Di Nyoo Testiment eena Bileez Kriol

<div class="version vid409 iso6393bzj" data-vid="409" data-iso6393="bzj">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s">Jeezas teech bowt divoas</div><div class="r">(Maak&#160;10:1-12; Look&#160;16:18)</div><div class="p"> 1Wen Jeezas don seh aala dehn ting, ih lef fahn Gyalilee ahn gaahn da di paat a Judeeya weh mi deh kraas di neks said a Jaadn Riva. 2Wahn hoal big krowd a peepl fala ahn, ahn ih heel dehn rait deh.</div><div class="p"> 3Sohn Farisee kohn jos fi tes owt Jeezas. Dehn aks ahn seh, &#8220;Ih gens di Laa fi wahn man divoas ih waif fi eni lee ting?&#8221;</div><div class="p"> 4Jeezas ansa dehn seh, &#8220;Ah shoar unu reed eena di Skripcha how &#8216;Gaad mi mek man ahn uman&#8217;#Jenisiz&#160;1:27. fahn di biginin wen ih mi mek di werl, 5ahn ih mi seh, &#8216;Dat da wai wahn man fi lef ih ma ahn ih pa ahn jain op wid ih waif, ahn di too a dehn wahn bee laik wan persn.&#8217;#Jenisiz&#160;2:24. 6Soh dehn noh wahn bee too nohmoh, bot wan. Soh noh mek nobadi separayt weh Gaad don jain tugeda.&#8221;</div><div class="p"> 7Di Farisee dehn aks Jeezas seh, &#8220;Wel den, da wai Moaziz mi tel wi seh dat wahn man ku gi ih waif wahn divoas paypa ahn den put ahn owt?&#8221;</div><div class="p"> 8Jeezas tel dehn seh, &#8220;Da sayka weh unu haat soh haad mek Moaziz mi alow unu fi divoas unu waif. Bot fos dat da neva how ih mi stan. 9Ah di tel unu, yu ku oanli divoas yu waif ahn marid tu sohnbadi els if yu waif di cheet pahn yu, ahn noh fi no ada els reezn; adawaiz yu di liv eena sin.&#8221;</div><div class="p"> 10Di disaipl dehn seh tu Jeezas, &#8220;Wel, if da soh ih stan bitween wahn man ahn ih waif, den beta yu noh marid non ataal.&#8221;</div><div class="p"> 11Jeezas ansa dehn seh, &#8220;Da noh evribadi ku tek weh Ah di seh, oanli dehn wan weh Gaad help. 12Yu si, dehn ga sohn man weh ku neva geh wahn laydi pregnant kaa dehn baan soh. Den dehn ga sohn neks wan weh stan soh sayka weh ada peepl du tu dehn. Ahn stil sohn ada wan disaid noh fi marid sayka di kingdom a hevn. Enibadi weh ku aksep dis teechin bowt marij, mek dehn aksep it.&#8221;</div><div class="s">Jeezas bles pikni</div><div class="r">(Maak&#160;10:13-16; Look&#160;18:15-17)</div><div class="p"> 13Now sohn peepl bring dehn lee pikni tu Jeezas fi mek ih ku put ih han pahn dehn ahn pray fi dehn. Bot di disaipl dehn taak tu dehn shaap-wan ahn tel dehn noh fi bada ahn.</div><div class="p"> 14Bot Jeezas seh, &#8220;Mek di lee pikni dehn kohn tu mi. Noh stap dehn, kaa peepl weh waahn bee paat a di kingdom a hevn wahn hafu stan jos laik lee pikni.&#8221; 15Soh Jeezas put ih han pahn dehn ahn bles dehn, den ih gaan.</div><div class="s">Wahn rich yong man kohn taak tu Jeezas</div><div class="r">(Maak&#160;10:17-31; Look&#160;18:18-30)</div><div class="p"> 16Den sohnbadi kohn tu ahn, ahn seh, &#8220;Teecha, da weh kaina gud tingz Ah ku du fi geh fi liv wid Gaad fareva?&#8221;</div><div class="p"> 17Jeezas aks ahn seh, &#8220;Da wai yu di aks mi bowt weh gud? Oanli wan persn deh weh gud. If yu waahn liv fareva, den du weh Gaad komanment dehn seh fi du.&#8221;</div><div class="p"> 18Di yong man aks Jeezas seh, &#8220;Wich wan a dehn?&#8221;</div><div class="p">Jeezas seh, &#8220;Wel, &#8216;yu noh fi komit merda, yu noh fi cheet pahn yu hozban er yu waif, yu noh fi teef, yu noh fi tel lai pahn nobadi. 19Yu mos aana yu ma ahn yu pa,&#8217;#Eksodos&#160;20:12-16; Dyooteronomi&#160;5:16-20. ahn &#8216;lov yu nayba sayhn laik how yu lov yuself.&#8217;#Livitikos&#160;19:18.&#8221;</div><div class="p"> 20Di yong man seh, &#8220;Ai di du aala dehn ting deh. Soh wat els Ah hafu du?&#8221;</div><div class="p"> 21Jeezas tel ahn seh, &#8220;If yu waahn bee gud eena Gaad sait, den goh goh sel weh yu ga ahn gi di poa di moni, den yu wahn ga chreja eena hevn. Wen yu don du dat, den yu kohn ahn fala mi.&#8221;</div><div class="p"> 22Wen di yong man yehr dat, ih gaahn fahn deh sad-wan kaa hihn mi doti rich.</div><div class="p"> 23Den Jeezas tel ih disaipl dehn seh, &#8220;Ah di tel unu di chroot, ih haad fi sohnbadi weh rich get eena di kingdom a hevn. 24Ah di seh it agen, ih eeziya fi wahn kyamil paas chroo di aiy a wahn needl dan fi wahn rich man get eena Gaad kingdom.&#8221;</div><div class="p"> 25Wen di disaipl dehn yehr dis, dehn mi oanli shak ahn dehn seh, &#8220;Wel, da hoo ku geh sayv den?&#8221;</div><div class="p"> 26Jeezas luk pahn dehn ahn seh, &#8220;Wid man, ih impasabl. Bot wid Gaad, evriting pasabl.&#8221;</div><div class="p"> 27Den Peeta ansa ahn seh, &#8220;Si, wee lef evriting fi fala yoo. Soh da weh wee wahn get?&#8221;</div><div class="p"> 28Jeezas tel dehn seh, &#8220;Ah di tel unu di chroot, wen Gaad don mek evriting nyoo, di Son a Man#19:28 Son a Man da-mi wahn naym weh Jeezas kaal ihself, ahn dat meen dat hihn da Gaad weh ton wahn man. wahn sidong pahn fi hihn chroan eena aala ih gloari. Den unu weh mi fala mi wahn sidong pahn chroan, di joj di twelv chraib a Izrel. 29Ahn evribadi weh lef hows, er breda, er sista, er pa, er ma, er pikni, er dehn lan sayka fala mee, wahn geh wahn honjrid taim moa, ahn pahn tap a dat, dehn wahn liv wid Gaad fareva. 30Bot eena di werl weh di kohn, lata peepl weh da fos now wahn bee laas, ahn dehn wan weh da laas wahn bee fos.&#8221;</div>
 </div>
 </div>
</div>

Wen Jeezas don seh aala dehn ting, ih lef fahn Gyalilee ahn gaahn da di paat a Judeeya weh mi deh kraas di neks said a Jaadn Riva. Wahn hoal big krowd a peepl fala ahn, ahn ih heel dehn rait deh.
Sohn Farisee kohn jos fi tes owt Jeezas. Dehn aks ahn seh, “Ih gens di Laa fi wahn man divoas ih waif fi eni lee ting?”
Jeezas ansa dehn seh, “Ah shoar unu reed eena di Skripcha how ‘Gaad mi mek man ahn uman’ fahn di biginin wen ih mi mek di werl, ahn ih mi seh, ‘Dat da wai wahn man fi lef ih ma ahn ih pa ahn jain op wid ih waif, ahn di too a dehn wahn bee laik wan persn.’ Soh dehn noh wahn bee too nohmoh, bot wan. Soh noh mek nobadi separayt weh Gaad don jain tugeda.”
Di Farisee dehn aks Jeezas seh, “Wel den, da wai Moaziz mi tel wi seh dat wahn man ku gi ih waif wahn divoas paypa ahn den put ahn owt?”
Jeezas tel dehn seh, “Da sayka weh unu haat soh haad mek Moaziz mi alow unu fi divoas unu waif. Bot fos dat da neva how ih mi stan. Ah di tel unu, yu ku oanli divoas yu waif ahn marid tu sohnbadi els if yu waif di cheet pahn yu, ahn noh fi no ada els reezn; adawaiz yu di liv eena sin.”
Di disaipl dehn seh tu Jeezas, “Wel, if da soh ih stan bitween wahn man ahn ih waif, den beta yu noh marid non ataal.”
Jeezas ansa dehn seh, “Da noh evribadi ku tek weh Ah di seh, oanli dehn wan weh Gaad help. Yu si, dehn ga sohn man weh ku neva geh wahn laydi pregnant kaa dehn baan soh. Den dehn ga sohn neks wan weh stan soh sayka weh ada peepl du tu dehn. Ahn stil sohn ada wan disaid noh fi marid sayka di kingdom a hevn. Enibadi weh ku aksep dis teechin bowt marij, mek dehn aksep it.”


Now sohn peepl bring dehn lee pikni tu Jeezas fi mek ih ku put ih han pahn dehn ahn pray fi dehn. Bot di disaipl dehn taak tu dehn shaap-wan ahn tel dehn noh fi bada ahn.
Bot Jeezas seh, “Mek di lee pikni dehn kohn tu mi. Noh stap dehn, kaa peepl weh waahn bee paat a di kingdom a hevn wahn hafu stan jos laik lee pikni.” Soh Jeezas put ih han pahn dehn ahn bles dehn, den ih gaan.


Den sohnbadi kohn tu ahn, ahn seh, “Teecha, da weh kaina gud tingz Ah ku du fi geh fi liv wid Gaad fareva?”
Jeezas aks ahn seh, “Da wai yu di aks mi bowt weh gud? Oanli wan persn deh weh gud. If yu waahn liv fareva, den du weh Gaad komanment dehn seh fi du.”
Di yong man aks Jeezas seh, “Wich wan a dehn?”
Jeezas seh, “Wel, ‘yu noh fi komit merda, yu noh fi cheet pahn yu hozban er yu waif, yu noh fi teef, yu noh fi tel lai pahn nobadi. Yu mos aana yu ma ahn yu pa,’ ahn ‘lov yu nayba sayhn laik how yu lov yuself.’”
Di yong man seh, “Ai di du aala dehn ting deh. Soh wat els Ah hafu du?”
Jeezas tel ahn seh, “If yu waahn bee gud eena Gaad sait, den goh goh sel weh yu ga ahn gi di poa di moni, den yu wahn ga chreja eena hevn. Wen yu don du dat, den yu kohn ahn fala mi.”
Wen di yong man yehr dat, ih gaahn fahn deh sad-wan kaa hihn mi doti rich.
Den Jeezas tel ih disaipl dehn seh, “Ah di tel unu di chroot, ih haad fi sohnbadi weh rich get eena di kingdom a hevn. Ah di seh it agen, ih eeziya fi wahn kyamil paas chroo di aiy a wahn needl dan fi wahn rich man get eena Gaad kingdom.”
Wen di disaipl dehn yehr dis, dehn mi oanli shak ahn dehn seh, “Wel, da hoo ku geh sayv den?”
Jeezas luk pahn dehn ahn seh, “Wid man, ih impasabl. Bot wid Gaad, evriting pasabl.”
Den Peeta ansa ahn seh, “Si, wee lef evriting fi fala yoo. Soh da weh wee wahn get?”
Jeezas tel dehn seh, “Ah di tel unu di chroot, wen Gaad don mek evriting nyoo, di Son a Man wahn sidong pahn fi hihn chroan eena aala ih gloari. Den unu weh mi fala mi wahn sidong pahn chroan, di joj di twelv chraib a Izrel. Ahn evribadi weh lef hows, er breda, er sista, er pa, er ma, er pikni, er dehn lan sayka fala mee, wahn geh wahn honjrid taim moa, ahn pahn tap a dat, dehn wahn liv wid Gaad fareva. Bot eena di werl weh di kohn, lata peepl weh da fos now wahn bee laas, ahn dehn wan weh da laas wahn bee fos.”

Listen to Machyu 19