nimisisi, bikwitika pakabalilo akanandi itolo, nkabalilo ka ngelo bikugwa. 14Iyene iyi yagwile mmifwa, bo aba bikugelela bapilike, ndwendo lwabo bikusyobigwa nubwikolanie, nubukabi, nisya kwihobosya isya mbumi, popapo iseke syabo sitikukoma. 15Iyene loli iyi yagwile pakisu ikinunu, bo aba bikupilika ilisyu nindumbula inunu ingolofu, bikulyumilila, nukupa iseke nulumilisyo.</div><div class="s">Inyale iyi yikupikiligwe</div><div class="r">(Mar 4.21-25)</div><div class="p"> 16 # 
 Mat 5.15; Luk 11.33 &#8220;Nayumo atikukolesyamo inyale nukuyikupikila nikikupikililo, pamo ukuyibika kusi kukitala, loli ikuyibika pakikolelanyale, ukuti aba linga bikwingila balubonege ulumuli lwake. 17#Mat 10.26; Luk 12.2Papo kakayako kamo aka kibilile aka katisakutupuka, kangi nakamo aka kali kubutitu aka katisakumanyigwa nukuya pabwelu. 18#Mat 25.29; Luk 19.26Mwandege lelo mumo mukupilikila, namanga uyu ali nako kamo yo isakupegigwaga; loli uyu akaya nako kamo, yo isakupokigwaga na kako ikwinogona ukuti ali nako.&#8221;</div><div class="s">Unna gwa Yesu nabamyabo</div><div class="r">(Mat 12.46-50; Mar 3.31-35)</div><div class="p"> 19Popapo unna gwa Yesu nabamyabo balinkwisa kumyake, loli balinkutoligwa ukwaganila nagwe panongwa ya kilundilo kya bandu. 20Umwene Yesu yo balinkumbula ukuti, &#8220;Unyoko nabamyinu bimile panja, bikulonda ukwaganila nanugwe.&#8221; 21Loli umwene alinkubamula alinkuti, &#8220;Yuba nabamyitu bo aba bikulipilika ilisyu lya Kyala nukulikonga.&#8221;</div><div class="s">Yesu ikugubatamisya umbelo</div><div class="r">(Mat 8.23-27; Mar 4.35-41)</div><div class="p"> 22Musi gumo mmasiku gala, Yesu alinkwipaka mwiboti pamopene nabafundigwa bake, alinkubabula alinkuti, &#8220;Tubuke, twambukege isilya lila lya nyanja.&#8221; Popapo balinkuliguta iliboti. 23Lelo bo bikwenda, Yesu alinkugona utulo. Popapo gulinkwisa umbelo unkulumba panyanja, iliboti lilinkwanda ukwisula amisi, balinkuya mbutolwe fiyo. 24Popapo balinkwisa kumyake, balinkundembusya balinkuti, &#8220;Malafyale, tukwibila.&#8221; Umwene alinkulembuka, alinkugukemela umbelo nukusukanika kwa mayiga; popapo gulinkubota, kulinkuya yonjolo itolo. 25Alinkubabula alinkuti, &#8220;Luli kugu ulwitiko lwinu?&#8221; Abene balinkutetema nukuswiga, balinkuyobesania balinkuti, &#8220;Ywani yuyuyu, uyu ikugulagila umbelo namisi, ifyene fikwenda nukumpilika?&#8221;</div><div class="s">Yesu ikumbumbulusya umundu gwa mbepo inyali</div><div class="r">(Mat 8.28-34; Mar 5.1-20)</div><div class="p"> 26Popapo Yesu nabafundigwa bake balinkufika nkisu kya baGeraseni, iki kiningene nikya mu Galilai. 27Lelo bo afyukile pisilya, alinkwaganila numundu yumo uyu afumile nkaya, yo ali nimbepo inyali; amasiku ga mingi akafwalangamo imyenda, akagonangamo na nnyumba, loli mu mmapumba. 28Lelo bo ambwene Yesu, alinkukuta, alinkugwa nkyeni mmyake, alinkukolela alinkuti, &#8220;Tuli buki nanine nanugwe, Yesu gwe Mwana gwa Kyala Unkinde? Nikupyelesya kumyako nikuti, ungafundaga.&#8221; 29Namanga Yesu ayibulile imbepo inyali ukuti yisokemo mmundu yula. Ka kingi itolo yankolaga, balinkumpinya niminyololo kangi nifipingo, balinkundindilila; umwene alinkufilatulania ifi balimpinyile, popapo imbepo inyali yilinkunkagila ndungalangala.</div><div class="p"> 30Popapo Yesu alinkundalusya alinkuti, &#8220;Gwani ingamu?&#8221; Umwene alinkuti, &#8220;Ne Kilundilo;&#8221; namanga imbepo inyali si nyingi syalingile mmyake. 31Isyene silinkunsuma, ukuti angasibulaga ukubuka mbwina ubusolofu bwa ngisi.</div><div class="p"> 32Lelo gwalipo papo untimo gwa ngulube inyingi, isi batimaga nkyamba; popapo imbepo inyali silinkumpyelesya ukuti asitikisye ukwingila mumo; umwene alinkusitikisya. 33Popapo imbepo inyali silinkusokamo mmundu yula, silinkwakwingila mungulube; bunobuno untimo gulinkugulutukila kulupanga, gulinkwitaga munyanja, gulinkwibila.</div><div class="p"> 34Abene abatimi bo basibwene isi syabonike, balinkubopa, balinkwakusifumusya nkaya akakulumba na ntwaya utunandi. 35Popapo abandu balinkusoka ukubuka kukuketa isi syabonike, balinkwisa apa alipo Yesu, balinkumwaga umundu uyu imbepo inyali syasokilemo, atugele mmalundi ga Yesu, afwele imyenda, kangi atengene itolo; popapo lulinkubaga ulutende. 36Abene aba basibwene sisisi, balinkubabula muno ugwa mbepo inyali aponile. 37Popapo abandu ikisu kyosa aba nkisu kya ba Geraseni, balinkunsuma ukuti asokemo mmyabo, namanga lwabagile ulutende lu lwingi; popapo Yesu alinkwipaka mwiboti, alinkugomoka. 38Umwene umundu uyu syasokilemo imbepo inyali, alinkumpyelesya Yesu ukuti ayege pamopene nagwe. 39Loli Yesu alikunsuma alinkuti, &#8220;Bukaga kukaya kako, ukapangege sisyo Kyala akubombile,&#8221; popapo alinkubuka, alinkwakusifumusya nkaya kosa isi Yesu alimbombile.</div><div class="s">Umwana gwa Yairo undindwana, nunkikulu gwa nyibuko ya ilopa</div><div class="r">(Mat 9.18-26; Mar 5.21-43)</div><div class="p"> 40Umwene Yesu bo agomwike ukwisa kwisilya ilingi, ikilundilo kya bandu kilinkumwambilila, namanga bosa bangulilaga. 41Popapo alinkwisa kumyake umundu uyu ali yo Yairo ingamu, uyu ali nkulumba gwa nyumba yakwiputilamo, yo alinkwitaga mmalundi ga Yesu, alinkumpyelesya ukuti isege kunyumba yake; 42papo umwanake yumoywene ntigi undindwana, uyu ali nifyinja kalongo na fibili, ali pipi ukufwa. Umwene Yesu bo ikubuka, ilalundilo kilinkumfinyilisya.</div><div class="p"> 43Lelo alipo unkikulu uyu ali ninyibuko ya ilopa ifyinja kalongo na fibili, (yo amalile ikyuma kyake mbaganga, kusita kuganguligwa numundu yumo;) 44alinkwisa ukufumila kunyuma, alinkukipalamasya ikipeto kya mwenda gwa Yesu; nakalinga itolo inyibuko ya ilopa yilinkuleka. 45Umwene Yesu alinkulalusya alinkuti, &#8220;Ywani uyu ambalamasisye?&#8221; Bosa bo bakanile, popapo Peteri naba bali nagwe balinkuti, &#8220;Malafyale, utikuketa ifilundilo ifi fikusyungutile ifi kukulufania nafyo?&#8221; 46Umwene Yesu alinkuti, &#8220;Yumo ambalamasisye, namanga nibwene amaka ukusokamo mmyangu.&#8221; 47Lelo bo unkikulu ibwene ukuti akabagila ukwibilila, alinkwisa nukutetema, alinkubunguluka nkyeni mmyake, alinkumpangila nkyeni mbandu inongwa iyi yalimpelile ukumpalamasya; na mumo abumbulukile. 48Umwene Yesu ali nkumbula alinkuti, &#8220;Gwe mwanangu, ulwitiko lwako lukubumbulwisye; bukaga nulutengano.&#8221;</div><div class="p"> 49Lelo bo Yesu ali pakuyoba sisisi, alinkwisa yumo ugwa nnyumba ya nkulumba gwa nyumba yakwiputilamo, alinkumbula alinkuti, &#8220;Umwanako afwile, ungankatasyaga itolo uMmanyisi.&#8221; 50Loli Yesu bo asipilike sisisi, alinkumwamula alinkuti, &#8220;Ungayaga nulutende, gwitikege itolo, po isakupokigwaga.&#8221; 51Lelo bo afikile pakaya, alinkusita nukumwitikisya yumo ukwingila nagwe; bene ba ba Peteri na Yohani na Yakobu nugwise gwa mwanike nunna. 52Bosa itolo balinkundilila nukwikima; loli Yesu alinkubabula alinkuti, &#8220;Mungalilaga, buno umwanike akafwa, mma, loli agonile itolo utulo.&#8221; 53Abene balinkunseka fiyo, namanga bamenye ukuti afwile. 54Loli alinkunkola ikiboko, alinkukolela alinkuti, &#8220;Gwe ndindwana, sumuka.&#8221; 55Popapo ubumi bwake bulinkugomokelamo, alinkusumuka nakalinga; alinkubabula ukuti bampepo ifyakulya. 56Abene abapapi bake balinkuswiga fiyo, loli Yesu alinkubakanisya ukuti bangambulaga yumo umundu isi sibombigwe.</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Panyuma pali sisisi, po Yesu alinkusyungutila ntwaya utukulumba na ntwaya utunandi, alinkulumbilila nukufumusya Inongwa Inunu isya butwa bwa Kyala; bope nabakalongo na babili balinkuya nagwe, nabakikulu bamo aba babumbulusigwe imbepo inyali nindamwa: Maria uyu ikubilikiligwa Magadalena, uyu syasokilemo imbepo inyali ihano na ibili, na Yohana unka Kuza undindilili gwa Herodi, na Susana, nabangi ba bingi, aba bababombelaga nikyuma kyabo.


Lelo bo ikilundilo ikikulumba kibungene, nabandu aba bafumile nkaya bo bisile kumyake, popapo Yesu alinkubabulila nkifwanikisyo alinkuti, “Isiku limo unsopambeyu alinkubuka kukusopa imbeyu yake. Lelo bo ikusopa, yimo yilinkwakugwa munjila; abandu balinkuyikanya namalundi, ninjumi sya kumwanya silinkusala silinkumala. Iyingi yilinkwakugwa pa lwalabwe, bo yimelile yilinkuma, papo ububundafu bukalipo. Iyingi yilinkwakugwa mmifwa, imifwa gilinkukula pamopene nayo, gilinkwenda nukuyigoga. Iyingi yo yilinkwakugwa pakisu ikinunu, yilinkumela, yilinkupa iseke mia yumo (100).” Bo Yesu ayobile sisisi, alinkukolela alinkuti, “Uyu linga ali nasyo imbulukutu sya kupilikila, yo alipilikaga.”


Popapo abafundigwa bake balinkundalusya balinkuti, “Ikifwanikisyo iki ko kuti fiki?” Umwene alinkubabula alinkuti, “Umwe mupegigwe ukusyagania isya mbutitu isya butwa bwa Kyala; abangi loli bapegigwe mfifwanikisyo, ukuti napa linga bikuketa bangasibonaga, napa linga bikupilika, bangasyaganiaga.


“Ikyene loli ikifwanikisyo kyo iki: Imbeyu lyo isyu lya Kyala. Iya munjila, bo aba bikupilika, kunyuma umohesi ikwisa ikunyaka ilisyu mundumbula syabo, ukuti bangitikaga nukupokigwa. Iyene iya palwalabwe, bo aba bikugelela bapilike, bikulyambilila ilisyu nulusekelo; loli bakaya nimisisi, bikwitika pakabalilo akanandi itolo, nkabalilo ka ngelo bikugwa. Iyene iyi yagwile mmifwa, bo aba bikugelela bapilike, ndwendo lwabo bikusyobigwa nubwikolanie, nubukabi, nisya kwihobosya isya mbumi, popapo iseke syabo sitikukoma. Iyene loli iyi yagwile pakisu ikinunu, bo aba bikupilika ilisyu nindumbula inunu ingolofu, bikulyumilila, nukupa iseke nulumilisyo.


“Nayumo atikukolesyamo inyale nukuyikupikila nikikupikililo, pamo ukuyibika kusi kukitala, loli ikuyibika pakikolelanyale, ukuti aba linga bikwingila balubonege ulumuli lwake. Papo kakayako kamo aka kibilile aka katisakutupuka, kangi nakamo aka kali kubutitu aka katisakumanyigwa nukuya pabwelu. Mwandege lelo mumo mukupilikila, namanga uyu ali nako kamo yo isakupegigwaga; loli uyu akaya nako kamo, yo isakupokigwaga na kako ikwinogona ukuti ali nako.”


Popapo unna gwa Yesu nabamyabo balinkwisa kumyake, loli balinkutoligwa ukwaganila nagwe panongwa ya kilundilo kya bandu. Umwene Yesu yo balinkumbula ukuti, “Unyoko nabamyinu bimile panja, bikulonda ukwaganila nanugwe.” Loli umwene alinkubamula alinkuti, “Yuba nabamyitu bo aba bikulipilika ilisyu lya Kyala nukulikonga.”


Musi gumo mmasiku gala, Yesu alinkwipaka mwiboti pamopene nabafundigwa bake, alinkubabula alinkuti, “Tubuke, twambukege isilya lila lya nyanja.” Popapo balinkuliguta iliboti. Lelo bo bikwenda, Yesu alinkugona utulo. Popapo gulinkwisa umbelo unkulumba panyanja, iliboti lilinkwanda ukwisula amisi, balinkuya mbutolwe fiyo. Popapo balinkwisa kumyake, balinkundembusya balinkuti, “Malafyale, tukwibila.” Umwene alinkulembuka, alinkugukemela umbelo nukusukanika kwa mayiga; popapo gulinkubota, kulinkuya yonjolo itolo. Alinkubabula alinkuti, “Luli kugu ulwitiko lwinu?” Abene balinkutetema nukuswiga, balinkuyobesania balinkuti, “Ywani yuyuyu, uyu ikugulagila umbelo namisi, ifyene fikwenda nukumpilika?”


Popapo Yesu nabafundigwa bake balinkufika nkisu kya baGeraseni, iki kiningene nikya mu Galilai. Lelo bo afyukile pisilya, alinkwaganila numundu yumo uyu afumile nkaya, yo ali nimbepo inyali; amasiku ga mingi akafwalangamo imyenda, akagonangamo na nnyumba, loli mu mmapumba. Lelo bo ambwene Yesu, alinkukuta, alinkugwa nkyeni mmyake, alinkukolela alinkuti, “Tuli buki nanine nanugwe, Yesu gwe Mwana gwa Kyala Unkinde? Nikupyelesya kumyako nikuti, ungafundaga.” Namanga Yesu ayibulile imbepo inyali ukuti yisokemo mmundu yula. Ka kingi itolo yankolaga, balinkumpinya niminyololo kangi nifipingo, balinkundindilila; umwene alinkufilatulania ifi balimpinyile, popapo imbepo inyali yilinkunkagila ndungalangala.
Popapo Yesu alinkundalusya alinkuti, “Gwani ingamu?” Umwene alinkuti, “Ne Kilundilo;” namanga imbepo inyali si nyingi syalingile mmyake. Isyene silinkunsuma, ukuti angasibulaga ukubuka mbwina ubusolofu bwa ngisi.
Lelo gwalipo papo untimo gwa ngulube inyingi, isi batimaga nkyamba; popapo imbepo inyali silinkumpyelesya ukuti asitikisye ukwingila mumo; umwene alinkusitikisya. Popapo imbepo inyali silinkusokamo mmundu yula, silinkwakwingila mungulube; bunobuno untimo gulinkugulutukila kulupanga, gulinkwitaga munyanja, gulinkwibila.
Abene abatimi bo basibwene isi syabonike, balinkubopa, balinkwakusifumusya nkaya akakulumba na ntwaya utunandi. Popapo abandu balinkusoka ukubuka kukuketa isi syabonike, balinkwisa apa alipo Yesu, balinkumwaga umundu uyu imbepo inyali syasokilemo, atugele mmalundi ga Yesu, afwele imyenda, kangi atengene itolo; popapo lulinkubaga ulutende. Abene aba basibwene sisisi, balinkubabula muno ugwa mbepo inyali aponile. Popapo abandu ikisu kyosa aba nkisu kya ba Geraseni, balinkunsuma ukuti asokemo mmyabo, namanga lwabagile ulutende lu lwingi; popapo Yesu alinkwipaka mwiboti, alinkugomoka. Umwene umundu uyu syasokilemo imbepo inyali, alinkumpyelesya Yesu ukuti ayege pamopene nagwe. Loli Yesu alikunsuma alinkuti, “Bukaga kukaya kako, ukapangege sisyo Kyala akubombile,” popapo alinkubuka, alinkwakusifumusya nkaya kosa isi Yesu alimbombile.


Umwene Yesu bo agomwike ukwisa kwisilya ilingi, ikilundilo kya bandu kilinkumwambilila, namanga bosa bangulilaga. Popapo alinkwisa kumyake umundu uyu ali yo Yairo ingamu, uyu ali nkulumba gwa nyumba yakwiputilamo, yo alinkwitaga mmalundi ga Yesu, alinkumpyelesya ukuti isege kunyumba yake; papo umwanake yumoywene ntigi undindwana, uyu ali nifyinja kalongo na fibili, ali pipi ukufwa. Umwene Yesu bo ikubuka, ilalundilo kilinkumfinyilisya.
Lelo alipo unkikulu uyu ali ninyibuko ya ilopa ifyinja kalongo na fibili, (yo amalile ikyuma kyake mbaganga, kusita kuganguligwa numundu yumo;) alinkwisa ukufumila kunyuma, alinkukipalamasya ikipeto kya mwenda gwa Yesu; nakalinga itolo inyibuko ya ilopa yilinkuleka. Umwene Yesu alinkulalusya alinkuti, “Ywani uyu ambalamasisye?” Bosa bo bakanile, popapo Peteri naba bali nagwe balinkuti, “Malafyale, utikuketa ifilundilo ifi fikusyungutile ifi kukulufania nafyo?” Umwene Yesu alinkuti, “Yumo ambalamasisye, namanga nibwene amaka ukusokamo mmyangu.” Lelo bo unkikulu ibwene ukuti akabagila ukwibilila, alinkwisa nukutetema, alinkubunguluka nkyeni mmyake, alinkumpangila nkyeni mbandu inongwa iyi yalimpelile ukumpalamasya; na mumo abumbulukile. Umwene Yesu ali nkumbula alinkuti, “Gwe mwanangu, ulwitiko lwako lukubumbulwisye; bukaga nulutengano.”
Lelo bo Yesu ali pakuyoba sisisi, alinkwisa yumo ugwa nnyumba ya nkulumba gwa nyumba yakwiputilamo, alinkumbula alinkuti, “Umwanako afwile, ungankatasyaga itolo uMmanyisi.” Loli Yesu bo asipilike sisisi, alinkumwamula alinkuti, “Ungayaga nulutende, gwitikege itolo, po isakupokigwaga.” Lelo bo afikile pakaya, alinkusita nukumwitikisya yumo ukwingila nagwe; bene ba ba Peteri na Yohani na Yakobu nugwise gwa mwanike nunna. Bosa itolo balinkundilila nukwikima; loli Yesu alinkubabula alinkuti, “Mungalilaga, buno umwanike akafwa, mma, loli agonile itolo utulo.” Abene balinkunseka fiyo, namanga bamenye ukuti afwile. Loli alinkunkola ikiboko, alinkukolela alinkuti, “Gwe ndindwana, sumuka.” Popapo ubumi bwake bulinkugomokelamo, alinkusumuka nakalinga; alinkubabula ukuti bampepo ifyakulya. Abene abapapi bake balinkuswiga fiyo, loli Yesu alinkubakanisya ukuti bangambulaga yumo umundu isi sibombigwe.

Listen to LUKA 8